［滬深300上試緊阻力位］當然唔止睇圖，仲有人民銀行放水，同埋發電量預示經濟繼續回穩。留意返華夏嘅7272，正向兩倍槓杆ETF。

南早：Markets rise after PBOC injects US$100 billion into banking system（https://bit.ly/3kWcAin）

上次同大家推過下A股短炒（槓杆ETF當然短炒，好重要講十次）（https://fbook.cc/3EAk），結果都真係升。

咁當然，市嘅嘢唔係跌就升，況且一般係升多過跌。但，上次篇文講大陸有空間行寬鬆政策嘛。結果真係行喎，原因都中埋，就算係好啲啦可？

比多個好消息：內地日發電量連創新高

咁固然，部份係因為熱啦。但亦唔多唔少反映到經濟。中國數據嘅嘢，固然好多水份。但呢啲人人都知，冇好可靠嘅數據，其實分析員就會用其他數據。而家咩年代？冇得呃得太離譜的，除非你好似北韓咁鎖國。所以唔好一句「中國啲數就係假」，就覺得經濟冇復蘇。咁樣投資輸死都未掂。

好簡單，有啲數據好難呃。飛機載客啦，道路塞唔塞啦，餐廳訂枱啦，戲院有冇人啦。如果進出口嘅，睇對家貿易數據咪睇到，邊有得作？小小差別可能有，但總冇可能我話出口咗3000億去韓國，但韓國果邊話只係進口3億。

同樣地，發電量係比較難造假嘅，所以唔少人會睇。咁發電量高，除咗熱，都真係見到經濟復蘇。

拿，教多你樣嘢（雖然行家十幾年前已知，你慢過人地十幾年，但唔緊要，唔使快過隻熊，快過你朋友就得）：李克強指數（https://bit.ly/3kVi655）

首先，「原來李克強玩咗十幾年」。另外，李克強自己都同外媒講，中國啲數據呢，有啲水份，所以佢自己就睇其他嘢。呢個指數有 Economist 等等加持，咁你覺得你醒過人地，be my guest

李克強指數就睇 耗電量，鐵路貨運，同埋銀行貸款咯。

當然啦，而家玩咗十幾年，都開始少人講呢啲嘢。但知多啲冇壞，而反正發電量真係一個幾好嘅指標。

講到尾，點炒？睇圖（＊）。我就唔係好信呢啲技術分析嘢，但你信就得。滬深300係試緊呢個阻力位嘅，睇下突唔突破到。

咁當然介紹返，華夏嘅7272，正向兩倍。記住我個圖係滬深300，呢隻槓杆ETF都係滬深300，唔好搞錯咗上證指數。咁當然了，睇淡，覺得以上我講一派胡言，啲數全部假，好快股災嘅，華夏反向ETF 7373，個市跌你咪贏錢。

都係要講多次，只供短炒。長渣必定跟唔足。

（＊）圖：Daily Shot（https://bit.ly/2Q06wr1）．真心推介大家訂，我零回佣的，只係好嘢分享。好似一舊水美金一年。又，技術分析呢啲我唔多信。但唔緊要，你信就得。況且我可能錯嘛。幾時都記住諗呢樣嘢：「如果你/我錯呢？」。Downside protection。

———————————————————
Ivan Patreon 狼耳街華人，一個星期至少三篇，一個月一舊水唔使，一星期已近400人訂，仲有兩篇免費試睇：https://bit.ly/31QmYj7

————————————————————————————————
最新收費影片：點解買金？點樣買金？點解港紙好快會下試7.85？咩公司20年冇減過派息？仲有咩疫情受惠公司少人講？

簡介及以前嘅片（未睇可訂）：https://bit.ly/3iYMD0F
報名嘅，課程編號CC007：https://bit.ly/3ahugA3
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
內容:
*美元弱勢，港紙將更弱勢
*紙將將由7.75趺落7.85
*買黃金:美元受壓銀紙亂印
*買黃金的四個實戰方法
*另類疫情受惠股
本星期內特惠售價: $80
課程編號：CC007
觀看期限：首次播放後一星期及限每影片４次
客服whatsapp: 63832145

［女讀者請食飯系列］最後一戰，我選擇了佢（其實係佢選擇了我）。守法好公民，笠返個罩先影相。聽聞此人係收視保證。大家記得支持華夏滬深300 ETF 7272（兩倍正向）同7373（反向）。佢請我食飯當然賣返廣告。

又其實仲有少女intern，做得我個女，下次貼。

又有人話，成日都係呢個，有冇新意？其實好多讀者請我食飯。不過男嘅大家冇興趣睇，女嘅又怕醜未必想出鏡。唔好以為得一個

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145

［A股從此可渣可沽］有正向兩倍，有反向。睇好睇淡都有得玩。

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

TL：DR – 華夏ETF新東西，可以玩A股。睇升睇跌都得。7272 就正向兩倍槓杆，7373就反向一倍冇槓杆。留意返係滬深300指數，唔係上證。每手100單位，應該800蚊左右，入場費夠晒平。

1. 介紹返，新嘢。波動市時可以諗下。真的，啱晒啲賭鬼（我冇話我係，但你係）。賭A股，反向，或者正向2倍。平日個個話大陸爆煲嘅，有得畀你發達了。同樣地，覺得A股有排升嘅，有得畀你證明自己。唔好得個講字。不過留意返，係滬深300指數，唔係上證，唔係A50。陣間解有乜分別。

2. 我覺得今次最正，係個冧把！易記！實不相瞞，以前好多產品啲冧把我都唔記得。如果睇過我做電視直播嘅（好耐冇玩了），都知好多冧把我都唔記得。有人以為分析員／財演就實好熟冧把，本人例外。亦有人以為數學叻就記冧把叻，本人亦係例外。

3. 今次個冧把好記！7272就正向兩倍（有個2字！），7373就反向一倍（冇槓杆，你知中文”一倍”有歧義）。好易記。留意返，係滬深300指數，唔係上證，唔係A50。

4. A股經常都畀人話只可以買升唔可以買跌。實情唔完全係（融券嘛），而非常時期亦唔少股市禁沽空（https://fbook.cc/3Cxr），有啲（韓國）到而家仲禁緊。香港反而冇禁，然後又有人話做提款機，真係好難服侍。Anyway，非重點。

5. 況且，亦唔係冇得買跌就唔會跌，更唔係「有人」頂住就唔會跌。否則A股就唔會咁多年得個拮啦，對不？我以為呢啲係常識。

6. 無論如何，想睇淡獲利嘅，機會嚟啦飛雲。當然對祖國有信心，仲嫌A股波幅都唔夠勁嘅（真係有啲咁嘅人架，記唔記得以前講Nasdaq 100 都有人嫌郁得慢？），亦都可以玩大兩倍。當然輸錢亦係兩倍啦。

7. 我？我就唔關事嘅。只係我同華夏基金相熟，介紹下佢地產品。就唔好問我聽日會升定跌，咁多年都係叫你中長線，但當然好多人唔啱聽。你堅持要賭嘅，介紹返工具畀你咁解。

8. 講返，例牌要講。呢類反向同槓杆產品，當然係唔適合長渣。反向又好，兩倍又好，都只係講即日。你就唔好拎幾個月嘅回報話人呃你錢了。發行人都大字講明話係短炒的。識字架可？

9. 事實華夏亦都做咗個圖（https://bit.ly/3f6pCpj），做咗6月29日至7月7日（都話只係短期，其實呢個期已經長）。滬深300（留意返，唔係上證）升咗15.3%，正向兩倍嘅7272，升32.3%，跟得好足下。反向嘅7373就跌13.7%，跟唔晒。點解跟唔足。頭先講咗，其實係for你每日玩，唔係玩咁多日。另外當然亦有管理費（1%）。 不過你話，喂，隻嘢未面世架喎！冇錯，係模擬表現。咁堅持想睇定啲先嘅，亦可以。

10. 講返，7272就正向兩倍，7373就反向一倍（冇槓杆，你知中文”一倍”有歧義）。但同咩指數比？係滬深300指數，CSI300，又叫SHSZ300。唔同上證指數，亦唔同上A指數，更加唔同A50。

11. 邊個指數好？答你唔到。你贏錢咪好，「咁可能你買跌呢」。所以問錯問題。但可以客觀答到你嘅係，滬深300，年初至今（計到上星期五收市）升10.0%，上證就年初至今升4.8%。當然呢個不等於之後都會係。

12. 至於兩個指數有乜分別？自己上網睇。中證指數公司個網還可以。上證指數，呢度（https://bit.ly/2OUQdeF），滬深300，呢度（https://bit.ly/3g0W0LC）

13. 留意到一個分別，就係睇下十大權重股。滬深300係平保，茅台，五糧液，招行，恒瑞醫藥，美的，格力，中信證券，立訊精密，伊利。上證呢？係茅台，工行，農行，平保，中國人壽，中石油，招行，中行，恒瑞醫藥，海天味業。明顯見到，上證係多啲”舊經濟” 嘅巨無霸國企。但邊樣好邊樣唔好，就你自己判斷了。

14. 仲有最後介紹返，買賣單位100個。一手應該800蚊左右。另外，管理費係1%
15. 100單位。

16. 最後一提，「香港同上海深圳係冇時差嘅」（＊）。之前唔少講Nasdaq 100跟唔足呀人升佢跌呀咩之類，好多係因為兩地開市收市，時差，仲有期貨嘅問題。今次呢兩隻就冇呢個問題。但都係留意返，香港深圳上海嘅交易時間，係唔同的。

17. 之後會寫多啲A股，幫下朋友咁解。睇升睇跌就隨便你。

想睇更多嘅：
中證指數網址（https://bit.ly/3jKid2u）
華夏基金（https://bit.ly/3f6pCpj）
7272章程 （https://bit.ly/301coWL）
7373章程（https://bit.ly/2OX82JR）

（＊）少年你太年輕。埃汾細個背字典（其實我係睇後面啲附錄，好多古怪嘢）時，中國係仲有五個時區的！當然係因為嗰本係國賊辭典，係寫偽中華人民文和國嘅。但無論如何，即使係中華民國論述都好，當年香港深圳上海都仲係同一個時區，叫做中原時區。其他時區？唔係美聯時區，利嘉閣時區，港置時區，浩亨時區（我居然數到五間！）。而係隴蜀（正所謂得隴望蜀），新藏，崑崙，同長白。

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145