《HR如何看待Expected Salary》

大家好，我係Benjamin，筆名穆琛，現職跨國銀行界HR。作為久保團隊成員之一，過往 Career Coaching with HR 時基本上遇到每一個客人都會問及關於期望待遇 (Expected Salary) 的問題。很多人覺得 interview 後有幸得到 offer，十居其九都一定比自己的 Expected Salary 低，而事實上 HR 又是否真的會 「壓價」呢？趁著這個機會，在這裡跟各位讀者分享 HR 對 Expected Salary 的睇法。

首先，要明白 HR 訂定某職位的薪酬水平 (Salary Range)，需要考慮的因素有以下各項：

一、企業因素你所應徵的公司是否行業龍頭 (Industry Leader)？當前企業的發展處於擴充還是收縮階段？企業盈利能力如何？企業願意投資在怎樣的員工上？

二、市場因素在求職市場上，與你擁有類似經驗、能力的人多嗎？你的專業資格/技能/經驗是稀有嗎？你的技能是市場上現今所渴求嗎？

三、內部因素你上一份工作究竟是 underpaid 還是 overpaid? 上一份工作的薪酬結構 (Reward Structrue) 與所應徵的公司有甚麼不同？

曾經有一個客人在 Coaching 問我，他的 Expected Salary 是 $50,000 - $53,000，但往往 HR 給他的 offer 都只有 $43,000 - $45,000。我一看之下，雖然他是一個年輕具領導力的 Manager Role，但他的 CV 和 interview 表現都令人 HR 覺得他只是一個普通稱職的 supporting team member，完全沒有突出他的領導力和他所具備「值錢」的技能。所以，HR 往往覺得雖然他是合適的人選，但沒有給予應有他期望的薪金，覺得他最多也只值 $45,000。經過 Coaching 後，他學會在 CV 如何突出自己的成就，在 interview 時如何向 HR 表達他值錢的地方，怎樣有信心地叫價。最後他成功得到一份比他期望更好的 offer。

很多人都單方面覺得 HR 在壓價，但你又有無諗過究竟你有無具備該職位「值錢」的才能 (Competency)。如果有，你又有無在 CV 和 interview 中有技巧、有系統地展現出來？你有無分析該項技能又是否企業現在熱切需要的？你擁有的專業資格，在市場上究竟認受性幾大、有幾值錢呢？經過 Coaching 和 CV Enhancement 提升個人特色之處，有技巧表達自己怎樣值錢，往往你更加可以提高你所 expect 的 salary range 更同時得到 HR 的青睞。

另一個例子是一個 Marketing Specialist，他擁有多年傳統媒體和社交煤體的營銷經驗，但他的 CV 和 interview 往往只著墨於其多年在傳統的報章、雜誌的行銷經驗。當 HR 考慮出價時，便會覺得他的 profile 並不那麼值錢，對現今的網絡營銷、人工智能等值錢的技能一一竅不通，從而不會傾向 offer 出一個很吸引的價錢，因而出現壓價的假象。

不少人都會問，如果我 CV 上寫 Expected Salary $40,000 - 42,000，HR 是不是一定最多只會 offer最bottom的 $40,000？很多時 HR 也會問到求職者的 bottom line，從而制定 budget 和管理期望 (expectation management)。若然公司受 budget 所限，而 $40,000 亦是公司內部同等職位的中位數/頂薪點，固然 HR 是會 offer $40,000。可是，若求職者有另一份 competing offer / counter offer，或者公司內部原來 $42,000 才是該等年資職位的中位數，HR 是絕對有可能給予你 $42,000 的。在銀行界，假設你有幸從本地銀行 (local bank) 跳往一間投資銀行 (ibank)工作，你最初可能只 expect 15%的 increment，但基於工作崗位的提升和需要把你的薪酬與投資銀行內部同等職位看齊，往往最終的 offer 有機會達至 25％ increment，超越你最初的期望。

如果你清楚你的定位，懂得如何表現自己的長處和值錢位， HR 是一定不會壓價的。試想像，如果 HR 出的 offer 是 underpaid，你很大機會工作數月後會跳糟，HR 反而失去你這名人才而要重新開展招聘程序，同時亦影響 HR 的 KPI，作為 HR 又點會咁做？

相反，如果你 expect 的薪金是 $30,000，有一日收到一個 $31,000 的 offer 固然十分開心，但你又有冇諗過如果你懂得表現自己和配以適當技巧，你本應是值得更高價錢？

歡迎各位PM 預約 Career Coaching with HR，了解下究竟自己值咩價錢。

［香港讀Master，嘥錢嘥時間］　置地記者講起讀Master（http://bit.ly/2SLz8qU），我又講下。

首先快講我嘅真人真事經歷，免得你質疑我冇資格講。我在2000年夏天在港大畢業，精算，second lower。然後冇返過工，9月去咗英國讀書，在Warwick（冇錯，陶傑嗰間）讀MSc in Financial Mathematics．唔知讀一年定一年半，總之2001年中秋節我返咗香港，然後開始咗大半年好爽嘅雙失生涯，見咗好多份工都見唔成（我唯有同自己開脫：果時失業率個個月升，而我返嚟正係911後冇耐）。到2002年我開始返工，教書。2004年轉咗去做蕉行。以上種種，舊文有寫。（http://bit.ly/2FRQfBk　贏在起跑線？人生唔係一條直線）

我當年去讀Master，原因好簡單—唔想返工。到英國話收咗我，我更加仆到去，就同老豆老母（已離婚，但居然都同心協力）講科水。你話換著係香港？可能我都讀，讀左就抱憾終生，但唔使擔心呢個問題，因為根本冇人收我。Second lower嘛，堅記車房堅叔話齋，second lower就好難搵Master讀架，邊個想收second lower？ 咁多個米高佐敦？

而我返到香港，居然都仲有搵Master繼續讀，咁就梗係搵MPhil啦。讀完MSc又MSc？不過又係好彩，畀人百般羞辱（其中包括中大數學系某博士，屌佢老母啦，同科相輕，質疑我讀呢啲火箭數學嘢唔識抽象思維喎，同我講即係例如呢，我地講limit要用Delta-Epsilon Approach—我仆你個街我中五已經識啦！你唔撚睇我A level 拎乜grade？），最後又係多謝佢地各院校不娶之恩，收咗我嘅我應該都幾大鑊。
________________________________________
讀Master？首先問你點解想讀，二來問你去邊度讀。我嘅短答案係，在香港讀嘅，就唔好浪費時間了。在外國讀，好啲，不過都唔好以為有乜回報，你當係消費，心理易平衡啲。

想讀Master嘅人，心態各有不同。首先講係最好嘅，即係讀完Degree接住去嗰啲。最出色嘅，當然係為知識嘅，諗住做科研嘅，讀上去做Doctor嘅。咁你梗係去讀 MPhil啦，然後去送薄餅讀PhD。我冇讀過MPhil冇過薄餅，冇得評論。只能叫你睇返我朋友廖博士 軒翥而翔 嘅鴻文（http://bit.ly/2SO4cGM）。客觀地講，博士學位膨脹甚快（懶搵數據），而有幾多學校請，大家心照。請嘅會唔會請本地大學嘅博士，更加心照。我年少時正係香港兩大變三大三大變八大定十九大時，明明以前唔使薄餅都教得嘅位，變咗全部要有薄餅，就請咗好多人。呢班友就梗係霸住屎坑等退休。加上而家大家知道，研究院十居其九係大陸啲學霸，食樹皮偷渡落嚟，個個都省級狀元，勁過你勤力過你，你覺得你夠佢鬥？Think Again．不過都係嗰句，我冇做過就無謂潑人冷水，要追夢嘅自便。本人其實唔係討論MPhil

畢業去讀Taught Master（MA MSc MStat一大堆）嘅，九成就係啲唔想返工嘅人，咁其實係OK的。冇錯，只係將個問題推遲一年，但推得一年得一年嘛。況且工可以邊讀邊搵，分分鐘畀你搵到份好嘢就讀都慳返（都唔記得講，當年我嘅教育文憑PGDE就係咁樣畀港大殺咗訂，因為之後我冇教書，去咗做蕉行）。但真係除非好大件事，好冇錢，唔識講英文，要餐餐都食到譚仔。否則，強烈建議你唔好在香港讀。原因下面會再講。

好啦，最麻煩嘅，其實係啲做做下嘢走去讀Taught Master嘅友，亦都係呢度嘅讀者。又不外乎係兩種人。有啲係做得幾年嘢，可能唔開心，可能同人炒大鑊，可能畀條女飛咗，總之想逃離職場。呢啲例子我都聽唔少。或者有啲係條女做得唔開心，自己又有錢，就供埋佢去讀，又得。但一般嚟講，一係就唔做嘢，開始返得工呢，為療傷去讀Taught Master，應該冇乜用。

你自己計下，讀Taught Master要幾多錢，加上科乾咗嗰一兩年嘅人工。然後仲要再搵工，一個唔該一讀完金融海嘯你就仆街。況且，你唔鍾意都好，少不免會有老細或HR覺得，呢條友做幾年又走咗去嘅，會唔會之後都係咁？係好戇鳩，但HR就係戇鳩架啦，今日先知？貪過癮呀要減壓呀失戀療傷嘅，你過澳門應該簡單啲，自己計下用嗰堆錢可以做幾多嘢—最重要係，你放工先去嘛！唔使辭咗份工去澳門！所以，真係要讀，就Part Time。死都攬住份工。

另外，仲有堆比較正路嘅，係為事業，即係為錢。例如係做咗幾年嘢覺得自己有啲不足。但，千萬唔好係因為呀乜水讀過你冇讀，真係唔關事的，人戇鳩你又戇埋一份？邊個話你知老細升職睇人有冇Master？我歷任老細冇一個讀Master，亦都冇一個係CFA。因為李嘉誠真係唔使識落石屎。

如果係覺得自己不足，係好事，總好過覺得自己好醒。我年代唔少理科高材生，其實好叻仔，但大學走去讀工程或電腦。畢業之後覺得好瀨嘢喎，人工低工時長又溝唔到女，想轉型，就去讀金融（而家風水輪流轉，到啲金融撚扮Tech撚去Coding 去區塊鏈）。我見過啲成功例子，但其實我覺得，唔使用劍嘅，你讀個CFA咪得咯。真係事必要讀嘅，搵Part Time嘅嚟讀。辭咗份工去讀書，真係點計都唔啱數，邊個同我講我都話唔好。冇咗嘅人工，加埋學費，加埋要搵過工，未見官先打八十大板。你計下幾多年先回到本？知識？你咪撚玩啦。你睇我啲文肯定獲益多過你讀啲濕鳩Taught Master。仲唔使錢添。仲可以在公司睇添。

有冇例外？有，如果你去外國讀，就另一種玩法。當然外國讀by default就係full time，香港啲遙距乜乜，又係浪費時間浪費金錢。外國讀有乜好？兩個。首先，老細或HR都係膚淺嘅，外國緯度高啲，月亮真係圓啲的。蕉行嘅老闆標哥請我，就係因為我在Warwick讀。你即管話佢膚淺，但佢就係決定請人嗰個。後來我發現佢根本唔請任何Local大學嘅人，佢之後請個大陸仔都係澳大利亞讀大學的。第二，舊文寫過，Warwick嘅一年，係我生命中好重要嘅一年（http://bit.ly/2SG2SWh）。唔係佢地教得有幾好（實則我好少上堂，捽住腳趾都叻過啲鬼仔啦），而係在外國，一條友，冇王管，種種嘅文化衝擊。睇好多無聊嘅書，諗好多無聊嘅嘢，去好多無聊嘅地方，好多痴線嘅想法同核心價值，就係嗰時形成的。你話係咪幫到工作？唔知，你可以話我好彩，遇到標哥。但無論如何，你當係消費，都已經抵。幫到你加人工或仕途就額外嘅。

在香港讀呢？你可以計數。你諗下你個Master可以令你加到幾多人工（if any），然後睇下幾耐先會回到本。唔計錢的話呢？上面嗰段講嘅國體驗，你全部都冇。得罪講句，你話你在港大（我母校，唔怕講）讀MSc，啲女／仔都覺得你係有啲問題的。
________________________________________
仲有一種，其實應該分開嚟講，係MBA。又係嗰句，我冇讀過唔應該評點咁多。但正如 置地記者所講，人人都知讀MBA唔係為讀書，係為識人。所以你見大陸啲MBA好多靚女去讀—無非係釣金龜，塞張房卡畀佢，今晚玩救你（http://bit.ly/2SJml8m　EMBA的房卡故事）。因為好多大陸白手興家，書又冇乜讀過嘅大老闆，都會走去讀。

不過，潑冷水都要講句，香港啲MBA，就你懂的。另一朋友話頭，個盲點就係，人人都諗住入去識人，結果就好多九唔搭八嘅人去讀。MBA同社交網絡一樣，有好強嘅Network Effect ：原本已經多勁人嘅，咪更多勁人去讀咯。原本就騎呢嘅，就只會係一堆騎呢人。把關收生嘅當然係會講佢地點嚴格點乜，但真相大家都知。

因緣際會，有位工作上嘅前輩，家住成億嘅單位（我等牛屎仔眼中好貴架啦），耶魯School of Management畢業。因為佢，我有次在北京都參加佢地 嘅活動。係真係唔同的。甚至佢地自己有個場，定期畀啲校友交流下，叫啲客席嘉賓（例如本人）去講下。

________________________________________
都係講返錢。無論MBA又好，Taught Master又好，都面對一個好大嘅問題：回報率越嚟越低。

我反對人讀Master ，但絶對贊成人讀Degree，都係因為回報。有學位嘅工，都仲係高過冇學位嘅工（雖然差距收窄左，好多以前中學生做得嘅工都係大學生做）。香港讀大學有一個好重要嘅誘因：學費平。香港大學本科嘅學費，N咁多年冇加過—你人工再話停滯不前都好，都有加到。麥當勞時薪都貴過當年啦，但大學學費冇加過喎！

相反，香港嘅Taught Master我唔知。但MBA肯定加咗好多價。而我在Warwick 讀嘅嗰個MSc呢？當年，18年前，係9000鎊。而家？係35000鎊，四倍咁滯。咁你估下，而家畢業生嘅人工，會唔會係我當年嗰啲嘅4倍？梗係冇啦。所以好簡單嘅例子就話你知，個回報肯定跌緊。

MBA嘅情況，以我所知都係一樣。MBA係大學最現實嘅課程，亦係其中一個最吸錢嘅課程。往往賣點就係，讀之前幾多幾多人工，讀之後幾多幾多。呢啲統計全部都有水份，但，作數亦不能作得太離譜，即使你睇官方數字，呢啲increment，都冇乜增長 —但學費貴咗好多。原因亦好簡單，因為一街都MBA，而掉轉頭，邊有咁多中層？去中層化亦係近年企業嘅一大趨勢。
________________________________________
結論：唔係為錢嘅，唔好讀。要讀嘅，就去外國。真係在香港讀嘅，讀Part Time。MBA？一樣。