(無收錢吹奏,文長但真心希望大家埋黎睇) Atreyu running - Voyage : 我買的不只是跑鞋，更是理念 Beyond the running shoes, it is all about the idea Shoes: @atreyurunning Socks: @hk_runvolution 首先我係一名鞋撚，試鞋同著新鞋絕對係一個解釋唔到既嗜好 於是久而久之成日都會上當，買新跑鞋山鞋 除左慾望之外，其實鞋對於跑手黎講都真係消耗品 真係襟襟地既可以著五六百K 我個人本身重，耐用度會扣一二百k 遇到ZoomX果種料就仲灰，Vaporfly 同Turbo 2 一百幾k就輕鬆收得皮 不過買鞋黎講，相信好多跑手應該癲過我好多既 就係咁，買鞋既消費都真係幾高 講返Atreyu，呢個係一個全新既美國牌子 我睇返文章同訪問，簡單介紹下 Founder都係一個熱愛跑步既高手 咁當然都成日要換鞋，但發覺性能好既鞋又好貴，咁長此下去唔係辦法 所以佢就諗到自己造跑鞋 但問題黎喇，造鞋要錢設計要錢，Marketing， Srorage，Logistic乜都要錢 其實呢個都係一個公開秘密，我地係大brand買既野，真正既product cost其實只係佔好少 所以，呢間公司用左一個新既經營方式去做 冇marketing，冇包裝，冇門市，只係做onine shop 跑手既消費全部都係用落對鞋度 所以呢對鞋 超平，an unbelievable low price 單對購買而家係USD75,即係HKD585左右 你可以選擇用subscription既方式，揀1個月，2個月，3個月既間隔送一對新鞋比你 By subscription既話只需要USD55, 即係HKD429左右 再加運費USD23，用Fedex一個星期左右到香港，都係六百幾蚊 咁對鞋好唔好呢？ 講真，唔好拎黎同碳板世界比，呢對冇碳板既（有一對the artist有碳板係眾籌階段出既，但而家冇lu） 不過同中價鞋比都綽綽有餘 佢定位係easy到中長途速度課 中底同外底係一舊EVA泡綿 鞋面都係一塊過，冇多餘裝飾 Heel to toe drop 6mm, 前15mm後21mm 所以重點來了，呢對鞋US10.5只係重187g！！！ （FYI, Vaporfly 200g） 琴日收到鞋，今朝用6分左右pacing跑左6km easy 唔識比分，不過用文字描述下感覺 輕，就梗架喇 回彈，唔錯，跑果陣個feedback比就咁著個反應強好多 穩定性，非常好 緩震，真係一般，始終我係被HOKA寵壞了的小孩 另外就係個鞋頭弧度真係令人感覺換腳好流暢，雖然唔係碳板但都完全冇感覺到由中掌過渡到前掌有唔順 不過，據官方訪問資訊，呢對鞋要30miles左右開鞋 到時有興趣就再寫先 最後喇 點解要咁認真介紹佢，係因為我真係好欣賞呢種新既模式，直來直往，冇中間層層唔關事剝削，將所有cost都用在product本身 我覺得係疫情底下真係多左online shopping既消費者黎講，有呢種選擇都真係一件好事 都有留意到本地商家都有類似既地方，至少冇左舖租唔使益地產佬咁多，相對都令到每個商戶都要被迫全才兼顧好多野 地產霸權同品牌霸權既事就唔多講，真係有撚排講 :) 只係覺得終於有一個脫離品牌格局既選擇，跑手可以買一對真係designed for runners既跑鞋而唔使被層層抽水益左霸權我很是感動 唔知香港人遲d會唔會有自己跑鞋呢
有既我一定會g持 最後最後，我琴日係story tag左Atreyu，佢又真係覆我話多謝，我話覺得佢地理念好好，希望香港人會認識呢個牌子 佢地竟然好開心咁話真係發夢都估唔到對鞋會賣到去香港，its epic！ 所以真係feel到呢堆人好用心做，值得g持 To Atreyu: Hong Kong is a place that have excellent sports culture and lots of world class athletics, hope your brand would success here, really great shoes, looking forward for the new model on 2021! #atreyu #voyage #b2c #runningshoes #newsneakers #運動 #sports #勵志 #運動勵志語錄 #運動勵志L語錄 #跑步 #香港跑手 #runner #run #running #hkrunner #hkrunning #hkrunners #hksports #hkig #hkiger #香港 #hongkong🇭🇰