「你一個四十幾歲嘅男人咁唔成熟，行到呢一步先同我講話唔去Final Interview，你知唔知我幫你安排咗幾多？你其實有冇心想轉工？你覺得自己有冇問題？你都知道你自己幾難搵工，而家有好機會你唔好好把握？你係咪男人？垃圾！」

因為Candidate WhatsApp 封鎖了Joanne，又唔肯聽佢電話，Joanne無可奈何地只好利用電話訊息去作出最後的呼喊。

一個非常之罕有嘅職位，配搭一個全香港少於五十個的求職者，加上疫情影響，造就了今次咁瘋狂的、咁無厘頭的甩單。

客戶係Joanne的大客，一間本地上市公司，好難得可以有一個Exclusive職位開俾佢做，又好難得搵到一個好適合嘅求職者。經過三輪面試之後，其實第四輪Final Interview已經係一件「做吓門面」的Final Interview，事實上，HR已經和Line Manager溝通好，如無意外，Final Interview當日已經可以出到Offer。雖知道呢張單價值$300,000，係呢個時勢特別顯得矜貴，淨係Commission都可以有六位數字，所以，Joanne用咗好多好多心機係這張單上面。

求職者方面，叫Raymond，年約45歲，有20年工作經驗，20年之內做了10份工作，最近三份都係短期合約，自己心裏面非常想找一份穩定的工作，入大公司，轉返做長期合約。其實如果照住履歷表咁樣睇，任何一間公司都比較難考慮，因為太Jumpy。但係，基於依個職位實在太難搵人，尋找了超過一年以上，加上Joanne極力推薦，所以客戶都盡力去推。因為疫情關係，所以面試都要在家中進行，經過三輪Zoom面試之後，最後一輪選擇用電話和CEO交談。

呢個時候，問題來了，原來Raymond一直都未有填Application form(職位申請表格)，一般情況，求職者都會係第一輪面試當日已經要填好。因為疫情問題，填form變得唔係最迫切，通常HR都會要求後補。係依個個案入邊，HR曾經多次提出要補返職位申請表格，Joanne亦都三番四次要求Raymond盡快填好，可是一直都未有收到，因為其實「只係一張職位申請表格」，所以都未有太過為意。

係最後面試三個小時之前，Joanne打俾Raymond。

Joanne：「Raymond，下晝就係Final Interview，準備成點呀？同埋之前叫你填嗰份表格今日可以比到我嗎？HR又再繼續催我Send俾佢。」

Raymond：「OK啦，呢幾日都好忙，冇咩點樣去準備。份表格未有時間填，同埋我冇Printer，印唔到出嚟，唔填表格得唔得？」

Joanne：「吓，如果你冇printer，點解之前你一直唔講，同埋又唔同我講，其實我可以幫你印出嚟，因為真係要交俾佢哋，請問你今日方便嗎？或者公司附近有冇文具舖可以幫手印同埋Scan？」

Raymond：「今日真係好忙，同埋公司附近有文具舖，但係上次問過都幾貴，唔想嘥錢。」

Joanne：「咁不如我印出嚟，直接約你出嚟拎俾你，你抽幾分鐘幫我填埋，跟住我幫你send返比個客可以嗎？」

Raymond：「今日真係行唔開。」

Joanne：「咁樣我幫你填，你轉頭將啲資料俾我可以嗎？我等你收工，你可以補番個簽名，跟住我聽朝幫你send出去。」

Raymond：「其實咁麻煩，不如算啦！都唔明做乜要填form！算啦！我唔應徵呢一個role喇，唔好意思，你幫我withdraw啦，拜拜！」之後便cut了線。

Joanne諗住打返俾Raymond，已經被佢block了，張到咗嘴邊嘅單就係咁白白溜走，好似望住啲錢跌咗落海咁樣嘅感覺。Joanne心入面十萬個粗口，好想親自上Raymond公司俾張Form佢同事轉交俾佢。
心諗：「如果張表格可以係電子版就好，唔使咁麻煩！無啦啦因為張表格少咗咁多Commission。」

在 2021 年的今天，愈來愈多傳統的 forms 已經被電子化，大公司的Application Form 亦採用 online submission 的形式，或者直接以 online application 所取替。不過，其實諗深一層，求職者都好有問題，如果真係想轉工點解唔肯盡量配合去填一份表格？Joanne又真係唔好彩，撞正疫情真係要Online做面試，雖知道而家唔係個個屋企都有部Printer同Scanner。至於Raymond，被Joanne的獵頭公司落入黑名單就梗㗎啦，Joanne仲未決定點樣同客戶交代：如果好人嘅話，就會同客戶講佢有新嘅Offer；如果衰啲嘅話，就直接同客戶講依個咁特別嘅原因，根據客戶的內部指引，這種求職者會被落入黑名單，唔單止間公司甚至附屬的子公司亦會收到。

呢件事其實雙方都有錯，Joanne太大安旨意；Raymond又真係唔係咁注重客戶嘅政策，白白浪費了一個令到佢履歷表洗底嘅機會。

🔎歡迎follow我MeWe & IG: Fulltimeheadhunter

沒有最好，只有更好？

工作像極了愛情。經常都有 candidate 向我力數現任 (現職工作) 的不是，包括但不限於老闆對他不公平、工作環境是非又多、職責又千篇一律、又無晉升空間等等。

上星期，我介紹Lily一份合適她的工作，人工都有 18% 的增幅，以為佢滿心歡喜去簽 offer。怎料，她跟我說：「久保，其實面前呢個 role 值唔值得我出軌 (轉工)？我總覺得我會搵到更好 (I deserve better) 的。」有自信固然是好事，但知足的心態更為重要。

正如歌詞「害怕今天挑選這人，轉角有個某君，送贈更動魄的熱吻」，天知道今日你簽了這個 18% increment offer，明天會不會有一個 28% increment 的更好 offer。在心態上，其實抱著這種坐這山、望那山的心態，最終只會一事無成。曾經有 candidate 在我的 whatsapp 中老是常出現，每份工做了半年就跟我說想搵份更好的，永遠都在嫌棄現職，而從不會抱著知足、欣賞的態度。最後，他在短短 3 年內轉了 4 份工作，自己親手打造了一份坊間 HR 都最討厭的 jumpy CV，做壞了自己個 profile，影響自己往後轉工的機會和議價能力。

雖然獵頭是一份透過別人轉工才能維生的職業，但我絕對唔會埋沒良心逼你出軌。過往聽過太多個案是 candidate 無諗清楚便跳糟，點知人工高了但工作環境差了，後悔莫及。其實每次同 candidate 接觸時，我多數不會一開始就跟他詳細說明手上的 role，反而主動問每一個 candidate 在工作上想得到些甚麼，現職缺乏了些甚麼。

- 人工
- 工作內容
- Job Title
- Career path

這四大元素你心目中怎樣排最重要？

「回頭只怕兜兜轉太耐，沒有採就已黃昏。」很多 candidate 少年輕狂時瘋狂轉工，轉眼間到達中年，才發現自己好像沒有好好想清楚自己事業的發展方向，只花上時間在追求更高的人工、更響亮的卡片 title。

我突然發現，獵頭公司像極了婚姻介紹所，而 Career Coaching 也像極了愛情奇難雜症的輔導班。

#全職獵人久保

【職場生存必備系列—適應能力(上集)】#適應能力

雖則話「魚唔過塘唔會肥」，不過太過jumpy始終影響下任老細嘅第一印象。撇除為咗人工同升職目的，有部份人郁啲就話想轉工，其實係個職場大忌，欠缺應有嘅適應能力。

點解新一代較jumpy？因為比起上一代，依家屋企環境普遍比較好，財政負擔又無咁大，自然唔想為五斗米而折腰，東家唔打最多打西家！無錯，我都認同公司揀人，人都有權揀公司，但係如果轉工太頻密，係咪都要檢討反省下，自己適應能力有問題呢？

最常見係啱啱畢業嘅學生，滿懷一腔熱血，希望喺職場大展拳腳。點知入到公司後，發現工作環境同想像有出入，做嘅嘢亦無挑戰性，有感大才小用，所以無耐就毅然辭職。去到第二間公司，做落係比第一間好啲，但做做下都係無咩發揮機會，仲要開始受上司氣，同事又唔啱嘴型，唯有再次辭職。去到下一間公司，發現同期畢業嘅同學已經升職加人工，肩負起越嚟越責任重大嘅工作，再望吓自己，去到每間公司都係做新仔，又要重頭令對方建立信任。咁唯有努力追番進度，不過發現付出同收穫唔成正比，開始萌生起再轉工念頭......

其實每間公司都有自己文化，優點同缺點，邊有好似電裡劇裡面咁完美。除非完全唔care事業發展，就可以慢慢一直跌跌碰碰，直至搵到一間同你perfect match嘅公司為止，否則根基未好又辭職，事業只會一直原地踏步。達爾文《物種起源》講過，能夠生存落嚟嘅物種，並唔係最強壯，亦唔係頭腦最聰明，而係因應環境變化作出最快反應。所以話齋「改變唔到世界，就要改變自己」，如果識得磨合同付出，喺咩職場環境生存都無問題喇！

下一個post，教大家點樣提升職場適應能力。

【職場新力軍】新世代頻轉工好「Jumpy」？HR學者：僱主要比空間佢哋發揮

唔好話90後，00後都嚟緊啦！???

想了解了解多啲「智能HR 連接未來人才」呢個主題，請click入：
https://goo.gl/pxTNDa
------------------------------------------------------
Follow Instagram @businessfocus.presslogic
https://www.instagram.com/businessfocus.presslogic/

如欲了解更多財經、商業及創科資訊，
請於本專頁cover photo下方，按『Following』按鈕然後選擇『See First』
------------------------------------------------------
如果你對初創、商業及科技界有所見解，
敬請投稿至businessfocus@presslogic.com

歡迎"Join" BF討論區暢談財經、商業及創科話題：
https://www.facebook.com/groups/344368612697900/

訂閱BusinessFocus YouTube頻道：
https://www.youtube.com/c/PressLogicBusinessFocus