【 電視節目預告／《Chill Club》ERROR自肥特集 】 _ 《Chill Club》每個禮拜都會播，何解連續兩個星期日都要寫文推介？上一集（11/7）播出，有闊別電視節目多時的謝安琪（Kay）亮相，加上邀請WHIZZ與林家謙擔任嘉賓，當然要寫。今個星期呢？更加要寫，事關今晚（18/7）一集，主角是「宇宙天團」ERROR，而且是由頭唱到尾的「四子自肥特集」呀，唔係唔睇、唔寫下嘛？ _ 其實《Chill Club》自從2019年10月首播以來，轉眼已播了超過一年半，現時已是第五季，加上面對無綫《勁歌金曲》的同時段競爭，以及「Sound Bear忠粉」的期望，節目內容總不能重重覆覆「無限Loop」，是故近來《Chill Club》製作方針上有「1＋1」的新嘗試 ── 每集邀請一個或一組單位作為「主角」，他們都是知名度與叫座力較高的歌手或組合，再而邀請一位新晉歌手或組合，希望可以將後者推介予觀眾認識。 _ 所以上一集的演出組合是謝安琪 ＋ 成軍兩年的獨立女子樂隊WHIZZ。 _ 而今集就是ERROR四子 ＋ 2020年香港樂壇新人MADBOII。如果閣下是《ERROR自肥企画》的觀眾，應該對MADBOII不會陌生，因為他就是193郭嘉駿新歌《睡到三點》的作曲、編曲和監製。 _ 現年26歲的MADBOII，中學時代就讀赤柱聖士提反書院（SSC），跟《全民造星III》的ANSONBEAN（陳毅燊） @ansonbean 、《聲夢傳奇》的Aska（張馳豪） @askacch 、新晉演員周漢寧 @henickchou 、模特兒徐灝晴（Hugo） @hugo_chui 、歌手兼樂隊DisCover成員之一黃進林（Michael） @michaelwonggcl 是同門師兄弟。早於學生時代，即10年前，才16歲的MADBOII已經接觸Edm（電子音樂）、Hip-Hop和R&B，並與朋友合組樂隊。 _ 他接受《文化者》 @theculturist.hk 訪問時說：「及後我離開了樂隊，開始自己研究，在YouTube看教學影片學習，慢慢建立自己的音樂。」中學畢業之後，無心插柳下，參加韓國JYP作曲家製作人選拔賽，最終獲得外國參賽者組別的亞軍，雖然有多家韓國藝人經紀公司接洽，然而因為理念不同，堅持要當「創作型藝人」，最終作罷，無法在當地出道，返香港尋找機會，輾轉間於2019年加入香港獨立廠牌「GREYTONE MUSIC」，在網上發布作品，又會參與不同類型演出，2020年再加入唱片公司私人國，6月正式出道，第一首派台作品是《大人的科學》。 _ 喂呀，又話係「ERROR自肥特集」，成篇報道都係講MADBOII，唔Fair囉！Come On，雯雯，之前《ERROR自肥企画》爆紅時，不就是日日都寫ERROR嗎？事實上，ERROR過去數年的發展，讀者一定比較更熟，所以我只會寫他們在今集《Chill Club》會唱甚麼，分別是《I Promise》、新歌《 #我們不Chok 》，193會單飛獻唱《睡到三點》，另外MADBOII與保錡和193分別合唱《I Don’t Give A》和《Vivid Dream》。不過據了解，今集真正重點，是四子竟然會第二次演繹Backstreet Boys經典作《I Want It That Way》！！至於今晚唯一女嘉賓石詠莉 @sukieshek 則會獻唱新歌《期間限定》。各位ERROR粉絲，記得今晚準時九點半收看99台。 _ （18072021） _ #游大東影視筆記 #游大東 #error自肥企画 #無制限ot編集団 #格仔導演 #viutv #yautaitung #18072021 #chillclub @agentlfansclub @infiniteotproduction_fc @deegorfanspage @pk9uppar @vincitang @lowaito @deniskwok193club @9588hk #error404 #chillclub #madboii @samm0123 @faivoivoid @rainpfong @lock_hk @kagus_radio @greytonemusic @kingdomcgroup @smallfatfat #梁業 #何啟華 #吳保錡 #193郭嘉駿 @9588hk @c_plus_music @28music.journal @madboii.fansclub @bubble_madboii @lovemadboii @madboiihk

【《聲夢傳奇》男神Aska張馳豪為參賽停學一年 】 _ 相隔八年，無綫再次製作選秀節目《聲夢傳奇》，去年七月於記者會上，助理總經理（非戲劇製作）余詠珊曾透露，今次節目製作將會相當揼本，先會舉辦全球召募，更會為每位選手投放近200萬港元作賽前訓練，包括歌唱、舞蹈及體能培訓，甚至情緒控制也會涉獵，務求節目播出後立即引起觀眾注意。經過差不多半年時間籌備以及去年11月19日《萬千星輝賀台慶》站台熱身後，15位參賽者終於在上周日（3/1）晚上播映的《聲夢傳奇第一次召集》曝光，而正規比賽就要到今年3月才開始。 _ 云云參賽者中，現年25歲的張馳豪（Aska）憑超級靚聲、俊朗外表，以及一米八五的高䠷身型，率先引起網民留意。節目播出後，其個人Instagram帳戶的粉絲急升約一千人。隨意瀏覽一下，不難發現Aska幾個嗜好：打籃球、健身、攝影、自彈自唱，而且身型相當健碩，細問之下，才知道運動既是其興趣，也是他在美國邁阿密大學（University of Miami）讀書的主修科目，「Undergrad主修Exercise Physiology（運動生理學），之後讀Strength & Conditioning（體適能）碩士。」2019年畢業後，再轉到波士頓名校Tufts University攻讀第二個碩士。「係主修Nutrition（營養學），不過為咗返香港參加《聲夢》決定停學一年。」 _ 停學一年？問Aska是否已為將來入行做準備？他笑言現階段沒有任何期望。「冇諗咁多，暫時都係想Focus喺呢個比賽先！」平時喜歡在Instagram分享自彈自唱的短片，更為了追夢而專程由美國返港參賽，對於唱歌這回事，很多人或者覺得Aska應該是個自細便很有表演慾的人吧？實情完全相反。「我細個嘅時候比較內向，冇乜自信，係去到中學參加歌唱比賽之後，慢慢開始有人對我肯定。」這種性格可能跟小時候的不快經歷有關。「小學嗰陣時我仲未拉高，都係肥肥哋嘅，之後試過畀人恰過，可能係因為呢個原因變得自信，我都唔係好清楚係因為邊一件事令到我咁。」 _ 背負傷痕纍纍的弱小心靈完成小學階段，轉讀中學之後情況有變。「中二嗰年，就同個朋友一齊唱咗Mr. 嘅《如果我是陳奕迅》，嗰陣時喺台上係好緊張，啲音點樣係由對腳震到個口咁發出嚟，可能嗰次有咗啲經驗啦，之後都會喺班房入面唱下歌，啲同學都會讚：『你唱得幾好聽！』」難得有人認同，Aska的性格開始變得開朗，亦愈來愈喜歡唱歌，去到美國讀書之後，這種日積月累的表演慾終於爆發出來，所以Aska參加《聲夢傳奇》的起點，必定源於中學時代。 _ 其實Aska遠赴美國升學之前，在赤柱聖士提反書院（St Stephen's College）就讀，憑ViuTV劇集《教束》（2019）「莊子」而嶄露頭角的新晉演員周漢寧，是他的同班同學，「周寧係我好朋友，佢真係好有才華，（待人接物）態度仲好好，總之好正。」而之前曾經為「香港先生選舉」拍攝宣傳片的模特兒徐灝晴（Hugo），同樣是聖士提反書院的學生，跟Aska相當老友。有趣的是，翻查資料期間發現，原來早前參加ViuTV選秀節目兼真人騷《全民造星III》、最終奪得季軍的ANSONBEAN（陳毅燊）是Aska和周寧的師弟，以年歲計，ANSONBEAN較他們年輕約五至六屆，如果將來Aska完成比賽後真的獲公司相中，成功出道，說不定有機會在樂壇頒獎禮上同場較量。 _ 談到自己熱愛健身，坊間曾經有指，肌肉鍛鍊有助提升演唱能力，是否真的如此？Aska坦言：「我覺得幫助唔大，始終唱歌喺用力同運用肌肉方面，同平時我做運動完全唔同，尤其係而家開始上唱歌堂，就更深深體會到，我發現自己唱歌時有個壞習慣，就係因為太過投入，面部表情太勁，會令喉嚨好緊，把聲就唔夠出（響亮），更有機會傷到喉嚨。如果真係要講幫助，可能係做開Fitness令到肺活量比較大吧。」 _ （12012021） _ #游大東 #游大東影視筆記 #聲夢傳奇 #全民造星iii #TVB #viutv #張馳豪 #周漢寧 #ansonbean #徐灝晴 #12012021 @aska_fansclub @askmeoraska @ansonbean.hkfc @ansonbean.web @ansonbean_fanspage @ansonbeanonly._ @ansonbean_panda_ab @ansonbean.web @ansonbeanonly._ @ansonbean_fanspage @henickchou___fc @ernestwongkalok #赤柱聖士提反書院

當大家而家剩係掛住談論「全民造星3」時，我掛住上年「全民造星2」嘅Hugo，當大家一講起Hugo就話好愛「山下見」，其實我更愛當晚佢同God姐嘅「New Rules」！真係好正好壓台😍😍😍😍😍 #我係最靚架