上回講到 有2位香港女孩嫁到黎馬來西亞檳城
既北海
其中一位超詳細咁講解成個結婚+visa申請既流程同埋血淚史
佢仲膽粗粗自己係度搞埋日韓台化妝護膚品代購
有興趣就follow佢既fb+ig

Youtube Channel ： Anthea Chan香馬人妻
https://www.youtube.com/channel/UCEX-FeT5NiUuAZj9h38Xatg

Facebook : mybeauty_hkshop
https://www.facebook.com/MyBeautyhkshop/

IG : mybeautymy_shop
https://instagram.com/mybeautymy_shop?igshid=13yba8o43tzkw

//
‼️超詳盡香港女仔嫁黎大馬流程‼️
Hello大家，今日我分享一個超長文內容係關於係#大馬申請結婚 同visa嘅流程同所有提示👐🏻
內容已經盡量詳細，入面係我個人經歷同再做咗d research🙏🏻
由於真係太多人問我，同見到好多人都唔識。我係上年5月開始申請到10月先成功結婚，12月拎到Visa。我係撞咗好多次板，所以飛好多次浪費好多金錢時間，仲同比檳城海關譴返返香港，禁過入境一個月，崩潰到差d唔想結😞真心想各位有一個明確指引，走少d冤枉路，開開心心嫁過黎💪🏻
請留意每一個⭕嘅提示，好重要的🙏🏻
PS.大馬每年都改動政策，我依個流程係2019年的🙏🏻只供參考‼️

⚠️第一步單身證⚠️
1️⃣申請單身證
Hk女仔要係hk申請單身證(自行上網查點申請)
⭕記得佢問你用ID定Passport申請，係用Passport申請啊！ （所有申請流程都係只用到你的Passport）
⭕單身證有效期只有半年，你拎到當日起計，就請盡快去完成結婚手續
2️⃣單身證蓋印和加簽‼️共三個蓋印‼️
1.單身證拎去金鐘高等法院加蓋印證明，有一個部門(LG1樓，比rm115 (加簽) ，部門👉🏻Apostille service)去排隊同佢講要去大馬結婚要加簽蓋章，佢就會收你單身證
⭕帶身份證，出世紙同passport去
⭕2個工作天就可以去拎返
⭕印章會在正本背頁
3️⃣大馬領事館加印(第二個印)
高等法院拎返張單身證後，可以即時去灣仔大馬領事館講話要加蓋章。佢會比張紙你，寫幾時拎得。
⭕留意領事館關門時間，營業時間短
⭕大約係2-3日就拎得
⭕第二印章會在正本背頁
⭕第三個印在KL蓋
‼️係香港搞單身證依一Part完成‼️

⚠️第二步申請異國婚姻同意書⚠️
⭕以下之後在大馬嘅流程，注意衣著。因為所有政府部門都係馬拉人工作較多，建議女仔都係t-shirts 長褲最好，太暴露佢有權唔比你入‼️
⭕以下每一步填表格上嘅地址，要係同女仔日后住嘅地址一樣，同埋老公Ic上嘅地址都要統一。就算屋唔係老公名都得，但一定要係你visa拎到後未來半年住嘅地方
⭕所有申請都需要女方男方親自去
1️⃣前期準備文件
男方準備資料💨
-ic同Copy
-出世紙
-父親ic影印本 (忘記KL有無用到，之後流程都會用到)
-藍底證件相 (最好Ready6-8張)
女方準備資料💨
-護照
-護號每一頁嘅copy (忘記KL有無用到，之後流程都會用到)
-護照上最後一次入境馬來西亞的簽證果頁copy
-出世紙
-單身證明
-父親ic影印本(KL無用到，之後流程都會用到)
-藍底證件相 (最好Ready6-8張)
⭕以上所有資料一定要齊，就算只係睇正本最好每一樣野都留一份copy先🙏🏻因為之後都會有用到的，唔好懶👐🏻
⭕一收咗你copy，你要再copy一份
2️⃣到KL 💨Putrajaya JPN💨
去到1F (BAHAGIAN PERKAHWINAN DAN PERCERAIAN)，上到counter排籌，交出佢所需要嘅文件資料，填寫表格JPN KC09
3️⃣完成後，即日會比一封封好咗嘅信，入面就係異國婚姻同意書。
⭕切記切記同意書不可以自行開封，未比Jpn嘅人睇前，一旦開封咗就無效，所以好好保存
⭕我當時等咗2h左右，留意政府部門lunch嘅時間，建議所有申請都早上一開門就去做
⭕記得要同佢講你會係邊一區註冊，佢先會俾信你，唔係有可能誤會你係kl註冊
⭕可以問定果到拎表格KC02，下一部份有用到
⭕你單身證會拎到最後一個印
⭕問定要去果區嘅邊一間JPN，
因為係要去自己縣屬附近的JPN申请婚姻注册，唔知地址就問一問。
例如我老公係檳城北海人，我就要去北海特定果間JPN做申請

⚠️第三步申請結婚註冊登記⚠️
⭕女仔要抵達大馬日期滿7日以上先可以去申請，即最快係第8日先得，一定要滿期先可以開始依一step (跟Passport入境當日起計)
⭕時間安排得好的話，即日可以完成整個申請程序
1️⃣準備所需文件
女方💨
-護照
-護照copy
-藍底相
-單身紙
-出世紙
-父親ic影印本
-護照上最後一次入境馬來西亞的簽證果頁copy
男方💨
-IC
-IC copy
-藍底相
-父親ic影印本
雙方💨
-Putra Jaya JPN發的異國婚姻同意書
-填寫好嘅結婚註冊申請表格JPN KC02
(可以係KL到拎，亦可以上網downlode)
2️⃣翻譯官宣誓
交好以上文件，我忘記好似會比返果份KC02你，需要去附近法院搵翻譯官宣誓，會問你幾條問題之類，我當時果個係華人，有一個部份係要翻譯官簽名同蓋印。
⭕法院地點jpn會比你
3️⃣回去JPN完成最後申請
拎好翻譯官簽咗嘅Form，返去果間JPN交比佢就可以。搞掂哂以上之後，JPN會比註冊結婚日子你揀，揀好之後，交RM20。
最後佢會比一張白色通知書你，上面寫咗收咗你幾錢，註冊日期地點時間。另外仲有新人同觀禮親友衣著規定(全馬來文)
⭕萬一女方期間要返香港，再返黎註冊結婚。依張通知書要跟身‼️同要有回程機票
⭕註冊結婚大多數都係去返做申請嘅果間JPN到註冊
⭕由於係馬拉人幫我地做婚姻註冊官，衣著要十分嚴格。新娘子唔可以暴露，低胸吊帶露肩胸背唔洗諗，裙長要過菠蘿蓋之類，新郎總之著襯衫西褲著西鞋就岩了
⭕就算係親友都要一樣嚴格，任何牛仔布料都唔得，波鞋拖鞋都唔得。否則入唔到房觀禮的。

⚠️第四部註冊結婚⚠️
1️⃣準備所需文件
女方💨
-護照
-護照影本
-單身證(最後一次會用到)
-出世紙(帶定)
-護照上最後入境馬來西亞的簽證那頁的影本
男方💨
-IC+IC copy
雙方💨
-白色結婚通知書
-異國婚姻同意書
2位見證人💨
-見證人IC+IC copy
⭕要有至少1位馬來西亞IC的見證人
(6299做都得，其中一個係hk人都可以)
⭕有早無遲到，因為唔知幾點就會到你，係輪住落的
⭕交RM30
2️⃣入註冊房宣誓結婚
成個過程10分鐘左右，全程係馬拉文進行。完成後會有三份一式一樣嘅結婚證書要簽名，2份歸新人，1份歸JPN。
⭕無乜儀式感可言，因為聽唔明。成個過程好快，同註冊房好細無影相位。好快趕人出去😂
⭕其中一份結婚證書一定要跟女仔身，因為接落黎申請visa你都係需要出境再入境，好重要！
⭕建議一樣都係將所有證明文件，copy，單身紙等等帶係身。以防下次入境有問題。
‼️完成整個結婚程序了‼️

⚠️第五部份申請Spouse visa⚠️
1️⃣結婚後，就可以去移民局提出申請Spouse visa。去到自己當區嘅移民局，去counter講你申請結婚visa。
2️⃣Counter交以下文件
-結婚證書
-女方護照
-女方出世紙
-男方ic
-男方出世紙
3️⃣填表+準備申請VISA資料
交哂上面嘅野之後，佢會比一份form同一張Visa需要準備既文件清單，入面有少部分係不需提交，佢會同你講的。
⭕List嘅內容大約係老公入息證明，住址證明之類一大堆，都係老公ready
⭕需要交一張4R結婚相，要影到正面全身同明顯係婚紗相，唔好交果d著便服婚紗相‼️
⭕填form前需要ready好哂果個list上面嘅資料，否則填唔到
⭕Visa基本女仔係做唔到d乜，係靠老公搞
⭕份form可以去移民局附近比錢人地幫手填
好似我北海移民局前有一條街係有得搵人填form同成堆影印鋪。依個真係要睇地區。我地就自己填無請槍。
4️⃣宣誓處蓋印
文件齊哂，form填好，去宣誓處到比個官員係form上蓋印同簽名
⭕每個宣誓處地點不一，需要自行去問
⭕佢會對你嘅form資料，唔齊唔會蓋印同簽名
⭕依個係form嘅最後一步
5️⃣正式提交申請
完成咗嘅Form同所有文件，交返去移民局。成功哂，佢就會計一個日子比你，話你知幾時可以黎拎visa，同會比2張通知書你，唔記得好似係有一張橙色定綠色。
⭕等visa批出要等30個工作天左右
⭕其中一張成功遞出申請visa嘅通知書，依張十分重要‼️女仔要跟身
⭕拎visa當日要交RM1630，數額正常香港人都一樣的
6️⃣拎Spouse visa
只需要帶結婚證書，
之前比你果兩張通知書，女方Passport，男方IC就可以。等1小時左右，visa就會貼咗係Passport入面‼️
⭕第一次批都係得半年
⭕留意passport過期日子同滿頁未，passport靚仔哂先好比佢貼visa
⭕以後Passport都要帶係身
⭕出咗境再入境拎visa，這一程可以不需要回程機票，帶結婚證書同成功遞出申請visa嘅通知書，再比老公IC copy佢睇，解釋你今次黎係拎Spouse visa直接就stay係到就可以了
⭕記得visa到期日之前要續簽
⭕半年至一年內移民局會派2-3位人員上門去你填嘅住址突擊檢查，只有一次。萬一唔係屋企，佢會通知你去office報到，同會再突擊一次，如2次都見唔到人，手尾好麻煩‼️
上門佢會要求影你同屋企其中一個成員相，睇你passport同結婚證書同婚紗相。佢會問你有無打工，有都千萬話無‼️好快就會走人。老公唔係屋企都ok，主要係搵女方
‼️🎉成個結婚程序同visa申請完成🎉‼️
👐🏻我個人比嘅tips👐🏻
⭕正本永遠唔好比人收咗去，依到政府d人做野真係怪怪地。正本可以比佢睇同驗，但走一定要check清楚有無拎返
⭕我打依一篇參考係比好多個唔同政府部門老點過先得出黎。每個講都唔一樣，總之問多幾個人。自己再判斷一下先好做
⭕盡量用最少嘅飛行次數做好以上申請，飛得愈多次入境被black list同譴返風險增大(盡量飛大約3次就搞掂)
⭕不要不要不要，為咗方便增加逗留期，而去秦國過關再入境，好容易比人捉同當你做黑工
⭕係成個申請過程，所有證明到你入境係因為申請結婚同visa嘅證據帶係身，一日未成功拎到visa，所有文件入境都要跟身
⭕Visa突擊檢查未通過前，你搬屋一定要去移民局講聲改地址，否則都係會去你form上地址搵你
⭕拎到visa後，女仔已經可以自行去銀行開saving ac，不需要同老公聯名
⭕叫老公Ready一封馬拉文嘅信，寫明你双方全名ic passport no. ，寫明入境原因係最安全
👐🏻👐🏻👐🏻👐🏻👐🏻👐🏻👐🏻👐🏻👐🏻👐🏻👐🏻👐🏻👐🏻👐🏻
請分享比多d人參考😂💪🏻幫到更多黎大馬嘅過埠新娘Thanks💗
//

Anthea Chan香馬人妻
https://youtu.be/N1LlkuBg_4U

#嫁到這世界邊端
#馬來西亞
#檳城
#北海
#mybeauty_hkshop
#香馬人妻

其之…最終章
〔文末有 全集傳送門〕
＝＝＝＝＝＝＝＝＝＝＝＝＝＝
前文提要：
來到最後一話，也沒有甚麼前文可以提要。
在動蕩中的社會，完結一個自己喜歡的故事，已屬難忘。

有心的朋友，文末有傳送門，一次重溫，微微感動。
＝＝＝＝＝＝＝＝

看故事之前，以下是一份問卷，為25歲至35歲單身人士而設，
題目是《30歲應否談戀愛》，看看你是那類型的人。

題目1：
單身了超過一年？
是 >>> 2分
不是>>> 1分

題目2：
只想去愛，但很不想去負責任？
是 >>> 3分
不是>>> 1分

題目3：
曾經有個心儀對象，但你卻因疑問「他是否真正的心儀對象」而放棄。
是 >>> 2分
不是>>> 1分

題目4：
愈來愈喜歡一個人睇戲、一個人追劇、一個人食飯、一個人苦惱、一個人幻想。
是 >>> 3分
不是>>> 1分

題目5：
覺得寂寞是朋友。
是 >>> 5分
不是>>> 1分

分數表：
5分：快啲拍拖，你就快飢渴至死

5-10分：你想戀愛，但理想戀愛卻不多，至少你未找到

11-14分：沒刻意尋找，不主動、不抗拒、不負責，但希望你在床上，別「不安全」

15分：戀愛對你而言，是另一個星球的事
＝＝＝＝＝＝＝＝＝＝＝＝＝＝＝

「哈…而家啲Content Farm真係易做。」

在心中暗罵這個心理測驗的，
是本故事的主角，嚴先生。

全名嚴睦月，剛滿30歲。

果然…可以悠閒地玩「網上心理測驗」，
原因只有一個－
『他正身處婚宴現場的30號枱。』

而且…枱上的都是陌生人。

他今天是「單刀赴宴」，
因為除了新娘外，就沒一個熟人。

他心想，這種「單刀赴宴」情況也太多了吧？

是此故事的作者太懶？
抑或自己的朋友圈子「太散」？
還是說自己太好人，誰邀請都會去？

朋友們說，25歲至30歲，還是很喜歡出席婚宴的，
誰給你一個短訊，你就會到，
懶理WhatsApp中這句「我結婚啦！嗰日你嚟唔嚟呀」的上一句已經是2014年的事。

但30歲之後人就比較絕情，
有些交情不深的，已經會直接拒絕，不留情面。

事實上，對方那段時間都是Mass message給數百個人，
你的這句「Sorry，我嚟唔到啦」對他而言亦無甚殺傷力。

『並不是任何人都像你這樣感情豐富，少少事就受傷。』

不過，
嚴先生還是有點羨慕可以「坐滿一圍枱」的朋友、
羨慕新郎旁邊有一班「由細玩大」嘅真兄弟。

相比之下，自己更加是「搭枱」的常客，更加多是賓客而非「兄弟」。

也許自己的人生太內斂，對群體活動太抗拒，
結果賺了一種孤獨的開心，
卻賠了在婚宴上的不勝寂寞吧？

幸好，面對一個人的宴會，他還有一招…就是抽煙。

低下頭，從袋中拿起香煙，再抬起頭，卻又看到意想不到的畫面。

一名約米六的長髮女生，
穿著黑色連身裙，與女友人經過30號枱，向著18號枱進發。

她是Stella。（溫提一下：出現第一話，本故事的預設女主角。）

自從他的心偏向Mossie後，但又陷入轉工的風潮而無疾而終，
加上家人的健康出意外，心態早就大有不同，
嚴先生與Stella也自然斷了聯絡。

嚴先生放下了香煙，暗嘆世事的巧合度，有時比《愛回家》更為誇張。
但同時，有個認識的人在場，又稍稍安心。

他望著18號枱，希望Stella也會發現自己，
讓30號枱的陌生人知道…自己並不孤獨，自己是「相識滿天下」的。

活了30年，嚴先生還是需要追求「自我感覺良好」。
他如何超脫，還是敗在世俗目光下，
想被人認同、被人讚賞、被人羨慕，即使是陌生人。

『珊瑚扒翡翠』
她沒有發現他。

『百花炸釀蟹鉗』
她沒有發現他。

『玉環瑤柱脯』
她沒有發現他。

到了『翡翠蠔皇鮑片』、『脆皮吊燒雞』、『瑤柱蛋白飯』、『龍芽花菇炆伊麵』…
她依然沒有發現他。

炒飯與伊麵的出現，代表婚宴已經尾聲。

嚴先生覺得是「相認無望」了，
他其實可以簡單地Send一個訊息給Stella，但就是覺得太刻意，亦沒意義。

他拿起本來已放下的香煙，起身離開會場。

步出酒店，
他走到大馬路一旁的鐵欄，左手一按而起，坐在欄桿上，背向不斷駛過的車群，點起煙。

一把女聲，在旁邊揚起：
「我發現你真係好鍾意，一個人去飲喎。」

嚴先生一看，
聲音的主人是Stella，她隨著自己的身影，也來到了這個「吸煙區」。

Stella笑說：「拉一拉我上嚟啦，你明知我矮㗎。」

他手一拉，將這個較嬌小的女孩，拉到欄桿上。
兩個人一起，背向不斷駛過的車群，點起煙。

嚴先生：「你幾時知我喺度㗎？」

Stella：「由你發現我之前囉，哈哈！
我特登唔望你，諗住等你出嚟食煙，先搵你聚下嘛，點知你咁耐先出嚟食。」

嚴先生：「哈…咁啱嘅，我都係喎。但係…如果我今晚一支煙都唔食呢？」

Stella：「咁咪由佢囉。如果我唔搵你，你都係諗住由佢㗎啦。」

她依然沒變，
無時無刻都在試探，旁敲側擊。

嚴先生：「係嘅，隨緣嘛。」

他說出這句，望著酒店大門，的確是打從心底覺得「冇咩所謂」。

若然是從前的他，大概會落力討好Stella，去增加一段戀愛發生的機率。
但現在的他，想法已經變得踏實，對戀愛亦多了一份隨心。

當然，這個答案有些出乎Stella的意料，
令她一時接不上話，唯有順勢吸一口煙，再呼一口煙。

嚴先生：「咦…你唔係食嗰隻電子加熱煙㗎咩？」

Stella：「政府話禁呀嘛，轉返食成煙好耐啦。」

嚴先生：「有幾耐？第一次見你…大家都係29歲之嘛，哈哈。」

Stella：「耐呀，你都識講，嗰時29，而家都30啦！咁…30歲嘅嚴生，最近點呀？」

總是覺得，這句「最近點」就是陌生的代名詞，
有點唏噓，卻又是事實。

嚴先生：「都發生咗幾多事，轉咗份新工，適應緊囉。」

Stella：「轉工定轉行先？
我覺得如果轉行嚟講，30歲真係最後機會。」

嚴先生：「一半半啦，應該話行頭冇轉，工種轉咗，而家多咗Sales嘢，要跑數。
但收入就一定好咗好多嘅。」

Stella：「咁努力，儲錢結婚呀？」

嚴先生：「唔係…屋企人身體唔好。
何況，好又好…唔好又好，我哋呢個歲數，總係有錢好過冇錢嘅。
咁講係好現實，但總好過…日日沉醉喺自己嘅幻想世界入面呀？」

Stella：「哦～冇再幻想…所以…就冇再approach我啦，係咪？」

這下，令嚴先生笑得有點尷尬了。
但同時，又釋懷了。

因為兩個人可以完全坦白，是很幸福的，也許比相愛更幸福。

嚴先生：「咁，我覺得，你都唔係太需要我approach呀，係咪？」

Stella踢踢雙腳，說：
「同你一樣，好隨緣…又或者，我對愛情呢樣嘢，都係冇咩信心，所以唔急。
而之後我就發現…
男人多數都冇咩耐性，追咗一陣冇成果都會放棄。」

嚴先生：
「嗱！我唔係冇耐性㗎！
只係嗰時我都搞唔清楚自己心底嘅感覺…
到底係『唔介意同你一齊』、定『好想同你一齊』。」

Stella：「有呢個疑問，其實答案已經好清楚。」

嚴先生：「咁一直以嚟，只要我唔搵你，你就唔會搵我…
個答案都好清楚，哈哈。」

Stella：「所以，我哋兩個…咁樣食下煙…仲好。
講起又諗起，其實呢，我係好驚去你Book嗰啲高級餐廳㗎。」

嚴先生：「喂，咁呢樣嘢冇得怪我喎…
正常男女一開始約會，唔去呢啲唔通車仔麵咩。

嗱！我知你而家實話OK㗎！
但到真係約你去老麥，你個心又會藐㗎啦！」

Stella：「哈哈哈哈！或者啦！
喂…你知唔知，你放棄咗追我之後，有咩唔同咗？」

嚴先生：「唔係少咗頭髮下話？」

Stella：「低能！唔係呀！…
係同你傾計舒服咗，舒服過之前，都舒服過第一次見你。

如果係而家嘅你，或者一開始，我會鍾意啲。」

嚴先生聽後，沒有太雀躍、心也沒有悸動，
尼古丁反而滲入一點苦味。

嚴先生：
「哈哈…
以前諗點樣可以令你鍾意我…
原來當我唔再鍾意你，你就會鍾意我。」

Stella沒有回話，笑著望穿黑夜中的雲層，慢慢呼出一口煙。

Stella：「係咁㗎啦。我諗唔止我哋係咁，好多人都係咁，
Date咗幾次，都係冇下文。浪費晒所有時間。」

嚴先生：「浪費…？係咪浪費呢？
又唔知嘅…你細細個有冇睇《新世紀福音戰士》？」

Stella：「冇呀。」

嚴先生：「咁你介唔介意我講落去？」

Stella：「咁又唔介意嘅，你講啦。等我了解下呀嘛。」

嚴先生：「《新世紀福音戰士》呢套卡通有好多個版本，但大多數人接觸嘅…
都係細細個嘅TV版本，佢首片尾曲叫「Fly Me to the Moon」。

TV總共有26話，但呢首片尾曲「Fly Me to the Moon」並唔係集集一樣，
而係有好多個唔同Version，接近集集唔同，
有時曲風唔同、有時歌手都唔同。」

Stella：「哇…咁呢件事都幾有心思，套卡通係藝術品嚟喎。」

嚴先生：
「係呀，呢個心思位人哋1995年已經做咗。
但其實…我去到2019年先發現。
細細睇根本冇留意到。

係大個咗，先遇爾知道返，之後驚為天人。
所以…究竟浪唔浪費時間，好難定論嘅…
或者今日你覺得冇意義嘅事，會成為好多年後嘅一個註腳。」

Stella聽完，細味一番，隨即問了一句：
「你想表達嘅係…？」

嚴先生的視線一直沒有轉移，直至這句為止，
他終於托著頭，轉向Stella，慢慢地說了一句。
.
.
.
.
『有啲嘢，好多年之後先會發現。你話係咪呢？Koey。』
.
.
.
.
婚禮內，人群依然吵鬧，
與這兩根香煙的平靜，剛好成了有趣的對比。

你喜歡那個季節？
有人說過，人類並不會喜歡獨特一個季節，
而是喜歡追逐四季。

春天時盼夏；夏天時念秋；秋天時想冬。

所以，當你喜歡一個人，喜歡得放棄追逐其他人。
就很難得。

不是難得有個人值得你如此喜歡，
而是難得你可以盲目喜歡一個人。

這樣想的話，你就知道…
「其實你唔錯㗎，唔使驚。」

全故事完

PS. 在最終章…
希望看完故事的你輕輕給一個Like，
讓我知道還是有些人看的！
＝＝＝＝＝＝＝＝＝＝＝＝＝＝＝＝＝＝＝＝

故事後感：
首先，賣個廣告先～呢個故仔其實已經出咗書！（自資嘅，大把貨！哈哈）

如果大家想留個紀念，入Link就買到（唔使註冊）：
https://cheungson88.boutir.com/item/30歲應否談戀愛/6424788210548736?fbclid=IwAR0pk9TsojhSk32_o_24DqRif_KL-grz0gdVN4zsP5QwS_t82u5bNZzZPGQ

好，賣完廣告。
好抱歉咁遲先Post結局…

其實最終話一早寫好，
只係喺呢段時間，我覺得大家都應該聚焦於香港嘅事情上，集中五大訴求，
所以出Post時間都亂了，哈哈。

不過冇所謂嘅，
如果大家有時覺得攰，選擇搵呢個故事沉澱一下，已經係種榮幸。

有人問，本書會唔會同網上唔同？
其實真係接近冇（除咗書有一個人物介紹，有晒啲人嘅全名之外），
甚至本書因為頁數問題，比網上版係少一話。

所以你就算唔買書，
都可以享受到一樣嘅故事體驗。

我之前多謝過好多次，書展嚟支持我嘅朋友。
但其實，即使你冇買，
但你喺網上睇晒呢個故事，我都一樣咁感激。

始終，對一個故事而言，
「有人睇」就是一個最快樂的故事。

對於，有冇「外傳」補完多啲其他角色嘅故事？
之後會唔會有「31歲應否xxx」？
前者我盡力；後者就隨緣吧！

或者再過一段時間，我喺社會上得到更多故事。
嚴先生就會再出場，畀我「折磨」一下！

多謝呢半年嚟，睇過呢個故事嘅每一位讀者。
=============

此故事的 全集傳送門：
for desktop：http://bit.ly/2OThk8Z
for mobile（已排好晒，向左右撥就ok～）：http://bit.ly/2H2AAys

想大家加埋我IG，分享下自己嘅生活story
https://www.instagram.com/cheungson88/
(ID: cheungson88)