《林鄭月娥嘅appraisal》
　
作為一個資深嘅職場small potato, 經常都批評高層，阿姐阿哥嘅不是。有啲人就話啦，你又冇做高層嘅能力，有咩資格批評阿哥阿姐呢？其實呢個說法好唔合理，即使你係一個醜婦， 唔代表你冇判斷能力，分辨出邊個香港小姐候選佳麗係最靚。可能大家未必有勝任阿哥阿姐嘅能力，但講到批評阿哥阿姐嘅才能，各位職場small potato都應該好有經驗，不如今日同林鄭月娥呢個打工仔做個appraisal 。
　
我成日覺得政府，建制派好鍾意強調林鄭月娥好打得，盡咗力，但我哋係需要一個有能力嘅人，而唔係盡咗力嘅蠢人，我唔會因為你好人，盡咗力，你好無奈，好多嘢都做唔到而收貨。 leadership is not being nice, it's about being right and being strong.
　
再者我亦唔覺得林鄭月娥嘅為人係nice, 退而求其次，唔講佢incapable, 唔講佢stupid, 但係呢兩三個月， 佢連同理心我都睇唔到。每當有示威者，學生，青年人受傷犧牲入獄，林鄭月娥連最基本嘅同理心，扮關懷，都演繹得極之薄弱。
　
作為一個打工仔，真係覺得林鄭月娥show 唔到佢對份工嘅熱誠，完全冇passion at work，唔夠aggressive。林鄭月娥經常都表現到好無奈，畀人睇得出佢暗啞底嘅內心說話：我都係打份工啫，唔好為難我啦，其實我做到嘅嘢好有限。佢成日以下屬嘅心態去做一個上司，明明佢已經升咗職，佢嗰份服從同聽話，好似意識唔到自己已經升咗做一個地區嘅首長。佢係夾心階層，大家都知，佢係好多嘢爭取唔到，係人都知，但林鄭畀人一個感覺，係連「扮爭取」都費事。
　
大家都心知肚明，佢係leader, 但係佢唔係big boss,作為呢個中間人， 其實係需要好女兩頭瞞嘅 skill, 但佢成日都有兩頭唔到岸嘅感覺，既應付唔到上邊，又氹唔掂下邊。
　
而佢作為一個師奶，喺男權當道嘅政壇， 既得唔到男政客嘅必然優勢，但又冇善用自己女性嘅身份，連普通嘅記者會，講說話晦氣又冇禮貌，經常都畀人一種挑釁嘅感覺，畀男人睇唔起，又籠絡唔到女人嘅同情。
　
最後係，大家都知道夜場無真心，職場無真愛，作為一個打工仔， 我哋同林鄭其實一樣，日日都諗住辭職，但寧畀人知，莫畀人見。一日未辭職，無理由證據落喺全世界嘅手中，辭職錄音通天，係同喺公司printer 見到有人print其他公司嘅job application form一樣，有證有據咁斷正就唔好啦！
　
其實打工做嘢冇能力嘅時候，就要講演技㗎喇！ 係人都知你唔想做㗎啦， 但你連演技都冇，你又點好意思叫霞姨留個飯盒比你呢 ?

Une chaise n'importe où !
隨時去隨地就有椅子可以坐很方便！

我來台灣的時候 我發現了很神奇的事
台灣人有隨身椅子... 就是可以蹲下來 然後 腳底是平的這樣 感覺輕鬆...大人和小孩都一樣喔！
你們可能不懂我的意思
但
Je me souviens avoir été surprise plusieurs fois par le fait que les taïwanais pouvaient s'accroupir sans avoir à se mette sur la pointe des pieds...
。
。
。

我就是無法這麼做啊！
我這樣蹲下 我的腳底不是平在地上！
所以很快就會累啊
J'en suis incapable... du coup... cette position n'est pas agréable!

我一直在想 到底是我的問題嗎？
昨天剛好看到台湾朋友分享他老公 法國人 的影片 跟我一樣無法平腳蹲下去！
真的很有趣
有人知道為什麼嗎？
體質的關係嗎？還是根本是因為我屁股太大 哈哈！

#文化差異 #根本跟文化沒關係 #神奇發現 #taiwan #france #亞洲蹲

《負「驚」請「序」》
　
可能大家都有啲忟憎，我就好似啲港女每日po pre wedding嘅相，倒數自己結婚一樣，每日都提及自己本書，但本書又未有得喺書局賣，如無意外，easter 後有㗎喇，而家我po返封面畀大家望梅止渴。呢個復活節我都等到好心急，好似等耶穌復活咁心急，對我嚟講，出書日期令往後嘅復活節都蓋上嶄新嘅意義。
　
今次係想謝「序」......
今日想特別多謝三個人，排名不分先後，我想多謝Relgitsjg - 史兄， Mayi 同 謝曬皮 TSE SAI PEI the incapable。呢三個人無私奉獻，各為我本身書寫咗 一篇序，我覺得寫序同捐贈器官 一樣咁偉大，因為寫序嘅人係用佢哋嘅reputation同名聲去endorse我，一個人嘅reputation係幾咁重要，你係要對我好有信心，你先肯為我賭上佢哋嘅名聲。大家見到劉夢熊你就明，endorse 一個人可以好大鑊，所以真係好多謝呢三個人。
　
請「序」過程真係膽戰心驚，我鐘意人，但唔係好多人鐘意我，不停invite 再不停被人拒絕，令我明白100毛dickson 不停示愛，屢戰屢敗嘅心情。有啲朋友提議我係人都send invitation，搵多啲名人寫序，好似同事濫發喜帖咁，甚至有人叫我不如試下搵早期大熱嘅薯片叔叔， 佢哋話，薯片叔為咗建立公關形象，有機會會應承。但我覺得第一本書嚟得咁珍貴，我就只想搵我鍾意嘅人為本書留下烙印。(正如我至今都唔明白，點解會有啲人為咗份人情，請啲三唔識七篤眼篤鼻嘅人，去飲你結婚嗰餐。)
　
好彩最後三位朋友挨義氣，由於我係好老土嘅人，好想講返我同呢三位朋友相知相交嘅經過同感受......
　
史兄其實我早喺2013年就有睇佢嘅文，奇妙嘅係，三年之後，竟然可以簽到出版史兄本書嘅同一間出版社 創造館，為我出版第一本書。透過出版社認識咗史兄，正如我之前提及，見到史兄真人，真係顛覆咗我嘅想像，史兄原來咁高大，仲有一種飽歷風霜嘅感覺。其實史兄嘅真人係比佢嘅文字 斯文同溫柔好多，好多事情上佢都畀咗好多意見我， 喺香港地識到個gentleman仲願意二話不說冇半點猶豫幫我，係幾難能可貴呢？
　
Mayi 唔係第一次幫我，我第一次搵佢幫手，係讀書搵佢做一個research interview，每一次搵佢幫手，都感到非常唔好意思，作為一個有三個小朋友嘅媽媽，仲要兼顧寫作，而呢個媽媽都肯回答我呢個煩膠學生嘅問題。我想像到佢嘅生活每一日都忙到天昏地暗，但今次搵佢寫序嘅時，佢竟然反過嚟話，得到我邀請覺得非常榮幸，點解有人咁好人嘅？
　
最後要多謝謝曬皮，我同謝曬皮本身係唔認識嘅，我只係佢一個fan屎。我都係以一個膽博膽嘅心態，睇下謝曬皮會唔會答應我。我一直以為謝曬皮係一個有智慧嘅醜婦，但後來我見到佢咁似陳秀珠，佢真係違反商品說明條例，一個咁有智慧嘅人竟然係美女！識咗佢好短時間，佢就敞開心窗，同我傾訴少女心事，我哋兩個就好似 古時候用icq咁， 吹水吹到越吹越興奮，傾咗幾個鐘計。由陌生人 吹到傾聽心事，令我重拾icq感覺，真係好sweet。收到佢為我寫嘅序真係大嚇一驚，點解？你地easter 後要買我本書來睇啦！
　
有人話序根本係一本書嘅appetizer，唔係主菜，唔太重要。但我覺得，我本書每一部分，都係精彩㗎。 我本書嘅序，唔係唔飽肚嘅appetizer，係演唱會嘅特別嘉賓，個嘉賓係會成為整場演唱會一個incredible 嘅magic moment。希望你哋睇本書嘅時候，細心咁睇下每一個序。
　
其實，淨係買呢三個序，本書都值回票價啦。
http://www.gccd.com.hk/booklist_single.asp?bid=10179