【深夜】健康性感美女 日本女星「久松郁実」 近年流行健康運動風，好似無咩人再提「一白遮三醜」呢句說話，一到咗禮拜六日，就見到為數唔少嘅女仔衝晒去沙灘曬太陽，又做積極做Gym練出一身好身材。今日就帶大家睇下全盛時期嘅「久松郁実」，身材有幾咁性感火辣。 今年25歲嘅「久松郁実」，2008年12歲嗰陣就喺原宿被星探掘，以Model身份出道，同年更成為時尚雜誌「Hana* chu→」專屬Model，直到2012年轉到另一本雜誌「CanCam」做Model，更曾擔任過日本泳衣品牌「三愛水着」代言人，闖出名氣之後，就開始有機會出演《GTO麻辣教師》、《對不起青春》等知名日劇。其後更進軍寫真界大放異彩，差唔多每個月都會見到佢上雜誌拍寫真，可惜近年就減產投身演藝界，專注做Model同演員。 當年「久松郁実」有著一身健康膚色，加上F Cup Fit爆身材，睇相都感受到個種火辣辣嘅感覺。咁Fit嘅身材背後當然落咗唔少功夫，佢曾表示為咗保持身材，每日都會做運動同出汗，無論夏天定冬天都會著長衫長褲跑步，間唔時更會打下泰拳，難怪會散發著一種陽光健康氣息。 #深夜系列