【《What we do in the shadows》第三季水準依然：原來今年太少笑】

對比其他劇集，呢套可能叫座力差少少、都識得笑的話，笑點都的確要識少少流行次文化，先至全部笑得出，又或者講，食正同期同台嘅《美國恐怖故事》第十季，佢話題應該難及AHS，但第三季目前爛蕃茄係100分，就咁睇咗幾集，都保持到頭兩季水準。當然，作為一套「吸血鬼版愛回家」，創意呢味嘢點都唔及第一季或者電影版《低俗殭屍玩出征》咁癲，但今季開波講吸血鬼戇鳩鳩去Gym Room溝女，依然笑到起腹肌，將典型錯摸式笑料放去吸血鬼身上，咁都俾佢諗到。

頭兩季都有同大家熱推過，尤其第二季推出食正咗疫情最低潮時期，當時多得呢套嘢，俾我集集幾乎笑足廿分鐘，真真正正悶氣全消，重點係佢集集得廿分鐘又冇太大劇情連貫性，笑餐飽又夠輕鬆唔駛直追。

諗返呢一年好似少咗好多喜劇——唔計《爆機自由仁》、《自殺特攻》或Marvel果類間中搞下gag，而係真真正正一套由頭笑到尾喜劇，以往暑假總有幾套，今年極其量得套《保鑣救殺手2》，無論香港定全球各地，可能呢一兩年大家過得太苦太壓抑，要度橋令觀眾笑得出、笑到標曬眼淚果種密集式喜劇，應該唔係個個都諗得出。

當睇到《What we do in the shadows》拍到第三季都仲笑得出——係堅笑到拍曬手果隻，難能可貴。

如果你想睇可以用VPN申請Hulu，可以有七日免費，咁當然你要免費就等佢全季播曬先至追，請唔好又問我借account；如果唔想VPN咁煩，想用自己方法，佢中文名叫《吸血鬼生活》，呢啲嘢點睇唔駛我教啦。

《吸血鬼生活》頭兩季、《低俗殭屍玩出征》觀後感可看留言連結。

‼️電影網店全新貨品已上架，低至$5起，快啲嚟搶購啦：https://bit.ly/3qLPkpk

【Patreon加強版】尊享優惠、更多深度獨家電影文章：https://www.patreon.com/travelerwithmovie

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【IG請follow】www.instagram.com/travelerwithmovie
【MeWe請Follow】mewe.com/p/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

［No X in Nixon］拿，上次都講，50年前嘅8月15日，人類史上一件大事。同尼克遜有關。

TLDR：50年前今日，金本位制死亡，美金從此任印。金融成為顯學，ibanker身大升，全世界變得金融化。後來咩列根戴卓爾佛利民Big Bang楊懷康李兆富（？）之後後人乘涼。樓價股價金價從此大升，亦都造成埋廣場協定日圓升值（然後爆煲），甚至亞洲金融風暴同墨西哥阿根廷爆煲。你話影響深唔深遠？但，成件事前因後果係點？點解美金任印反而加強美元地位？呢啲根本係尼克遜最初都唔會料到嘅。Patreon會細講

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

1. 上次講，話佢燒咗個森林，促成快意汽車誕生。冇老點你，你睇呢張圖真係講Happy 50th fiat，FIAT仲唔係快意汽車？

2. 爛gag玩完，應該有啲常識嘅（不過我發現好多人係冇嘅，除咗我啲讀者），都知道，fiat呢度唔係指快意汽車，FIAT係簡寫，Factory Italy Automobile Torino（冇錯，祖雲達斯！）。好多讀者都知，呢度嘅fait 係拉丁文，let it be done，中文即係「我話係就係」。係指fiat money，法幣，「我話值錢就值錢」，的確係咁上下。

3. 剛剛就係「法幣」誕生50年，你想像唔到，其實只係咁短歷史。正如你想像唔到，單車都只係200年歷史左右，同汽車唔爭好多。所以多啲同啲老嘢傾計，我都係同你老嘢傾計先知未有法幣前嘅世界係點的。冇錯可以睇書，但唔同嘅

4. 而尼克遜燒咗嘅森林，亦都唔少人知。Bretton Woods．尼克森 50年前基本上廢除咗Bretton Woods 體系，即係乜？即係金本位制，Gold Standard．之後嘅事？雖然唔係100%準確，但你大約可以理解為，從此江湖多事，美金（仲有馬克英鎊日圓法郎）任印。

5. 正如上篇文講，呢個亦都開始咗一個全新嘅年代。高度金融化嘅年代—你問啲老嘢就知，50年前做銀行做ibanker（50前當然有ibank），十分腌悶，幫鐵路發下債架咋。嗰時做石油做鋼鐵先係王道。標準石油，卡內基。但打後50年，金融變咗顯學。人人發夢做ibanker，正如而家個個想做KOL想做start up

6. 仲有，呢個決定亦都鞏固咗Pax Americana—美國帶頭唔玩呢個金本位，邊個有得出聲？打後當然係de facto嘅美元本位，把口最反美嘅南美佬中東佬大陸佬，個個都拎美金。

7. 證據？大把。你睇美國GDP佔全球已經不停跌，但美元佔儲備，或者美股佔全球，都係穩如泰山。

8. 仲有？你可以睇下，1971年之後嘅美股，回報好過1971年之前好多—呢個係相當違反定律嘅。正路你以為經濟開始成熟，開始大，會放慢。但偏偏美股唔係。

9. 尼克遜在美國，都算係聲名幾狼藉。話晒係唯一一個任內辭職嘅總統（但留意，佢從冇畀人彈劾過）。事後睇，呢單脫離金本位制，真係佢任內得意之作，打下之後50年嘅基礎

10. 但當然歷史冇如果，本人基本上肯定，佢只係撞棍，完全唔知道後來嘅翻天覆地變化。事實上，最初呢個「廢除金本位」只係暫時性質，佢宣佈美金停止兌黃金，因為不能畀人覺得佢只係靠嚇。原本係想之後回復返個森林嘅。但正如森林大火一樣，一發不可收拾，後來嘅發展，都不在佢預計之中。

11. 呢度都只係皮毛，introduction．你知而家啲人幾咁懶幾咁乜都要即食，懶人包，最好10秒講完，因為A所以B然後C。咁你咪越嚟越笨咯。尼克遜呢個決定，真係改變咗世界，但好少人會提。因為太深，又好難形象化。例如你見阿甘正傳之類（呢排NetFlix重睇），只會講越戰，登月，尼克遜訪華，甚至有啲會講珍珠港，美蘇冷戰，古巴導彈危機。好多人心中呢啲先係定義美國嘅事，但好人會諗到金本位。

12. 金本位制點樣成立，然後崩潰，然後帶嚟嘅影響，我會在Patreon開篇新文講。可能係下星期日（今日講咗8號仔 VIUTV先），可能係周中。當然只會畀Patreon讀者，你可以訂定，或者到我出咗都會再tease一次嘅。

13. 今次就唔使好似巴塞文咁夠人睇我先寫。首先一定夠人，二來Patreon讀者有付費嘛。即係你話如果寫篇巴塞文出嚟，又用咗寫間又冇金錢得益都算，但如果仲要冇人睇甚至畀人屌，就自取其辱啦。幸好篇文反應都好好，多謝大家。

14. Stay Tuned。

15. 話時話，1899人了，快手整埋上1900，月尾就到2000吧。咁我就可以……挑戰3000人咯。唔係點？

16. 順手我想最後講多句，你學校教嘅，真係食屎的。我已經係讀港大同Warwick，都係咁同你講。其他雞校更加係得啖笑，居然仲可以生存？我識嘅絶大多數嘢，一係在馮平山（再講一次，馮平山唔係一座山，係一個人）睇書，一係後來做嘢學，更加多係近十幾年睇鬼媒同埋自己在market學嘅。我寫幾篇文，好撚過你讀個Finance Degree。真喎，佢點教你金本位制？真係食撚屎的。廢都算，仲要悶嘛。

17. 我幾時都話，我啲文，最好就幫你搵到錢，be it 你投資賺到，搵工有用，或者有人幫你應付啲工作問題你可以拆掂上司同客然後專心踩地雷，乜都好。幫唔到你搵錢嘅，至少都令你識多啲嘢。就算幫唔到你識多啲嘢（其實冇乜可能），你至少都得啖笑嘛。

18. 又幫唔到人搵錢，又廢，又悶嗰啲，我真係唔知點生存的。但正因為有呢啲人，我先生存到咯。

＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝

「招兵買馬」
中文英文字幕翻譯員
---------
要求：
✔有責任心❤
✔良好中英文👍🏻
✔識電腦輸入法(識用SIRI都可)⌨
✔鍾意睇YOUTUBE(有按訂閱的優先)▶️
✔抵得住我啲「爛GAG」😂
---------
待遇：
-有酬💰
-可以搶先睇到我嘅新片(?)😏
-長時間係電腦對住我個樣🤭
-翻譯能力經驗值UP🔝
---------
有興趣應徵者請將個人資料連同履歷
電郵至 Pro@kazaf.com.hk
#之前搵過我地嘅人都可以照搵多次㗎！

影片來源：
https://9gag.com/gag/aXoeA8P
無聊更新的一些迷因
迷因影片皆無營利
請放心收看
#meme#迷因

影片來源：
https://9gag.com/gag/a7EAZ0A
無聊更新的一些迷因
迷因影片皆無營利
請放心收看
#meme#迷因

影片來源：
https://9gag.com/gag/ayMPLXW
無聊更新的一些迷因
迷因影片皆無營利
請放心收看
#meme#迷因