等待正式投身社會嘅五六月，發現之前實習忙到連本schedule都冇update過。一二月嘅畫都係三四月先畫返，三四月嘅畫到五月就快完都未畫，哈⋯⋯ 睇返之前實習咁chur，連朋友都好少見，就好唔捨得五六月咁快過去，入職嘅日子咁快來臨（其實仲有六月）。#ptyschedule 話說今日有件開心事，就係返完A之後約咗中一開始fd嘅中同食下午茶，順便係因為佢家姐想買我啲postcard，就可以交收埋🤣然後話說我地琴晚都未傾去邊食咩，但我今日要早起返工，所以我就話我今日再覆佢。 神奇嘅事發生了，我用咗四年零四個月嘅iphone7+電池一晚老化，今朝起身無啦啦得返30%電（琴晚叉爆咗）。我嚇到死，唯有少啲用，諗住放飯再睇食咩同覆朋友。點知放飯嗰陣，wtf？？？我部機冇電到熄咗開唔返⋯ 我呆咗，不知所措，喺canteen用15分鐘食完個頹飯，就不斷物色個樣睇落會借電話俾我打嘅人。除咗要打電話，我仲要唔知時間，但今日係惡死如花IC，我唔敢遲上返ward。於是我求其問咗幾次醫院入面啲路人呀阿姐呀「我想問宜家幾點？我想知埋準確幾點幾分，唔該晒🥺」其實我好驚佢地唔答我，因為我聽過有人話如果有人問時間唔好答，答咗就係代表幾時死🙈（我都係聽過下姐我唔信架）好彩大家都肯答我😭 好啦講返正題—— 打電話。雖然我問咗幾次時間，但打電話我一直都揾唔到對象，最主要係因為我着住套制服，好驚人覺得我呃人，好似唔可以破壞形象。本來想揾啲學護，但點知今日太早放飯，成個canteen入面得一個男仔學護⋯ 我離開canteen，見到有個保安叔叔坐喺佢個崗位，附近又冇乜人，於是我鼓起勇氣行埋去！問佢宜家幾點⋯⋯ 佢答完我，我就淆底閃咗。 閃完就後悔了，心諗得返15分鐘就要返上去，我再揾唔到就死喇！啊唔記得講，我有諗過問病房姑娘，但今日有兩個嚴肅大粒野𥄫住，都唔方便我開聲問/匿埋用電話。於是，我決定⋯⋯ 再揾返個保安叔叔。我閃完唔夠五分鐘，我忍唔住再次出現同佢講：「唔好意思呀又係我！我想問可唔可以借電話俾我打呀，我部手機冇電但我放工要⋯⋯（省略）」個叔叔毫不猶豫就隊個電話俾我打，我嗰下憑記憶打咗俾個朋友，但我唔係100%肯定個電話no係啱嘅。點知冇人聽！！！我心諗：頂，唔通記錯咗。突然我靈機一閃，醒起佢嘅屋企電話，因為想當年中學未有手提電話，我有打過佢屋企電話。打完竟然通咗！之後有把女仔聲，我尷尬地問：「唔該我想揾XXX。」心入面少少驚呢個號碼已經轉咗係其他人用，點知佢答「XXX唔喺屋企喔。」我即刻勁興奮問佢：「妳係佢邊個呀？」「我係佢家姐。」「太好喇！！！我手機⋯⋯（省略），妳可唔可以幫我約佢4pm喺觀塘站等呀！我一定會出現，如果出現唔到都會問人借到電話揾佢！」「um⋯觀塘站邊個位等？」「er⋯ APM嗰個出口啦（即時求其up）。」約好之後，我勁感激個叔叔，我就攞咗張消毒酒精綿同佢講：「多謝你呀！我幫你消毒返部電話吖！」點知佢勁拒絕我，話佢自己消毒🥺any肥我第一次覺得自己個腦係咁有用架，有少少感動！！！！！ 最後4pm，我成功去到APM出口見到朋友😭我第一句同佢講：「見到妳實在太好喇！！！我以為會見唔到妳😭😭😭😭」佢係咁笑我，話第一次咁樣約人，好似返去以前小學冇手機嗰陣咁。最後佢仲帶咗尿袋俾我救我一命，嗚嗚好滾動。 其實我有問過醫院間OK有冇得借尿袋，但佢要我用app掃QRcode，我心諗：部機冇電熄咗我先要借尿袋姐，要我部機來掃code搞咁多野有電都變冇啦⋯⋯⋯同埋原來冇電話都真係幾唔方便，同埋少少悶🤣我食飯一直望住空氣同部電視，放工搭車都係周圍望、睇風景⋯⋯ 完。多謝XXX同XXX家姐❤️