中環近日最具話題居酒屋 Pierre舊址變成了Aubrey . . . 可以預期 一定靚到不得了 如果有得 做下午茶就正囉 很可惜 到訪之日天公不造美 否則仲靚 冇訂位 唯有坐吧枱 遇上熱情好客嘅酒吧主理人 帶我哋行個圈 原來入面仲靚 有機會更加要試下佢調嘅酒 哩度美酒比美食似乎更出色 見社交平台上啲人嘅和牛治 切成四粒 賣相似乎較為可觀 原來係太多人 投訴話太細粒 而家一開二 話咁睇會大件啲 同做人一樣 順得哥情失嫂意 哩個Presentation 似乎爭啲 餐廳環境確係靚到無械可擊 但無論係食物又或餐具酒杯 此等細節上可以更精益求精 價錢又唔算貴 Menu起留言 友人推薦話佢Robata 幾正 留待下次晚市 影埋夜景先 🍸The Aubrey 中環干諾道中5號香港文華東方酒店25樓 ▪▪▪▪▪▪▪▪▪▪▪▪▪▪▪ ⚛ 港女下午茶關注組 歡迎入谷開心Share下有乜港女Tea https://www.facebook.com/groups/717642208956274/?ref=share ⚛ MeWe新開Group 憑我一人之力邊夠 大家食咗啲咩好Tea，歡迎上去開心share https://mewe.com/join/hightea

【九肚魚同金沙涼瓜的新境界】 。 😗香港想食到高質而價錢相宜嘅私房菜其實都唔易，今次朋友介紹試咗一間真係又好食性價比又幾高，想推一推介先😆最正一定要提九肚魚，食九肚魚好易分高低，因為坊間有啲餐廳炸完出嚟係有啲位會唔脆🤔但今次食嘅係全條100%酥脆，十分推介！金沙涼瓜都勁有驚喜，之前未食過用蛋黃去炸涼瓜呢個做法😍我自己本身係少食涼瓜嘅人，但今次食到舐舐脷😋 。 ❤️基本上全部野都好食，咕嚕肉嘅酸甜度啱啱好，燉湯杏汁豬肺超好飲，個櫻花蝦炒飯鑊氣都好足，最後以椰汁榚埋尾，係好滿意嘅一餐中菜！！ 。 📍#輝哥私房菜 Fai Gor's Kitchen 佐敦長樂街18號18廣場2樓 。 #HKFN #hkfoodnu #營住食 #HKFN佐敦 #私房菜 #香港私房菜 . . #hkfood #hkfoodies #hkfoodie #instafood #hkfoodblogger #fitness #香港美食 #佐敦美食

📍Burger Joys (中環) 🔍中環士丹利街82號地舖 ----- 前一排見到外國旅遊網站Big 7 Travel推介左全球top 50 Burgers，而其中香港排名最高🏆嘅就係呢間B仔未食過嘅Burger店（世界排名No.32），講到咁勁，搞到我迫不及待琴晚就去咗試下🤪。開揚嘅窗戶型座位、一整片嘅木紋照片牆，配搭上美風紅色高椅，再加埋一首首熟悉嘅美國流行曲作背景音樂，有一秒鐘......我真心以為自己去咗美國西岸旅行😌。（😂應該係太耐無旅行有思覺失調） - 🍔Single burger 牛肉漢堡 （$99）一開始見到個包有少少紅色，感到非常疑惑😦，細問之下店員話我知佢地嘅牛肉漢堡係用左USDA美國優質黑安格斯牛肉加紅酒🍷同牛油烹製而成，所以我見到包上沾有少許紅色，其實就係紅酒黎。而所謂嘅USDA就係美國農業部嘅簡稱，品質上會有一定嘅保證（我都係Google先知炸🤗）。講究嘅用料同做法令牛肉漢堡扒非常粉嫩且有牛香，牛味亦濃郁，雖然紅酒味就唔多覺，但確實令肉汁經煎封後依然頗為豐盛，肉面帶微脆嘅同時，內裡又唔會「乾爭爭」，配上生菜、番茄及紫洋蔥，整體感覺滿足得黎亦唔heavy。 - 🍔Fish burger 魚柳漢堡（$89）比M記魚柳包貴成幾倍💰，對佢嘅期望亦自然更高。好在食完確係無令B仔失望，經香炸過嘅原條魚柳表面爆脆不在話下，中間嘅魚肉更係厚嫩無比，同M記嗰啲少魚肉多炸粉嘅正方形魚柳簡直就係兩碼子嘅事，果然一分錢係一分貨的，雖然係奢侈啲，但食落自己個肚嘅我都係寧願儲下錢食好啲😝。另外，除左魚柳同牛肉都出色之外，我覺得呢間Burger店之所以排名甚高，佢嘅法式牛油Bun亦絕對功不可沒。超厚身嘅牛油Bun鬆軟又挺身，且經輕煎過，食落帶陣陣蛋香，令整個Burger加分不少。 - 🥗House salad招牌沙律（$59）材料好簡單，有番茄🍅、沙律菜、青瓜🥒同意式香草醬，佢地嘅意式香草醬味道非常酸，記住千祈唔好成個醬倒落沙律度，要慢慢蘸點黎食。整體老實說其實就係普普通通嘅美式沙律，叫一份配搭黎解解膩都ok。不過講明係食Burger嘅店，沙律明顯唔係主打，始終醉翁之意不在此，所以呢款就可試可不試啦。😆 ----- 👶🏻B仔整體評價：8.3/10個👍🏻 👶🏻B仔抵食程度：7/10個👍🏻 👶🏻B仔環境評分：8/10個👍🏻 👶🏻B仔味道評分：9/10個👍🏻 👶🏻B仔回頭機會：9/10個👍🏻 ----- #swallowhongkong 跟住我一齊吞食香港啦！🤤 #swallowcentral