朝早一個電話打唻。

係一把後生仔嘅聲音，聽落有幾分誠意：「喂，你好，我係香港 X X 打唻嘅」

我聽唔到個機構名，所以下意識截斷咗佢問：「下？咩話？」

對方突然轉講普通話：「啊，你講普通話的！沒關係，我說我是從...」

我心諗係你講唔清楚定我聽唔明呀...唔緊要，我字正腔圓再講：「唔係，我係聽唔到你講乜嘢！」

佢笑咗笑，又轉返廣東話：「唔好意思，我話我係香港 X X 打唻（今次我聽到好似係［短評］），想做個服務調查，答咗幾條問題之後我哋會送你一份 X X X X X X X X」

唉... 明明係佢講到啲重點 lur 埋一舊，但我都費事再問，一陣佢又會以為係我聽唔明廣東話轉 Channel，我唯有放棄份我都唔知係乜嘅禮物，忍著淚說 goodbye。

收線之後，求知慾過盛加有少許強迫症嘅我，竟然俾一個一分鐘唔夠嘅電話搞到我病發，我好想知道究竟係咩機構叫短評咁騎呢？又究竟係佢口齒不清定係我聽覺失靈？於是我將僅有嘅線索［香港短評］同埋來電顯示 2164 5395 打落 google...

原來係... 香！港！點！評！「香港點評」呀！係「點」唔係「短」！"DIM" 呀唔係 "DUEN"，個咀要合埋架！仲要問我係咪說普通話！

呼... 知道答案之後舒服哂，其實我真係好介意無論係去主題樂園、去shopping買嘢，定係接個廣告電話，開口埋口都要預你係講普通話，呢度係香港，我講廣東話架！

小鴨幹線是專為香港攔截廣告及詐騙來電的程式，開發者佛心沒有在程式中放廣告，從而節省數據流量及記憶，功能更比美以前用開嗰隻小x來電

早前程式叫"小鴨來電"，現已改名為"小鴨幹線"

Google Play 下載網址
https://play.google.com/store/apps/details?id=com.headuck.headuckblocker.dev

小鴨幹線作者官方網站
http://blog.headuck.com/

FB Fan Page
https://www.facebook.com/hksubwoofer