#大學唔係呢回事🌋 JS4226 #CUHK #HospitalityandRealEstate - 🐸Q: 可唔可以簡單講下Hospitality and Real Estate呢科係讀咩㗎？ 如果中學既時候冇讀旅遊與款待初初會唔會有啲吃力？ 🦖: 呢一科同普遍中大既商科一樣，都會涉獵Management、Business、Marketing等等既範疇，但呢科唔會深入去讀某一個領域，而係將呢啲基礎既商業知識應用喺酒店管理方面。另外當然會有同Hospitality同埋Real Estate相關既課程啦，例如房地產估值、餐飲管理等等。至於冇讀旅款會唔會吃力呢，以經驗之談——唔會😂 因為我地普遍讀嘅都比較有趣，唔單止係理論上嘅嘢，亦都有實踐嘅課程。但如果讀到real estate就要有啲數底啦， 因為都要學關於地產市場嘅數據分析同估價投資等等。 所以都叫有兩個大方向可以行。 🐸Q: 讀緊呢科既時候有冇啲有趣既嘢可以分享呢？🤩 🦖: 呢科規定左喺四年裏面有兩次實習，其中仲有機會係海外實習，所以實踐既機會好多。而我自己覺得最有趣嘅堂係year2嗰時讀既Food and beverage ，比你體驗點樣去實際運作一間餐廳 ！我地可以試既唔單只係餐廳嘅主題佈置、菜單嘅設計等你眼所見嘅嘢， 甚至係講到由廚房入面烹飪到侍應出菜嘅流程，都要一手一腳自己策劃🤩 🐸Q: 有冇話咩類型既人適合讀呢科或者投身呢個行業？ 🦖: 我地主要係「對人」嘅行業， 所以對待人接物、溝通能力、應變能力同埋細心觀察嘅能力都有一定嘅要求。 但係就算覺得自己能力所及範圍唔夠，上到嚟都可以透過唔同嘅訓練增強自己㗎。 例如Presentation方面，我地會被要求著full suit同埋著重Presentation Manner 咁所以唔多唔少都可以話係練翻嚟！ 🐸Q: 讀完Hospitality and Real Estate既人出到嚟除左從事酒店業仲有冇咩其他出路？ 🦖: 咁話到明係Hospitality and Real Estate， 咁好明顯就會有兩個大方向。 首先Hospitality方面，好多時大家都誤會覺得淨係可以做酒店。 咁其實款待業仲包括好多嘢， 例如旅發局、會展中心等等嘅相關公司。 另外，我地嘅畢業生其實投身酒店業嘅「商業管理」部分居多，未必同大家想像中嘅「做酒店」一樣㗎😂 第二個就係Real Estate啦， 咁地產市場方面， 我地嘅畢業生，甚至現屆嘅實習生都會係相關機構入面學緊嘢，例如 JLL 仲量聯行、 CBRE 世邦魏理仕 同埋JP Morgan 摩根大通等等。澄清多次：我地唔賣樓㗎😂 所以其實我地出路都相當多元化㗎🤓 🦖: 另外，推薦個 instagram俾大家 @hre.grid ，大家有興趣既話可以去睇多啲關於呢科既嘢㗎！ Interviewee: Natalie 🦖 (CUHK Hospitality and Real Estate) Interviewer: 🐸 @vocabno 🌋 𝐯𝐨𝐜𝐚𝐛𝐧𝐨 🌋 єяυρт ιηтσ уσυя ƒυтυяє ——— #Vocabno #DSEEnglish #hkdseenglish #dse英文 #DSE #dsefighter #2021DSE #2021dsefighter #22DSE #2022DSE #2022dsefighter #23DSE #2023DSE #2023dsefighter #24DSE #2024DSE #2024dsefighter #HKDSE #Dsetips #JUPAS #升學 #大學 #dsestudygram #studygram #DSE英文 #英語學習 #大學面試