【「真IMAX」回歸香港！】  * 由於Facebook已經寫完都冇乜人睇到，所以試吓部份電影post都擺返IG，但唔會好似以前咁style *  繼當年UA Megabox撤回－－絕對唔係暫緩，我都想－－個70mm IMAX機後，全香港已經變曬得返俗稱「假IMAX」嘅Digital IMAX，如果當年有睇過70mm IMAX（例如早期《哈利波特：鳳凰會的密令》、《蝙蝠俠：黑夜之神》等等），應該會知道「真IMAX」係幾震撼，尤其《黑夜之神》開場果吓睇到有離心力。  據講依家連曼谷全亞洲最後一間70mm IMAX都「跪低」變成「假IMAX」後（消息有待證實），Laser IMAX就成為咗第二佳「真IMAX」選擇。最近我哋嘅Laser IMAX，以往要去到東莞或者飛去台北，有傳羅湖年底都會開間Laser IMAX，但終於唔駛走咁遠，香港都有！  K11個場傳咗好耐，一時話真一時話假嘅Laser IMAX真係嚟料！喺尖沙咀嘅「K11 MUSEA」將會開全香港第一間「真IMAX」-- Laser IMAX戲院，亦會配埋12聲道，預計8月開幕。不過，近年興起一種叫「Next Generation Laser IMAX」，雖然令解像度同對比度更強、安裝門檻較低，但同時都因為門檻較低，唔似傳統「真IMAX」咁要用到較大樓底同面積、接近1:1.43方形銀幕，變相都唔可以真正感受到Laser IMAX嘅震撼，唔知呢間會唔會都係呢種格式、個幕會唔會都係「假IMAX」長方形。  利申自己未睇過Next Generation Laser IMAX唔敢評論，歡迎睇過嘅朋友分享一下。  曾有傳如今UA ISQAURE IMAX會由英皇接手，如果繼續做IMAX，將會搞到好似大陸同美國咁，一條街有兩間IMAX。  對呢間戲院，最期待年底《星球大戰：天行者崛起》、明年《黑寡婦》票價會唔會突破300蚊。  In case你唔知咩係Laser IMAX，都想像唔到Laser IMAX係點，可以睇留言同大家分享幾篇Laser IMAX觀後感，睇完你就明我點解會特登上東莞睇。  8月冇乜勁戲，唔通用《狂野時速：雙雄聯盟》做第一套戲？強烈建議重映《鄧寇克大行動》試機，呢套睇唔到堅遺憾😂  ☑小弟的原創小說現已上架，詳情請看：goo.gl/3g4Hk8  ☑自製南美明信片正式開售，請多支持：goo.gl/Dfmpbc #cinema #theatre #IMAX #LaserIMAX #k11musea #k11artus #uacinema #moviegram #movieblogger #movie #film #instamovie #movielovers #moviefans #戲院 #香港戲院 #電影 #晞觀影記事 #晞戲院記事