「日本風情畫」のIQOSの不是電子煙!!! 吸煙人士或身邊有吸煙人士必讀！ 我雖然已經戒左煙5年，但身邊人仍然係煙仔奴隸，當然有不下數萬次軟硬兼施讙佢戒，但都明白有時佢哋啲男人傾生意、傾計，唔食煙就都係差啲野咁，或者呢啲都係借口，總之就係死都唔戒就係事實!!!不過佢都算好好，喺屋企會喺廚房食，盡量唔噴到我。不過始終有二手煙三手煙之慮~~~對上一次去日本，見週街好多人拎住支似煙又唔係煙嘅物體，一問日本朋友，原來係近年大熱嘅iQOS，點解會咁爆熱呢? 今年三月仲出左新版，炒價貴足三倍!!!究竟有乜賣點? Philip Morris喺2008年投入左2000億円研發，於2015年於日本推出一種無火無煙灰嘅「加熱式香煙」。同一般電子煙有所不同，「電子煙」係用一啲化學或植物甘油霧化嘅物品，而呢種「加熱式香煙」就係用真正嘅煙草，所以吸嘅時候，同吸一般香煙嘅味道會非常近似。「電子煙」= electronic cigarette；「加熱式香煙」= heated cigarette，係唔同嘅野黎。 一般香煙，一經火點著就一直出煙，而呢種「加熱式香煙」只係喺吸嘅時候先會有煙，對週邊嘅人影響會減少好多。即使喺棄置煙頭時，煙頭都唔會有煙，唔會好似依家喺街見到啲煙灰盅著哂火咁，經過都逼住要吸!!! 所以依家喺日本好多不可吸煙嘅餐廳，都可以吸IQOS；甚至部份租賃嘅禁煙車，都可以容許吸IQOS。可想而知，日本人對IQOS嘅信任度(無二手、三手煙問題)。 IQOS嘅焦油含量亦遠低於一般香煙，燒嘅時候亦只會燒到煙草，唔會燒煙紙或濾咀。正因為冇乜焦油嘅關係，即使喺屋企嘅梳化、牆附近食，都唔會沾黃傢俱或牆身等，而自己嘅衣物都冇咁大浸臭煙味! 據日本嘅用家bloggers (煙齡由20-30年)講，吸左IQOS約兩星期後，朝早起身時比平時精神，一向因吸煙而引致嘅喉嚨腫脹問題冇左! 食野好味左食欲都大左，有啲似一般人戒煙後嘅身體反應。 不過如果你係一支駁一支嘅煙剷，就未必啱用。因為每支每次大約最多燒6分鐘，大概可吸14口，每次吸完一支都要放返入專用煙盒叉電，叉6分鐘左右先可以再燒第二支。而滿電嘅專用煙盒只夠叉最多20次電。如果你一日煙量過一包煙+一支駁一支，咁就要買多支spare喇(正常售價¥10000左右)。 剛喺日本訂左一支返黎，仲未到手，試後再報告!! 如果效果真係好，可能以後就要喺日本買一大箱返香港海關報返稅。希望香港快啲有得賣啦。 *IQOS係Marlboro (Philip Morris) 嘅出品，其實仲有另一隻「加熱式香煙」GLO係Kent出嘅，不過外型好唔同，係一個盒咁嘅。不過IQOS就受歡迎好多。 *為迎接2020年東京奧運，日本正考慮推行全面禁煙，但依家仲研究緊IQOS係咪可以容許。 *IQOS 唔係冇尼古丁亦唔係冇焦油，但含量會比一般香煙少九成！根據網站介紹解釋，因為IQOS 係直接以350度加熱，而會令焦油含量大幅減少。 唔係話iqos係健康，但絕對比吸一般香煙/電子煙健康，而且亦能大幅減低對非吸煙人士及環境影響。 Lesser of two evils~~