#DSESpeaking🌋
👉🏼2017 Candidates’ Performance Report👈🏼
✅a variety of communication strategies
⭐️例如eye contact, 尤其Candidate B同C好易漏咗隔離坐邊邊嘅同學。又例如body lang...
#DSESpeaking🌋
👉🏼2017 Candidates’ Performance Report👈🏼
✅a variety of communication strategies
⭐️例如eye contact, 尤其Candidate B同C好易漏咗隔離坐邊邊嘅同學。又例如body language方面可以係舉新point時遞前一隻手,IR可以用一隻手指、兩隻手指代表講緊point幾。人哋講嘢時,可以喺適當位置(好嘅opinion同examples)點頭同埋稍稍向前傾望講嘢嘅考生以表示有興趣。
-
✅ask questions to candidates who had not had a chance to say anything
⭐️要分清楚同學係唔識用英文表達定一直冇機會講。如果係唔識講而你又有信心佢會肯involve, 可以組織容易理解嘅yes-no question, 但求佢講個”yes”/“no”, 如果佢唔明你講乜,咁你哋個discussion可能就會因為咁而停滯,所以一定要問得好。至於同咗兩個aggressive同學一組而想幫冇機會講嘅同學,可以考慮你發言將近完畢時望向想講冇得講嘅同學問佢意見。唔知你會救唔救到佢,不過一定已經加咗分俾自己。
-
❎stop relying heavily on certain expressions
⭐️“I agree with you”同埋”That’s a good idea.”老是常出現,但你真係agree緊定同人哋講相反都唔知。就算same stance你都要講少少人哋點樣啱你點解buy。如果唔係但你哋同stance可以試吓”Yes, apart from that..., xxxx is also...”
-
❎ speaking at a louder volume to make others stop
⭐️仲記得上年vocabno mock有位同學幾aggressive, 用大聲迫同佢疊聲嘅同學俾佢講,我一額汗咁叫佢唔好,但佢唔信我。🙈其實我想講,我考中文口語都讓咗兩次都有5**,你講多兩句但衰manner而扣分其實都唔抵㗎。
-
❎ avoid mini-presentation
通常呢類人都係寫爆notecard冇eye-contact 唔洗多講了
-
❎limited range of vocabulary used+grammar mistakes
⭐️考試緊張,到最後淨係記得最常用嘅字係非常正常,可以喺preperation時寫低你會用得著嘅字。至於agreement, verb forms, double comparatives, tenses, parts of speech, pronouns, presoositions等你哋成日錯嘅都可以喺note card寫低佢畫低最常錯嘅部份(-s, -ed)提自己。
-
Source: HKEAA
//
想了解多讀其他speaking areas就like啦!少like就share第二樣。HAHA
#Vocabno #English #DSE #18DSE #2018DSE #19DSE #2019DSE #Reading #Writing #Speaking #Wordoftheday #Vocabulary #Expression #Phrase #HKDSE #LiberalStudies #通識 #LS #Dsetips #Linguistics #語言學 #Morphology#英文考試系列
louder相反 在 Facebook 的最佳貼文
有時候,沉默是最具力量的!
沉默,並不是消極,相反的,在你沉默的同時,
你有更多的時間思考、做準備,
當你付諸行動時,就是展現力量的時候喔!
別忘了:Action speaks louder than words!
#逆毛小莉
louder相反 在 逆毛小莉 Nellie Facebook 的最讚貼文
有時候,沉默是最具力量的!
沉默,並不是消極,相反的,在你沉默的同時,
你有更多的時間思考、做準備,
當你付諸行動時,就是展現力量的時候喔!
別忘了:Action speaks louder than words!
#逆毛小莉
louder相反 在 君子馬蘭頭 - Ivan Li 李聲揚 Facebook 的最佳解答
[60萬電單車位]在台灣買層樓都得了!
1. 開頭見到呢單新聞,我就同埃汾太講,60萬在台灣買層樓都得了!當然唔係台北。你在台東花蓮甚麼就肯定得。
2. 後來諗下,都唔使咁極端。上次咪貼過咯(https://bit.ly/2B5Gqyw)。宜蘭,南方澳,80萬港紙,1200尺。我懷疑你再講價都仲得。唔使去到台東花蓮咁誇張。
3. 但,係咪有可比性?其實冇乜。唔係完全冇,但並不好大。又係嗰句,存在即合理(雖然不能用得太濫)。
4. 我成日會講一句,有啲人聽到覺得好挑釁。但凡親人地講,邊度點好點好,邊度嘅樓點平點平,我都係一句:咁好你唔搬去住?
5. 咁在台灣嘅case,in case 有人唔知,埃汾完全透明。埃汾六七年前已經搞投資移民去台灣,埃汾太已經拎咗台灣護照,已回港。埃汾自己就未係公民。當地亦都冇買樓。但的確有打算有機會去嗰邊長住。
6. 當然,永遠係兩手準備,同埋我幾時建議大家嘅,分散。而家公司工作我相當滿意,咁當然唔會忽然走咗去。相反,上一份工我係裸辭嘅(其實半裸),原本諗住若果真係touch wood搞幾年都搵唔到滿意嘅工作,係可能搬走的。但後來有咗而家呢個工作。
7. 將來點,唔知。可能聽日我就畀人炒魷呢?邊有保證。只能講呢一刻我冇特別想離開香港。但,我亦唔係不能離開香港。可能十幾廿年前,會覺得好留戀,而家係冇乜的。原因好多,不一一細解,但未必係你估嘅嗰啲。
8. 所以我並不一定要搬去台灣,但呢個肯定係可行選擇之一。咩叫可行?咁我講下咩叫唔可行。即係你見周圍都有啲咩塞浦路斯呀保加利亞咁,但,真係搬過去住咩,我想像不能。保加利亞我去過,過癮架,但旅行同去住,兩回事咯。
9. 以我一個咁煩又咁懶嘅人,其實可以劃走絶大多數地方。唔識語言嘅,已經可以刪晒。咁即係剩返英語國家,同埋台灣新加坡馬來西亞—總唔會搬去大陸或澳門掛。
10. 英語國家嘛,埃汾在英國讀Master,之後做嘢去過幾次,但從來唔係特別鍾意。澳洲嘛,去過,埃汾在嗰度結婚,OK鍾意的,但,哪有錢?同樣地,美國加拿大,都係,哪有錢?門檻高。新加坡亦都係,哪有錢?
11. 咁所以,門檻低,又真係覺得住得到嘅,台灣,馬來西亞。但馬來西亞自然是你懂的,費事冒犯讀者,但你懂的,特別係其實我過好撚多次馬來西亞,多過台灣添,以前公司畀馬拉佬買咗嘛。況且,其實你入唔到藉。
12. 所以,台灣咯,by elimination.同好多人想像中唔同,我並不是特別鍾意台灣,至少埃汾太未去之前我唔多鍾意,實在係有點土。但,首先係平,這很重要。門檻低,又係好重要。仲有近返香港,都重要。仲有大約啲生活飲食睇書睇戲都相近,又重要。語言都還可以,又重要。
13. 最最重要係乜?最重要係,埃汾太之前去住過一年幾(租屋啦,冇買)。咁我其實兩三個星期就過去一次,有時請一日兩日假,有時就到紅日,有時就咁星期五放工去星期一朝早返。
14. 重點係,住落,係舒服的。講乜都假,如人飲水,冷暖自知。人地講到點好,但你覺得地獄,冇用的,反之亦然。對鞋自己著落咪知。咁我雖然都唔係長居,但你計下我都去咗好多次,唔只係完全遊客。當然,仲有埃汾太住落都幾開心,都係緊要的。
15. 唔好意思,離晒題。但其實呢篇文唔係講移民台灣,有機會可以再寫。
16. 我反而係想講,香港。講到尾,有人香港咁差,你又唔走?呢句可以係我問你,亦可以係你串我。
17. 作為一個偽經濟人,我幾時都信身體最誠實,actions speak louder.
18. 再講一次,同好多香港人唔同。我並不特別鍾意香港,我甚至幾討厭香港同香港人(否則唔會搞移民)。但掉轉,我亦唔會覺得佢一無是處。否則我搬咗去台灣啦。
19. 至少兩樣嘢。其實可能係一樣嘢。第一,錢。第二,都係錢。
20. 先講第一,香港人工高,稅低。基本上已講完。金融業反差更大。香港金融業發達(唔係真係做到發達,明啦),台灣金融就唔係強勢行業。唔怕開名,講我嘅舊同事(算係)兼舊朋友(其實已冇來往),自己睇文(https://bit.ly/2XH8m3h)。篇文講台灣反服貿,但重點係我朋友,台灣女仔,靚女,叻女,台大財金系尖子。當年(2014)年薪已過百萬,梗係港紙,而我相信已經係低過佢之前嘅工作(嫁咗人)。正如佢所講,喂,返台灣?唔係唔想,但四份一人工都拎唔到。就係咁大劑。
21. 實不相瞞,埃汾都在台資公司打過工,咁因為我在香港,佢地畀嘅人工當然係香港水平(否則搵鬼同你做),我十分滿意。但想講,我當然一路搵機會睇下有冇得relocate,其實如果有一半人工,我都應該去咗。正如我在星展時,佢地都有台北分壇,我都係一樣,有一半人工我應該就去咗。不過冇成事。
22. 咁所以,去到台灣做乜好?就梗係乜都唔做。炒股票好(其實好難),食息好(還可以),香港層樓放租又好(好多人咁做),收費專欄又好(靠你地了!認真的!) —總之,就不能在台灣打工,會死人的!事實我識嘅台灣港人,絶少會在嗰邊打工。一係就退休過去,或者香港有樓收租,或者接香港飛爛屎收返香港價錢。
23. 一係呢,咪後生仔,可能去開間舖,茶餐廳呀咖啡店民宿呀之類。但,首先我唔係鍾意做生意嘅人(明顯地)。第二,喂咁咪好唔得閒?邊有時間寫文睇書睇戲。第三,大佬,就係唔想對住香港人嘛!到時開間民宿又對住啲港人?咪成件事錯晒。
24. 所以重點,真係唔好在台灣打工,會死人的。你香港人拎開咁嘅人工,一定唔慣。你唔會為咗拎八千蚊人工日日同人迫捷運返工的。
25. 其實都未講,之前咩阿嬌離婚,都同呢樣嘢有關。玩香港明星?賴生玩唔起咯,真係大家唔同層次。有機會再寫。
26. 講埋第二。香港除咗人工高,仲有樣嘢,就係生活。真係聲色犬馬,紙醉金迷。
27. 首先要講好重要嘅嘢,香港係人工高洗費高,台灣係人工低洗費低—但,世界上宜居嘅地方(任你點定,但對我嚟講,人人想去咪宜居,咁你鍾意去索馬里捉魚都得嘅),基本上全部都係人工高洗費高,唔會係人工低洗費低。點解?因為好多嘢,係「劃一價」。你台灣買部iPhone 唔會平過香港,你在台灣訂Economist 唔會平過香港,你住台灣去日本食米芝蓮三星人地唔會平畀你。
28. 咁同埋,如果係中級中產或以上嘅,在香港,真係幾好。埃汾作為一個相當怕悶嘅人,都好似寫過,其實我覺得呢,台灣北北桃以外,全部都係鄉下!係!高雄都係鄉下!台中都係!呢句畀台灣人聽到一定鬧,話你天龍國。但,用香港人標準嘛。咁當然有人鍾意歸園田居,OK的,自己擇,但我唔係咁嘅人
29. 我要方便嘛。唔怕公開,台北租屋時,我同埃汾太,住在中山區(唔知在邊?自己上網搵),德惠街,雙城街夜市附近。冇錯,正係半夜可以落去食嘢,附近多嘢食,捷運站行十分鐘左右(「其實我都覺得有啲遠!」)。
30. 當然,當時租屋都有啲倉卒(*),如果畀我揀多次,會仲留意多兩樣嘢。第一,書店,最好就誠品(我就係咁膚淺,當然台灣有啲其他書店都不錯)。
31. 第二,戲院。但其實都還好,當其時我好鍾意在「欣欣秀泰」睇戲,因為好多間院,仲要有午夜場甚至子夜場(新一代唔知係乜了)。睇完,如果冇落雨,我就行返德惠街—唔係慳錢,台灣的士出名平,而係我鍾意行。
32. 講到離晒題。但香港,有很多唔好嘅地方。但你見都仲係好多人爭住嚟(包括華界嘅十幾萬萬同胞),總有原因。都係嗰句。人工高,搵錢易,而且方便。成日講外國負擔比率點低—咁你本身都冇乜錢冇得揀就冇得講,但你見比較有錢嘅,係咪個個走晒去?唔係。咁就用腳投票啦
33. 又長,又亂,又離題。不過以往經驗呢,呢啲文多數就多人睇。
34. 最尾返返所謂正題,你就梗係覺得60萬蚊個電單車位痴線啦,租金回報1厘幾,80年先收得返成本。但,幫你間埋啦,個複式戶4000萬,你覺得畀得起4000萬買嘅人,會介意個電單車位幾多厘回報?正如你朋友畀幾千蚊去食米芝蓮,唔通你去笑佢做乜兩舊水開支意大利星星水?
35. 鍾意嘅,我可以寫多啲台灣移民嘢。或者寫多啲「冇咁金融」嘅嘢。例如補習天王呀,PTGF等等。其實我冇乜所謂,不過如果成日都「冇咁金融」,我唔知你地會將我點label.「喂嗰條友寫啲嘢幾過癮架」「佢寫乜的?」「咩都寫架!」「即係乜?」
36. 所以好廢講句:香港好好?我唔覺得有乜咁好。但香港好差?我又唔覺得真係咁差。幾時都係自己最清楚,talk is cheap
(*)其實當時房東唔係好想租畀我地,並唔係特別歧視香港人,而係佢地唔想租畀外地人。解決方法?好簡單,錢解決唔到,更多錢就解決到。我一次交咗半年租,佢就十分開心租畀我。佢無非都係怕我欠租啫。
———————
版務:收費專欄已減價。支持埃汾高質文章。
一星期三篇,$175睇到6月22號,加埋過去兩個幾月所有文章。
請去呢度訂:bit.ly/2wVXndj
課程編號填: CC01
報完會有email通知,繳費後有Login及Password
逢一三五入去 homebloggerhk.com (入到去就睇到《事先張揚》)
亦睇得返以前嘅文。一般我都係會黃昏出文嘅。