#gfmurmur9203(part1)
男朋友27，我25。同我一齊之前佢A0，我A4。同男朋友因為大學同學關係已經識左5年，都係最近依一年一齊工作先一齊拍拖。
雖然佢係第一次拍拖，但佢對我好好、好成熟、好錫我、好就我，但相反我成日因為好小嘅事同佢嗌交，最後佢都會哄番我。我唔係為嗌交而嗌交，因為...
#gfmurmur9203(part1)
男朋友27，我25。同我一齊之前佢A0，我A4。同男朋友因為大學同學關係已經識左5年，都係最近依一年一齊工作先一齊拍拖。
雖然佢係第一次拍拖，但佢對我好好、好成熟、好錫我、好就我，但相反我成日因為好小嘅事同佢嗌交，最後佢都會哄番我。我唔係為嗌交而嗌交，因為真係好愛佢，好想佢做得更好。(我知我好自私)
例如，我地以前會用iMessage溝通，但佢成日已讀不回，佢話佢睇唔到有Message，所以我地轉用Whatsapp。但之後一直都係咁，佢依然係已讀不回，仲會online左好幾次都唔睇我啲訊息，佢話佢真係睇唔到，因為太多群組訊息彈出嚟。其實我真係好嬲，諗唔明點解佢開咗whatsapp但淨係睇唔到我嘅Message。同佢因為咁有嘈過，佢話佢會睇得密啲，但佢都係會miss左我啲message，要我再send多幾個訊息比佢，佢先覆我。
又例如，我會呷佢契媽醋，我知我唔應該咁樣。佢同佢契媽關係好好，有時我覺得佢地關係仲好過親生阿媽。男朋友一星期至少會陪佢契媽一次。佢契媽唔知我男朋友拍拖，唔知我嘅存在。因為佢契媽好隨心，突然過幾日或者聽日要我男朋友陪佢就要去，雖然男朋友會問左我先，做女朋友嘅我都明，要比時間同空間佢地，我冇理由唔比佢地出去，畢竟我男朋友係好孝順，我又未至於癲到依個程度唔比佢陪屋企人。
但我男朋友比我感覺係緊張同關心佢契媽多過我，佢會覆佢契媽訊息，但會miss左我戈啲。同男朋友出街，佢不時都會提到佢契媽，同我講佢契媽都中意依樣、中意戈樣。男朋友見到佢契媽中意嘅野就會買比佢，但唔會咁對我。我帶男朋友出去食好西，佢覺得佢契媽中意食，佢過幾日就會帶佢契媽去食。我明我應該好慶幸有個咁孝順嘅男朋友，我亦明白佢契媽同我嘅地位係冇得比較。但有時見到我男朋友咁樣，我心裡會有啲妒忌、呷醋。我唔知男朋友知唔知我呷佢契媽醋，但佢都有為左我唔出去陪契媽一次。雖然我係開心，但同時又覺得自己好衰，得失冷落左佢契媽。
又又例如，我男朋友出去比啲野朋友。佢有同我講，但我以為佢比一比就會番屋企，咁我就買定外賣番屋企等佢。點知放工問佢食乜野戈啲，佢又已讀不回我。我等左陣，有見佢online但又唔覆我，我就打比佢。一問之下，佢話去緊比野朋友(後尾發現佢講大話，打比佢戈陣佢已經同朋友傾緊計)，再問佢先話會同朋友講兩句，三十分鐘至一個鐘後番去。佢唔係成日報到行蹤，要問佢佢先會講。咁我就預時間買外賣番屋企。點知佢同朋友傾左兩個幾鐘先番屋企。又唔Message同我講聲，啲外賣凍哂，我又一直係到等佢。
我有因為咁同佢嗌交，佢就話外賣凍左可以整熱，我幾乎日日都同佢一齊食飯，豪多1個鐘比佢朋友唔得咩，依個朋友好耐冇見先傾耐左。但我覺得唔係豪吾豪多1個鐘嘅問題，佢乜都唔講聲，會同朋友傾陣計先番又唔講，會傾耐啲又唔講。佢話因為朋友一直講緊野，佢唔好意思打斷同走。但佢又唔send個訊息話我知會傾耐啲，傾耐啲唔係問題，問題係佢唔講聲，又唔睇住時間。之後佢都有講sorry話下次會講聲，同埋下次到差唔多時間叫我打比佢。(其實我有諗過Message或者打比佢，但怕阻住佢地)
又又又例如，我唔中意男朋友打機。我地一齊戈陣，我係佢屋企都好少打(同居ing)。之後一齊耐左，我放工後又要做野，佢就打機，我冇乜問題，因為我自己都要做其他野。但自從依個模式開始後，佢就真係好沉迷打機，只要一有時間，就會打機，即使我話我唔做野喇，暗示佢聽想佢陪，佢都冇反應，繼續打機。有一次，我同佢講我就嚟做哂啲野，唔洗再做，佢可能冇得日日打機，佢就好大反應，話點解冇得日日打機，佢要日日打機，更提出要我自己夜晚去休息瞓教先，佢打完機先再瞓。明明未一齊戈陣話自己唔係成日打機，點知一齊咗就另一個樣。我都有同佢講過，佢話當時係反應太大，唔會再係咁。
(續#gfmurmur9203:part2)
———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫———
♡投稿請按 @couple.murmur IG主頁鏈結!
#hongkong #couple #lovestory #hkig
imessage已讀 在 iPhone 瘋先生 Facebook 的最讚貼文
iMessage怎麼關閉已讀？這招你一定要學會
#iMessage #iOS教學 #瘋先生技巧教學
imessage已讀 在 傻瓜狐狸的狐言亂語 Facebook 的最佳貼文
其實我很熱愛使用 iMessage 的最大原因就是我可以簡單關閉已讀通知，降低聽到玻璃碎掉的聲音
＃可有效維護生活品質
＃Apple用戶生活圈的福利
imessage已讀 在 傻瓜狐狸的狐言亂語 Facebook 的最讚貼文
大家新年快樂～～～今天晚上會拿個小物來給大家玩新年活動，希望新的一年不要遇到玻璃心的人
抵抗玻璃心先從抵抗已讀開始～iMessage 可有效對抗玻璃成分高的心臟喔