- 0745 〔感情意見〕絲 28 - 乖乖仔形象嘅男朋友疑似約炮車震 - 真心希望可以抽中我 因為最近幾個月發生嘅野就黎迫癲自己 唔知應唔應該放棄呢段感情 - 同男朋友拍拖未夠兩年，佢一直係乖乖仔形象 唔煙唔酒，做消防，返shift 平時一晚訓宿舍一晚訓我屋企 因為佢比左好多時間都係我度，過去又好似好乖紀錄良好 所以我一直好信任佢，明知佢脾氣有小小王子病 但我都好錫佢好愛佢，對佢好好 - 但好景不常 三個月前因為好奇，我㩒左去睇佢iphone setting significant location 大家都可睇大家電話，佢之前都有check 我 睇下佢gps 紀錄，點知一睇 發現有一晚佢話返宿舍休息再返夜班 點知gps 顯示佢去左港島南區，留左20 分鐘，再開車去南朗山道，留左20 分鐘 條路咩燈都無，所以我絕對懷疑佢去左車震（佢有車震經驗） 而我住同佢返工都係新界，所以有晒逗留時間有晒行車路線 我覺得gps 唔會錯，但佢一直到而加都死口唔認再反屈gps 出錯 - 之後係佢死哄爛哄之下，我無同佢分手 比佢過去嘅良好乖乖仔形象蒙蔽左 同埋，我都真係諗唔到佢點樣可以突然搵條女返黎車震 但係，兩星期前，我再搵佢電話 發現佢原來有玩過heymandi 呢個app 我本身唔知咩黎，點知上去睇下 發現全部係一個人地男女朋友約炮搵SP／SL 嘅app 佢又係一貫作風唔認，話男仔玩無咩女仔同佢講野，佢玩左一晚就del 左 我覺得好恐怖，原來一切看似美好嘅愛情 背後到底有幾多人瞞住另一半有SP 同SL - 呢三個月佢都表現到好唔想放手，佢比晒實時gps 我 返工用公司打電話比我，重癲到話可以係佢宿舍整埋cam 比我睇 我呢三個月都好似落左地獄咁，每秒都好緊張好擔心 我本身係一個好開朗嘅女仔黎，但呢幾個月我眉心都拿埋一舊 但同佢分手又真係好唔捨得，其實男人偷食係咪唔會改？ 我其實都唔知可以點樣信返佢，但佢好似好有誠意好唔想放手咁 - 其實最令我辛苦嘅係，事實擺在面前 但佢都唔肯認。佢連認嘅勇氣都無，又何來改過自新嘅勇氣呢？！ 最後，但願所有因為愛情而受緊苦嘅迷途羔羊 希望你地都有gps 引領你地搵到出路同幸福！ 圖﹕同門 #濕9感情台 #認真L #求意見 #真人真事