【 2017年舊文重推／與刀片王文字結緣 】
_
一套《二月廿九》，紅了導演，人稱「刀片王」的羅嘉駿（Steve）。很多人以為，我如此力撐史提夫是因為這齣劇，實情是早在2017年已為其舊作《瑪嘉烈與大衛系列 前度特別篇 —— 剪不斷》寫了一篇長文。回想起來真大膽，竟然花那麼多篇幅去寫幾短「極度新鮮...
【 2017年舊文重推／與刀片王文字結緣 】
_
一套《二月廿九》，紅了導演，人稱「刀片王」的羅嘉駿（Steve）。很多人以為，我如此力撐史提夫是因為這齣劇，實情是早在2017年已為其舊作《瑪嘉烈與大衛系列 前度特別篇 —— 剪不斷》寫了一篇長文。回想起來真大膽，竟然花那麼多篇幅去寫幾短「極度新鮮人」。三年後，羅嘉駿已在電視界展示真正實力，並在維基百科擁有一版頁面，陳凱詠亦成為新晉歌手與演員，至於我一直看好的黃定謙，則會在5月11日首播的《歎息橋》有頗重戲份。寫文4年，撐新人的宗旨從來不變。
_
【 原文刊於《壹週刊》】
_
「大佬孝」邵仲衡擔正、長達30集的ViuTV半小時港劇《詭探》，自播出以來反應兩極，有人說此劇爛到一個點，亦有人高呼好睇，更要求開拍Season 2，以討論度計算，《詭探》雖然只得兩點收視，未竟全功，但在觀眾層面出發，也算是個好開始，起碼現在多了普羅大眾知道，無綫以外，ViuTV也開始發力拍劇。
_
據了解，除了現時還在拍攝的《賤民30》和將會去英國取景、陳奕迅主演的音樂劇（即《短暫的婚姻》）之外，「ViuTV男神」駱振偉亦將會在新劇做男一，至於《詭探》後，9點半綫將會小休，7月17日開始，「重重頭劇」《瑪嘉烈與大衛系列 前度》登場，預告片剛於周五晚透過ViuTV的fb專頁推出，齋睇卡士都夠吸引，袁澧林與劉俊謙飾演新版「瑪嘉烈」與「大衛」，其他陣容包括黃秋生、夏文汐、廖碧兒、許志安、馬志威和杜小喬等，劇中的愛情關係比《綠豆》將會複雜N倍，加上去年開台劇《綠豆》的口碑，相信會帶挈《前度》的收視有力爭上3點或更多（未計點擊率） ，帶起更多討論。
_
為了彰顯對這套劇集的重視程度，ViuTV近日已積極地推出短片Promo，而且並非劇集精華，是由外判製作公司重新拍攝一些與「＃前度」這個關鍵字相符的短片，包括今天要推介的《＃不要用丟架來換取死心》，男主角是「翻版曾國祥」的黃定謙，女主角是浸大傳理系畢業的陳凱詠。
_
根據電視圈人力市場的最新走勢，受惠於ViuTV於去年開張，大批演藝界新血得到曝光機會，就算無法成為某個節目的主持或者某套劇集的角色，依然有機會參演相關宣傳片的演出。
_
最初聽到黃定謙（Himmy）這個名字，是來自編劇卓亦謙，「佢喺『鮮浪潮』演過《命懸一念》（章彥琦導與編），我覺得佢係明日之星。」他於香港浸會大學電影學院表演系畢業，曾在Year 1的學期末接拍陳志發執導的《點五步》，於戲中飾演「力王」一角，畢業後則曾接拍過三套「鮮浪潮」電影，計有《攻防》、《歸零If Zero》和《命懸一念》。由於認識陳志發的關係，於是去年有一段時間，曾加入Pigture Creations，擔任梁焯霖（《點五步》剪接）的剪接助理，負責《三一如三》的剪接工作，稱得上是幕前又得，幕後又得。
_
睇過《＃不要用丟架來換取死心》的頭幾秒，我差點誤認了他就是曾國祥，後來問朋友後，才確認是兩個人。因為《點五步》的導演陳志發，是製作公司Pigture Creations的創辦人之一，剛巧他的公司接了《前度》的宣傳片拍攝工作，由羅嘉駿負責做導演，於是邀請曾在《點五步》演出的Himmy飾演髮型師一角。短時間內，將短片看了幾回，我覺得他演出是有層次，即是能夠將前度男朋友面對前度女朋友時，由嫌對方煩（妒忌心重導致分手？），有點驕傲，有點孩子氣的性格，後來變成歉疚講對唔住的情緒轉變表達出來，對新人來說，算是不錯的了，以年資計，至少我覺得好多無綫藝人，包括《不懂撒嬌的女人》的黎諾懿、或者10年前《溏心風暴》的黃宗澤就做不到了，更何況，Himmy生於1995年，還未到22歲生日，只要他遇上伯樂，加以琢磨，必成大器，在影視界閃閃發亮。
_
至於陳凱詠（Jace），Google一下，知道她在浸會傳理系畢業後，現時既是跳舞導師、模特兒，以及環球唱片《環球娛樂網誌》（UM Webzine）內有自己的「星級專欄」，從小學習電結他，最大夢想是當搖滾歌手。
_
她在這場兩分鐘的現場，我亦收貨，至少對眼有戲，有了解角色需要，作個港女式的噘嘴狀（即嘟起個嘴的書面寫法），恰如其分，又能夠從面部表情演繹那種遇見前度時，又嬲又驚又心有不甘的複雜情緒。加上整條片的配樂散發哀傷和沉重的調子，營造出很多壓迫感，所以這條片拍得不錯。
_
先旨聲明，兩分鐘的戲演得好，不代表拍劇時會演得好，畢竟參演短片和拍劇是兩回事，希望兩位新人都要加油。另外亦懇請ViuTV拍劇時先做好劇本創作，提高預算，不然就會出現《詭探》那樣，有傳因為《詭》劇的製作費不足，無法請到資深編劇創作，導致劇集出來的效果有很多問題，劇情描述和演員心理寫得不夠仔細，聽過很多看過《詭探》的朋友說，問題包括，有疑團沒答案（即結局時竟然沒有踢蹺，有問題沒答案，完了就是完），或者是捉錯用神，完全離題，應該講的唔去講，（如邵仲衡與劉錫賢的「茅山師傅VS降頭師」，終極一戰竟然是在鏡頭背後完成！！）睇完嬲到噴火！
_
有一單真人真事，早前某夜去紅磡食晚飯，餐廳照例播《蘭花劫》，陳曼娜死得突然，然後就聽見旁邊的食客對朋友講：「呢輪我成日轉台搵劇睇，尋晚睇咗嗰套《詭探》，X，真係唔得囉！」
_
（08042020）
_
#游大東 #羅嘉駿 #黃定謙 #陳凱詠 #港劇 #二月廿九 #歎息橋
jace男朋友 在 谷Live Facebook 的最佳貼文
#谷Live新歌速遞
陳凱詠 Jace -《沒有無緣無故的恨》
https://youtu.be/ExrnMPAwPBc
Jace陳凱詠新歌《沒有無緣無故的恨》的歌曲情感演繹出當下發生的事情，所以在表達上對她來說是一種新嘗試，而且錄音過程並不容易，掏盡揪心情感，帶來真摰動人的聲音。
「我希望把內心掏心掏肺的感受，坦誠呈現出來。」Jace表示以第一身的角度去演繹《沒有無緣無故的恨》，需要把自己當成故事中的主角，對方對自己的態度由關懷備至、時刻都在意我的大小事，直到慢慢地變成冷待，不瞅不睬。這種「慢慢」會一直累積，演化成一種憎恨。拍攝新歌MV，Jace擔當女主角，同樣需要演活這種憎恨。
在短時間的籌備下，想呈現出一個富有電影感的《沒有無緣無故的恨》 MV，Jace在過往的MV拍攝未必有很多故事情節上的發揮。這次角色除了女主角Jace外，飾演他男朋友的陳健朗和飾演她好朋友的談善言，每個角色都非常立體，而且充滿內心戲，像歌曲主題一樣，情感一直醞釀。故事講述Jace和陳健朗這對情侶由愛變成恨的過程，Jace始終忍受不了男友的不忠，而且對她的暴力對待，最後聯同好朋友談善言報復。Jace坦言：「看過劇本後，去拍攝之前的確有壓力，老實講今次幾艱辛，因為好耐無做戲，面對一個富劇情的MV故事，大家都很認真對待。20小時的拍攝，中間有很多又喊又笑的內心戲，凌晨時分還到了荒山野嶺，於我自己而言非常有突破，我好享受這次過程。」
這次身兼MV導演和男主角的陳健朗，非常賣力親自上陣，更與Jace不乏對手戲，當中包括親熱戲和吵架戲，歷盡情侶間的甜酸苦辣。對於拍攝親密戲的感受，Jace稱：「非常尷尬，尷尬到我跟導演講我想喊，全場人都feel到這種尷尬氛圍。」MV故事中有些二人曾經的甜蜜回憶畫面，又有現實吵架片段，因此Jace和陳健朗要在短時間內考驗演技。另一角色談善言，飾演Jace好朋友為她出頭，「談善言是一個好好的演員，好能夠幫助我入戲，在故事情節中她是為我出頭的女生，好多謝她的專業。」《沒有無緣無故的恨》 MV在9月23日下午6時推出。
------------------------------------------------
Jace Chan 陳凱詠 -《沒有無緣無故的恨》
曲：KW 朱敏希
詞：陳耀森 / KW 朱敏希
編：蘇道哲
監：Alex Fung(馮翰銘)
#陳凱詠 #沒有無緣無故的恨
#香港製造 #MadeInHongKong #香港人撐香港音樂
#2021新歌 #新歌 #廣東歌 #2021廣東歌
----------------------------------------------
👍🏻 Facebook：https://bit.ly/2HZAgDL
♥️ IG：https://bit.ly/34PhuYx
⭕ YouTube：http://www.youtube.com/c/谷Live
🏆 谷撐音樂流行榜：https://bit.ly/3q6yB0l
jace男朋友 在 黃定謙 WTHimmy Facebook 的最佳貼文
謝謝游大東如此詳細的劇評
感恩所有
【 今晚22:30首播／唔睇《前度》但要睇《前度》SP！】
昔日有妹仔大過主人婆，今日有妹仔好過主人婆。
說的是《瑪嘉烈與大衛系列 前度》，南方舞廳監製的30集正劇悶出鳥來，幸而兩輯特別篇，整體質素尚算不俗，值得大家今晚10點半扭開99台ViuTV坐定定收看。（就在《暗中旅行2》最後一集之後播出。）
《前度SP》由羅嘉駿擔任監製、導演以及劇本創作，分上下兩集，兩集彼此互有關係，卻與《前度》的正劇角色完全無關，只是借題發揮，用每集大妁22分鐘的時間去說有關「前度」的故事。兩套SP早前已於ViuTV的官方網站率先播放，今晚和下周五（13／10）將作電視首播。
今晚播出的第一集，其實是正劇預告《＃不要用丟架來換取死心》的完整版本，男主角是「翻版曾國祥」的「鬈毛」黃定謙，女主角是浸大傳理系畢業的陳凱詠，故事講述陳凱詠飾演的女主角Jace從來都覺得男朋友Himmy愛得不夠又花心，愈愛愈欠安全感，終於因為一次爭執後冷戰，然後女方有「Drama」，然後男方繼續約其他女仔食飯，然後Himmy與Jace分手。
故事的脈絡圍繞分手前後，Himmy與Jace的對話，劇本的重心似乎落在女方身上，但這個故事的發揮本身有限，衝突位不多，角色建構比較單薄，結局亦在觀眾的預計之內，所以我比較留意角色設計和演員的演繹方式，相對於以往看到的短劇和短片，Himmy今次的演出，情感和面部表情拿捏得準（尤其是那些扮鬼扮馬的部份），惟唸對白有點不清楚，令整體觀感打折扣，反而在預告做得一般的陳凱詠，今次在SP卻發揮得幾好，因為Jace的角色根本就是港女，很煩很煩的港女，陳凱詠是做得到的，而這種性格亦成功延伸到第二集SP，感覺一致。
至於第二集SP，同樣是羅氏創作，劇本質素卻比第一集優勝得多。故事簡單，但佈局巧妙，甫開始已成功營造懸念，懸念變成後來女主角吳海昕與男主角李嘉豪的婚前危機，成功誤導觀眾（即是我）去往壞的方向想，戲劇的味道較第一集濃厚得多。故事講述，港女Jace無意中發現李嘉豪在新婚前一夜和兄弟外出鬼混，於是向男朋友Himmy質問，結果事情傳到吳海昕耳邊，當然要在簽紙和交換戒指之前，大興問罪之師，支吾以對間，她發現李嘉豪的秘密，衝突位出現，帶領劇情去到最緊張一刻。
整套戲，根本就是吳海昕的獨腳戲，她發揮得相當好，表達到既肉緊未婚夫，很愛很愛他，卻又因為自己的信心不足，而懷疑他，這是她繼《賤民20》後，吳海昕又一亮眼的演出，如果她現時還留在大台，未必那麼快有這些突出自己的機會，假如今年真的出現「2017香港電視大獎」全民推薦候選名單，我覺得她絕對有機會可以力爭最佳女主角或者最佳女配角最後五強。至於李嘉豪，他本身是「2016年國際先生競選」香港區代表，演戲屬於初哥，我覺得他掌握角色需要的情緒尚可，只是表情有點生硬，或者表情不對，例如當吳海昕站在台上自白時，他站在一旁，那種眼神很尷尬，不太切合情節該有的情緒，唸對白也是僅僅合格，然而予人的感覺不差，日後他有其他演出的話，我都會想看看，要繼續加油呀！
【 延伸閱讀 】
《前度》新星薦場之黃定謙與陳凱詠：http://bit.ly/2xZw4uw
《未仔還未來》劉俊謙偽文青真Kai子：http://bit.ly/2wBCZsi
大台新劇《汪阿姐》真係唔係汪明荃自傳：
http://bit.ly/2hRrTwK
（06102017）
＃游大東 ＃電視節目預告 ＃瑪嘉烈與大衛系列前度 ＃前度 ＃港劇 ＃前度SP ＃VIUTV 黃定謙 黃定謙 WTHimmy 陳凱詠 Jace Sofiee Ng 吳海昕 ＃李嘉豪 ViuTV Steve Law Steve Law Pigture Creations Ltd. 在香港 ‧ 過首爾時間 方以文 睇電視喇喂
jace男朋友 在 黃定謙 WTHimmy Facebook 的最讚貼文
謝謝方以文:)
陳凱詠 Jace Sofiee Ng 吳海昕 他們真的好好啊
大家一起努力啊!!!
[方以文問兩句][ViuTV][瑪嘉烈與大衛系列 前度 SP01 剪不斷]
之前冇聲冇息咁喺Facebook同埋ViuTV藍App都播咗，我諗好多觀眾都miss咗。依家有機會喇，今個星期五同埋下星期五，晚上2230~2300會喺99台播。喺電腦或者手機睇，始終都唔夠喺電視睇咁正。
係，真係好正。第一集係由黃定謙 WTHimmy同埋 陳凱詠 Jace做男女主角，兩個演員交足戲，好投入。一齊聽吓Himmy點講。（訪問好有愛，大家要有心理準備）睇完你就會feel到Himmy係幾咁鍾意演戲，呢啲演員真係要珍惜。
先睹為快>>> http://viu.tv/encore/margaret-and-david-ex-special…
------------------------------------------
問：《前度》嘅宣傳片出街，網上觀眾都對你哋兩個段片有好好嘅反應。你哋有冇預過咁好迴響？又幾時知道要拍呢個SP，知道時有咩感覺呢？
答：真係真係真係真係真係沒有預計過會有咁好嘅反應。 答「知道要拍呢個SP，知道時有咩感覺呢？」之前，我想先分享一吓當知道要拍宣傳片嗰陣嘅感受，哈。
我記得大概係五月尾左右，嗰陣喺上海休息度假緊。有一日收到導演邀請，就接拍咗《前度》嘅宣傳片。嗰陣真係無諗太多，覺得有得演戲喎，有得拍嘢，正呀，梗係做啦。之後返嚟香港，仲記得好搞笑，喺拍嘅前幾日，都仲未知道對手會係邊個，好多嘢都唔知。
直至到前一日去fitting先知道係Jace（陳凱詠）做對手，我仲即刻打俾佢。電話通咗之後，我叫佢個角色名（本身角色唔係叫Jace，我都唔係叫Himmy，但最後Steve Law導演決定用返我哋真名）。佢仲搲哂頭，話咩呀講咩呀唔明喎，原來佢又係咩都唔知。之後大家先知道喺第二日拍攝就有對手戲。
好驚喜。條片咁好迴響，真係估唔到。出咗街嗰陣，我喺泰國拍緊嘢。有一日休息時，見到蘋果新聞報導咗，之後Facebook又好多人讚同鍾意，真係超級無想過。係好surprising 同開心嘅（按：因為你哋真係做得好嘛，又拍得好） 。之後返咗嚟，忙緊一套舞台劇啦，有一日幫Steve Law拍adidas 嘅嘢嘅時候，佢就同我講ViuTV好鍾意呢條片，仲批咗錢俾佢哋拍SP，寫緊劇本架喇。嗰陣真係開心到爆。因為又可以演戲喇，仲可以再次同一個好好嘅對手合作。（按：我知道你哋可以拍SP時都非常高興）
------------------------------------------
問：先有宣傳片嘅短故事，再有SP長篇少少嘅內容。你哋覺得咁樣對於演SP時有冇咩幫助，定係有啲框架拖住限死咗？
答：好多時候拍嘢都會跳拍，都係拍咗後面先再拍返前面。我覺得今次同平時跳拍嘅感覺都差唔多。所以你話有冇幫助，唔多唔少都有嘅，但就無特別好大幫助，都無限死嘅。
------------------------------------------
問：拍宣傳片時個氣氛一嚟就好正，你哋兩個本身係咪識？點build up一嚟就分手嗰吓呢？
答：本身我地係識嘅，但識得唔耐，一年都冇，唔係真係好熟啦。但大家都有common best fd，所以都會知大家係邊個。有時都會一班人出去玩會見到面，都有講過吓，睇吓幾時可以一齊工作，估唔到真係開口中。同埋之前一直都好欣賞佢架喇，因為佢唱歌好好聽啦，同埋最重要嘅係佢為人俾我嘅感覺好真誠。加上喺好耐之前有睇過佢演出嘅作品，都覺得佢演戲好好、好吸引、好有potential。所以今次可以合作真係好期待、好開心。（按：係咪愛呀，哈利？）
拍攝嗰日，一見到面嘅時候，我有特登唔同佢講嘢。就算係講呢，都一句起兩句止。因為我覺得嗰一場戲講分手冇耐，所以我嘗試鏡頭後用吓呢啲方法，睇吓幫唔幫到大家同件事。嗰陣Jace化緊妝整緊頭，我就去撩吓幫佢整緊頭髮個姐姐，又會係佢隔籬撩吓其他crew，細聲講大聲笑。得閒望吓Jace，之後又繼續同其他人玩吓笑吓。我仲好記得嗰陣阿Jace個眼神，我諗佢真係好憎我，因為好恐怖、好得人驚。 所以我諗到真正拍嘅時候，唔多唔少都會有幫助到件事。（按：演員同埋製作團隊喺鏡頭後做咗幾多嘢只先至有幕前嘅成果，真係唔講唔知）
------------------------------------------
問： 鍾意SP兩集裡面嘅邊一幕？
答： SP第一集，我最鍾意嘅係Jace幫我洗頭嗰場。因為嗰場我哋係現場係即興咗好多嘢出嚟，個感覺好真實，嗰刻我真係有同佢熱戀中嘅感覺（按：我隔住個mon都感覺到啲愛呀）。同埋出嚟嘅效果都好好，都真係好似一對情侶係到打情罵悄。Jace真係好好，好難得有一個咁好嘅對手，去真係幫大家、相信大家，去交個心俾大家。同埋我同Jace真係好夾，雖然第一次合作拍一集嘢，但過程中同佢嘅默契同火花，真係我從未試過同其他男女演員身上有過嘅（按：係啦係啦）。佢真係我暫時遇過，合作過同我最夾嘅對手、最好嘅演員（按：得喇得喇）。
但我最深刻嘅都係宣傳片嗰場戲： 因為嗰陣無前文後理，好多嘢都係靠自己估同想像。同埋同Jace第一次合作就拍呢場戲，演嘅時候係真係估唔到地好touch到自己個心。嗰陣個感覺真係好心酸，覺得好對唔住佢呢位女朋友。呢場戲嘅感覺仲好記憶猶新，真係要好多謝Jace呢個好好嘅對手。多謝佢帶畀我有活着的感覺。（按：♥）
至於SP第二集，我最鍾意一定係Sofieeeee嘅嗰一大炸獨白。喺現場我真係聽到起晒雞皮，好多好多演員都有被佢打動流淚，Sofieeee真係做得好好。（按：嗰段真係好出色呀 Sofiee Ng 吳海昕）
------------------------------------------
問： 鍾意宣傳片定係SP多啲？點解呢？
答：其實兩條我都好鍾意，但如果真係要揀，我會揀宣傳片。因為分幾鐘嘅短片好完整，有晒起承轉合，好清楚睇到關係、事件、因由好多好多嘅嘢。反而SP，我覺得因為電視時間所限，真係比較急促咗少少。我知道導演、編劇同拍攝團隊已經盡咗力，但始終好多限制，所以都無辦法。如果再多十分鐘去講個故事，可能就會更完美（按：唔錯呀，我鍾意）。
------------------------------------------
問：為挽留另一半做過最癲同最蠢嘅事係咩？
答：為另一半做最蠢的事，係分手嗰陣話要自殺，之後割脈哈哈。但其實中學嗰陣根本淆青（按：係淆青冇寫錯），又無膽，得個講字，點會真係自殺。不過就真係有拎起把界刀嘅，但就無真係割落去，記得好似只係hi到少少，個皮邊滲小小血就唔敢。回想起都覺得自己好好笑。 （按：生命有價，請愛惜自己。唔係我哋冇咗個演員呀 Himmy）
------------------------------------------
問：最近有咩搞作呀？幾時有得再睇你哋嘅演出？
答：啱啱完成咗一套王貽興同劉翁自編自導自演嘅ViuTV劇（按：唔通係傳說中嘅嗰個《VR驅魔人》？）。佢有好多故事嘅，我就係其中一個故仔入面主演一個男朋友角色咁樣。幾時出街就未知，預計都係下年嘅事。嚟緊會先休息一吓，同屋企去下旅行、陪下佢哋。之後十一月會去菲律賓拍攝啦，係一條之前六月去完泰國同糖妹拍攝完後，嗰個航空宣傳片嘅第二集嚟嘅。
（按：有片睇 >> https://www.facebook.com/SkyyerHK/videos/1467562039987752/）
------------------------------------------
#ViuTV #瑪嘉烈與大衛系列前度 #黃定謙 #陳凱詠 #吳海昕 #方以文問兩句