// 超靚日牌眼影&平靚正開架修容// 我回來了！經歷完超忙嘅十月，終於有時間打下文！今次分享下九月係 @thisway_hk 買嘅野先，有留意開ig shop應該都會識呢間日本代購黃店，店主黃到金仲要好好人🥺價格黎講未必算係最最最平，不過貨品齊全，一啲唔太出名嘅日本牌子呢到都有得買，而且旺角有門市有tester可以摸下先決定買唔買，亦可以網上預訂再選用黃色速遞送貨。利申下列貨品全自購✨ 第一樣，亦都係我最中意嘅係 Gemini Eye Palette! 我買嘅係 #02 Classic Garnet ，有一格matte 暖啡色，一格珠光紅棕色加一格cream狀啡金色。粉質唔錯，夠滑又顯色又唔會patchy。Cream個格swatch出黎好深色，但其實上眼係好自然嘅珠光highlight，用黎畫卧蠶啱啱好。我平時唔係好中意日系眼影，因為通常都勁多大粒閃粉，呢盒雖然係日本牌子，但我覺得佢似韓國眼影多啲，有珠光有matte顯色度高，細細盒方便攜帶，配色又可濃可淡，非常驚喜，而且價格都唔算好貴，無記錯係 $198！ 第二樣中意嘅係HEME Triple Contour Palette，色號 #00 Fair Contour。白皮請買，夠灰調唔會偏黃，又夠淺色唔會變呀梅，用黎畫鼻影同face contour顏色都好啱好自然。粉質好幼滑易取粉，顯色度一般般，不過contour黎講唔係壞事，新手都可以放心買。價錢係$90 有成9g💓 然後有啲失望嘅係SHIRO Hair Mist，我買嘅係White Tea，味道雖然算清香，不過無咩層次，朋友聞完話似room fragrance，我都覺得係🙈不過香水呢啲野係一分錢一分貨，呢支價錢只係 $298，所以都唔可以太挑剔。 仲回購咗CHIFURE Washable Cold Cream，平靚正又溫和嘅卸妝膏，用黎落淡妝或者做二次清潔都乾淨又唔乾。最後最後買咗TUNEMAKERS 嘅富勒稀原液，不過我未試，試咗再報告！ 大家通常搵日本代購仲會買啲咩呢？🤔 #sharedomonewbies #sharedomoyellowhunt