【The Chicken of Tomorrow Contest｜改變雞隻味道的比賽】 -圖中文字應為contest- 雞粉﹑豉油﹑鹽，而家煮雞嘅時候，如果唔加上調味料，煮出嚟嘅雞通常都會淡而無味。其實以前啲雞唔係咁架，一切嘅改變源於1948年嘅一場比賽，改變咗而家雞隻嘅味道。 - 喺1940年代前，雞肉嘅價格唔算平，雞蛋亦大小不一，當時美國國家禽類研究主任Howard “Doc” Pierce為咗可以增加雞隻供應同減低成本，於是就同雜貨連鎖店A&P Food Stores喺1948年舉辦咗「The Chicken of Tomorrow 」養雞比賽。佢地將完美雞隻嘅模型送到唔同嘅農場，只要有農場可以最快速產出最接近「完美雞隻」嘅雞，就可以得到一萬美元嘅獎金(約相等於現時的一百萬港元)。 - 當中有嚟自二十五個洲﹑三萬幾隻雞蛋參與比賽，共同喺馬里蘭州嘅孵化場中等待結果。孵出嚟嘅雞會生活喺相同嘅環境，用標準化嘅飼料飼養，最後評審會拔光雞隻嘅毛，並對雞皮品質﹑雞胸肉質素﹑換肉率等進行評分。最後，比賽由Vantress Hatchery勝出，當中產出嘅雞隻平均重一點七公斤，只需要三公斤飼料（以往高達五公斤），就可以產出一公斤嘅雞肉。 - 由於評審喺評分嘅時候，並無考慮雞隻嘅味道，只係集中於培育出可以快速生長嘅「完美雞隻」，所以雞農將飼養形式由雞隻四處走動，以草葉、種子、小蟲為主食嘅做法，改為集中雞隻由人類用飼料飼養，雞隻容易變得肥大，但鮮味更少，令大家喺煮雞時要加入大量調味料，食唔返以前雞隻嘅鮮味。 - 雖然而家雞成為咗平民化食物，不過成日都會聽到上一代講「往雞只能回味」，唔知係將來仲會有咩食物因為科技而改變呢？ - ------------------------ ◆ 每日分享知識、每月提供課程 ◆ Beginneros網站: https://www.beginneros.com/ ◆ Youtube：https://goo.gl/OEJrGt ◆ Instagram：@beginneros ------------------------ #Beginneros #冷知識 #hk #hkig #雞 #chicken