【少年連卡佛】
真係幾似走入時光隧道，去番四十年前西洋菜街日新時裝公司，裝修招牌標誌幾乎冇改動。入荷里活入信和入Espirit前，類似日新就是我們的少年連卡佛，不只出街衫，連返學不想幫襯豐昌順，就會買條Texwood或Jive或York灰牛，充當灰西褲上學，不過訓導必然會捉。那時我著較西褲款的Blue.A（約$55)，後來好多細路發神經改穿國貨公司大地牌，$19.5，買大一個碼然後改窄腳變做蘿蔔，記得布質好焗身。
日新位於金魚街旁另一條西洋菜街，超過四十五年歷史，之前隔離街就係大大公司，及前G2000奔騰。日新號稱正統牛仔褲總匯，主要賣York，也有少量Texwood和Lee。有印象買過Jive和多文DQJ衞衣，當年一條York約$49.5，四十年後原價$398，特價$249。老闆話捱咗咁多年貴租好惡哽，得閒去睇下。自己幫襯買了件Tee，$99。
#連冷氣都用York

我朋友早幾個月轉工，佢轉嗰間公司我略有所聞，普遍評價麻麻哋，我有向佢陳述利弊，當係朋友之間一種提醒，但唔想左右佢。

結果我朋友都係選擇轉，原因係間公司用緊某個出糧系統，呢度唔太著墨解釋，總之呢套系統唔係間間公司都捨得畀錢用，但將來係大勢所趨，自己出去報讀的話，學費要萬萬聲，所以佢同我講，雖然知道辛苦，不過有人工收又有嘢學，絕對唔介意。

我陪佢去G2000買恤衫西褲準備返新工，原因係啲款夠晒大眾化，我肯定佢會揀到想買嘅衫，咁我唔使再陪佢行咁多間吖嘛，朋友揀衫嗰陣同我講咗句：「你個眼神好似話買咩吖買，過兩個月你就唔做啦！」

至於現況就係，佢轉咗工之後的確做得幾辛苦，不過已經過咗試用期，想學嘅系統亦學緊，梗係啦！佢間公司請人不嬲唔容易，難得有個人肯學肯捱，啲友仔肯定傳授晒所有絕學畀佢，而且公司啲人走馬燈咁轉，從另一個角度睇反而多咗晉升機會。

一份工開唔開心、辛唔辛苦，當中嘅定義同埋界線人人唔同，我將我嘅價值觀套喺佢身上係我錯，我忘記咗當年做記者嗰陣，我阿媽都話：「咁辛苦，日灑雨淋。」其實我人生最開心就係做記者嗰段時光。

之後毅然辭職轉行做Headhunt，舊老細又同我講：「咁大壓力，要跑數架。」好在我轉咗行，一來幫到好多人，二來眼界大開，我覺得好快樂。

By the way，原來去G2000買衫有《祝你工作快樂》Memo Pad送，簡單一句說話搞到我無限反思，其實世界冇Dream Job，亦冇一份肯定唔好嘅工，問自己做得開唔開心就得喇，有啲工作人人都話好，點樣點樣有前途，但你面上搵唔到半點快樂嘅痕跡，但有啲工作個個都話唔好做，身邊人不斷叫你唔好浪費時間，而你又會樂在其中。

唔需要介意旁人嘅目光，快樂與否唔係睇行業或者公司，而係睇你心態，祝你哋每一個都工作快樂！

G2000HK #g2000hk #祝你工作快樂

#G2000特賣會 📣全館4折
http://peko721.pixnet.net/blog/post/45608826
西裝外套、襯衫、西褲、休閒褲、休閒外套、針織衫、假兩件、針織外套通通四折，任選三件再九折
女褲、女裙、領帶一件$399元，兩件$599
.
▼▼G2000商品特賣會資訊▼▼
日期：01/12~02/06
地址：新北市三重區重新路二段57號
營業時間：10:30~20:30
.
#台北特賣會 #秋冬服飾 #面試服飾 #G2000西裝 #面裝穿搭