【2020至霸氣網上LIVE！King Gnu Live Tour 2020 AW 】 第一次聽「@kinggnu.jp」（日語是キングヌー，讀Kingu nu，G唔駛發音喔。），係funky味濃嘅搖滾歌《#Vinyl》，結他一起就係嗰種有啲壞壞又帶啲囂張嘅味道，一聽已着迷。主腦 #常田大希 係結他加主音，最令人印象深刻仲有音域超廣嘅Keyboard加主音 #井口理，再加鼓手 #勢喜遊 與低音結他 #新井和輝，4個有型又有才華嘅壞男孩，試問邊個抵擋得住？ 日劇《Innocence 冤罪律師》主題曲《#白日》令佢哋響2019年紅到番唔到轉頭，乘勢首度舉行大型Arena Live＜King Gnu Live Tour 2020 AW＞，又係你個某國肺炎，搞到年頭延期到11月7日先舉行到。首場東京Garden Theater、到大阪城Hall、日本武道館、名古屋日本Gaishi Hall，累計觀衆達42,000人。2020年12月6日嘅尾場，聲些竟然有幸欣賞 #幕張Messe 網上直播，親眼目擊4位霸氣型男，響火光熊熊嘅舞台上帥氣到不行，加埋兩次encore連唱21首，仲要首首交足貨，可以睇到咁高汁嘅LIVE，2020可以真心講句無憾了。 演唱曲目主要都係上年1月15日推出大碟《#CEREMONY》嘅歌，火光與煙霧充斥舞台，畫面意外帶幾分凄美。睇住 #幕張メッセ 入面觀衆熱血沸騰不停歡呼，聲些成場都仲忍得住，去到encore部分，井口理一開腔唱出新碟單曲《#三文小說》第一句，全場觀衆瞬間毛管直棟！比《白日》更高層次嘅煽情，簡直係歌劇級嘅感動；當然唔少得第二次encore，新碟另一首單曲《#千両役者》。一連串急速節奏，加上與音樂同步嘅舞台激光，瞬間又將觀衆情緒帶番起。淨係睇相，係咪已經好想親身飛去睇呢？ 到底要等到幾時，先可以飛日本睇show，仲係未知數唔，但願好似King Gnu呢類演唱會網上直播不要停，俾我哋一衆海外樂迷，吊住鹽水先啦。 撮影：伊藤洸祐、小杉歩 ＜SET LIST＞ SE 開幕儀式 01. Doron 02. Sorrows 03. Vinyl 04. It's a small world 05.白日 06. 飛行艇 07. Overflow 08. Slumberland 09. Vivid Red 10. Hitman 11. The hole 12. Humor 13. 傘 14. Tokyo Rendez-Vous 15. 破裂 16. Prayer X 17. Low Love 18. Flash!!! 【Encore 1】 SE 閉幕儀式 19. 三文小説 20. Teenager Forever 【Encore 2】 21. 千両役者 (首度現場演出) ➖➖➖➖➖➖➖➖ 👉 追蹤 #PEGGY先生 👉 #ペギー先生 #peggysensei #フォロー宜しく🙋🏻‍♀️ 🔵 Facebook：http://www.facebook.com/peggysensei/ 🟤 Instagram：http://www.instagram.com/peggysensei/ 🔴 Youtube：http://www.youtube.com/peggysensei/ 🟠 MeWe：https://mewe.com/p/peggysenseijapaneselanguageinstitute ➖➖➖➖➖➖➖➖