#bfmurmur1566 希望大家可以睇完之後俾啲意見我，我出post係唔想大家行到分手呢一步。 我同佢同年，今年26，大家都有穩定職業，佢人工高我少少，唔差幾多。我地係大學year4一齊嘅，當初係我追佢先，一開始見到佢細細粒，戴住眼鏡，幾可愛，對佢初印象好好，後來深入認識左，發現佢真實性格非常女強人，超級獨立，非堂鍾意讀書而且讀得好好，講野好有邏輯條理，每次同佢傾計都覺得好inspiring，我後來鍾意左佢就同佢表白，佢好直接咁拒絕咗我，話佢希望一段戀愛關係能夠enhance佢自己同對方，係spiritually有意義，而唔係為咗擺上ig曬下有拖拍個種浪費時間嘅關係。雖然個時俾佢拒絕咗，但係唔知點解反而覺得佢更有魅力，我地後來一直都有contact，雖然唔係好頻密，但係我好期待同回味每一次同佢嘅對話。 後來我再表白，佢應承左，我地拍拖咁耐以來其實係有爭吵，後來我地慢慢磨合，雖然我地唔似其他情侶一樣咁痴對方，但係我地都一直keep住關係，我拍過3次拖，係人生第一次覺得我會認定一個女仔為長久嘅伴侶，不論心理定生理上我地都好夾。 大學grad左之後，我諗左更多將來嘅嘢，我係一個有家庭觀念嘅人，我將結婚擺得好重，亦好鍾意小朋友，我會視組織家庭為我人生一個好重要嘅部分。我其實之前就有同佢講過呢個問題，佢話佢係絕對唔會結婚嘅人，佢覺得人嘅一生無論如何都係要自己過，佢亦都唔想因為任何人去改變佢人生嘅計劃同事業。佢都好討厭小朋友，覺得佢地好蠢，乜都唔識要人教，佢覺得錢使喺佢自己一個人身上已經唔足夠，仲要因為小朋友嘅夢想同興趣為佢地使自己嘅錢好無道理。當時聽到純粹覺得大家價值觀唔同，唔影響啲咩，依加脱離左大學，諗多左將來，又同佢傾多左呢個問題就發現我地無辦法走更遠。 我好認真咁同佢提過呢個問題，我明白生小朋友嘅計劃可能係我太自私，我無考慮到作為女性嘅佢身體因為生育可能要承受嘅負擔，但係我真係好想同佢結婚。佢聽到之後沉默左，我地冷戰左差不多一個幾禮拜，佢約我出嚟，話佢對自己嘅人生有一定嘅堅持，佢唔明一直拍落去會有咩問題，但係如果我堅持要結婚，佢會寧願忍痛分手。 個次係我同佢拍拖咁耐以嚟幾乎第一次見到佢喊，佢好少為左邊個喊，因為佢覺得喊又浪費時間又無意義，佢一直以嚟都自負咁用自己所堅持嘅一套原則生活，even我係佢男朋友都好，好多事我都配合住佢，初初當然係唔適應，後來知道佢呢種性格 (INTJ)，就開始理解到佢，一直磨合到依加，我已經完全認定係佢，佢已經成為左我人生不可或缺嘅一個人。 我唔知點樣收科，我絕對唔會想走到分手呢一步，但係我又好想同佢組織家庭。加上其實我屋企人唔係好鍾意佢，未至於會俾難聽嘅說話我，但係經常有意無意暗示佢好自私，好self-centred，叫我揾過個溫柔啲feminine啲嘅女仔好過。但係其案佢只係喺大原則上有所堅持，並唔係真係自私，我地拍拖三年每一年嘅anniversary都係佢埋單請我食飯，因為佢話佢人工高過我。我每年生日都送名牌俾我，今年係一個lv嘅briefcase同皮鞋。佢依加搬左出嚟自己一個人住，但係佢屋企都有放我啲生活用品，方便我過去。我好清楚其實佢有重視過我。我一直以嚟為左佢說服我屋企人，因為佢好少上嚟我屋企同我屋企人食飯，佢覺得拍拖係兩個人嘅事，佢完全係為左俾面我先勉強上過幾次食飯。 我應該點做好？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig