雖然這篇ielts難唔難鄉民發文沒有被收入到精華區：在ielts難唔難這個話題中，我們另外找到其它相關的精選爆讚文章
在 ielts難唔難產品中有290篇Facebook貼文，粉絲數超過6,101的網紅與芬尼學英語 Finnie's Language Arts，也在其Facebook貼文中提到， 點解答問題其實係好難嘅工作，好多問題唔可以透過inbox回答？ 我好怕同學問我一個問題，就係：「我可唔可以問你問題？」 （你可以諗下呢個比喻，你問一個女仔：「可唔可以食飯？」咁食飯梗係可以食，你唔需要問其他人，問題係人地想唔想同你食。） 學生可以問問題，但有啲問題好難答，唔方便答，甚至如果老師...
同時也有12部Youtube影片，追蹤數超過4,170的網紅Wall Street English Hong Kong，也在其Youtube影片中提到，學英文點止喺學一種陌生嘅語言咁簡單。 英文更加喺一條幫你打開通往世界大門嘅鑰匙。要推開呢道溝通之門單靠自己可能會好困難，唔使擔心，Wall Street English同你一齊合力通往世界﹑迎接更多機會！ Wall Street English 設有實用英語﹑商業英語﹑DSE英語及IELTS重點...
「ielts難唔難」的推薦目錄
- 關於ielts難唔難 在 DSE 7科5** | IELTS 9分 | 線上補習 Instagram 的精選貼文
- 關於ielts難唔難 在 DSE 7科5** | IELTS 9分 | 線上補習 Instagram 的最讚貼文
- 關於ielts難唔難 在 英文奪星捷徑，前I-Banker 打造 Instagram 的最讚貼文
- 關於ielts難唔難 在 與芬尼學英語 Finnie's Language Arts Facebook 的最佳貼文
- 關於ielts難唔難 在 Ally Blah Blah Facebook 的最讚貼文
- 關於ielts難唔難 在 有心無默 Facebook 的最佳解答
- 關於ielts難唔難 在 Wall Street English Hong Kong Youtube 的精選貼文
- 關於ielts難唔難 在 果籽 Youtube 的精選貼文
- 關於ielts難唔難 在 果籽 Youtube 的最讚貼文
ielts難唔難 在 DSE 7科5** | IELTS 9分 | 線上補習 Instagram 的精選貼文
2021-09-03 14:48:30
「困難」的同義詞，你能想到多少個？不要只是會用 “difficulty” 了！ ⠀⠀⠀⠀⠀⠀⠀⠀⠀ 更多DSE / IELTS / 學英文免費資源，可以到bio link @melodytamhkdse獲取！ 同系列讀書心得：#Melody生詞教室 · · · · · · · 嫌以上生詞唔夠喉？想知...
ielts難唔難 在 DSE 7科5** | IELTS 9分 | 線上補習 Instagram 的最讚貼文
2021-09-03 14:48:31
#Melody同義詞教室 ⠀⠀⠀⠀⠀⠀⠀⠀⠀ Appear e.g. All sorts of social problems appear after the mismanagement of the government. 翻譯：政府管理不善，就會出現各種各樣的社會問題。 ⠀⠀⠀⠀⠀⠀⠀⠀⠀ S...
ielts難唔難 在 英文奪星捷徑，前I-Banker 打造 Instagram 的最讚貼文
2021-06-21 17:30:52
私人信件都係啲非常熱門，大考/ DSE 都有機會出... 所以同學要好熟悉呢種題型 ✅不過有罐頭句就唔使怕，瞬間提升你語感+組織 即學精選句子 100% 令你輕易有星 🚨記住：罐頭句嘅精髓係想大家深入消化，然後靈活運用 Opening: 1. It's been a...
-
ielts難唔難 在 Wall Street English Hong Kong Youtube 的精選貼文
2021-03-24 10:54:30學英文點止喺學一種陌生嘅語言咁簡單。
英文更加喺一條幫你打開通往世界大門嘅鑰匙。要推開呢道溝通之門單靠自己可能會好困難，唔使擔心，Wall Street English同你一齊合力通往世界﹑迎接更多機會！
Wall Street English 設有實用英語﹑商業英語﹑DSE英語及IELTS重點精讀課程，以互動﹑生活化及實用嘅教學方式全面提升你嘅聽﹑說﹑讀﹑寫英語水平，配合不同學習目標嘅你。資深外籍英語老師及英語Social Club幫你將英語融入生活，令你更有自信活用英語表達自己！
立即入嚟睇吓我哋嘅學生學咗英文之後嘅轉變啦！登記報名仲送你免費英語程度評估，15分鐘即知你英文強弱項！
學員成功個案：https://www.wallstreet.edu.hk/web/testimonials/
#wallstreetenglishhongkong #wse #學英文 #英文 #溝通 #語言 #實用英語課程 #商業英語課程 #DSE課程 #IELTS課程 #免費英語程度評估![post-title]()
-
ielts難唔難 在 果籽 Youtube 的精選貼文
2021-01-27 21:30:11｜異國戀—同外國人拍拖好浪漫？港女移居印度文化衝擊日日喊 摩洛哥男友無電話卡常失蹤
Jasmine以及阿Hei分別有一個印度以及摩洛哥的男朋友，疲情下只能夠維持Long D關係，究竟異國戀會面對甚麼困難，去旅行真的可以認識男友嗎？
「很多朋友知道我打算移居印度都會問我：出門口會不會被人強姦？大家不要想像移民是那麼簡單的事情，看到其他人異國戀很甜蜜，但背後的經歷文化衝擊你是不知道的！」Jasmine大約在5年前，認識來港工作的印度男友，兩年前選擇跟男友搬去印度北部的城市Amritsar。
https://hk.appledaily.com/lifestyle/20210126/PRM6S4SDBZGNZLLUL37DEEPNLY/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com
#異國戀 #拍拖 #文化衝擊 #印度 #移民
#果籽 #StayHome #WithMe #跟我一樣 #宅在家![post-title]()
-
ielts難唔難 在 果籽 Youtube 的最讚貼文
2020-12-24 21:00:11｜移民英國—英國商務英語貼士懶人包助糾正港式英語 英國10個難讀地名伯明翰諾域治易讀錯最怕講電話重口音 重新學A至Z
筆者在大學主修繙譯，畢業後的工作，大多與文字及對外溝通有關，本來不太擔心自己的英語能力，但決定來英前，仍是報考了IELTS試試自己的英語實力，更報讀了備試課程。結果IELTS成績獲7.5平均分，相等於CEFR的C1、即第二高的等級，日常生活足夠有餘，但在商務溝通時，還是會感到自己的不足。
https://hk.appledaily.com/lifestyle/20201010/JWKH7LB3GJGVPAU5DO7RS4MC7Y/
英國10個難讀地名伯明翰諾域治
https://hk.appledaily.com/lifestyle/20201020/5PC6X6HWYFEV3EVKW7TYZ7HY5Q/
我與丈夫今年初帶着一子一女，由零開始，到英國倫敦做開荒牛成立公關公司。小朋友由菲傭湊大，到埗後很快已經適應，在學校毫無溝通問題，還會教我們一些在港少見的英文詞彙；反而平時少講英語的老公，就要花點力氣去適應，當中的挑戰並不單止跟英語水平有關，今日分享一些日常對話尤其聆聽時遇到的問題。
https://hk.appledaily.com/lifestyle/20201022/VD4CBG3FHFAX7GXQ5ZM3VJ2J3M/
影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)
果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com
#移民 #英國 #商務英語 #伯明翰 #IELTS
#果籽 #StayHome #WithMe #跟我一樣 #宅在家![post-title]()
ielts難唔難 在 與芬尼學英語 Finnie's Language Arts Facebook 的最佳貼文
點解答問題其實係好難嘅工作，好多問題唔可以透過inbox回答？
我好怕同學問我一個問題，就係：「我可唔可以問你問題？」
（你可以諗下呢個比喻，你問一個女仔：「可唔可以食飯？」咁食飯梗係可以食，你唔需要問其他人，問題係人地想唔想同你食。）
學生可以問問題，但有啲問題好難答，唔方便答，甚至如果老師功架唔夠，答得唔好，答咗就會誤導學生。
呢個世界唔係個個問題都有意義嘅答案。所以學生係可以（甚至應該學習）問問題，但係有時候老師直接答學生問題，其實會害咗佢地。
有啲問題根本係問得差，答嘅答案亦唔會幫到學生。
一個學生要有一定知識水平，或者慧根，先可以斷定一個問題問得好定差，呢個就係好棘手嘅位置。
一個學生問咗一個potentially會誤導自己嘅問題，佢唔知呢個問題本身有問題，但又堅持要攞答案，唔理解問題都有分問得好，同問得唔好。當老師要幫呢啲case嘅時候真係好難做。
廣告時間！！罐罐昂貴🥫，請立即購買課程🥺，助養貓貓🐱🐱
【成人英語再起步課程】
有系統地從頭學好英語文法，每周和我們上互動網課，練習所學，溫故知新，畢生受用：
https://finnieslanguagearts.teachable.com/p/adult-foundation
【Patreon 月費學習計劃】
每日做功課，Tiffany幫你改、每週詞彙練習、每月電影討論會、IELTS / TOEIC 聽講讀寫訓練：
https://www.patreon.com/finnieslanguagearts
ielts難唔難 在 Ally Blah Blah Facebook 的最讚貼文
IG: @ally_blahblah
https://instagram.com/ally_blahblah?igshid=1jtemurbno3q7
新一年，
如果想要出走，
記得要學好外語
有人會話「鬼唔知阿媽係女人咩」
但係你有冇諗過，點先算係「外語好」呢？
以英文為例，點先算係好呢？
IELTS要過8.0 ？
文憑試要5** ？
日常生活/工作上嘅英語溝通唔係考試。如果你喺外國嘅公司有面試，最緊要嘅係思辨能力同埋表達能力。你諗嘢好快唔緊要，但如果你唔識表達，你可能就已經錯失左一個工作嘅機會。表達能力係咩呢？就係你點樣「講嘢」。簡單啲來講就係說話能力。咁當然，說話能力嘅前提，係聆聽。呢啲人哋講咩都聽唔明，你好難回應。
咁即係話你嘅聽說能力非常重要。
但係香港（或者唔少華人地區）嘅教育制度着重嘅並唔係你表達能力。香港文憑試為例，
閱讀佔20%，寫作佔25%，聆聽及綜合佔30%，說話佔10%，校本評核佔15%。聆聽及綜合當中有一半其實係用嚟寫嘢，即係話其實聆聽只有大概15% ；校本評核有一半又係用嚟寫嘢，即係得返7.5%係同「表達」有關。加加埋埋，針對你聽說能力嘅只佔22.5%，連¼都冇。但係同寫作能力有關嘅，佔咗47.5%，差唔多佔咗一半。（ IELTS嘅比分準則係呢一方面會好少少）
到咗呢一刻，聰明嘅你應該會明白，考試制度考核嘅係你寫嘢叻唔叻。相對真正係生活上有用嘅能力，反而針對唔多。
如果你係喺香港嘅考試制度之下長大，習慣咗呢一種學習外語嘅模式，對你日後出去外國搵工又或者係職場上發展好不利。
好簡單，如果你要同上司又或者客戶做一個簡報，你係要親自講嘢，對方可能會問你問題你要即刻答。唔通你下下寫一大篇文然後俾對方睇咩？唔係話寫作能力唔重要，而係日常生活中聽說佔嘅比例實在多好多。一般人一日有40%時間係聆聽， 30%時間係講嘢， 20%時間係閱讀， 10%時間係真係用嚟寫嘢。有啲人，可能完全唔會寫字添。
但香港嘅考試或者教育制度其實好本末倒置。
好老實，就算你文憑試考到英文有5以上，都唔等於你英文真係好。
咁講返轉頭，點先算係英文好呢？
曾幾何時我聽過一句說話：
「同鬼佬溝通到等於你英文唔太差；
聽得明鬼佬講笑話代表你英文幾好；
但真正嘅英文好係可以講笑話令到鬼佬笑。」
簡單啲講，就係若然你能夠同一個外國人（最好係以英語為母語）真正做到有講有笑，你英文就叫做好喇。
唔知大家有冇試過，去戲院睇一套外國
電影，然後旁邊有啲鬼佬聽到某啲台詞會識笑，但係自己又唔知佢哋笑咩？
所有「幽默」、「笑話」或者「棟篤笑」當中牽涉嘅係聆聽者嘅歷史、教育同文化背景。若然你攞幾個黃子華嘅笑話，夾硬翻譯左做英文，然後同班鬼佬講，佢哋大概會有好多個問號。唔喺香港大，又或者冇接觸過粵語文化，幾好嘅笑話都好難翻譯。反之亦然。所以，真正嘅英文好係了解西方國家嘅文化，了解到嘅地步係可以用佢來做笑聽得明相關嘅笑話或者笑9佢。
咁點先至知道自己聽唔聽得明呢啲笑話呢？其實有好多外國清談節目、英美等地嘅棟篤笑等等都可以係測試自己「笑話能力」嘅好工具。
如果你聽得明佢哋講啲咩同點解咁好笑，咁你嘅英語能力就應該唔太差啦。但係聽唔明點算呢？咁你就要俾心機改善一下自己嘅外語能力。可以由基本功做起，而且留意多啲外國嘅時事、文化、音樂、劇集等等。
好多人會覺得，英文好即係文法好、又唔知咩咩口音。其實，有啲時候連以英文為母語嘅人都有機會錯文法。我都有見過一啲「名人」，細細個長年喺外國/某某名校畢業，但係一聽佢講英文就好明顯仲有啲香港口音；又或者有「補習名師」連梵高英文都寫錯（睇住佢串Vango 啊⋯⋯）但係你會唔會話佢哋英文差呢？你自己諗啦。
如果你好似我咁，從小喺粵語環境之下長大，又唔係咩「名校」畢業，想出走前練好英文，要從「骨子裡」做起。第一步好簡單（亦好難）：將你手機/平板/電腦以及常用程式全部換成英文（或者你想要學好嘅外語），適應到唔需要「查中文」。
就係咁簡單？係！
如果你適應得到，之後適應外國生活上嘅溝通會容易得多。簡單來講，你如果連手機上面換成外語都搞唔掂，日後出國點算？
今次講到呢度。如果大家對喺外國生活嘅溝通上有咩問題，記得留言/私訊哦！若然大家對呢方面有興趣，日後都推出多啲相關文章！
#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工 #留學生 #海外留學 #海外生活 #海外香港人 #學外語 #學英文
ielts難唔難 在 有心無默 Facebook 的最佳解答
《扮工鬥室》好地地打份工，點會諗到暗藏殺機？（試閱一）
對上一次大學同學聚舊嘅時候，正好係我轉新工半個月。當一班舊同學知道我入咗去「Dark Flow」做，幾乎每一個都表現得非常驚訝。
「『Dark Flow』喎！？聽講勁難入，而且面試超嚴格……」同學A講。
「還好啦……」
「我都有send過CV去，但連見嘅機會都冇……」同學B講。
「咁都係我好彩啫……」
「唔洗扮晒謙虛喇，冇料又點入去呀。」同學C講。
「哈哈……」
一般人對「Dark Flow」呢間公司嘅印象──外資公司、大好前景、難入但人工極高，講緊同一職位份糧至少多外面三四成、而且福利好，每年足足三個禮拜有薪假，每月仲可以請一日唔需要醫生紙嘅病假……
最重要仲有一點，據聞身處外國嘅公司大老闆非常迷信，明文規定員工每日返九至五，六點前一定要全部離開公司，由開業到而家都冇加班呢回事，而對外就宣稱呢種先係最有效率嘅工作模式……種種優勢加埋，絕對係大部份人夢寐以求嘅工作。
聽落係咪好吸引？起初我都同大部份人嘅諗法一樣，覺得入咗呢份工就可以輕輕鬆鬆享受生活，每日放工唔洗同其他人迫巴士地鐵。但實情卻係完全出乎我意料……
事實係，呢間公司有眾多「奇怪」嘅地方，只係因為「某個原因」所以一直冇對外傳開去。
今日，就等我冒險分享下自己嘅經歷……首先，當然係由最初嘅面對開始。
－－－－－－－－－－－－－－－－－－－－
大眾結業、書展延期、再受到成個大氣候影響，呢段時間無疑係作者最艱難嘅時期，希望各位可以訂閱支持我嘅 Patreon。
最低只係每月一餐飯嘅價錢，就可以睇到限定長篇故事，仲會有特別短故同創作歷程心得分享。
訂閱連結：
https://www.patreon.com/echoofheart
《無異之地》實體版經已登陸各大書局。
－－－－－－－－－－－－－－－－－－－－
記得半個月前，「Dark Flow」嘅人事部打嚟叫我去面試嘅時候，我真係興奮到喺小巴上面大嗌出嚟，差啲嚇到司機大佬心臟病發直剷落山。
第二日我直接請咗半日假去面試。當日嘅狀態可以話係去到顛峰，配合埋事前已經執得靚靚仔仔嘅CV同portfolio，成段過程三位面試官裡面有兩個聽到起勢點頭，唔知仲以為佢哋塞住耳機喺度偷聽緊Rap歌。
當時我更係覺得勝卷在握，已經開始分心諗緊夜晚要食乜慶祝。但就喺呢個時候，全程一直木無表情冇點講過嘢嘅面試官架叔突然同另外兩個人打咗個眼息。
「你哋出一出去，最後我想同佢單獨傾多陣。」
一聽完，另外兩個面試官都相當識做。閂埋門嘅一刻，成個會議室嘅氣氛突然變得嚴肅起嚟，連溫度都好似跌咗幾度咁……令我極度懷疑係有人較大咗個冷氣。
「方璟佑……阿York。」架叔拎起我份CV望咗眼。
「或者叫我佑仔都得，之前啲同事都係咁叫我。」
「我就坦白啲講，無論係份CV、抑或成個面試……都真係好鬼無聊，悶到我差啲就瞓著。」
「吓？」我一開始仲以為自己聽錯。
「而且仲好鬼假。」
「假？」我個口擘大到就快甩骹咁濟，「邊度假？」
「你呢種程度平時啲醉酒佬揸車撞都撞死唔少……」
「正常係應該撞唔死咁多……」
「加埋鍾意駁嘴呢點，我實在睇唔到理由請你……」
「等等先……可能我頭先講得唔夠好，希望你可以再俾個機會我。」我差啲就激動到彈起身。
「機會，得。」架叔隨手將我份CV掉落地，「但我要聽嘅係你嘅真心話。」
真心話……一聽到呢個問題，我腦海開始高速轉動。
「我知道公司總部係美國，有時仲會派員工出差。我自問英文幾好，IELTS仲有8.5分，將來一定可以幫到……」
「廢話，又係廢話……」架叔搖搖頭，「呢啲嘢我聽到識背啦。」
「仲有，我都有研究過公司背景，知道……」
「真心話呀。」架叔企起身，「如果仲係呢啲就唔好浪費大家時間……」
「我明啦，真係明……」我企起身，「呢度人工高！只要一請就已經多我上一份工成五千蚊，仲未計試用期之後仲有得加……齋係呢點就已經好想做！」
架叔聽完之後終於露出一個不一樣嘅眼神，然後慢慢坐返低。
「仲有呢？」
「福利好、包保險、多假期……最重要係個返工時間，我最憎放工每日喺金鐘迫嚟迫去，放五點簡直係爽到爆。」為咗成功，呢一刻我可以話係豁出去了。
「哦……仲有冇？」架叔嘴角微微上揚。
「有，當然有！Reception嗰位叫做阿Jill嘅同事又靚又大波，如果有機會喺度做我一定會試下媾佢！」
一講完，架叔即刻睜大眼望實我。因為頭先最後一下幾乎係嗌出聲，所以隨時連會議室外面都聽得一清二楚……
「嗱，講下真話咪幾好囉。」可怕嘅沉默結束後，架叔終於笑住講：「佑仔，下星期一準時返工啦。」
行出會議室之後，我成個狀態就好似啱啱玩完亡命過山車咁。渾身無力之餘又仲未係好接受到頭先發生嘅事。行出公司之際，仲要見到Jill對我尷尷尬尬咁笑，嗰刻真係好想死……
但唔理點都好，「Dark Flow」的確係請咗我，只要之後打好呢份工，將來肯定係生活無憂……
但我實在太天真，到真真正正注意到唔妥嘅時候，一切都已經太遲了。
*
雖然最初嘅面試可以用匪夷所思嚟形容，但其實同公司其他奇怪嘅地方相比，呢件根本就係小巫見大巫。
接住落嚟，我要講嘅就係公司入面嘅同事。
記得正式返工嘅第一日。為咗留低好印象，所以我提前半個鐘返到公司。搭完𨋢開門，第一眼就見到Reception嘅同事阿Jill。
「早……咳。」阿Jill本身明顯係想打招呼，但一見到行出𨋢嘅人係我就即刻將句說話吐落肚。
「早晨。」我行埋去開口講：「我今日第一日開工，想問下妳知唔知我嘅座位喺邊？」
「你等陣，我幫你叫架叔出嚟。」阿Jill拎起檯面嘅電話，撳完掣之後擺喺耳邊，「喂，架叔……新同事到咗。係，唔該晒。」
等佢收線之後，我即刻把握機會同佢道歉：「其實上個禮拜嘅事我真係好對唔住，事後足足內疚咗兩日，連飯都食少咗半碗……」
「你唔洗講喇，我明……亦都冇介意。」雖然係咁講，但佢嘅表情明顯唔係呢回事。
「但唔講清楚我驚會有咩誤會，話晒將來大家都係同事……」
「只係同事。」阿Jill加重語氣，「我已經有男朋友，所以希望你自重。」
唉，一聽到呢個消息我不禁內心嘆氣。本來想媾佢已經係困難mode了，有男朋友嘅話肯定更加難。
「早晨呀新同事。」下一刻，架叔就行到嚟門口，「你咁早返到就啱晒，等我先帶你參觀下辦公室。」
佢揮一揮手示意我跟住佢行，睇得出佢今日嘅心情比起同我面試嗰日好得多。如果係今日先面試，或者我就唔會出醜了。
「你叫咩名話？阿風？」架叔突然問：「定係Jacky仔？」
「係阿York，叫阿佑或者佑仔都得。」
「哦……記得返喇。」架叔一臉恍然大悟，「冇計啦，呢間公司啲員工成日轉嚟轉去，真係好易搞錯。Reception個阿Jill都係啱啱過試用期咋，我一開始仲成日阿Gill阿Gill咁叫佢……幾尷尬呀。」
「哈哈。」我乾笑兩聲。
「嗱，最角落呢度就係Pantry（茶水間），嘢食嘢飲自己攞就得，如果唔想俾人當係公家嘢攞走就記得寫低名，呢啲嘢你應該識㗎啦？」
「嗯。」
「Pantry對出就係人事部，主管Amy姐同細老闆好熟，所以千祈唔好得罪佢。隔離係宣傳部同IT部，嗱……主管阿Luke啱啱返到嚟。」
我見到有個著住西裝，大約三十幾歲嘅男人慢慢行返座位。睇佢一臉瀟洒、高大而且大隻，同同事講嘢嘅時候總係掛住自信嘅笑容，好明顯係playboy平日成日走落老蘭食女。
「公司謠傳佢就係阿Jill嘅男朋友，所以你小心啲喇……嗰日講埋啲咁失禮嘅嘢。」架叔笑住講。
咪都係因為你害嘅……我差少少就衝口而出。
「再過就係我哋工程部，你應該知主管係我喇？」架叔問。
「當然知……」
「唔好見我上個禮拜咁樣，其實我平時係好鬼好相處。」架叔拍一拍我肩膀，「嗰日咁啱賭波七串一輸最後一關，成皮嘢最後得個吉，所以心情先特別差……」
「即係今日應該贏唔少？」我好奇問。
「唔知呢。最後就係戰略部，」架叔帶我嚟到一條長走廊旁邊，但並冇行過去，「你咁熟公司架構應該明喇，我哋有好多計劃同生意都係處於未公開得嘅狀態。為免外傳出去俾競爭對手知道，所以戰略部先會零零舍舍同另外三個部門分隔開。」
「嗯。」
「然後主管Me姐上星期去咗出差唔喺度，不過正路你哋都冇咩機會接觸㗎喇。」
我盯住走廊盡頭，唔知點解……感覺就好似有股無形嘅吸引力想引誘我過去咁。
「喂，唔好發呆喇。」回過神嚟，架叔已經行返去工程部嗰邊，「呢度係你嘅座位。因為我哋好多份Project都收緊尾，所以呢兩日應該都冇嘢需要你幫手……你今日先簡單睇下員工須知、識下班同事、仲有時間就搵我拎啲舊Project睇下。記住最重要一點，準時收工。」
「明白。」
如是者，我就照架叔嘅說話做，一埋位開機就開著個員工須知嚟睇，點知第一段最尾就再次強調員工要五點準時收工。到底大老闆係迷信緊乜嘢，老實講我真係越嚟越好奇。
睇到咁上下，周圍嘅員工開始陸續返到。坐我旁邊嘅係一位年紀同我差唔多嘅男同事（當然失望）。雖然見佢一張厭世臉感覺好難應付，但既然坐得隔離點都要打聲招呼。
「早晨，我係新嚟嘅同事阿York。」我伸手想同佢握手。
但對方聽完只係啤咗我一眼，一句都冇回應就望返去螢幕繼續港股行情。
「你係咪喺度做咗嘢好耐？」我保持友善嘅語氣問：「其實我有樣嘢幾好奇，到底大老闆有咩迷信先要規定員工早收？」
「你見唔到我唔想理你咩？」男同事語氣惡劣咁打斷我，「唔應你仲問，知唔知咩係禮貌？」一講完，佢即刻塞住耳筒，仲要故意開Youtube播Dua Lipa 嘅IDGAF。（i don't give a fuxk）
見佢咁嘅態度。我當然冇自討沒趣，再望一望周圍嘅同事，好多都係一樣塞住耳筒做緊自己嘢。所以我決定等放Lunch再行動，聽著歌繼續睇須知……唔知過咗幾耐，突然一陣香水味從身後飄過，接住有人出現喺我身邊，伸出修長嘅手，輕輕拍咗台面兩下。
「係？」我即刻除低耳筒望過去，眼前係一位非常有氣質嘅女同事，無論樣貌定身材都更勝阿Jill。
「你就係今日返工嘅新同事？」佢問，見我點頭再講落去，「我見架叔唔喺度，所以就直接嚟搵你……」
「佢應該係落咗樓下食煙……」順帶一提，旁邊嗰位冷漠嘅男同事都係跟埋一齊落去。
「我一陣仲要趕住出去，所以想盡快搞掂，你跟我過嚟。」
雖然我聽到一頭霧水，又唔知佢係邊個。但從語氣同態度推斷，感覺佢應該似係上司級數……唔通就係人事部嘅Amy姐？係就講得通了。
我跟喺佢背後行，見佢著住一身灰色修身恤衫配搭黑色包臀短裙，完美咁將身材嘅優勢展露出嚟。行路嗰陣仲要婀娜多姿扭嚟扭去咁，真係越望就越多幻想。
「咦？」
但睇下睇下，我發現佢居然帶我走入通去戰略部嘅長走廊，行到一半再轉入去一間小型會議室。
「我係阿Me，同事一般會叫我做Me姐。」Me姐先將會議室嘅簾拉好，然後就慢慢行埋去會議室台隔離，「你幫我閂埋門先。」
我照做，心裡面完全唔知而家係咩情況。到我擰返轉頭，見到Me姐居然直接坐喺台上面，翹起雙腿，先從上而下打量咗我一眼，接住講：
「你仲等咩？除衫啦。」
吓？
（待續）
－－－－－－－－－－－－－－－－－－－－－
九月頭會放多一篇試閱，之後就要訂閱先睇到啦。各位真係要多多支持呀！
訂閱連結：
https://www.patreon.com/echoofheart
《無異之地》實體版經已登陸各大書局。