【 王雙駿《砂之器》編曲拆解 】 _ 每個歌手都有一個屬於自己的「世界」，而歌曲就是通往該處的大門鑰匙。 _ 細數 #柳應廷 幾首單飛派台歌：《水刑物語》、《迴光物語》、《風靈物語》，還有《狂人日記》，整體製作水準不俗，然而就是無法與之「接通」，直至最近《砂之器》派台，那串「鎖匙」總算出現了，除了 #小克 撰寫的歌詞、 @shengwong_ 執導的MV能夠打動人心外，負責作曲與編曲的「Carl叔叔」 #王雙駿 絕對將整首歌曲提升至極高水平，尤其是中段Music Break響起的鋼琴聲，是全曲最讓我有感覺的一節。透過「音樂研究所」的訪問，以及附設在短片解說，相信讀者能夠了解更多新歌的創作細節。 _ 採訪、撰文：音樂研究所 編輯： #游大東 _ 「做阿Jer呢堆歌係好飽，每一次都好滿足！例如上次做《狂人日記》玩到咁癲，我就諗：『今次應該點做好？』但原來當一班傻佬抱住同一信念，啲嘢自自然然就會生到，呢樣我覺得係最難能可貴。」 _ 多年來炮製過無數樂壇經典好歌，王雙駿（Carl）仍然抱著一個信念 ——要夠好玩。從《水刑物語》到《砂之器》，利用編曲說故事，細聽下每首歌的聲音細節也是相互連繫，這是他給自己設定的一個遊戲規則。 _ 柳應廷（Jer）的「重生」系列三部曲，不論在概念、歌詞、編曲及MV層面，也被樂迷稱之為上乘的藝術作品，而在王雙駿的眼中，創作過程好比充滿驚喜的實驗。談到《狂人日記》瘋狂的編曲，他形容最過癮的地方，就是有做電影配樂的感覺。拿着歌詞，幻想那部分是甚麼的畫面，配怎樣的音樂才好。 _ 「狂人其中一個特點，你永遠唔知佢開邊瓣，有時唔出聲，有時會發癲，所以我同阿Jer、吳林峰（作曲）、小克（填詞）就諗，不如成首歌係咁變。所以你一時聽到鋼琴獨奏，一時又有澎湃嘅鼓、電子音樂、管弦樂⋯⋯同埋bridge位（連接段）我專登編到好似另一首歌。有一日我同小克、阿Jer傾傾吓講起黎曉陽，諗起佢原來識『喉唱』（蒙古特有演唱技巧）同吹Didgeridoo（澳洲土著的吹奏樂器），後來我哋就搵埋佢錄音，一路錄一路試，再將阿Jer把聲擺埋一齊，出到嚟嘅效果好特別，感覺就好似狂人發完癲，然後去咗自我覺悟嘅境界。」      _ 完成《狂人日記》後，王雙駿表示自己心中已經有畫面，第二首將會是一首浪漫的作品，而歌詞卻是非常有深度。  _ 《砂之器》中個人認為最難忘的一段音樂，是Music Break那盪氣迴腸的管弦樂，是王雙駿改編自電影 《齊瓦哥醫生》（Doctor Zhivago／1965）主題曲《Lara’s Theme》的一段旋律。在這段動人音樂之前，是一段由人稱啤老師的歌唱老師馮夏賢所唱的搖籃曲，聲音聽起來很遠，回音很大，就像媽媽對著肚內寶寶哼歌，寶寶隔著羊水聽到的聲音。他對這首歌的感覺特別深刻，有幾次錄音幾乎感動得落淚。   _ 「因為我自己都係爸爸，好清楚媽媽要生一個小朋友，到底要犧牲幾多。我腦裏一直有個幸福畫面，媽媽哼著搖籃曲，摸住肚幻想，到底BB係點嘅樣呢？有趣嘅係，BB會俾反應，真係會聽到。所以當第一次Chorus（副歌）完咗，我擺咗一段鋼琴彈嘅搖籃曲，到第二次（搖籃曲）出現，就係Bridge（連接段）之後，我搵咗一把女聲嚟唱。」 _ 王雙駿說，關於女聲人選最初沒甚頭緒，湊巧地那段時間他和啤老師在談其他事情，靈機一觸，他便想起啤老師是個適合人選。雖然她並不是媽媽，但就教過很多學生，同樣亦是一位演員，於是乎膽粗粗邀請她幫手。頭幾次錄音，他依然未有感覺，直至啤老師見到一樣東西。「我錄音室擺咗隻啤啤熊公仔，佢見到就即刻問我：『我可唔可以借嚟？』然後佢就攬住當係一個BB，跟住一唱，我即刻毛管戙，就係要呢種感覺。」 _ 撰寫《砂之器》，王雙駿給自己設計了一系列遊戲規則： （一）要求《砂之器》第一粒音接住《狂人日記》最後粒音，聽起來就是（狂）風起了； （二）《砂》跟《狂》的曲調同為 C sharp minor（升C小調） ，直至chorus才稍轉至C sharp major（升C大調）； （三）「風起了」後一句響起風鈴聲，呼應着《風靈物語》； （四）承接《狂》，弦樂依然扮演重要角色。 _ 「今次呢首歌由我自己寫番，係因為既然自己set咗咁多規則，如果交俾人哋寫又未必知你想點，同埋對人哋都好唔公平。」  _ 訪問中王雙駿不時強調，揀選甚麼樂器、用聲都是有根有據，例如第一同第二個verse（主歌），聽起來已經有明顯分別，後者的Mood and Tone較為黑暗。「第二段Verse（主歌）嘅第一粒音，你會聽到一下重嘅Bass Drum（低音鼓），我特登將個Low End（低頻）較重少少，想營造嘅氣氛係，BB隔著媽媽肚聽到外面（傳嚟）嘅聲音，就係呢種聽落好遠又模模哋嘅感覺。 」 _ 《砂之器》，代表著王雙駿第五次與Jer合作。經歷一年幾的磨合，見證著Jer起初錄 《水刑物語》時極無信心，到後來慢慢進入狀態，發掘到他更多的音樂潛能，Carl打趣說：「我同佢講：『你條命係屬於辛苦命㗎喇！作品只會一首比一首難唱。』難度不在於要幾高音，而係情緒投入度要好高先得。但佢份人好鍾意思考，好有諗法，俾份歌詞佢睇，好快已經有曬畫面。」  _ 至於第六首作品，亦即是重生三部曲的最終章，王雙駿說其實Demo一早已經寫好，務請大家拭目以待！ _ （30072021）

【 @girlstyle.mag 】鄧麗欣MIRROR玩超埋引網民估會撻著？以前度外型推估佢最大機會？ . 《調教你MIRROR》近日請來嘉賓鄧麗欣（Stephy）調教12子，經過早前她與幾位成員拍《男排女將》一劇後，他們的緣分和默契都其深，登場一刻全隊更衝前和她擁抱！剛回復單身的她和MIRROR玩得超埋完全無隔膜，引網民預測她和會同其中一個成員「撻著」！一群偵探上身的網民就以前度方力申和王子（邱勝翊）的外型推估，喜好上如果是皮膚白、高、年齡適合的他就最有機會？ . 有著玉女形象的女神鄧麗欣（Stephy）近期頻頻現身ViuTV，早前在拍攝《男排女將》一劇中，已經和MIRROR幾位成員Anson Lo（盧瀚霆）、Ian（陳卓賢）、Tiger（邱傲然）、Jer（柳應廷）等人結緣，甚有交情！ . MIRROR其他人皆有輪流以客串角色出演《男排女將》，所以都算和Stephy有合作過。《調教你MIRROR》近日熱播中，最新一集Stephy就「空降」節目，以嘉賓身分出演節目幫梁祖堯調教12人，以前輩身份分享當年Cookies團隊組合的心路歷程。 . Stephy指她與MIRROR眾人自劇集殺青後首次重遇，所以一登場都讓12人大為驚喜，興奮雀躍得跑向Stephy面前與她擁抱聚舊，畫面甚為溫馨。 . 在該集播出前，Stephy日前就宣佈與遠距離戀愛的男友王子（邱勝翊）和平分手，而網民都紛紛對於她的戀情做出猜測。日前人氣風水師七師傅就指Stephy的八字容易遇到爛桃花，並無機會與兩位前度復合七師傅更指Stephy這兩年都有「夫星」出現，對象挑選年紀比她小，或已離婚的男士會較為適合。 . 吹起的傳聞不斷，眼見Stephy和MIRROR相處融洽，繼而就引發網民的推測：「我有預感Stephy會同Mirror其中一個撻著」一文在連登討論區成熱門，雖然帖子的負評居多，不過也引發起網民的熱論。 . 網民就Stephy的擇偶外貌條件開始推算：「應該係白既，前兩任都係白」繼而網民開始猜測有可能是Anson Lo或Edan，Stephy早前更自爆曾夢見他們2個！Anson Lo更在節目中首個送上擁抱，不過網民又反駁擁抱是出自友情～ . 其後網民就猜測樣貌擔當的Frankie，認為外表上二人最匹配！精緻的輪廓和白滑膚色都是貌似是Stephy傾向的類型，今年32歲的他年齡上也最適合。不過網民就認為Frankie與女友感情穩定，抹殺了其可能性～ . 理性的網民數出還未封盤的MIRROR成員：「暫時只得ak al edan tiger 姜b jeremy單身」繼而網民就認為Anson Kong的氣質性格就與Stephy的前任方力申和王子類近，認為他們2個CP感最強！ . 網民亦樂見Tiger和Stephy這一對，在節目中當Tiger被問到如果MIRROR削減至4人會如何應對，他就無厘頭的回答：「我會同Stephy飲酒」最後獲Stephy應他一句：「Cheers」互動甜蜜以致引來網民的遐想！ . 不過年僅21歲的Tiger就和Stephy相差16年，被網民笑言差不多「母子戀」，所以可能性不大。後來網民的評論開始失控，猜測梁祖堯、甚至ERROR成員的肥仔和啊DEE都有可能，雖然Stephy口邊常常說著「掛著肥仔」，但回應的網民還是偏向引發的輿論猜測也實太失實，當成笑話一則！
 . #女生娛樂快訊 #MIRROR #鄧麗欣 . 【GirlStyle Club 隆重登場 】 立即入會獨家免費贏取豐富禮品💕 . 陳凱琳【維持幸福婚姻的秘訣】 Cover story vol.13 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover

每日一鏡仔: Edan 停咗兩日因為做嘢真係好忙，各位久等了。 全民造星2做評判嘅時候，已經留意到Edan，好鍾意佢表演嘅能量，而且好知道表演嘅分寸喺邊，有諗頭，又有執行嘅能力，嗰陣仲邀請咗佢同佢嘅隊友，嚟咗睇米線女戰士，呀jer 都一齊嚟埋添，不過坦白講嗰陣真係唔算熟。 今次再認識埋佢另外一面。其實佢係一個理性同埋感性平衡得好好嘅人，佢好知道成個團隊需要啲乜嘢，而且好努力去連結大家。佢亦都好夠膽講自己嘅諗法，會為大家嘅方向提供一啲不同嘅面向去選擇，喺大家見到無偶像包袱嘅表面其實有一個好敏感嘅內心。 今次演出睇足六場，E先生裏面嘅鋼琴solo六場都冇甩過拖，喺表演入邊彈啲咁深嘅嘢，其實好大膽。而呢一種信心，絕對唔係臨急抱佛腳可以得到。 唔講大家唔知，給自己的信係調教你MIRROR喺梅窩入邊搵咗一個著名教唱和音老師同大家上堂。特登為佢哋編寫左高中低嘅三條旋律。大家都冇唱和音嘅經驗都好努力去練習。大家唱完之後就好想將佢放晒喺演唱會入邊成為一個item，而我哋排練演唱會呢個項目之前果一晚，佢哋已經排練到差唔多兩點先返到屋企，但係Edan 憑佢嘅Perfect pitch 能力,成三點幾，犧牲自己休息嘅時間，將三條旋律自己彈一次唱一次，放咗喺兄弟嘅WhatsApp group 度比大家更有信心地練習。而第二朝10點就要排練啦。佢呢一個舉動令我同另外11個兄弟好感動。多謝你，Edan ! Edan加油，多謝你嘅信任，亦都多謝你願意去進步同埋改變嘅決心！ #mirrorweare #edan