【律政新人王｜#毒樹果實理論】 法律最講求證據，不過假設第一次係非法途徑取得嘅線索，再之後用合法嘅方法取得證據，又可唔可以用呢？喺美國就有「毒樹果實理論」去形容呢種情況啦。 . 毒樹果實理論 (Fruit of the poisonous tree) 係美國嘅法律隱喻，源於1920年Silverthrone Lumber Co. v. U.S. 嘅案件，去講述關於非法途徑衍生證據嘅情況。隱喻嘅意思係，當一棵樹受到污染嘅時候，樹上嘅所有果實自然都會受到污染，唔能夠食用，以原始証據隱喻「毒樹」，衍生証據隱喻「毒果」。所以，就算非法所取得嘅證據可以扭轉裁判結果都好，喺訴訟審理嘅過程中都唔會被採納。 . 舉個簡單嘅例子，警察對被告嚴刑逼供，由於犯法，警方從被告口所套出嘅任何訊息都唔可以作為證據。咁如果嚴刑逼供咁問到兇器嘅位置，再用合法途徑搜索兇器，咁兇器又可唔可以成為證物呢？答案都係唔得，因為生喺毒樹上嘅果實都係有毒嘛！ . 不過毒樹果實理論係都有例外嘅情況存在，就係以下呢4種： 1.獨立來源 (Independent Source): 除咗非法途徑取得嘅線索，原本就有另一條獨立來源嘅線索，去合法取得證據 2.必然發現 (Inevitable Discovery): 本來就一定會被發現 3.稀釋原則 (Purged Taint Exception): 喺第一次違法取得證據後，第二次合法取得證據前，因其他因素介入而稀釋咗第一次嘅違法性，如間隔時間嘅長短、中斷事實嘅發生、取證事實嘅發生同衍生證據的性質等因素在內 4.善意例外 (Good-Faith Exception): 搜查令可能被認為無效，但法院認定行為為合理合法 . 雖然喺香港唔適用毒樹果實理論，不過記住，以不當手段取得證物，例如擅自登入其他人嘅手提或者電腦取得資料，都可能導致證物無效，不獲法庭接納架。 . #Beginneros #冷知識 #Fruitofpoisonoustree #legality #Law ------------------ ◆ 每日分享知識、每月提供課程 ◆ Beginneros網站：https://www.beginneros.com/ ◆ Youtube：https://goo.gl/OEJrGt ◆ 冷知識投稿：http://goo.gl/zEYS3q