好耐冇拍過片 😂 今次有推介比大家 🤘🏿 近排香港好似冇乜搞作，冇乜邊到地方可以 hea 下，但係今個週末有地方去啦 (如果你唔係去遊行或者賺 $1000 去禪坐既話) 🤘🏿 由今日去到星期日晚 only！中環 PMQ 搞左個「世代同撈」既市集，呢次既主題係將傅統同潮流撈埋一齊，攤位多達 30 個，真係可以 hea 足成日 🤘🏿 每個攤位各有特色，有得玩有得食，小寶個契媽 @kawai814 仲玩到烚熟狗頭咁既樣 😂 由於攤位太多既關係，會特別介紹幾站特別既比大家！ - 第一站 - 「美樂 x 綠寶」，合作出左 #綠寶橙汁味雪條，經典重現，救命，正到暈呀，十幾年前果隻味道，外層綠寶橙汁冰夾住最原始既雲呢拿雪糕，好好味呀 🤤 除此之外，仲有好多以前細個懷舊零食，例如印水紙香口膠！另外仲有啲攤位遊戲玩，金珠水中尋，類似撈金魚果啲 friend，但係係撈啲波仔，個撈張紙好薄架，所以都唔易撈，撈到就係你既！最經典既遊戲就係拉拉扯扯，拉到邊條繩，邊條繩綁住既禮物就係你架啦，啲回憶返哂黎，可惜到而家我仲係 18 歲，幾時先大個呀 🤷🏿‍♂️ - 第二站 - 「麥氏 x 公利」，本地製作既手工啤酒溝埋老字號公利蔗汁會係點架呢，帶點甘甜既啤酒飲起黎更易入口更加好味，都幾創新 🤘🏿 - 第三站 - 「坤記 x Mr. Porky」，中西合壁，坤記自家手作既蝦子麵再加埋英國地道小食炸豬皮撈埋一齊食，非常鮮香既蝦子麵同脆脆既豬皮夾埋一齊好夾，又鮮又香口，食完一碗又食多一碗，食完仲有大地魚湯飲，推介！ - 第四站 - 「雙妹嚜 x Artisenses」，市集入面唯一一間落手落腳做既工作坊，由頭到尾去整一支香水出黎，可以任揀自己中意既味道製作多達幾十款唔同香水配搭，男仔整比女朋友又得，女仔整比自己又得！傻豬黎既，女士們緊係推自己男朋友去整比自己啦 🤤🤘🏿 - 第五站 - 「Homie Cookies x Appolo」，係雪糕呀哈利！係女神欣宜同埋阿波羅雪糕合作，推出 4 隻新口味既曲奇雪糕三文治，當中有招牌既菠蘿曲奇夾椰子雪糕，最清新既一款，椰子雪糕亦帶有椰子肉！另外仲有覆盆子玫瑰花瓣曲奇夾北海道牛奶雲呢拿雪糕、焙茶曲奇夾紅豆雪糕，我最中意就係特濃朱古力曲奇夾蕃薯雪糕，塊朱古力曲奇真係好朱古力，蕃薯雪糕真係好蕃薯，必食 🤤🤘🏿 睇下欣宜妹隔空進食一樣食得咁滋味就知啦 🤤🤤🤤 - P.S. 又要開咪表揚，希望大家唔好中伏，有間野叫 boomshack 賣果舊咸魚肉餅漢堡包成 $70 個，細細隻之餘仲要係乾柴，係差在冇烈火，我今朝去飲茶食大大盅肉餅飯都係 $6.8 一盅，舊乾柴包 = 我食 10 盅飯仲有找 $2 買個外賣盒打包，PMQ 下次真係要 qc 篩選清楚先好出街，條清泉仲有啲雜質未過濾乾淨，正所謂，市集有一污點，何其有憾，希望下次見到既 PMQ 市集係冰肌雪腸 👯👯👯 —————————————————————— #PMQ —————————————————————— #窮豬中環