阿太識日文，之前喺日本公司做過嘢，所以次次去親日本玩，主要都係靠佢做人肉翻譯機；記得好幾年前有一日，我唔知點解「了」起咗條根：「我要自強！我要自己學日文！」

太：「好呀，咁下次去旅行靠晒你嘞！」當然亦不忘潑下冷水：「我睇你嗰三分鐘熱度玩得幾耐。」

事後證明佢係冇錯嘅。佢曾經教過我五十音，仲有啲簡單句子。後者我到而家都只係記得啲幾乎只要有睇下日劇都會識嘅打招呼呀數目字呀之類；前者？直頭一早已經比番晒佢，忙吖嘛(其實係懶多啲，我知嘅)；記得當時學咗啲單字，去到東京就喺阿太面前認叻，一見到識嘅字就話呢個我識嗰個我又識咁，「乜咁叻呀而家？咁一陣去食壽司你負責叫嘢食喇喎。」

男人嘅嘢，面子幾緊要先得㗎。加上其實叫嘢食都算簡單，我估我應付到嘅；一開始其實冇事嘅，但當我叫到一半，個餐廳職員小姐望咗我笑咗一笑，之後阿太就笑住咁同嗰位小姐講咗一堆我聽唔明嘅說話。

我問：「做咩呢？有咩咁好笑呢？」

「冇，」阿太好淡然咁答：「你正話咪想叫海膽(Uni)嘅？你讀錯做Unchi。」

「Unchi點解呀？」

「即係屎咁解。」

過去咗嘅嘢，我諗我哋都無謂再深究啦～之後去日本都係靠番阿太算了。咁講真佢識聽識講又真係方便好多嘅。日本我哋成日去，而家去日本啲機票又越嚟越平，特別喺HK Express特價期間，幾舊水就有交易；想再平啲，輸入優惠代碼 “HKEDBS20”，以DBS萬事達卡預訂機票，就再有低至八折添！優惠期由1月15日至21日；而用DBS萬事達卡喺1月15日至2月14日期間買機票，仲可以抽額外10%現嘅金回贈，最高HK$200，名額有成千五個；仲唔止啊，累積喺HK Express消費最高嗰頭5位朋友，係可得到HK Express 雙人來回機票！記住把握機會喇！(需於DBS Omni APP 登記，優惠詳情：go.dbs.com/hk-dbsmc2018#hke)

即刻去book機票：https://goo.gl/pYNqhM

未有DBS Black World Mastercard就記住即刻申請喇！而家仲有額外HK$200嘅HK Express旅遊禮劵！詳情：http://go.dbs.com/hk-blackhkexpress

#又賞看世界
#6點半旅遊報道
DBS 信用卡
#DBSMastercard