孔雀開屏記（下） . 我同小雯拍咗拖幾日，阿龍就好焦急咁搵我：「兄弟，你向小雯表白嗰條片，俾路過嘅女仔擺咗上網，喺網上瘋傳。」 . 「我知啊，女網民都好羨慕小雯。小雯成日碌留言，笑到Gap Gap聲。」我答。 . 阿龍嘆氣：「我女朋友都睇咗，佢好唔滿意，話我當日表白都冇咁浪漫，得我一個開屏。」 . 我問：「所以佢要你搵十幾隻孔雀一齊開屏，好似我向小雯表白咁浪漫？」 . ， 阿龍話：「冇錯，可唔可以幫幫手？」 . 「我當然冇問題。」阿龍幫咗我咁多，我點可能拒絕佢：「只不過，其餘十幾個兄弟，唔知佢哋肯唔肯再嚟多次。」 . 阿龍去搵其他兄弟，出乎意料地，大家都冇嫌麻煩，爽快地應承咗。 . 除咗義氣之外，仲有一個原因，係大家嘅女友、老婆、追求對象，都睇咗小雯條片，紛紛要求嚟一場相似嘅浪漫，唯有互相幫助啦。 . ， 聚集咗一班兄弟，我哋開會討論阿龍嘅浪漫場面。 . 其中一個兄弟講：「唔係照番上次咁做咩？只係中間位換做阿龍啫。」 . 「我女朋友話，唔要我照抄，我要做得更用心，更令佢難忘，先表達到我嘅愛。」阿龍尷尷尬尬咁講。 . 經過一輪商討後，我哋決定搵隻歌、排隻舞，類似音樂會，阿龍喺中間唱歌，十幾隻孔雀一路跳舞一路開屏，夠晒難忘。 . ， 呢場浪漫好成功，但大家應該估到，如果連最靚仔嘅阿龍，都必須要「更用心」先可以滿足到女友，其他兄弟就更加要各出奇謀啦。 . 繼「音樂開屏會」後，我哋又搞咗「情詩朗誦開屏會」、「一雀一玫瑰開屏會」、「鑽石戒指開屏會」…… . 仲有幾次，女方覺得，十幾隻孔雀開屏實在唔夠壯觀，想要夠五十隻。 . 嗰個兄弟搵極都搵唔到咁多朋友，要出錢請臨時演員，先完成到女友嘅心願。 . ， 呢啲影片擺晒上網，引來更多女仔嘅羨慕，一時間，大部份女仔都要另一半準備浪漫場景。 . 人情嘅嘢，爭咗就要還。 . 好似我搵咗十幾個兄弟幫手表白，當佢哋需要「浪漫」嗰陣，我都要幫手。 . 所以，呢排我係咁參加唔同嘅開屏會，疲於奔命。 . 我同自己講，好快就完㗎啦，只要每個兄弟都浪漫過一次，件事就完咗。 . ， 點知，過咗一段時間，阿龍又嚟搵我：「又有嘢搵你幫手。下個月係我女朋友生日，佢希望過一個浪漫嘅……」 . 「咪住先。」我打斷佢嘅說話：「之前咪搞咗場浪漫音樂會囉，你換咗女朋友咩？」 . 「冇換到，上次係我哋嘅拍拖紀念日，今次係佢生日。」阿龍解釋。 . 我呆一呆：「咁麻煩㗎？」 . 「你估我想㗎？」阿龍個樣比我更苦惱。 . ， 更糟糕嘅係，小雯向我提出分手。 . 佢話，佢當日同我一齊，只係俾氣氛沖昏頭腦，我哋根本唔適合。 . 我當然搞咗一場「挽回愛情開屏會」，但都冇辦法挽回小雯嘅心。 . 順帶一提，我當日向小雯表白嗰條片，依然擺喺網上，間中都有新留言話「好浪漫」。 . 只不過，從來冇一個留言，係關心我同小雯到底發展成點。 . ， 以前雄性孔雀求偶，只需要喺心儀嘅雌性面前開屏，係兩隻孔雀之間嘅事。 . 依加你唔搵番十幾廿隻孔雀，一齊開屏，再唱歌跳舞送花……都唔好意思話自己求緊偶。 . 我以一己之力改變成個求偶生態，但我偏偏改變唔到自己。 . 因為，當全世界嘅要求都提高咗，我只係從「咩都唔做所以考最尾」，變成「拚盡全力都考第尾」。 . －完－ . #短故 #短篇 #小說 #陳美濤 #廣東話 #粵語 #tomatochan #孔雀開屏記

【香港式行為藝術 • 供樓 Performance Art in Hong Kong Style · Housing Mortgage👉🏻ENG version swipe pics to read👉🏻】 與一品牌洽談藝術策展合作，對方問我的title怎麼出，我說「多媒體藝術家/策展人」＊，對方遲疑一會，說：「不如出『多媒體創作人』好嗎？」 「嗯，你的concern是？」 「創作人較『入屋』……」 「噢，但我們一直都在洽談藝術策展，是吧？」（我是怕我弄錯了） 「是的，但同時也想與受眾拉近距離，『藝術家』少不免有點距離感……」 「噢，咁呀…… 出『70後藝術業主』啦。」講完自己都gap一聲笑咗😋 對方鎖定的受眾是「70&80後文中」（文藝中年）- 有啲經濟基礎、有啲處世態度、有啲生活品味……所以搞啲藝術展咁囉。 咁「70後藝術業主」理應好中目標觀眾啦。 於這個地產霸權掛帥的小島，用了人生寶貴的10年供樓，算是回應了社會的「期望」吧……🤨 （最「拋岳」係咩呀，喺呢個知識產權意識愈見貧乏嘅 #文化沙漠 ，一直都從事so-called創意行業，乜叉範疇都掂過啦叫做……係，有炒過股票，有賺有燶。有向銀行及友人借貸周轉，有借有還。有供基金，有昇有跌啦。有去少啲日本，但去多咗歐洲。歡迎銀行或財務客戶洽談網絡合作，大把個人理財經驗分享！）😉 這是一個歷時十年的 #行為藝術 (有的15、20、30年！） ：我有我一頭栽進去用心經營，但別奢望普世尊重，自high咗先啦藝術嘅嘢。🤘🏻 明明未做之前個個都趨之若鶩（嘩搞藝術呀！嘩供樓呀！口氣如出一徹。），但當你耗盡心力與青春完成後 - 世界的統一回應是「哦」。😑 This is so art man❗️ 早幾年與 #蘇民峰 師傅（堪輿學家）主持網台旅遊節目時，佢話：「我去過全世界咁多個國家，見大把人都係租樓住租一世，我喺香港都係租樓住冇買樓！（不過有買舖位哈哈）」喺香港買樓原來唔係醒囉哈哈哈！買舖才是王道❗️ 進入人生尾場，諗真啲，入棺材就只剩兩樣嘢：枯萎的body 與 赤裸dignity✌🏻 As my Artist Mojo goes, ‘Being a selfish Multimedia Artist/Curator, I create art to serve my personal pleasure.’ 廣東話叫「自high」👐🏻 【裝置藝術 • 出展澳洲 • 邀你參與】🎭 我的首個裝置藝術創作 #透視驕傲 See-thru PRIDE 較早時於 @BubbleAir.hk 策展《The Voyage Of Self》首展及 #斜槓女皇 香港 #TalkShow 二展後，稍後會赴 #澳洲 #珀斯 作文化交流展出 🇦🇺 這是一個有機(organic)及互動(interactive)的artwork，需要各路「驕傲時刻」育成🖼 誠徵閣下的 驕傲事 一則（口述 或 文字；可用化名；不用見樣）🙌🏻 有興趣知詳情PM我列明「透視驕傲」，睇吓有冇機會一齊去珀斯吖又😸 ＊【本宮多媒體藝術／策展 作品集｜報讀「純藝術」碩士學位作品集】@ www.facebook.com/media/set/?set=a.10155040687297775&type=1&l=eef58492d9 __________________________________________ #斜槓女皇 #SlashQueen #artist #art #multimedia #standup #performance #MsPiggies #屬豬嘅靚太 #lgbt #lgbtq #rainbow #art #artexhibition #perth #australia #installationart #performanceart

【 ⚠️⚠️本周六播總決賽⚠️⚠️ 】 【 港台製作《小學校際通識比賽2019》緊張、刺激、學到嘢！】 「雞鳴犬吠」四個字中，哪一個字屬於「口」字部？ 我九秒九搶答是「鳴」。 主持黃大鈞隔著熒光幕說：「錯，正確答案係『吠』！」 What？！大叫：「怎麼Ke Neng（可能）？」點會唔係「鳴」？唔信邪，立即拜會Google大師。「『鳴』字從鳥部呀游生！」好在，我霎時想起「陳芷菁四大悲劇」，當堂信心翻晒嚟 —— 從錯誤中學習，正面面對自己不足，遠比停留在錯誤一刻重要得多，一世人流流長，每日都是學習天，錯咪錯，才不用介意人家取笑。 說的，是由港台電視製作，由《五夜講場》羅志華監製的重頭節目《小學校際通識比賽2019》，是繼《頭條新聞》之後，另一個近來看得最開心的節目，他將在香港電視界已幾近失傳的「學生哥問答比賽」重現觀眾眼前，那些問答遊戲，令大家睇得非常投入，因為真的有可能會答錯，甚至有些題目會不認識，教育與學習是大眾傳播媒介其中一個重要功能，這個節目絕對做得到。 回顧香港電視界，這類「學生哥問答比賽」早在47年前已出現，由殷巧兒、莫鳳儀擔任主持的《溫故知新》於1972年首播（http://bit.ly/31No9Po），由無綫主辦，播出了十多輯，一直舉行至80年代初。其後香港電台電視部接力，90年代由劉家傑主持、中學生參加的《校際時事及學術常識問答比賽》，現在上網重溫也不過時，但論經典，當然不得不提黃霑與江欣燕主持的《江山如此多Fun》，1994年首播，早前在myTV SUPER找來重溫，依舊精彩，亦拜服當年電視界有這種思維，製作優質節目，讓觀眾走進博大精心的中國歷史文化世界裏，對於我這個當年會考修讀中史的人而言，更是不可錯過的電視節目。 記憶中，經過千禧年代亞視製作《百萬富翁》的洗禮，無綫2003年製作《中華狀元紅》後，香港電視界自此以後，已幾乎沒有商營電視台願意投放資源製作「學生哥問答比賽」，因為賺不到錢，去年在無綫首播的《一帶一路一狀元》，都是貿發局主辦，惟軟性宣傳凌駕於教育觀眾，至於5月底在翡翠台播出，被外界鬧爆為「洗腦節目」、由外交部駐香港特別行政區特派員公署、教育局、香港明天更好基金聯合主辦的《第十三屆香港盃外交知識競賽》，更是名副其實的政治文宣，不看也罷。至於ViuTV製作過3輯《闔家學術常識問答比賽》也有看過少少，但未算緊湊，難吸引我繼續追看。（《闔》賣的是一家人上戰場，《小》是賣平輩一同參與，構成兩種截然不同的節目氣氛，是吸引不吸引的關鍵） 正因如此，我更喜歡港台電視《小學校際通識大賽2019》那種純粹從教育出發的心思 —— 包括那些像「泡泡龍」的聲效。節目早於4月在港台電視31首播，共會有27間小學入圍初賽，當中9隊能晉級複賽，最後脫穎而出的3隊才能於決賽中爭奪冠、亞、季軍寶座，去到上星期（22/6）剛剛播出的第12集，所有決賽席位已定，並於本周六（29/6）晚上8時至9時播出決賽，而這個節目早前已因為「一條問題」而掀起網民熱議。 話說第2場賽事，3組參賽小學分別為紅組的陳瑞祺（喇沙）小學、藍組的將軍澳天主教小學，以及綠組的聖公會主風小學。第一回合「學術必答題」中，綠組以第二順序進行作答，直到回答第10題時，主持人黃大鈞以廣東話問：「請把晚上九時四十五分轉換為二十四小時制。」當中一位組員便以普通話回答「二十一時四十五分」，主持人隨即判定為錯誤，並續指「需要用廣東話回答」。由於綠組於該回合總共答對7題獲240分，最終只得500分，以100分之差不敵紅組無緣晉身複賽，短片於網上瘋傳。有人不滿大會決定，亦有人力讚公平公正，而主持之一的黃大鈞亦於其專頁出帖：「賽例規定，除非題目要求，否則用廣東話問就用廣東話答。」相信只有今時今日香港的環境和政治生態，才會掀起這種討論。 內容緊張刺激學到嘢固然是這個節目吸引之處，但另一個使我看下去的，是留意參賽學生的反應。需知道，人仔細細，未曾入世，在幕前與其他參賽學生較勁，難免會斤斤計較，倘若遇到豬對友「衝出嚟X」答錯問題，正常人都會躁底反白眼，難得港台剪輯時刻意保留這些畫面，即時令喜感爆發，試過跟同事一齊圍埋睇，見到那些小學生的真摯反應，我們一同笑到Gap Gap聲。 主持方面，今屆陣容新鮮。黃大鈞是前無綫主播，他的出現已代表專業、認真，但內藏幽默基因，嚴肅外表藏不住，整體討好。女主持沈殷怡（Shirley）是ViuTV新人，早前在《詭探前傳》飾演秋官幼女，五官上鏡，氣質清秀，並說得一口流利國語，其實她早年在上海復旦大學主修法律，在內地獲律師牌後回港進修法律碩士，畢業後，本身已在香港律師樓實習，之後獲節目監製於IG發掘而入行。至於複賽才加入的競賽環節主持劉焯文（Calvin）是香港電台普通話台主持，逢周日有個人節目《Sunday隨想曲》。 ⚠️⚠️《小學校際通識比賽2019》⚠️⚠️ 可於港台網站或YouTube足本重溫。 （26062019） #游大東 #游大東影視筆記 #黃大鈞 #沈殷怡 #劉焯文 #港台電視31 #小學校際通識比賽 #hktv #詭探前傳 #viutv #yautaitung #rthk #screencap #香港電台 #學生 #student