. [GMMTV][2021年劇集巡禮] 泰國電視台GMMTV今晚舉行咗2021年劇集巡禮，以「The New Decade Begins」作為口號，一口氣介紹18套劇集。 - 4大BLCP得一pair繼續拍檔？- 介紹嘅咁多套劇裡面，GMMTV賺錢能力最強嘅4大BLCP：Krist-Singto、Off-Gun、New-Tay、Bright-Win當中，只有Off-Gun喺《Not Me》繼續演一pair。 New仲要冇喺今晚介紹嘅劇度出現過，只係喺個show最後4大CP出場唱歌先見到佢……希望有啲劇未有片花所以冇介紹啦…… - Krist、Lee、Nanon、Joss佔最多劇 - 今晚介紹嘅劇入面，佔最多角色嘅演員，有GMMTV視如己出嘅Krist（唔出奇）。Lee有3套喺手，其中一套BL劇《Baker Boys》配Singto，改篇自漫畫講甜品店同兒童失蹤。 剛剛播完大結局嘅《The Gifted：Graduation 特長生》主角Nanon都有兩套喺手，其中一套《Bad Buddy Series》係BL，搭Ohm，睇落似現代校園版本羅密歐與茱麗葉，但冇咁激唔駛攞命。 Joss都有三套喺手，其中一套有Tay，叫《THE PLAYER》，係佢哋繼《3 will be Free》之後再次合作。推理拆解殺人案件劇，應該冇感情關係。 - 流星花園trailer幾靚 - 壓軸出場嘅毫無懸念，就係未拍就畀一班Bright-Win粉絲因為拆CP而話唔想睇嘅《流星花園》。今日播嘅trailer，睇到片段拍得比其他劇靚啲，啲燈打得多變化啲。早前GMMTV宣布因為財務狀況，會暫停GMM25台新聞製作，將會播放由母公司旗下另一電視台ONE31製作嘅新聞。我仲擔心會唔會影響《流星花園》嘅製作，依家睇落似乎冇問題。 GMMTV揀咗個近乎全亞洲都識嘅劇目，搵Bright-Win去重拍，一心喺跨國巿場再行多步，真係許勝不許敗。 - Non搭Off兩男主角演BG劇 - 另一個值得留意嘅係喺10月已經宣布咗會拍嘅劇集《46 Days》，由《出貓特攻隊》男主角Non參演，題材有關於網紅。BG劇，同劇另一男主角係Off。 Non係GMM旗下Nadao公司嘅藝人，即係有Sunny坐鎮，最近勁高分嘅BL劇《I Told Sunset About You》嘅製作公司。之前都會有Nadao嘅藝人去GMMTV參演，今次Non唔知會拍成點？ - New-Tay勢弱？- 喺大合照時間，企喺CEO P'Tha 兩邊嘅，分別係Krist-Singto同Bright-Win。外一組嘅係Off-Gun同Lee&Joss，再外一組先到New-Tay。Nanon同Ohm就企咗喺P'Tha嘅正前面一排。我鍾意睇New-Tay呀😭 #GMMTV #GMM25

【 終於都寫Tay Tawan 】 _ 一入泰娛深似海，我自己也有點估不到。 _ 因為早前某個深宵於Netflix左撳右撳，無意中找到一套名為《一年生》（Sotus: The Series／2016）的BL劇，打開了從未涉獵的泰劇天地，驚訝原來傳說中令一眾腐女「We嘩鬼叫」的同志劇，竟然是如此低質求質（信我，睇一年生頭幾集，真係會反白眼到上天花板兼藐住熄機），兩位男主角的演技（Krist Perawat與Singto Prachaya，簡稱Krist-Singto）又那麼稚嫩，如果只是單純FF兩名男生在幕前親親，何不選擇台灣的《越界》（HIStory）系列？ _ 不過實情是，只要有人跟你一齊討論，追劇的興頭可以隨時湧現。用三倍速看罷《一年生》和《一年生2》（Sotus S: The Series，第二季整體水平提升了不少，可以在YouTube看足本，有繁體中文字幕）之後，又見到Netflix購入超人氣泰劇《因為我們天生一對》（2gether: The Series），知道男主角之一、飾演Sarawat的Bright Vachirawit就是早前掀起中泰網絡大戰的主人公，好奇心驅使下，又很黐綫地睇晒13集，就連5集特別篇《因為我們依然天生一對》（Still 2gether）都殺埋，我發現，此劇製作水平雖然進步了很多，但情節依然「離晒大嫂」，加上生硬直接插入的植入式廣告，假如閣下是個[「認真L」，棄劇指數很高，但因為一邊睇一邊（恥）笑實在給我很多快樂和滿足感，加上Bright-Win真心很靚仔，這種明星效應，足已令粉絲「瞓身式着迷」。 _ 何謂「瞓身式着迷」？看過紀錄片《Social Dilemma》也知道，只是「極度沉迷」的另一種自欺欺人，看似「無害」的說法，你會不由自主的在「YouTube公海」狂掃，按照大數據推薦，甚麼都會睇，甚麼都想睇，我好奇到底「泰劇」這個領域還有甚麼驚喜，他們的非戲劇製作又去到哪種水平？結果無意中給我發現Tay Tawan這個人，擁有70%中國人血統，超帥氣，2014年加入GMM Grammy，擔任頻下收費頻道Bang Channel節目《Five Live Fresh》其中一位主持，2015年Bang Channel停播，他變成GMMTV藝人，開始拍劇，他在《Kiss Me Again》（2018）和續作《Dark Blue Kiss》（2019）播出後，憑「大男人」Pete，跟拍檔、飾演其男友Kao的New Thitipoom一同爆紅，人稱「Tay-New」，以孖公仔形式主持飲食節目《TayNew Meal Date》。2020年，他成為「綜藝王」，主持《魅力廚房》（เสน่ห์ห้องเครื่อง）、《和Tay Tawan漫步Fest》、《School Rangers》以及現時在當地人氣強勁的《Friend Club》，風格生鬼，經常在幕前展現真我（超怕玩過山車和揈揈揈的機動遊戲），令好感度攀升，近日又有主演新劇《I’m Tee, Me too》逢周五播出，曝光率極高。 _ 也得說實話，跟師弟Bright-Win，或者同期出道的Gun-Off相比（沒看過《Theory of Love》，但有看過《I’m Tee, me too》，或者睇完前者，這句會改寫）Tay-New的演技水平明顯高一級，眼神、面容表達情感轉變，甚至拍親密戲，都見到有層次，雖然作為粉絲，都會想永遠見到Tay-New合體，但在電視台眼中，二人「拆夥」各自單飛無可避免。New Thitipoom早前已有一套翻拍韓國電影《假如愛有天意》的《Classic Again》，而Tay Tawan則主攻劇集，暫時有三套新劇在手，包括《Hello Flower》、《Military of love》以及改編韓劇《Hello Monster》（記得你／2015）的《Remember you》，其中《Remember you》近日已開鏡拍攝，而Tay Tawan的角式造型同時曝光，其角色其實對應韓版、由朴寶劍飾演的李民（長大後改名鄭善浩），是李賢（徐仁國飾）的弟弟，小時候失蹤，認為是哥哥拋棄自己，長大後成為律師，為了吸引哥哥的注意而連續殺人，角色演繹難度極高，相信Tay Tawan為這次演出花了很大功夫。 _ 圖片來源：twitter _ （09102020） _ #游大東 #游大東影視筆記 #taytawan #林陽 #Irememberyou #泰劇#hellomonster #taynew #newtay #朴寶劍 #韓劇 #friendclub #newthitipoom @_godricleung @siukitdesmond @polca_hkcafe #rememberyou @taynewhk_kindergarten @taytawanfc @taytawanhkfc @gmmfamily_hkfc #yautaitung #09102020 #LGBT #boysloveboys @studythai.withme

【 六個男人六個Tee！】 _ 因為Work from home加上限聚令，很多人留在家中的時間暴增，但收工後苦無娛樂，只好左撳右撳搵節目睇，結果泰劇憑「免費任睇」和「靚仔放題」兩招突圍成功，當中由Bright-Win（Vachirawit Chiva-aree和Metawin Opas-iamkajorn）擔正的GMMTV BL劇《因為我們天生一對》（2gether: The Series），更創造泰劇「入屋」新高峰，很多本地觀眾儼如發現「煲劇新大陸」，發放「腐能量」之餘，更紛紛在網絡尋找其他同類劇集追看。 _ 講到現時人氣最高的泰劇，必然是《因為我們天生一對》的特別篇《因為我們依然天生一對》（(Still)2gether），每逢星期五，GMMTV都會實時在YouTube直播兼分節數上載「開心Share」，再附上英文字幕，務求「迫到你睇」為止。作為「泰國BL劇大戶」，GMMTV當然不會讓追劇潮停止，在《因為我們依然天生一對》播畢後，將會由9月18日首播的《I'm Tee, Me Too》接棒，全劇共8集，陣容超強，外界都視此為泰迷絕對不能錯過的新劇。 _ 《I'm Tee, Me Too》有如美劇經典《老友記》（Friends）和Netflix已停播的真人騷《雙層公寓》（TERRACE HOUSE）那樣，六位主角機緣巧合下住在同一屋簷下，而六位演員早年因為參演GMMTV製作的三大BL劇，以「三大CP」的名義在泰國爆紅（第四大CP是Bright-Win），包括兩季《一年生》（Sotus: The Series）的KRIST-SINGTO（Prachaya Ruangroj和Perawat Sangpotirat）、《愛我你再親親我》（Kiss Me Again: The Series）和《深藍之吻》（Dark Blue Kiss）的TAY-NEW（Tawan Vihokratana和Thitipoom Techaapaikhun），以及《愛情理論》（Theory of Love）的GUN-OFF（Atthaphan Phunsawat和Jumpol Adulkittiporn），所以今次新劇可以視為「三大CP」Re-U，難怪劇未播先哄動。 _ 「Tee」字是貫穿全劇的關鍵字。故事講到，Krist飾演Wa-Tee在媽媽去世後，決定將大屋裏的5個房間出租，巧合地，5位新租客的名字竟然都叫阿Tee，分別是Mai-Tee（Singto飾）、Tee-Do（Tay飾）、Tee-Det（New飾）、Tee-Rex（Gun飾）及Mae-Tee（Off飾）。「六個Tee」都是大學生，各自主修不同科目，亦有不同弱點，Mai-Tee是主修食品科學，最怕聽到好消息；Tee-Do主修音樂，但超怕嘈音；Tee-Det主修林業系，最愛做Gym，最怕見到靚女；Mae-Tee主修新聞，又會做編劇工作，最怕有鬼；屋主Wa-Tee是建築系學生，性格內向，疑神疑鬼。 _ 至於Tee-Rex的身份最神秘，預告沒有說他是否大學生，只透露當初搬過來這裏住，是因為害怕寂寞，不想一個人住，他說：「話唔埋，我喺度住一排，就會想過番一個人嘅生活呢！」相見好，同住難，「六個Tee」因為性格迥異，所以起花了很長時間磨合，不過經歷了許多故事後，他們漸漸變得融洽，慢慢變成了「一家人」。據了解，《I'm Tee, Me Too》屬於生活喜劇，每個角色都有成長，但GMMTV沒有明言今次是否包含BL元素，但相信無論如何，劇迷都會照單全收。 _ （31082020） _ #游大東 #游大東影視筆記 #泰劇 #GMMTV #bldrama #taynew #kristsingto #gunoff #iamteemetoo #thailand #thaidrama #taytawan #newthitipoom #singto #kristperawat #yautaitung #31082020 @kongjiproduction @gmmfamily_hkfc @singtokristhk @singtokristhkfc @taynewtaiwanfc @offgunhongkongfc #LGBT #GAY #boyslove @hkguy.inthai