【龔成問答信箱】（Q21841-Q21860）

Q21841：

老師，你好。我今年48歲，有家庭，現持有以下股票 :

941 @49.25 4,000 股
883 @8.88 20,000 股
3067 @17.01 3,000股

尚可動用入市現金大約10萬。

希望資產增值外，希望10-15 年後，依靠股息每年大約110K過生活，我計算過股票要有大約6里，但本金要2百萬！由於年齡不小，不可能太進取去買高風險潛力股，請問有何建議？

另現持有的883 想在收股息後(6-7月), 如果能回到買入價就換馬，請問是否合適或繼續持有？

謝謝，你真的改變了我的想法。

龔成老師︰

你那個200萬的估算，係正確。以你48歲計，增值時我地開始要保守一點。

你現時股票都有質素，都適合你。中海油(0883)由於只係商品類股票，質素唔算好高。

所以，不宜持有太多。你可以沽出部份，換至其他股票。由於收息後，會除淨(股價會被扣除派息部份)，所以你在收息前後沽貨，係無實質上不同，唔會因為咁樣令你多左或少左錢。

另外，你現時股票的組合，雖然都是質素不差股票。但組合內只有3隻股，明顯數量不足，出現集中風險的機會頗高。

雖然3067係恆生科技指數ETF，係一籃子的科技股，但都只屬於單一行業，都有一定集中度，不要佔比重超過30%。

往後若有新資金，宜多增持其他不同類型股票。

以下「平穏增長股」 + 「潛力股」都適合你，你可以參考下。但由於潛力股，係有一定風險。你不宜持有太多，大約3成好了。

隨著年齡增長，潛力股比重要慢慢下降。到你退休前5年，開始慢慢加入一些收息股，到退休時，組合應以收息股為主。

大市現處於合理水平，10萬資金，你就留待大跌市機會出現，才大力度掃貨，並長線投資。

我假設投資回報有10%（連股息再投資），你投資35萬(持股+10萬現金)，15年後大約會增值至145萬。

如要做到200萬目標，最好投資金額達至最少50萬，才會較大機會成功。

------------------------------------------------

Q21842：

龔成老師，想請教一下手頭上有二百萬現，原本希望買入七百幾萬單位同老婆住，但因為計過數

唔夠俾印花稅同裝修，而且壓力測試都好緊下，又會清哂袋，所以想再儲下錢先再進行置業計劃，咁應該點處理手頭上二百萬現金先唔會貶值？

同埋政治因素下，你覺得應唔應該轉儲外幣?又或者投資美股rather than港股?

龔成老師：

買樓的重要原則「供得起」，這個因素是最重要的，反而之後的樓價升跌並不是最核心，如果你按揭等因素真的較勉強，就停一停先，等你有更多資金，又或調整買入的目標樓價。

現時要先清楚一個問題，你地最新的目標，打算1、2年買樓，還是3年後先會買樓。

如果中短期，即1、2年會置業，資金就不建議投資，宜大部分資金持有現金，最多小部分投資收息股，又或者真的見到大跌市時，動用小部分資金去入市，投資平穩增長股。

相反，如果你打算3年後先買樓，就可理解為有較多時間進行投資增值，你可以投資平穩增長股，作為配置。

當然，$200萬不能用盡，可能只動用$100萬或以下。

至於外幣，其實投資價值不算高。

另外，美股港股，其實都有投資價值的，在長遠，中國、美國，都會是全球最大的兩個經濟體，投資這兩個市場，其實長遠都會有不差的回報。

------------------------------------------------

Q21843：

老師，之前睇左你講世界觀條片，好認同呢個世界係有好多勁人叻人，其實香港地好多憎人富貴厭人貧嘅人，見到人地成功就搵理由去批評別人，好彩或靠屋企之類

但就唔會去欣賞或好奇人地點解會做到，永遠抱住負面嘅思維去睇事情

唔係晒命，純分享！

以我為例，我30歲同時間結婚買樓，當時身邊D朋友知道後個個都只是抱住羨慕嘅心態去講你就好啦，買到樓，有D就話屋企人俾左幾多你先？

但係我話我冇父幹，只係靠自己做野儲錢，儲到錢就投資股票，一步步去達成個目標，佢哋聽後個個都話我都想咁之類，但4年幾過後，佢哋依然係得過想字！

完全冇為佢哋想嘅嘢去努力過，仲係抱住個心態係香港地係咁架啦，物價咁貴，又多使費點儲錢吖，D樓價點買得起，都唔係俾香港人買架啦，心態永遠就係咁諗，甘於現狀！

3年前我自己開咗鋪頭，佢哋又係同一口吻，你就好做老闆，我都想，但都係冇行動

我想講D野唔會免費跌落嚟俾你，最緊要係肯去踏出第一步

喺香港買樓，網友就會話on居先接火棒，做成世樓奴，樓價跌唔好喊，但佢哋冇想到長遠層樓會令到資產升值，增加財富

供樓會供滿，但租樓就真係永無止境

另外，老師，小米可以再入貨嗎？

龔成老師︰

十分認同你的講法！

其實世界好多，只要你願意走出去，你會發現無限可能。最重要，係你願唔願意行出第一步。

正如你所講，的確好多人都係停留左係「想」個一步，之後就無再前進。

所以，我先希望更多朋友，可以放開自己固有想法，對世界了解多D、學習多D、行動多D，從而改變現有生活。

希望你可以用你成功例子，去感染你的朋友，令佢地作出改變。

不過，有d人真的唔會改變，我地做好自己就得，同佢講左，聽就聽，盡力啦！

至於小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，現價合理區頂位至略貴，小注分注可以，但唔好入得太急，預佢股價仍波動。回多10%更有投資值博率。

------------------------------------------------

Q21844：

成哥，剛上完你堂，按你方法投資，第一次見到自己回報去到5位數字，尤其係 968，開心既再唔係戶口既數字。

而係用自己分析、堅持同時間換取到個回報，個種感覺好似見到自己個仔女長大咁（雖然我仲後生）我希望自己內心唔好澎脹，

可以好似你咁，對住任何波動同誘因，都一直貫徹自己投資既理念。

龔成老師︰

你方向已正確，之後要多溫書，多用評估表，多分析企業年報。保持知識與財富增值！

只要你記住，我地投資就係將一些貶值的現金，換成優質資產的動作。

只要個資產係優質，佢長線自然會自行升值。至於可唔可以抵住任何波動同誘因，就要你慢慢去磨練。

但你只要記住你而家係儲資產，唔係做短炒。同埋，世界上最有錢架投資人，巴菲特都係用長線投資優質股去致富，你就應該唔會咁易衝動。

再抵受唔住，最簡單就係唔去睇個股價，自然就會無問題。

------------------------------------------------

Q21845：

其實阿sir我想講，用手機打我都寫到一舊舊。

我地兩個都係公屋出生，我爸媽甚至係理財不善果類，以為脫離唔到貧窮。我地身邊啲朋友結婚一係跟父母住，

一係爸媽比首期買樓（我家姐係覺得父母係應該資助後生買熡）甚至有不少係父母有多一層樓，可以比佢地直接結婚住。所以我自己到談婚論嫁嘅年紀，

見到啲朋友咁，自己都鼻子一酸，尤其我地兩個果時都係上完阿sir你堂一年之內，未累積/見到自己嘅資產有顯著上升，果時樓價/租價依然好強硬。有時甚至喊咗幾次。

不過我地睇過晒你嘅好多書，獲得資產累積/買樓唔一定要靠父幹，自己兩個人可以憑自己努力可以去到買樓嘅地步。呢個鼓舞咗我自己好多。

亦都唔想再自怨自艾，自己努力去建立資產。有時放工都會返第二份工，早啲儲早啲投資（依家睇當然覺得只出賣時間勞力工作唔係咁好）。

然後要多謝你，因為唔係上咗你堂，我同佢拗股票投資一定拗到無結論。果時佢覺得假設優質股，要返返去買入價先會再買（例如果時港鐵$4x , 佢會想$33再來先會入貨，

基本上機會比較微，亦都唔係咁計平貴。）所以大家一齊上堂，都可以大家做唔同嘅功課去交流，有時甚至係佢教返我轉頭。

到依家我地都唔係算有乜成就，但起碼真係可以自立，建立唔同類型資產，唔使靠父母，甚至可以諗遠少少點樣獲得理想生活。

你果時上堂講dream house 我好明白果種感覺。

呢幾年嘅心路歷程，實在無辦法只用簡體多謝你三個字表達

龔成老師︰

其實出生如何不重要，最重要係你自己點去看待你架人生目標。

只要你係想，就要努力去找方法達成。香港樓價係貴，但係不至於伸手不能觸及。只要你肯付出、肯學習、肯去實行，總會行得到目的地。

相信這幾年，你已經有不少體會。

你可以好似我咁，如果發現自己無動力，就睇下自己架DREAM HOUSE，再重新起步。

睇緊投資係一個長線的計劃，除左選擇合適股票，長線持有外。你都要保持學習，才會有理想的投資效果。

加油！你現時行在正確的大方向，只要不斷進步就得！我期待你同我講更多好消息！

------------------------------------------------

Q21846：

龔成老師，我們夫婦二人50歲，月入10萬，冇子女，已自置物業，已為退休做準備(有年金及退休基金)，並月供股票1.2萬。

面對美國不斷的量化寬鬆，全球勢必大通脹，應如何讓資產保值? 手上仍有百多萬現金，應如何投資?

有人建議購買黃金，有人建議買樓，有人建議買優質股票，我沒有相關知識，所以想向老師諮詢意見。謝謝!

龔成老師︰

由於貨幣可以無限量印發，故長線必然出現貶值的情況。因此，我地做財富增值時，會集中係真正優質資產身上，好似物業、優質股、車位等等。

以你現時情況，財富中已有物業類，再增持物業的話，會令成個財富組合，偏向左係物業類個邊，不太理想。個別資產類別，最好控制在8成以內，能控制在6成以內，會更好。

而黃金，主要係用來對沖突發性金融事件，唔需要持有太多，大約佔組合3%左右，就可以，最好係用實金模式去持有。

現時你們50歲，係時候為退休開始準備。你持有年金和退休基金係可以，但這些都係以增供穏定現流為主，增長能力好弱。

係成個財富增值策略，係應先做好增值，到退休時，才將增值得來的資產，才慢慢換成收息資產，去創造穏定現金流，去支付退休生活。

因此，我建議你月供股票和100萬資金，用來進行適度增值，咁會較好。

現時的$100萬，暫時只能動用最多一半，因為大市唔算平，你要分注投資，同時留下一半資金。長線投資。

月供部份，同樣不宜盡用資金，每月留下一半會較好。等出現大跌市時，才出手掃平貨。

你可以用「平穩增值股」+「收息股」作為投資目標，現時大約各佔一半。隨著年齡增加，慢慢增加收息股的比例。到退休時，收息股應佔100%。

------------------------------------------------

Q21847：

你好 龔sir打擾了, 我相信你一日之中都可以收到唔多這種inbox 但都希望你能有時間抽空回應…

我一直對“投資”對我而言 是另外一個世界的事。主要因為都係年紀和資金問題; 我係個單親媽媽 已4x了 咬緊牙關送咗阿仔去加拿大幾年，這裡環境都係好適合俾青少年再發展

阿仔一年洗費大概hkd40萬 明年要入u 如果佢突然成材可能讀埋個 master我要供樓加一些貸款 一個月這部份要 hkd25000 ; 我自己有間公司 但還在努力經營中 每月收入可以說是hkd50-60k

但有時唔夠，而阿仔的學費基本我是用部份自己積蓄+銀行貸款; 有感需要在3年內想要能有大概2球這樣的金額 我須要有多少的本金和投資何種組合較為適合呢?

我正在拜讀你之前的二本書（50優質股+80後百富翁）也打算報讀你的初級班 希望能收到你的回應 多謝晒 ！

龔成老師︰

首先，你要明白一點，投資優質股，就等同投資一間企業。

你永遠要記住，買股票，就是買入一盤生意，你要用這個角度去分析。就算再優質的企業，都要時間增長，所以投資係長線的一件事。你自己有做生意，相信你明白我這句說話意思。

因此，你唔好預期投資，可以提高你短期收入，這是不可能。但長線只要你有計劃地進行，係可以有個不錯的效果。

現時你有部份開支，是要用積蓄和銀行貨款來支持，這是一個不理想的狀態。因為，你現在每月是負現金流。而且貸款利息(若係較高息貸款)，會進一步侵蝕你的收入﹐令負現金流情況惡化。

如果你貨款息率較高，你就要先處理好。之後，再想方法做到收支平衡之餘，要有一定閒錢，我地才考慮開始投資增值。

另外，由於你本身有生意，其實一盤生意營運得好，增值潛力係會比投資優質股大。所以，你資金應優先預留給生意上發展，咁會較理想。

到有餘力時，你再加入優質股和物業等資產。目的係令你成個財富組合，更加平衡，唔會所有增益都靠晒盤生活，咁就可以了。

以你年紀，若你想投資股票，可選一些平穏增長股。但以你現況，唔需要急住投資股票，建議你先處理好收支平衡問題和自己生意，才開始實行投資計劃，會較好。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)。

另外，我建議你鼓勵你兒子，自己去賺部分生活費，這可以幫助佢成長，有時太多安排不一定是好，要佢獨立及有更大成長，有時就要逼下佢。

除了對你的財政較好外，同時對佢成長都較好，你要從長方向去著想。

------------------------------------------------

Q21848：

hello老師，想請教/交流下~

1. 我本身630蚊有700一注，最近出左業績，想問下佢遊戲業務基本上己經冇太大增長，而且佢微信業務都先後比快手/抖音搶走左唔少。

想問下你覺得佢質素有冇減低?同埋你會將佢定義做水桶一定係水桶二?佢好似己經有小小派息同埋低PE，似係一間完全成熟既企業。

2. 想問下如果做估值好似比亞迪/瑞聲咁樣，佢市盈率非常波動，冇辦法搵到有代表性既市盈率，可以點樣去做估值呢?

龔成老師︰

1) 騰訊（0700）本身已經好大好大隻，要再高速增長並不容易，雖然手遊的長遠發展仍會不錯，但要帶動這股倍升，相信並不容易。

此股依然係有投資價值，但長遠增長會慢左。雖然未至係完全成熟的企業，但已經由以往水桶1，變成水桶1至2之間的股票。

2) 比亞迪(1211)這類潛力股會較難，你估值時，利用預測市盈率和預期未來的增長力，去做個估算會較好。

瑞聲科技(2018)增長力和波動性，無比亞迪咁大。而且佢行業本身變化唔算太大，你可以用佢過去10年PE作推算，去計一個合理市盈率就可以。

------------------------------------------------

Q21849：

老師你好，最近我又諗緊好冇買樓，想請教你覺得買一個有價值嘅全新盤（想抽柏傲莊二房），定用同舊錢買二手三房？

放租，不是自住，大圍這盤無論交通發展商都有質數，但放租其實都未必補倒供款，係望升值，但咁貴風險好似有啲高

龔成老師︰

雖然柏傲莊位置唔錯，本身大圍物業都有一定潛力。

但我會較建議買二手，因為一般新盤都有溢價，即係買家會好大機會買貴左。

柏傲莊，我現時睇呎價，唔算貴，可考慮，總之你投資之要小心溢價就得，而二手一般就較易分析。

由於你只係投資，無迫切性，你可以慢慢等物色一些租金回報率和潛力都高的樓盤，才出手會較好。

------------------------------------------------

Q21850：

老師，我已持有1313 $9.92/4000

823 / 2800 / 3988 月供，黎緊想加建 3067 同 阿里巴巴9988

昨日3319 雅生活升左我都唔放，雖然倒跌返，但因老師你教唔好在意短線升跌賺左少，以免錯失真正增長既升浪。

龔成老師︰

雅生活(3319)有質素，內地物管股預期長線發展，應該唔錯。特別係背後有母公司支持，好以雅生活(3319)、碧桂園服務（6098）等，都會再睇高一線。

由於佢有質素，你不用理會佢中短期波動，照長線持有，就可以。

華潤水泥控股（1313）本身有質素的，只是業務較波動。如果佢佔你組合比重不高，長線持有就可以。

至於月供方面，你現時才35歲，應以增值為主。中行(3988)只係收息股，增長力欠奉，唔適合你。

加上安碩恒生科技(3067)和阿里巴巴(9988)係可以，但這2隻係潛力股，波動性會較大。

如果你經驗較淺，可以先小注，大約佔組合3成左右。若你係有一定經驗，你可以投資到約5成比重。

------------------------------------------------

Q21851：

因為我睇到d留言話8月d員工解禁，寫到話會暴跌，所以拎我有啲不知所

所以想問吓成哥你嘅意見，唔知快手(1024)應該溝唔溝少少貨，定係保持而家持有$270守住～

龔成老師︰

禁售期過後，代表相關股東可以將之前持股出售(但唔代表佢一定會出售)。

如這班股東真的好似你咁講出售手上快手(1024)持股，可能對股價造成短期波動。但我們投資著眼點應該是企業質素，故此解禁其實對公司無任何實質影響。

簡單來說，短期可能會股價波動，但其實，我地最重要是睇翻企業的質素。

快手（1024）係一隻優質股，值得長線持有，但短期股價仍會十分波動。

你現貨可持有，現價只算係合理區頂至略貴，唔建議加注。

------------------------------------------------

Q21852：

龔成老師你好，想請教投資方向。我28歲，租住每月13000元，家用5000-8000，收入2萬至十幾萬不等，平均計算每月約有5，6萬收入。有以下港股在做月供。

另每月人工的30%放投資，現有8萬現金投資儲備和16萬結婚儲備會於1,2年後使用。把這些資金放於投資，結婚資金做穩定點的投資，另外的做進取型。

想請教我應該買入美股例如VOO+QQQ，ibond 定加注在港股更好？謝謝你的回覆，祝身體健康！

月供9千
0066 港鐵 2000
0270 粵海 1000
1211 比亞迪 $1000
2388 中銀 1000
2800 盈富 2000
700 騰訊 1000
3067 $1000

龔成老師︰

你28歲，應以增值為主，建議你除了未來1,2年會用來結婚的資金外，其餘都利用「平穏增長股」 + 「潛力股」作組合，去創造一個增值平台。

至於投資港股和美股，都可以。而IBOND這類收息產品，無增長力，若長線持有的話，就不太建議(若打算上市即日沽，係可以)。

你現有持股，都有質素，可以長線持有。

現在你每月先用5成儲蓄做月供，其餘先儲起，用一邊月供一邊儲蓄的策略。由於你月入不穏定，可以用一年平均數，去作為計算月供金額的標準。

月供方面，你可以選擇投資在平穏增長股︰VVO、盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰QQQ、比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

而結婚的資金，由於時間不多，不宜太進取。建議你買一些收息股或者定期就好了。目標以保本為主。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

現時大市只係合理水平，你可先用一半資金，分注入貨。餘下資金，就等大跌市出現，才加大力度掃貨。

------------------------------------------------

Q21853：

您好龔sir, 我現時31歲，月入2萬，今年才開始買股票！開頭都是短炒（雖然有賺小小）呢個5月又蝕反晒，

手上股票都有幾隻蟹貨。想知仲值唔值得等下去，還是止蝕？買其他有質素股票如地鐵、中電之類？

1762萬咖壺聯@1.16
1022飛魚科技@1.10
3800保利@1.98停牌
3690美團@333
1928金沙@35.4

上個月開始月供2800&2382 共4000蚊.

有看你的《80後百萬富翁》和你的Facebook,開始覺得價值投資的重要性！希望您可以解答我問題，無言感激

龔成老師︰

首先，你唔好再用短炒模式去投資。我地投資一定係長線，以往我做證券行，見到短炒個班，長線都係輸。真正有錢賺，都係長線的一群。

另外，你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

金沙(1928)有質素，可長線持有。

美團(3690)不確定性大，萬咖壹聯（1762）質素只是不過不失，2隻股票持有係可以，但只宜小注。

飛魚科技（1022）質素不太好，如果從過往的業務情況，業務不穩，持續虧損，投資價值不高。

之前得到騰訊（0700）入股，往後會提高企業價值，潛力度高左，但由於仍有未知數，業務不能推算一定成功，故只宜小小注博下。

保利協鑫能源(3800)現時暫時停緊牌，因為佢仍未出到業績，將公佈業績的日期延遲了幾次。

最近現任核數師更請辭，我對這類股票，會較有保留。但由於現時停緊牌，暫時乜都做唔到，只有等。

初步睇佢的財務數據，都幾弱，相信日後就算復牌，股價都會受壓，要有心理準備。

以你31歲年紀，應先做好增值部份。你現時月供的計劃，係可以。但建議你盡力加大每月可投資金額，最理想係佔你收入一半。

現時大市只在合理區，每月資金唔好盡用。最好留有部份，等大跌市出現時，可以用來掃貨。你最重要考慮你的年齡，建立一個平衡，適合你風險度的組合，長線持有。

------------------------------------------------

Q21854：

老師你好，想問一下意見

本人42歲，月入$70000，12月開始月供股票，現時持有現金二十萬︰

$4000 月供175
$4000 月供 257
$4000 月供 388
$3000 月供 283
$3000 月供2800

另每月儲$10000現金，比例是否太少？

手持物業價值$3,500,000, 尚欠按揭$2,500,000

有供退休保，65歲時可取回大約$1,000,000現金

想問一下，現時投資配置適合嗎？另希望3年後有現金 $2,000,000投資另一物業，可行嗎？風險是否太高？

謝謝

龔成老師︰

你每月可投資資金，比例都算可以，當然越多越好，建議盡可能將每月閒錢，都用作投資增值。

我地財富組合除左要有增長力和質素外，平衡性都好重要。你現時資產類已經有物業，除非你資金好充裕，或者你股票組合金額，已經唔細。

否則，長線你應先增加優質股，以免過於集中個別資產類別，而產生風險。因此，你新資金建議優先投入股市，去令成個組合更平衡。

以你42歲計﹐都有增值需要。你現時組合(0283相信是你打錯編號)﹐月供和儲蓄比例都可以。

但資金分配方面，我建議用盈富(2800)作為主力，會更有較平衡組合風險。另外，潛力股(0175, 0388)你可以投資，但最多佔組合4成好了。若你經驗較淺，最好再調低少少。

現時大市只在合理區，你20萬可動用一半，去分注入貨。餘下一半和每月儲的1萬，就等大跌市機會。

至於3年後，如果你發現有潛力的物業，而價格又理想，你都可以考慮入市。但大前題係，你必須入市同時，手上留有一定優質股去做增值，以維持財富組合平衡性。

------------------------------------------------

Q21855：

你好，想請教一下598發行債券好定唔好。我係3.55-3.73也有持貨

龔成老師︰

發債好定唔好，主要睇佢發行目的和負債水平。

由於未來一年內，集團有近35億舊債券到期。相信新債券主要用來處理這部份債務。現時集團負債水平有少少高，但未算嚴重，但點都有D風險。

中國外運（0598）本質不算差，但行業好受貿易等因素影響，因而在業務上有一定的波動性，股價波動亦較大。

你買入價合理，我長期唔敢話佢好正面，只可以話佢現時估值不高，所以都有投資價值，如果能承受中短期股價波動風險，長期持有，咁基本上可投資，但未必值得太大注，始終質素未去到好高。

若佢佔你組合較大比重，建議你沽出部份，換至其他優質股會較理想。

------------------------------------------------

Q21856：

SiR早晨：我是你股票班學生，第四堂第三題工課做了很耐都唔知公識點計可否教我？

謝謝老師

龔成老師︰

答案是A︰$5億 / (10% - 3%) = 74.1億

你可以參考翻第4堂的第40張SLIDE，當中有個替代簡易算式，就是用來計算這種增長力的企業。

另外，每堂的功課答案，都會印在下一堂的文字版筆記。當中會有簡單解釋，可以方便同學溫習之用。

------------------------------------------------

Q21857：

老師你好，上年開始睇你d書，今年想開始月供增加資產。

今年33歲，啱啱結婚黎緊會準備生小朋友，收入約莫3萬，之前有少少咁買下股票，近排想開始月供，預每個月可以用$9500左右買股

2800 $2000
66 $3000
3067 $1500 (單數月買2手)
388 $3000

宜家有:
66 500股@46.8
5 400股@58.05
2 100股 @131.5
3067 200股@16.64

1. 月供組合有冇需要改善？

2. 本身想供1211，見佢貴返先諗住改2800。之前見老師有提水可以開始供返，但係而家上返$180，十五十六，仲合唔合適月供？

3. 匯豐係咪繼續等佢升返再放？

4. 有冇建議可以優化下？

龔成老師︰

1) 選股上係可以，但最好用盈富(2800)做主力，可以增加平衡性。

另外，現時大市只在合理區，每月資金唔好盡用。最好留有部份，等大跌市出現時，可以用來掃貨。

2) 比亞迪(1211)偏貴，現價勉強算可以月供，但只宜小注。

但你若想用比亞迪(1211)，去換走盈富(2800)我就唔建議。這樣會令你組合的潛力股(1211, 0388, 3067)，佔比過重。

以你33歲計，潛力股佔組合最多5成好了。若你投資經驗較淺，我建議要再向下調整。

3) 匯控(0005)只係收息股，增長力麻麻，唔係太適合你這類年青人士。但你只有1手，你照持有都可以，但唔好再加注。

如果你相換至其他增值股，你等佢反彈，就沽貨換碼都可以。

4) 你組合大致上無問題，除左上述的小問題外，無特別地方要修正。

但緊記月供係一個長線計劃，月供最少維持3年，並持有這些股票5年以上，才會有較理想效果。

------------------------------------------------

Q21858：

我45歲
有兩仔 11歲 9月升中 8歲9月小四

有層私樓自住，私樓欠銀行大約130萬 h plan 好低息 因2018開始攞緊公司housing benefit 唔可以有改變

2019 再加按100萬，20萬去買左保險基金有4.5%回報，大約用左10萬。

其餘放左65x，xxx係股票，有d蝕有d賺

同先生加埋收入6萬5 但好大開支 每月大約剩8000

1） 我諗緊好無再加按？

原因1:現要供2.25% p plan 無得轉 想借loan 3 用h plan

原因2: 我現借可拉30年還 想借定投資or俾仔去外國讀書用

我驚到時佢去讀書借唔到好多

2）如借 借幾多

龔成老師︰

通常我自己會視借貸投資，是我最後一張「皇牌」，真的有需要時才會動用，即是見到一個明顯的投資機會，全世界都平貨，值博率好高時，才會動用。

現時大市只在合理區，明顯唔係一個良機。而且你本身負債已經唔少，每月剩餘資金不多。

若再去加大負債比重，風險唔細，你要自己衡量。當然，如果係生活上實際需要，例如海外升學。理性咁去借貸，都係可以。

以你的年齡及風險承受程度，我見現時你負債不過多，加按少少都可以，但你最重要想想「加按得來的資金做咩？」

如果無明顯投資機會，就不用心急加按。

如果加按只為你這刻生活費，就等同如你跳進了負債圈，並不是好事。

------------------------------------------------

Q21859：

龔成老師，一間公司處於燒＄，和虧損的情況，每年收入係有增長，要點再評核呢間公司？

龔成老師︰

我地會較集中，睇公司未來潛力部份。同時間，有些指標好似市銷率等，都可以用作參考。

但畢竟係未有盈利，好多野都係估估下，無人知幾時先會有真正利潤出現。

由於投資價值大部份，係建基於前景，若發展不似預期，就會有較大回調。所以，我地投資這類股票，要保守D，不可以大注。

最重要是考慮，大環境如何，長遠是否有前景，佢現時的投資，是否有一些成果，令企業保持向前，你要分析這個因果關係。

------------------------------------------------

Q21860：

早晨老師, 我有個投資問題好困擾, 想向你指教一下

我係一位主婦, 之前高位$64買入匯豐等收息, 當冇息派, 股价一直跌, 忍痛下$3x 全沽, 蝕左好多錢, 換左買9988, 現在又是蝕錢

近來見匯豐升返上來, 心裏很不舒服。我現在再買入匯豐好唔好呢? 前景如何呢? 還是等阿里爸爸返家鄉呢? 希望你可以比意見我，thx

龔成老師︰

你的問題都幾大，不是賺蝕問題，而是投資知識問題，你的投資決策被情緒及股價影響，記住，我地應「建立一個長期的組合」，睇企業，不是睇股價。

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

另外，我地投資係要因應自己年紀，去作出相應選項。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

若你係較年長人士，匯控(0005)這類收息股，就適合你。由於你目的係收息，只要企業長線質素無大變，你係唔需要理股價波動，一直收息就可以。

匯控(0005)現時股價算合理，可分注入貨。

而阿里巴巴(9988)則是潛力股，主要適用於一些較年青人士，用來增升組合的增長力。但由於風險較高，較年長人士就不宜用佢作投資目標。

阿里巴巴現價合理，至於持有邊個，你就睇翻自己人生階段和風險取態，去作選擇。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

美國遊民問題愈演愈烈
How big is America's homelessness problem?

假日帶著州寶到船上玩耍的州警大人，突然被州警局緊急召回。克萊兒只能取消手足美甲的預約，乖乖回家陪州寶。

2021 年示威暴動不斷，華盛頓州首府 Olympia 也不平靜。州長官邸的示威抗議好不容易告一段落，其他團體馬上接手。星期日中午，自稱 Oly Housing Now 的團體手持刀械、斧頭、棍棒，非法闖入位於奧林匹亞市中心的 Red Lion 飯店（前 Governor Hotel），約四十名成員將飯店員工鎖在房間內，並佔據飯店大廳及至少十七間客房，Oly Housing Now 只支付一個晚上的房款，打算讓附近遊民無限期入住，直到郡政府能妥善撥款安置首府的遊民。侵入 Red Lion 飯店的遊民表示將無限期住在飯店。其中一位遊民表示：「若郡政府要我們離開，那就提供我們另一個可供棲身的住房。」

想當然耳，警察自然又成為眾矢之的。當州警大人火速奔往 Red Lion 飯店報到時，立刻遭到 Oly Housing Now 的成員罵髒話吐口水比中指，並用威脅暴力的詞語唱歌辱罵警方。他們跟媒體抗議：「政府撥款付給這些警察的加班費，足以用來安置現場所有遊民，讓他們在飯店住上八天了！」

/
「你身上就有槍，怎麼不乾脆舉槍自盡好了。」
「你老婆小孩沒了你會活比較好。」
「你死了你媽才不會覺得那麼丟臉。」

惡毒謾罵一句句從這些自認悲天憫人的慈善團員口中竄出。殊不知，經過去年 BLM、Antifa 示威及暴動的洗禮，州警大人早已身經百戰、百毒不侵。

一群群華盛頓州警、奧林匹亞市警、以及瑟斯頓郡警就站在大雨滂沱的街道上，讓這些人惡意叫囂侮辱。直到夜晚，得到上級示意後，才得已進入飯店，將違法的 Oly Housing Now 團員逮捕歸案。

/
類似的組織及行動不只在華盛頓州發生，目前已經蔓延到加州、波特蘭和費城。克萊兒想知道大家的想法：政府是否應該花費納稅人的錢，無限期、無條件的安置所有遊民？提供免費手機、食物、救濟金及醫療服務，並針對染有毒癮的遊民，提供針頭及安全施打藥物的場所？

《州警夫人FUN英文》
The problem with socialism is that you eventually run out of other people's money.
社會主義的問題就是：最終你將會花光其他人的錢財。
-- Margaret Thatcher 柴契爾夫人

0808紐約時報

*【冠狀病毒實時更新】
#美國紓困方案仍陷入僵局，川普表示，他準備自己採取行動。川普說，他將簽署行政命令，推遲學生貸款的利息和付款，在年底之前增加失業救濟金，並且從7月1日開始追溯延至今年底的工資稅。
#古莫說，紐約的學校可以當面重新開放，但由各地區決定是否，何時以及如何進行。
#約翰•霍普金斯大學和普林斯頓大學，成為今年秋天取消面對面教學計劃的最新學術機構，宣佈由於該病毒對周圍社區的影響，他們將改為完全在線進行本科教學。
#計算數據系統故障，導致加州病例編號不正確。加州本週超過10,000例冠狀病毒死亡，該州衛生與公共服務局局長Mark Ghaly博士說，主要疾病報告系統的故障已低估了多達300,000項檢測結果。
#美國經濟上個月增加了就業機會，即使美國許多地區的冠狀病毒激增，居家令導致一些企業倒閉，美國新增180萬個工作崗位。但美國勞工部周五報告的增幅，遠低於6月份的480萬個工作崗位增長，並且有跡象表明在春季末爆發後的經濟動能仍在放緩。失業率降至10.2％。
#確診人數可能更高，非洲確診病例已達一百萬。
#印度疫苗生產商獲得了大筆資金。印度血清研究所是世界上最大的疫苗生產商，準備在大規模生產冠狀病毒疫苗中發揮重要作用的印度血清研究所剛剛獲得了巨額資金注入。Bill & Melinda Gates Foundation 將提供1.5億美元，以彌補某些血清研究所的成本，以擴大產能大批量生產疫苗。
#官員說，越南最近的一次爆發比上一次爆發更具傳染性。越南疾病預防控制中心和當地醫學研究所的研究發現，儘管在峴港發現的病毒突變並未導致更嚴重的疾病，但更具傳染性。
#北京提議派遣一支由60名來自中國大陸的醫務人員組成的團隊前往香港，以幫助在整個城市範圍內進行檢測。但是一些居民對它持懷疑態度，他們擔心中共的影響力以及測試項目對其隱私的潛在影響。
#貝魯特大爆炸摧毀17個集裝箱的個人防護設備，使黎巴嫩已經步履蹣跚的衛生系統在與冠狀病毒的鬥爭中受到更大的阻礙。世界衛生組織已發出1500萬美元的初始呼籲，以尋求緊急創傷和人道主義衛生支持。據路透社報導，聯合國兒童基金會警告說，目前最活躍的社區傳播是爆炸現場附近的地區，那裡要保持安全距離很困難。
#一組由20名西班牙醫學專家組成的小組說，西班牙應該對處理冠狀病毒大流行時出了什麼問題進行獨立評估，他們在《柳葉刀》週四發表的一封信中提出了要求。
#印度已經記錄了超過200萬例冠狀病毒感染。該國的冠狀病毒病例數位居第三，僅次於美國和巴西，為2,027,000例，死亡41,585人。根據《紐約時報》數據庫和印度衛生部的數據，印度現在每天有超過60,000例病例，有886例死亡。許多印度傑出的政治人物，包括權勢強大的內政部長Amit Shah和卡納塔克邦州首席總理BS Yediyurappa，在對該病毒呈陽性反應後入院。
#據路透社報導，挪威首相表示，該國將在案件增加後推遲放寬冠狀病毒的限制，並重新啟動其他措施。總理Erna Solberg表示，目標是防止全面封鎖，現在需要放慢腳步，而不會完全停下來。
#韓國衛生部表示，從周一開始取消對中國中部湖北省旅客的禁令。
#疫情大流行卻減少了對虐待兒童或忽視兒童指控的調查。
https://www.nytimes.com/2020/08/07/world/covid-19-news.html

*【隨著美國政府不再支援，被迫退租的威脅將更為嚴峻】
對於居住在出租房屋或公寓中的1.08億人來說，8月1日是一個嚴峻的里程碑。這標誌著該國對冠狀病毒的許多經濟補助失效之後，房屋出租也面臨問題。由於失業率超過10％，並且預計至少在明年都會保持這一水平，未來數月可能有數千萬個家庭被驅逐的風險，這將是大蕭條以來對房地產市場最大的傷害。
https://www.nytimes.com/2020/08/07/business/economy/housing-economy-eviction-renters.html?

*【美國情報機構稱，俄羅斯繼續干預選舉以試圖幫助川普】
一項新的評估表明，中國非常想看到川普總統被擊敗，儘管目前尚不清楚，北京是否協助拜登競選方面做了什麼工作。
https://www.nytimes.com/2020/08/07/us/politics/russia-china-trump-biden-election-interference.html

*【為什麼拜登一直延後副總統搭擋公布的截止日期】
在大小問題上，拜登都不會急於求成，包括對競選夥伴的嚴格選擇。他在商議，他不介意延長時間表。最初稱在8月1日前後，後來又改稱在8月的第一周，但目前確定本週不會宣布副總統搭擋人選。拜登表示已進入審議的最後階段，預計將在8月17日開始的民主黨全國代表大會前，會提出自己的選擇。
https://www.nytimes.com/2020/08/07/us/politics/joe-biden-vice-presidential-search.html

*【TikTok是否比安全威脅更像是育兒問題？】
TikTok長期以來一直存在一個養育子女的問題，多數的美國孩子因影片分散了注意力，但近日要求中央情報局評估這是否也是一個國家安全問題時，回來的答案非常模棱兩可。中央情報局告訴白宮，中國情報部門可能會攔截數據或使用該應用程序侵入智能手機。但川普總統及國務卿蓬佩奧呼籲消除該應用程序在數百萬個美國設備上的存在所帶來的威脅，但沒有證據表明威脅了什麼。
https://www.nytimes.com/2020/08/07/us/politics/tiktok-security-threat.html

*【乘載超過180名乘客的印度航空飛機斷成兩半】
一架波音737飛機，從杜拜返回印度南部Calicut機場降落時，因大雨濕滑的跑道撞上護欄滑下山谷斷成兩截，航空公司說目前有17人死亡。
https://www.nytimes.com/2020/08/07/world/asia/air-india-plane-crash.html

《豬年舖市十大預測》

好多人問我舖市來年掂唔掂， 我話真係睇你間舖喺邊度喎。 睇襯報紙，一邊就話銅鑼灣邊道邊道劈租一半， 零售市道點差點差咁，但另一邊政府嘅差餉物業估價署嘅私人零售物業售價指數， 依家香港整體舖價其實係不斷創緊歷史新高㗎喎。 

咁其實來年咪舖會跑贏，咪舖會跑輸呢? 以下係我嚟緊豬年對舖市嘅十大預測。

(1) 北邊跑贏，南邊跑輸。 好似我依企係呢道香港最南面嘅赤柱，呢道出名鬼佬多， 但依家個個expat無錢洗，housing budget cut 晒，嗰頭近廿年又無新嘅大型屋苑落成， 舖價嚟緊㗎梗係跑輸啦。 飲食段都好啲，零售段，租金都跌咗一半呀!

我後面呢間香港最南嘅赤柱大街19至21號最近有間双舖成交咗1600萬，門闊近三十呎， 一開二即係每間800萬，夠曬平。點解咁平? 因為個個商戶係嗰度叫苦連天， 自由行、高鐵、港珠澳大橋，全部益唔到嗰度。 

依家香港始終消費北移， 新基建、新市鎮、新增人口全部集中喺北邊。 規劃署嘅人口分佈推算報告書都有寫， 2018年至2026年期間， 新界人口會增加超過四十四萬， 佔全港人口55%。 反而港島人口會減少十萬， 將會只佔15%。 加上大陸嘅來港中低檔消費增加， 下下過海又太遠， 香港北邊，即係屯門，元朗，荃灣梗係睇高一線啦。每年加租5-10％啦。

(2) 飲食跑贏，零售跑輸。前排葵涌廣場一樓有兩間舖同一時間賣出， 大家都差不多同一時間買入。一間賺錢，另一間就蝕大本，同一廣場，同一層樓，同一時間，大家都係舖，點解天同地呢? 望真啲，前者60B舖，2012年以960萬買入，持貨5年後，1100萬沽出，賺百四萬。該舖係間小食店。後者1086號舖，則2012年曾經以545萬易手，一樣5年後沽出，不過只係賣咗360萬，蝕咗百二萬。間舖係賣衫賣褲嗰啲零售店。 嚟緊豬年舖市趨勢都會係咁，飲食嘅，服務型嘅，體驗式嘅繼續會旺，因為互聯網代替唔到。其他零售， 難免 繼續會俾網店捱打， 後生仔女依家始終行街買嘢少咗。

(3) 舊舖跑贏，新舖跑輸。 價舖就好似一條 J Curve 咁， 新落成嘅舖值錢啲， 由於風火水電煤都比較齊， 手尾又唔使跟咁多，發展商一般叫價都高啲。 但隨著間舖越來越舊，最唔值錢嘅時候就係三十零年嘅舖， 設備開始殘舊，但重建又太早。 隨時間舖越嚟越舊，超過50年的話，就好似一條J Curve 嘅尾一樣價錢標咗上去， 因為重建潛力大增。

好似我呢度紅磡山谷道17-21號咁， 鬼影都冇隻，但後面每間舖上年就畀發展商收咗三千幾萬， 如果唔係因為收購? 市值最多一千萬，無人要! 相反， 佐敦上海街62最近有個新盤落成, AVA 62, 下面間舖第一手係2015年以2308萬買入， 只係持貨3年， 啱啱竟然以1400萬沽出， 連手續費蝕過千萬。 因此嚟緊豬年我相信都係繼續舊舖跑贏，新舖跑輸。

(4) 濕貨跑贏，乾貨跑輸。 濕貨一般係比較消耗性嘅， 賣菜賣魚賣肉賣水果， 地方通常都係濕糴糴， 但日日都要買，貪新鮮。 我後面屯門啟民徑呢間菜檔就前排賣咗八千九百萬，今時今日呢啲舖頭全部跑贏， 次次續租都加十幾廿個％。 乾貨就難搞啲，佢哋一般都係比較耐用性嘅， 鐘錶珠寶衫褲鞋襪手機相機家電梳化， 依家啲嘢太襟啦， 除非啲客要好貼潮流， 一般流轉量都減少咗。 我後面呢間中環皇后大道中29號嘅Swatch, 幾年前本來租金係每月250萬， 依家就無咗接近一半。

(5) 民生位跑贏，核心位跑輸。 民生即係樓上樓下、附近居民幫襯， 半山、北角、觀塘、荃灣、大埔等， 核心即係遠到非洲啲人嚟香港都會經過， 即係銅鑼灣、尖沙咀、中環、旺角等。 民生會跑贏， 唔係因為核心唔好。而係因為核心區喺2013/14年間，自由行消費巔峰嘅時候升過龍， 依家仲要多一兩年時間回復現實。 上帝要你滅亡，必先令你瘋狂! 滅亡咗，都要時間復活啦!

好似係我後面呢道羅素街同波斯富街大單邊嘅太子珠寶鐘錶， 2013年續約嘅時候曾經租金由80萬大幅跳到上去290萬， 全港加租幅度有史以嚟最大，但係2017年就減租四成至180萬， 180萬比起80萬仲係高一大截，嚟緊我相信仲有得減。

相反， 民生位近年一直都係追落後， 每次續租都陰下陰下加十零廿個percent。 唔怪得知，民生舖嘅大業主領展，佢嘅股價差唔多日日創新高啦。

其他預測? 仲有 (6) 細碼舖跑贏大碼舖， (7) 大眾化舖跑贏奢侈品舖，(8) 內街闊巷舖跑贏大街大道舖，(9) 建材舖跑贏傢俬舖，(10) 街舖跑贏樓上舖等等等等， 數唔曬。

當然，價錢可以解決所有問題。 即使間舖以上十樣全部唔中，唔通平到差唔多送俾你，你都唔要咩。 總之，豬年跟足以上十大預測去買舖租舖， 行多啲，睇多啲， 我相信你隻豬會行運，好快識飛天啦。

黄靖美國西岸之旅 #2

西雅圖是Nirvana發跡的地方，但當你去到這城市，你除了留意音樂，更會留意到它整體對創作人包容的程度，是令城市充滿生氣的原因。我的詩人朋友Matt Gano正好把西雅圖最濃芸術氣息的地方介紹給我，讓我也給你們分享一下！

有些片段是用手機拍的，所以質量不是很高，希望不會影響觀看吧！

西雅圖詩人 Matt Gano: http://www.mattgano.com

Working-Class Artist Housing: http://www.seattle.gov/housing/levy/levy_artists.htm

傳奇音樂場地 Crocodile: http://www.thecrocodile.com

Facebook: https://www.facebook.com/singersongwriterJingWong
微博：http://weibo.com/u/1768657280#1378243312329