話說我五月份時裝左部電解水機喺屋企 (非贊助品、全自費、係我買過最貴o既廚房野) 當時鉛水事件未出現，咁貴買部機純粹係貪部機係醫療級產品，啲水可以安心咁直接開嚟飲，同埋聽朋友講話電解水浸菜好好，可以去農藥、啲菜會好味啲甜啲、煲湯又出味啲云云。我主要係因為屋企有兩隻小笨，想食得安心啲、好味啲、健康啲 ~

當時個代理仲講左好多其他好處，不過我都係聽住先，因為大家知我風格，我係要完全理解明白個原理、又或者自己親身見證左個變化先會信服嗰種人。平時對贊助品我都咁認真，更何況要自己畀錢買 ... 哈

用左幾個月，我係感覺到到電解水機確係有啲野o既 ... 浸菜浸生果真係特別好用。我一直有影落一啲相，不過未有時間好有組織咁寫返出嚟。今日忽然想寫呢篇，係因為咁啱我有相機喺身邊、又發現雪櫃裡面嗰兜被我遺忘左、10日前剪落嚟的薄荷葉，竟然仲係好翠綠挺身！有相為證啊 ~ 當日代理係有講過浸過電解水的菜特別耐放，我以為誇大，今天我實證了。所以我樂於分享出來。

我自己揀電解水機係有一套原則，但打出來確是需要好些工夫。不過我喜歡公開講，因為私下逐個答好花時間，所以最好唔好 inbox 我問了，我答唔切啊。如果你地想知但我又未寫，不妨喺上堂時問我啊 LOL

IZUMI-Ionizer