《XTREMTEC XT100 無線立體聲藍牙耳機》
@XTREMTEC @anlanderstore

先黎比個【XT100 用後感】，之後再介紹一下產品特色之處喇❗️
好老土嘅我，一直都用有線嘅耳機🙈呢個總算是我第一個藍牙耳機❗️我諗到一個比有線優勝之處就係我做運動時唔需要比線嘅束縛而影響郁動嘅幅度❗️
👍🏻戴上耳機真係好貼服，唔易甩，所以戴住出街、做運動都好適合
👍🏻個充電盒仲要幾輕身，便於攜帶
👍🏻講吓音質喇，我幾鍾意佢嘅立體聲超重低音，聽歌睇戲嘅聲效清晰之餘，係睇戲方面令我更加投入
👍🏻最後講埋價錢，佢只不過三百幾蚊，@anlanderstore 依家仲做緊優惠，性格比絕對係超高

🔅【 XT100 特色之處】
● 立體聲超重低音
● 被動降噪
● IPX6 防水功能
● 連續播放 7 小時
● 充電盒電量 30 小時
● 人體工學入耳式設計

🔅【XT100 產品規格】
型號：XT100
藍牙版本：V5.0
電池：40mAh（每個耳機）/ 400mAh（充電盒）
防水等級：IPX6
電量輸入：DC 5V / 1A
藍牙範圍：10米 / 33 尺
支援模式：A2DP / HEP / HSP / AVRCP
執行溫度：-10ºC 至 40ºC
播放時間（隨音量和內容的不同而變化）：大約7小時，長達24小時（帶充電盒）
尺寸：66 x 29 x 43 mm
重量：45.6

🎊 【優惠 】
#anlander.com #好貨加獨家發售，依家@anlanderstore做梗📣優惠❗️
原價$358 減價減價～只係$258咋，足足慳咗$100❗️
🛒銷售網址
https://shop.anlander.com/dg7xj/coeyc
快啲去shopping la❗️

#XTREMTEC XT100 #真無線耳機 #香港 #性價比高 #售價吸引 #iPhone # Samsung #anlander

買 iPhone 再無耳機送？！Apple 新招谷 Airpods 銷量？！【手機資訊】

唔送有線耳機🎧都仲可以理解，但唔送另一樣嘢係咩玩法 LOLLLLL🤨

#Post76 #谷AirPods都明嘅

玩物

花紅未有耐出，帶著好極有限的打算，「大件野」唔敢考慮。但在十六度的節日氣氛帶動下，物慾旺盛。

我的iPhone6用了好幾年。一直不換機的原因除了它還未壞掉之外，更重要的是我不想捨棄我的UM Pro 30。我曾天真的想沒有3.5mm jack的iphone失敗，令我可以繼續用又可以換新機。但Apple這個trendsetter地位又哪會輸給一個窿？

我一定算不上發燒友，但耳機對喜愛自閉的我地位舉足輕重。UM Pro 30話平唔平，二千七已經是我買過最貴的。我喜歡它的舒適和違和的三音。藍芽耳機我也認真的找了年多就是沒有合心意的，我也非常期望找到一個好的可以省略早上解線的煩躁和運動時的束縛。但看了很久，問題主要有幾方面：不是真無線（有條膠連接左右就是有線），經常跳線甚至斷線（這是不能接受的基本要求），隔聲和音質（見仁見智）。

看了很多review，考慮過Dash Pro和Jaybird Run和其他的- 又有納米防水，GPS和測心跳，甚至有即時翻譯！這麼多add on- 真的too good to be true！技術上也很令人驚訝這一切可以放進兩顆這樣細少的耳機中。但問題在於很多review也指出最基本致命傷：藍芽接駁的不穩定。連最基本的做不好，其他add on也不值一顧。

以下純分享，非廣告。（B&O PLAY 想給我稿費也可以呵！我家剛巧欠一套A9...）

有add我facdbook的朋友應該有留意我一早見到B&O會出E8。早前飯後(Literally食飽飯冇事做)走過ifc的Bang & Olufsen發現有貨，一試愛上。

男人都喜歡外表。簡潔黑色或灰色，雅緻的金屬外殼而不是感覺兒戲的塑膠。細小輕巧，沒有按鍵也沒有多餘的耳翼和菱角。最重要還有真皮外殼充電盒加上暗印B&O logo簡直是外觀上的deal closer。充電盒小而輕，兩手空空返工的我放進西裝內袋也不太覺。

戴起非常穩固，貼耳，舒服且彷如無物。沒有太多的added feature所以也不需要太多按鈕，操作簡易。我要求的就是把應該做的都做好，就這麼簡單。

E8安守本份的把基本的connectivity做好：不論是左右耳和耳機跟電話的connectivity也不成問題。用了個多星期，戴著它上最繁忙的地鐵車廂，身邊有很多其他的藍芽裝置也出奇地沒干擾。戴它去跑步（它不是賣運動用但也有基本的weather resistance而不是jaybird的sweat proof） 也99%可以，唯一問題是因為它左耳是slave，我左手拿電話擺動的時候有時有很短的斷聲- 用右手拿電話就沒這問題了。

可能真的沒什麼special feature，很多review也大力推它的Audio Transparency。可用但效果其實有一點點怪，像聽個很鬆散的收音器一樣，換mode的反應也未如理想。再加上其實就算你聽到也看起來不禮貌，安安份份脫掉耳機不還是更快？

講重點。我只是用iphone6推，耳機單元則為 5.7mm 動圈；音色方面老實說是不夠UM 30 Pro，但是我試過所有真無線耳機中的最好。人聲清，也可以去tonetouch作微調。Base有但有點弱，但我也很少需要所以還好。但要用過中階耳機的我去為了無線去降準...也可以但也有底線。我試過一千以下的，音色像隨手在深水埗買百多元的質素；一至二千的可以接受，但玩這對上手，聽起來至少有UM Pro10的音質。俾UM Pro 30的價錢但少了打結的線和外型靚仔點...

Shut up and take my money.

Mi 10T Pro 小米10T Pro - 小米喺 2020 年 9 月 30 日發佈咗三款 Mi 10T 系列手機，分別係旗艦級 10T Pro、 10T 同中階款 10T Lite，我哋今日同大家介紹10T Pro同10T先！

Mi 10T 系列主打頂尖效能，對螢幕同影相上都有針對性嘅功能。兩款手機都配置高通旗艦級 Snapdragon 865處理器，亦配置 LPDDR5 RAM 同 UFS 3.1 內存，全系支援 5G，可見今次小米誠意十足！10T Pro 外型有黑色，銀色 同 藍色 三隻色，而 10T 亦有 黑色 同 銀色 兩隻色。指紋辨識同電源鍵就二合一放喺機身側面。兩者都支援 NFC， 同時都內置紅外線收發器，不過就無 3.5mm 耳機插。Mi 10T Pro 同 Mi 10T 支援 Wi-Fi6，亦比上一代支援更多 5G 頻段，不過仍然唔支援部份台於結界使用嘅 n79 頻段。不過隨住 n1 頻段嘅推出同普及，覆蓋嘅問題相信唔會太嚴重。

屏幕方面，小米 10T 同 10T Pro 都採用咗 6.67 吋 FHD+ IPS LCD 螢幕，螢幕比例為 20：9。兩者都支援 144Hz 螢幕刷新率，同支援 Adaptive Sync 技術。螢幕動態刷新率範圍好廣，由 30Hz 到最高 144Hz，屏幕會根據唔同嘅場景去調整刷新率，確保 Mon 靚嘅同時，亦唔會嘥電，根據官網所講，6 個鐘頭重度使用可以省到 8% 電！部機仲內置咗 MEMC 功能，令畫面更清晰同流暢。唔只咁喎，呢個 mon 亦支援 DCI-P3 色域， HDR 10 認證同最高亮度 650 nit、同德國萊因低藍光認證，螢幕質素相當高㗎！

攝影方面，10T 系列採用三鏡頭設計。10T Pro 主鏡頭用咗 1 億 800 萬像素 Samsung HMX 鏡頭，支援 30 倍混合變焦。而10T 用咗 6,400 萬像素 Sony IMX682 主鏡頭，兩部機另外配置咗 1,300 萬像素 嘅 123度超廣角鏡頭，同埋 500 萬像素微距鏡頭，質素絕對有保證！前置鏡頭方面，就用咗 2,000 萬像素打孔式鏡頭。

攝影效果方面，10T 系列今次提供咗 6 種唔同嘅長曝光模式，例如Photo Clones，將自己分成幾個分身放喺同張一相入面，Star trails 創造星軌效果，甚至有 Neon Trail 車軌模式添！夜拍方面，內置咗 4 種Filter 包括 Cyberpunk 同 Blackice，令到你嘅夜晚更加有味道！ 拍片方面，今次 Mi 10T pro 支援 8K 30FPS，隨手一拍，都做到電影級細緻嘅效果！

Mi 10T 系列 內置 5000mAh 電力，亦支援 33W 有線快充，唔洗一個鐘可以充滿電，隨機送埋快充插頭，而且加入咗 MMT 充電技術，以雙電流主導，減低電阻影響充電嘅速度，無論喺低電量定高電量嘅情況下，都可以保持穩定嘅充電速度。

Mi 10T系列內置 6GB 或 8GB 記憶體，配合 128GB 嘅儲存空間，定價為 499 歐元起。而 Mi 10T Pro 8GB記憶體配合128GB或 256GB嘅版本，定價為 599 歐元起。港版官方暫未公佈售價，大家要留意吓啦!

#mi10tpro #mi10t #xiaomi10t

蘋果Apple在香港時間2018年10月30日晚上，發佈咗新一代嘅 iPad Pro。上一次發佈新 iPad Pro已經係2017年6月嘅事。而今次所發表嘅新機，其實同早前嘅網上消息差唔多，在外型同功能方面都帶來咗新鮮感。我哋一齊同大家睇睇！

呢一代嘅 iPad Pro 彩用全新嘅A12X 處理器，配合新加入嘅圖像處理晶片，令 iPad Pro 成為一部全功能嘅平板，應付包括剪片、繪圖、高階遊戲、同埋睇超高清片對硬件嘅要求。

尺寸方面今次嘅 iPad Pro分為全新嘅 11寸同舊有嘅12.9寸兩個版本，邊框比上一代更幼，不過都可以容納到前置嘅鏡頭同埋感應組件，所以唔需要有 iPhone 系列嘅「劉海」，另外亦取消咗「Home」掣，成為真正嘅「全面屏」平板，螢幕採用咗 Liquid Retina技術，解像度分別為11寸嘅 2388 X 1668 同埋 12.9寸嘅 2732 X 2048。

11寸型號對比舊有嘅10.5寸版本，螢幕明顯大咗，但大細以及重量就相約。12.9寸型號對比上一代就有明顯分別，因為邊框幼咗，所以成部機都細咗同薄咗好多。

鏡頭方面，後置一個 1200萬素嘅鏡頭，而前置嘅700萬自拍鏡就支援True Depth技術，順理成章可以以FaceID解鎖，取代之前嘅TouchID指紋解鎖技術，同 iPhone X 系列睇齊。另外，為滿足有容量需求嘅朋友，今次Apple仲推出咗最大嘅 1TB版本！係，你無聽錯，係內置 1TB 嘅儲存空間！

另外最特別嘅亮點，就係新機唔再用 Lightning接頭，而改用咗較為大路嘅 USB-C 充電、配件連接同埋資料傳輸，相信係因為新機對電力嘅需求更高，亦可以講將 iPad Pro嘅級別同都係用Type C頭充電嘅 Macbook 睇齊。不過點都好，呢個轉變對消費者來講，都係一個好消息。但同一時間，新機無咗3.5mm嘅耳機插，對於想一邊充電同用有線耳機嘅朋友想講，會有啲唔方便喇。

今次亦推出咗新一代嘅 Apple Pencil，呢支新嘅 Apple Pencil 外型更似一支鉛筆，可以透過磁力吸在ipad旁，支援無線充電，亦都透過手指在使用時輕點兩下切換模式，相當聰明！
新 iPad Pro 即時已經接受預訂，2018年11月7日公開發售。價錢方面，以最平嘅64GB Wifi版為例，11寸賣 $6399，而12.9寸就賣緊 $7999。新一代嘅 Apple Pencil 就賣 $999。你又會唔會心動呢？

《Z世代達人》
麥卓華