最近睇過幾本關於天文的書
好多都係講觀星，又講到夜觀星象可以有咩啟示
八卦的我梗係都觀埋一份
但係香港望上個天，其實星星真係見到唔多
我記得兩三年前去過沙巴，當地的夜空係好多星
而香港，好留心好留心都可能見到10粒8粒
觀唔到就算啦，睇睇人地睇到d咩，
原來古人真係好聰明，單望個天就會知地球係球體
點解佢會知，原來佢地見到月蝕已經知道係因為地球阻隔左太陽光而造成，
而當時的人有兩個想法，
1. 地球係一個平面，地球的盡頭係會跌落萬丈深
2. 地球係一個球體
當然，正常的古人好難想像地係第2個情況，
因為好難諗到什麼地心吸力
但係佢地諗到的原因係因為佢見到月蝕
本書話，如果地球係一個平面圓形
月蝕的過程係因為地球擋左d陽光製造影
咁應該過程中會有出現楕圓形狀的影於月亮上
但係實際月蝕的過程係由一個圓形的影慢慢遮曬成個圓
所以佢地估到地球真正係一個球體。
wow ~~ 講埋出黎都覺得難諗

第二個係講宇宙，
宇宙究竟有幾大呢？
有讀 phy 的同學應該會知到 GMm/r^2 的萬有引力公式
所以如果宇宙係有盡頭而又靜止的話
最邊的星球會因這度力向內吸，
一早就將整個宇宙壓縮埋一齊，
所以好快就有人講宇宙係無邊際，
係由無限個星球建立，當然無限、無邊際係一個好難諗的概念
但係只有無盡頭先可以沒有最邊的星球
先唔會引出壓縮一齊的情況
但係這個無限論好快又俾人 ban 左
ban 左個理由我又覺得好合理但係我又諗唔到
佢話，如果係由無限個星球建立出這個宇宙
即係每個星球都有機會反射或直接射出光到地球
遠d的星球傳光可能要多d時間
但以地球咁大年紀，咩光都到曬
如果真的係無限，相信夜空見到的星係無限個
即係夜晚的星光可以做到白天咁光
所以推翻宇宙無限論。
坦白講，望星星可以諗到咁多野，真係佩服到五體投地。

第三個係話從觀星估計到光速
光速係 3x10^8 m/s
於正常人心目中就係 好快 咁解
要測到佢真正有幾快
真係唔知可以點做
但竟然有天文學家從觀星中了解這個值
佢話木星有一個衛星，會令木星出現如月蝕般的木星蝕
"木星蝕" 個名係我自己老吹的
而佢發現 "木星蝕" 應該係一個特定的週期
但實際呢？實際係當地球與木星好近的時間
木星蝕來臨的會比較早，
而相反地球與木星最遠時
木星蝕來臨會比原本的來得遲
如果地球位置係唔會影響到木星蝕的週期
來得遲的理由只係得一個
就係因為木星蝕的影像因為要傳送更遠的距離而來遲了
而所謂更遠的距離就係以太陽為中心，地球繞太陽轉的直徑
只要將直徑除以來遲的時間，就可以測到光速係幾多
wow，非常佩服 ~~~