九月又係開Sem既季節，雖然今年Ocamp都變成OCam，上堂又係See you zoom，但以下呢啲都係作為就黎畢業既師兄姐好想分享比Freshman（苦口婆心）既小Tips💛（身邊有Freshman就Tag佢地出黎或者直接Share去Story到啦🥰） - 1. 要努力增值自己 中學既時候有晒Syllabus 唔係課程既嘢一律Skip晒佢係好正常 但大學自由度就大好多 學啲咩 點樣學 自己都可以控制到 除左Lecture以外 其實坊間都有唔少Online既課程比同學增值自己 學多啲唔同既技能 少至點樣用Lightroom P張靚圖 大至點樣用Python寫隻App 上網都大把課程可以學！好多大學都有幫學生爭取呢啲網上學習平台既優惠 趁疫情期間 獲取更多小技能 分分鐘就係因為呢啲Skills而為自己爭取到特別既機會(e.g. Intern) - 2. 識人好過識字 有時候呢句真係岩架 唔似得中學日日都係同一班同學仔 大學識人好多時都要自己主動少少 報名上莊 住Hall都可以識到唔同既人 唔好成日講到主動識人就好似好功利咁 透過活動識到志同道合 大壓力既時候係身邊一齊撐住既朋友仔會輕鬆好多 識到唔同Major既同學 更加可以令自己識更多嘢 當然 參加其他活動例如Case Competition 一齊搞StartUp Join下唔同既Clubs都可以令你識到唔同既人 學習其他人既專長 或者 練習一下待人處事既技巧 呢啲都唔會係課本上可以學到既嘢 - 3. 雖則咁講 讀書（GPA）都還是重要的 大學個科係自己揀 筆者個人覺得 如果唔係自己最心儀既科 都 *至少* *起碼* 唔可以抗拒 （如果唔係四年真係讀得好辛苦 出黎做嘢又未必開心）接受左18年填鴨教育 係一啲自己有興趣既範疇鑽研一下 先唔枉交每年四萬幾既學費 而且一般情況底下 Lecturer都係個方面既權威 （例如HKU教憲法既係吳靄儀、教香港法律制度既係陳文敏 呢啲權威你平時生活真係未必會識到）（當然梁美芬教憲法和基本法就另一說法啦。。。）最後最後 就算讀書唔重要 GPA都真係好多獎學金 Exchange機會既入場卷）就算考唔到劍橋牛津 高GPA同樣可以去嗰度做返一年Visiting Student 一個First Hon都令你係搵工方面更有競爭力（當然要非常強調GPA*並*不*代*表*一切） - 4. 大學四年就係Trial-and-Error既黃金時機 上到大學你會有好多既空餘時間（基本上返學頂盡都係二十幾個鐘）筆者既建議係 諗到有咩想做 唔好比咁多藉口 直接去做 呢個時代人人都可以係創業家 而大學生創業付出既成本就更加係接近零 大學普遍都有Start up centre 提供唔少funding training同埋support 千奇唔好浪費左呢啲資源 千里之行始於足下 搞社企 寫Blog 做Service 搞一個無厘頭既Project 做Backpacker 搞義賣 林林總總既選擇 Develop到變成自己既收入來源固然好 失敗左既 呢啲獨特經歷都會令你成長唔少 重要既係 唔好顧慮咁多（當然都要好好先計畫） 自己鍾意享受既事 依家咁得閒唔做 唔通六十歲退休先黎做？ - 5. 多啲問自己 知唔知道自己做緊乜？ 大學四年 的而且確 可以好精彩 尤其係Freshman year 但同時係 好易迷失自己 既時間。呢個Programme人地話幾好 個個活動做搞手好似識到好多人 好多decision都可能係人云亦云 比人推一推就決定左 隔一陣聽到邊個邊個入iBank 邊個又創業成功 見到人地咁成功就會忍唔住Question自己既能力同價值 然後坐這山望那山 所以最重要既都係 要好好知道自己既passion係邊 四年時間慢慢計畫一下自己既路要點行 唔好亂咁同人去比較 （會比死人架）只要今年既自己比去年既自己進步左 都好足以為自己鼓掌架啦：） - 最後用一句龍應台寫比兒子 安德烈既一段說話作結。 - 「孩子，我要求你讀書用功，不是因為我要你跟別人比成績，而是，我希望你將來會擁有選擇的權利，選擇有意義、有時間的工作，而不是被迫謀生。 當你的工作在你心中有意義，你就有成就感。當你的工作給你時間，不剝奪你的生活，你就有尊嚴。 成就感和尊嚴，會帶給你快樂。」 - 人生中所有發憤圖強，都係令你喺身不由己嘅世界，活得比較無咁身不由己 。 - 我們一起努力吧！ - ***最近Instagram都在更新演算法 更新了帖子大家也很少看得到 若想看更多大學分享的話 就給個讚 以及 收藏起來 鼓勵一下吧！*** - #canteenhk分享 #canteenhk日常 #香港 #香港人 #hkiger #大學 #大學生 #hkstudygram #大專生 #情侶  #開sem #上堂  #讀書帳 #讀書筆記  #hkstudent #2020dse #2020dsetaker #港大 #科大 #中大 #城大 #浸大 #恆大 #dse #hkdse #2020dsestudygram #2021dsestudygram #補習

逼科的愛情（三）守護不了的愛情 如果你寧缺勿濫，又或是接受不了辦公室戀情，單身可以出到pool 的機率可以創新低，即使你幸運地成功出到pool ，但戀情可能只能維持幾個月就不了了之。 長工時之下，你無法去照顧你非auditor小女友的需要，特別是在戀愛的初期，那㮔見少一分鐘，也覺得世界末日，但你偏偏就沒有時間照顧她。 拍拖三個月，她打電話給你：「我地拍拖三個月，你係咪唔鍾意我？係咪出面有第三者？你話你嘅peak session 係由一月到三月，但點解你四月都仲要不停OT，成個復活節你都話要返工，有無咁忙呀，你連放個假都放唔到？你係咪呃我？」 * * 你：「我真係鍾意你，我接左隻IPO，所有timeline 都好趕，我真係無時間放假。」 * * 她：「點解你可以忙到每日工作八個鐘，都做唔晒啲嘢，我淨係覺得你係度推我，唔想見我，你覺得同我一齊悶，咪講囉，唔洗扮晒嘢，其實你係想同我分手姐。」 * * 那一刻，你不忿被誤解，其實你一直都好努力，好努力做一個好的下屬，好努力做一個好的男友，但一日得24小時，到底可以怎樣，所以你回了一句：「我知我廢，我manage唔到工作，同時又同你拍拖，呢啲係咪你想聽到嘅答案？定你想知我flirt緊個女同事？」 * * 之後，你們沒有再聯絡了。 做ibank同樣係長工時，但ibank 賺錢，auditor 就通街都係，你的女友會因為你做ibank 而遷就你，但一個唔賺錢嘅auditor，係無人會就你。 Sad but true！ 一個非auditor 的女友，係好難接受一個auditor 的男友： 你接受到他凌晨先放工嗎？ 你接受到他4日復活節假都用嚟工作唔陪你嗎？ 你接受到他長期出business trip,唔陪你？或者同女同事單獨出business trip? * * 你接受到他好忙的時候，連一個message 都唔回你嗎？ 你接受到一個星期你們只可以見面幾個鐘，食完晚飯，之後他又要回公司工作嗎？ 而且，正常auditor長時期在中國大江南北出business trip，他們對食物的要求都比較簡單，對生活要求都比較「求其」。 * * 當你們去旅行，他看到你為旅程，準備這些，又準備那些，他第一個反應係「好煩」，「其實去個旅行，要唔要執嘢執咁耐，帶唔夠咪去到先買。」。去旅行，就好似出job一樣，他不過係帶多一條team，帶多個engagement而已。 * * 又例如，他滿口總有許多audit 界的術語，「wok唔wok？」，「唔tie？」，「你un 唔un？」，「唔re 囉？」，雖然你慢慢明白他的意思，但更多時候他講著你不懂的語言，講著你不懂的accounting standards。因為工作佔了他好大的比例，他根本沒有更多的時間涉獵其他的範籌。 讀到呢度，你會問一個問題，「到底我拍拖為左咩？」，「為左有人陪？」，「為左有人愛？」，「為左當唔開心時候，佢會係我身邊安慰我？」 但你明白所有的事，他一一都做不到。 所以你明白你要分手。 因為他無盡到一個男友應有的責任。 我不會要你去包容一個auditor 的男友，因為包容一點也不容易，難度我要你過一個拍拖比單身更寂寞的生活嗎？ 而事實是他根本無盡到一個男友應有的責任。 ____________________________ 他是一位auditor，有一個拍拖三個月的女友，他很喜歡這個愛笑的女孩，只是他工作太忙，根本無時間可以好好陪在她身邊，他知道她有一點點的失落，但唔工作，那有錢呢？ 那天，他在趕IPO 的deadline，那女孩打電話給他，以為他有第三者，以為他不再愛她了。但他除了不忿之外，其實他連辯駁的時間也沒有，他生氣的說了數句話，就關了電話。他想過了四月，空暇一啲先氹番佢，之後陪佢多啲，攬下佢，佢就唔嬲啦。 那知道未過四月，他的戀情就結束了。 對他來說，他需要一個會在他身邊支持他，無論他多累，他也能在她身邊得到再次堅持下去的理由。 但他還是保護不了那弱不經風的愛情⋯⋯ * * 我們總在不同的位置，不同的身份在想談戀愛應該如何，你有你愛情的模樣，我有我愛情的模樣，在不同位置的我們，是溝通不了的。 * * #語錄控 控 #愛#相愛#愛情#感情#愛情語錄 #文章#散文 #hk #hkwords #fake文青 #經典語錄# #作家#文鳥 #字 #word#share#lovequote#quotes#温柔#文字#big4#audit#auditor#審計 #bigfour #accountant #會計#accounting

#gfmurmur8500 我同我男朋友拍左半年 我同男朋友好唔同類型既人 佢係一個讀書人 係個種好典型入大公司做野平步青雲個種人（非ibank/ 律師） 我仲讀緊大學 依家創左業 收入穩定 出面租左層私樓住緊 佢一星期會過黎訓兩三晚 我地中間有d價值觀同生活習慣既分歧： 例如對人方面，我平時會請人食飯爭買單 ，包括埋佢d朋友屋企人都會請 ，佢媽咪生日個陣我送左個名牌俾佢媽咪，我價值觀係如果自己有能力就要對對方好同愛屋及烏。 但係佢好唔鐘意我咁做 話搞到佢d fd唔好意思 又話我土豪又盛。同埋有時又要兼顧學業同工作，少左時間關心佢，佢就開始有怨言，但係我賺到錢之後就會請佢食D貴野 ，千幾二千蚊去補償佢對我既體恤。又會送貴野俾佢 ，好似千幾蚊一件恤衫咁 。佢初初都覺得好冧，覺得我好好。 不過至從佢多左同我生活之後就對我愈黎愈不滿 ，例如如果食飯前唔抺枱佢會嬲同發脾氣 ，佢曾經話過因為我住個度都叫高尚住宅區 ，如果我冇執到間屋好整齊等於浪費左間屋，佢會好嬲。咁佢平時都有幫我做下家務 ，但如果我做家務既乾淨程度唔符合我要求，佢會痴線。同埋，有事會因為D好少既事佢會好嬲 ，有一次佢送左價值99蚊既iphone線俾我，我拋左佢張收據，佢好嬲因該張收據有三年保養。其實我唔係唔鐘意佢，不過佢對生活習慣既要求真係好高，高到我有d喘息。我對佢既態度係避重就輕，盡量唔同佢嘈。而且佢有時講既野好冇人性都冇同理心，例如琴日發生左一件事就係佢今個星期病左，有晚我去佢屋企睇佢，佢話我唔關心佢，然後話我滿足唔到佢愛既需求。嘈交個陣 ，佢會話唔好以為你喊同嬲我會受你擺佈。我承認我同佢嘈交個陣有負面情緒，但我冇要求佢點點點點，我正係講返佢有咩缺點。同埋佢話可以數到我100個缺點出黎，又話佢自己值得更好，但更好個人一定唔係我，然後話短期內唔改好D缺點就會放棄我。佢話我缺點：唔整齊，冇責任感，冇恆心。同埋係ig story數臭我。琴日我好嬲，然後屌9完佢之後就block哂佢所有野話要分手，之後佢兄弟黎搵我話佢好down，問我有冇灣轉 ，佢自己就打左好多次電話俾我但我冇聽，我應唔應該繼續同佢一齊？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig