［今日寫啲乜］話咁快一個月又過去，話五窮sell in May，但美股表現並不特別差，算係平收。本人組合甚至略為跑贏大市添（但冇乜特別）。冇錯當中經歷過「幣災」，但因為買得少，唔算大影響。可以繼續have fun stay poor

更重要嘅係，長實1113忽然開車。咁有乜消息？冇乜的，就係完成咗個回購（唔係在市場掃，係出tender畀你填form畀貨佢，然後你可以收返錢）。咁，收晒貨咪開車，好合理。但，其實開車個動力在邊？唔知

不過更重要嘅係，你可以睇下個股價，即時就同你升穿51蚊。51蚊係乜？正係佢同你回購嘅價。3月嗰時我Patreon白紙黑字寫明（Patreon有埋圖），叫你唔好沽畀佢 —好簡單，佢用51蚊同你買嘅嘢，點會只係值51蚊？

另外嘅，之前都寫過Nvidia，固然又畀啲網友話我唔識科技。但真係搞笑，我由頭到尾都話自己唔識—但使乜識？你所謂識又有幾識？砌機佬車房仔發達未？我唔識使，我識買就得，Patreon早早提咗。早排出完業績，股價又新高了。但之前都沉咗一大輪的，根本邊有得不停四十五度角咁上？況且，就算四十五度角咁上，你又會話升咗好多啫。

講到四十五度角咁上嘅，愛馬士同LVMH就真係算係啦。拿，我又使唔使識LVMH賣乜袋愛馬士又賣乜袋？你去搵條港女做分析員丫（事實亦唔少）。都有讀者話日日貼呢啲悶—但，就係悶悶地好，日日創新高，我又買咗，唔悶喎！然後居然有人話貼呢啲冇用，我就有啲勞氣啦。咁你想點撚樣？真的，你想點撚樣？因為總有啲人問有乜好買，咁同佢講返之前咩Black Rock ASML （係喎我唔識光刻機添，但你有冇早過我買？）又話升咗好多，以前講過，有冇新野？劉備咩，邊得嚟咁多新野。咁而家畀埋你啦，一個月前咋喎，我買嗰時Patreon貼埋出嚟，兩隻嘢至少升咗10%，美股就持平，港股好似仲要跌，仲想點？定你又問我「有冇啲未升嘅？」。咁咪又返返去起點咯。咁點解寫嗰時你又唔買？你覺得我可以每一日諗隻嘢畀你，然後未升嘅，然後你買落完就兩日升四成咁？最好你沽完即時爆煲呀可？

正面啲，講返每日一圖。第一個我都成日講，美股雖然長升長有，但計1日嘅，升嘅機會只係52%。渣到一個月呢？60%。三年呢？80%。但硬係好多人鍾意趕住投胎，斷送自己先天優勢，邊有咁笨？

第二圖，好簡單，美國企業好多錢。我指嘅唔係盈利，係現水。點解咁多錢？你話呢？留意即使2008年都冇忽然多咗咁多錢。咁啲錢之後會做乜？就係做回購。你冇奇怪過，點解蘋果啲盈利明明原地踏步，但earnings per share可以係咁升？
Good read 兩篇，第一篇講Lemonade，保險初創（上埋市了）。早排推出個AI索償，你拎賠償要影相同拍片，佢仲話會用AI分析到詐騙，叻過其他傳統公司。咁就畀人狂鬧啦，話會用膚色口音等等歧視。公司結果刪post，出文強調返話唔會用AI拒絶賠錢，當初大家誤會。但我係唔信的，因為公司都係堅持要你影相拍片，咁唔係拎嚟AI分析，可以有乜用？篇文幾有趣的

第二篇，仲簡單，Buy now Pay Later，「外國而家幾興」。「即係好似香港信用卡分期咁」。然後啲初創改個鳩名又話FinTech，installment as a service（我作的）。篇文同你睇返，到底啲人用嚟買乜？點解用Buy now Pay Later（係窮呀 DLKH）？咩年紀用得最多（答案係年輕人，你可以估下點解）

睇到呢度嘅，唔使等下個月先join了，月尾（即日起計）加入嘅，我退返一個月月費畀你。即係你免費睇幾日

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

又係趁低吸納嘅朋友仔！

【美股分析】一隻增長勁但有隱憂的電商股！
https://bit.ly/3upUNUq

👍秒投小編— 高sir 尋日(9/2）喺聊天室提及一隻嘅Lemonade(LMND.US) 兩日最高升超10%🚀，個個會員都食飽晒好滿足呀🥳
.
🔥如果你想知佢嚟緊仲有咩部署同操作？立即下載秒投APP免費試用佢嘅聊天室三日啦🤩
.
⭐聊天室免費試用3日：https://link.stockviva.com/oeIL8Fd322
.
立即跟高Sir轉IB炒美股(港股同世界各國股票，期貨👍，免費串流報價等緊你：https://bit.ly/3mXXZn2
.
⚠️注意：高Sir僅在 "秒投App" 及其網站內開設聊天室，高Sir並沒有與其他網站，或以外的平台，開設過任何通訊群組，亦沒有任何所謂的「私人whatsapp 群組」「Telegram 群組」等等，為保障大家利益，切勿加入任何類似群組。
.
#高俊權 #旅遊投資達人 #LMND #秒投聊天室 #秒投StockViva #港股 #美股 #高Sir #炒股