【龔成問答信箱】（Q21481-Q21500）

Q21481：

你好! 老師。我今年28歲，疫情問題，搞到我現收入對比之前少左差唔多4-5成人工，現時收入得17000。

而我對於金融知識可以話係0，之前一直都無去接觸投資或者相關知識！

近一兩年我更加體會到合適投資理財既重要性，最近機緣巧合之下我接觸你個page ，所以我忍唔到想問一些有關好新手既問題。

我想問︰

1. 投資是否要有一定既本金，才可以開始。我有朋友一直都叫我合理投資，佢話就算你得幾千蚊都可以！唔一定要幾萬/幾十萬。

而我就覺得本金覺得要有返一定既數目，例如兩三萬不等。

2. 另一個問題係，我身邊有部分朋友佢地投資股票，大部分都係短線投資（我唔知佢地對該股票本身公司既了解程度深淺）

係宜類事上樣，佢地算係投資定算係投機!?

3. 最後我想問一下，28歲先開始慢慢學（本身興趣不大）會唔會係好遲

可能真係問左幾個好愚蠢既問題，但我覺得如果開始要學，更加應該要解決我眼前既疑惑先。

龔成老師︰

「發問」，係學習必經階段，唔好覺得愚蠢，而停步。因為，無人一出世就乜都識，好多野，都係後期努力學習得來。

所以，你想做投資，就要努力去吸收知識。睇財經新聞、睇企業年報、投資書籍、上相關課程，都會對你有幫助。

1) 我地開始投資，唔一定要有一筆較大的起動資金。只要你每月有一定儲蓄能力，就可以利用這筆閒錢，以月供股票形式，去進行投資增值。

以你28歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注。此期間，你最好是努力提高投資知識，才慢慢增加翻潛力股比例。

餘下現金就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

2) 我地買入一隻股票，就等同買入一間企業，一定要知道佢質素、行業前景、財務狀況等，才去考慮否投資。

當我地確認係值優質股後，我地會用平貴定入貨策略，並長線持有。而唔係做短炒，去賺差價。

因為短線股價會受市場氣氛、資金流向等，與企業質素不相關的事情影響。這些因素，我地係不能估計。

但長線，企業價值會係股票上展現出來。因此，優質股你買入後，長線持有，讓其自然增值，永遠都係最有效的財富增值方法。

而你朋友，不論佢地對企業了解多寡，短線操作，必然受很多不能預計的因素影響。因此一定賭博成份，故算係投機。

3) 你28歲，唔算遲，依然有好充裕時間做財富增值。你除了盡力儲蓄、投資、學投資知識外。也要把握你年青優勢，盡力儲錢，做好財富增值部份。

------------------------------------------------

Q21482：

老師，今日隻ASM 近期上升，雖然得一手，我在50值博倍升股中挑選的，1177都有三手，好有滿足感!

但係佢地升咁多，我点加碼再入再長線持有呢？好矛盾
二月開始學習股票，終於睇到威力，都滿足又請教!

等番跌落合理價，又可能冇我入咁低，個值博率咪又低左囉？

龔成老師：

太好了！

ASM PACIFIC（0522）有質素的，這瘓《50股》其中一隻，優質度4分，可見值得長線持有。至於中生（1177），同樣可以長線。

如果你本身有貨，就唔好太急去買入，ASM PACIFIC約在合理區頂，中生就略貴，你都一以耐心少少，等佢地回翻D先加注。

有時就算未到你之前的買入價，只要合理，而你又資金足，買入後仍有現金剩，都可以考慮的。

------------------------------------------------

Q21483：

拜讀完財務自由行後, 有些關於物業投資的問題,想請教下, 先講下本人的資料先:

-女性, 單身, 40歲
-無買過物業, 現住我媽名下之自置公屋, 已供完, 未補地價, 無住屋問題
-現在財務狀況:
*人工$29000, 收入穩定
*基金USD30000 , 月供HKD2000 *股票$450000, 分佈如下:

2 - 15%,
3 - 6.5%,
11 - 14%,
66 - 10%,
590 - 5%,

737 - 0.3%,
823 - 3%, 939 - 4%, 1177 - 6%, 1398 - 1.4%, 1448 - 1.9%,

2382 - 1.6%,
2638 - 0.9%,
2800 - 23%, 2823 - 0.5%, 2828 - 4.9%,
3067 - 1.5%, 9988 - 1.4%

並現在月供
66 - $1000,
823 - $1500,
2382 - $1000,
2800 - $1500, 9988 - $1000

*現金$200000,
*公積金$1600000,
想問:

1. 睇完財務自由行時才發現物業都好重要, 但以我的年齡才買樓會否太遲? 我驚銀行不會做太長年期按揭?

2. 如買樓可以, 要如何儲首期? 因買後打算放租, 要預較多首期, 再要儲幾年錢, 驚按揭難做

3. 還是不買樓了, 買股票儲資產算了
買樓這問題, 我想了幾個星期, 問不同人有不同意見, 都不知怎決定好, 所以都好想聽聽龔老師意見, 謝謝你的回覆!

其實我驚年紀大，現在才供樓負擔太重，另外股票打算長線投資，但如因買樓要賣出，又唔知好唔好

龔成老師：

你現時的股票組合，基本上都無問題，大多是優質股，同時算是一個平衡狀態，而部分持有較多比例的，就不要再加注，你預一隻股票去到15%是上限。

1）在我地財富配置中，應該長遠建立「股樓平衡」的組合，不過，你現時無住屋方面的逼切需要，因此，你在這方面變成了不是「必然」。

但長遠，建立股樓平衡都是方向，但要留意，雖然這是方向，但我地買樓有一個好重要的原則，就是「供得起」，要確保在這方面無問題。

如果太勉強，就未必是好事。

以你的情況，暫時不用急於買樓，因為當你買樓後，財富會太偏重在物業，同時你在供款方面，都會有一定的數目用於供樓。

因為你這刻的財富與收入，並不算好高，因此在置業後，會用了一定的資金同時供樓可能會有吃力，就算收租現時亦未能對消供款，每月都要有支出。

2）儲首期以儲蓄及投資股票滾存，然後到接近買樓時，就要賣出股票去套取現金準備買樓。

3）你可以視買樓為一個方向，但不用一定要完成，同時不用好急去進行。可以等你財富有更大累積後，例如定一個3年的儲蓄投資計劃（試試在3年內，盡全力去儲蓄、投資），睇下到時的財富與收入情況，再作決定。

------------------------------------------------

Q21484：

老師 想請教一下 組合入面想減少一啲質素無咁好既股票套現 可唔可以俾啲意見減邊隻好

405 66 788 1558 823 2342 8083 2806 1980 336 2208 6618 6993 1810

大部份都蝕緊 未返到家鄉 除左823 66 1980 1810 8083有賺

龔成老師：

上述持股的隻數，的確有少少多，管理會較難（但又不是好多）。

而我地決定一隻股票去或留，不是睇賺蝕，最重要睇質素。而我見組合內的股票，其實又不是差，因此問題的確大。

京信通信（2342）、中國有贊（8083）、天鴿互動（1980）、華寶國際（0336），並不是無質素，只是風險較高，又或業務較為波動，可考慮減持部分。

至於其他，無問題，可以長線。

------------------------------------------------

Q21485：

522 ASM 之前公怖第一季純利急升，對估值有沒有提升，現在加注是否合適？謝謝

至於700，1177，9988，等等我直等老師說到合理位置才入，所以700，9988，未有加注，1177就越等越貴，不知如何是好。謝謝你

龔成老師：

ASM PACIFIC（0522）有質素。

佢係半導體和發光二極管行業的集成和封裝設備供應商，為跨國芯片製造商，為獨立集成電路（ＩＣ）裝配工廠和消費電子產品製造提供半導管裝配設備及材料。

過往的生意與盈利都有增長，不過盈利有點波動，這都會令股價略有波動。

佢業績正面的，會對估值有少少提升，但我在分析時，會以更長期的角度分析，不能只睇短期業績。因此，雖然現時睇佢業績正面，但都不能太過調高企業價值。

而佢長遠有一定的發展，可長線投資。現價合理區頂位，如分注小注或月供，仍可以。

如果本身不太多貨，都可加小小，加如果已有一定的貨就唔好加。

至於另外三隻，你可以月供的，如資金不多，就停一停，不要急於買入。

------------------------------------------------

Q21486：

你好，我想問下，如果月供股票會否產生很多碎股日後出售比較困難？

龔成老師：

的確會有碎股，但其實不用太擔心。

第一，碎股都可以賣到的，一些大型股，只要價位低少少就賣到。

第二，當你好長期去供的時候，碎股佔比其實好少。

第三，有些銀行提供「你在該銀行月供股票，該銀行比你用正股價賣出」，佢地會提供這服務。

------------------------------------------------

Q21487：

龔成老師你好，我最近開始由讀醫書，放假開始研究投資。想透過投資，為屋企人帶來更穩定嘅退休生活。

但我係投資新手，想問應該如何入手，因為平時鑽研醫書用上好多時間。

我是一位醫學院畢業生，投入職場數年，最近因為打算為屋企人帶來更穩定嘅退休生活，並有出國進修嘅目標，

開始在工餘時間，由鑽研醫書，抽撥時間開始研究投資，因而關注了你的專頁。

我是投資新手，所以把握時間，清楚自己嘅投資能力同方向

龔成老師︰

你讀醫，相信會投資一定的時間去得到專業資格，而這個事業的回報，比一般的其他職業為高，因此，你要好好發展這事業。

因為這個事業可以為你帶來理想的初期本金，之後再配合投資，可以為你帶來長遠理想的財富。

怍為一個位投資新手，你建議你先要做三樣野。

第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。

你可以先睇我本《股票勝經》，適合初階投資者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供盈富（2800）。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，盈富是一個包含55間優質企業的組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。

上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

------------------------------------------------

Q21488：

唉！成哥！好惨！朋友介紹我買輪。買左華虹12479..0.26買，就死得。係米冇可能升返0.26

其實我第一次睇你fd，我已經覺得你好好，好細心幫d網民分析。如果之前我大胆d問下你的介绍同分析，我一定吾係咁結果

龔成老師︰

我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

其實我當時，用左幾年時間去學分析技術，我當時不斷睇書、上堂學短炒，但最後都是輸，可能是我能力不足吧。

但我之後做銀行同證券行，見大部分輸錢的客，都是偏向短炒的。

當然，你問我有無人贏錢，是有的。但就我觀察，長線投資贏錢的人，比短炒的較多。

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特都是反對短炒的，佢都唔用技術分析。

因此，我相信長線投資，是真正助我地贏錢的方法。

所以，我不停會叫讀者，唔好短炒，唔好用衍生工具，就係這個原因，這都是經驗之談。

以你現時情況，建議唔好再用衍生工具。因為短期股價，主要係受市場氣氛、資金流向等，與企業本質不相關的因素所影響，好難估。

但長線，只要係優質股，企業價值一定會係股價上慢慢反映出來。因此，若你睇好個別企業，你係應該買正股，而唔係短炒工具，並長線持有。

華虹半導體（1347）有質素，發展不差。

佢主要從事半導體產品的生產及貿易，開發及提供晶圓工藝技術組合，包括嵌入式非易失性存儲器及功率器件，以及ＲＦＣＭＯＳ（射頻互補式金屬氧化物半導體）、模擬及混合訊號、ＣＭＯＳ圖像傳感器、電源管理及ＭＥＭＳ（微機電系統）等多種其他技術。

佢客戶主要為集成器件製造商與系統及無廠半導體公司。中國因為想發展這方面的技術，政策在長遠會對這公司有利，增長正面。

但你現時投資12479這些衍生工具，投資策略與正股好唔同，這些衍生工具當你見到唔對路，就要立刻賣出，無得守，因為佢時間值會不斷減少，你持有愈耐，就愈貶值，你只能等多短時間，現時距離到期有2、3個月，你最好在1個月內，無論升跌多少，都要賣出，否則之後時間值跌得好快。

------------------------------------------------

Q21489：

龔成老師， 同朋友一齊做生意，但係佢叫左自己屋企人黎反工，我就開始有種唔知點既感覺，又唔知點叫佢做野，我應該點處理。

龔成老師：

第一，你要同佢溝通，做生意要多溝通，要大家知道各自的想法，比佢知你想點，同時你都要了解佢想點，要找一個大家都平衡到的方法。

第二，要定規則，要盡早定立營運模式，要向企業化去行不能一個人話事。

當企業化，就大家要守規則，事情就會較易處理。

------------------------------------------------

Q21490：

老師你好，考慮左好耐，始終都係心思思想向你請教一下。

因此近年係FB睇到老師分享資料好有用，而且你強調買股票應該採用價值投資法，而唔好只係為短炒波覆，呢一點真係好警醒我。

回顧過去買賣股票，因為只顧短線波覆，其實鑊利唔多，可以只係打和。

所以而家開始，我都希望自己可以跟從老師既方法去投資，請老師指教一下。

我今年32歲，月入3萬。存款100萬，月息可收約2％，股票約30萬（2388,2628,9988,3069）

以前買股票，短炒為主，波覆收入會儲一半，花一半。未來1-2年希望買樓，請問老師覺得我應該從現金再投資幾多去股票市場會比較好？

同埋想問一下3888,909呢類是否可以低吸儲貨？
謝謝

龔成老師︰

記住，我地投資股票，係希望長線持有一些優質企業，透過佢自然增長，達至財富增值目的。

而唔係做短炒，去賺差價，這個方法係好錯。

32歲計，你應先做好增值部份。但由於你1-2年內要置業，資金係有一個明確的使用目的。

而且時間太短，如果用來投資較有潛力股票，會有一定波動性，影響最終回報。

以你情況，資金最多可以投資一半在收息股，另一半則以現金或定期持有。再保守D，你可以只持有現金或定期都可以。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

現有持股，華夏恒生生科(3069)和阿里巴巴(9988)波動性會較大。中國人壽(2628)質素只是中等。

如果置業時都需要贖回現有持股，我建議你減持部份﹐將佢換成收息股，定期或現金持有，會較好。

到你買樓後，新資金才投入較有增長力股票，幫你作財富增值。

金山軟件（3888）主要從事遊戲研發及提供網絡遊戲、手機遊戲及休閒遊戲服務；提供雲存儲及雲計算服務；設計、研發及銷售推廣辦公軟件產品及服務。

業務有質素，長遠發展力不差，不過擔心股價較為大上大落，現價合理區頂位，這股前景正面的。

明源雲（0909）有潛力。

佢主要係中國房地產開發商及房地產鏈參與者，提供企業級ERP解決方案及SaaS產品。

睇翻佢之前的資料，佢係中國房地產開發商的第一大軟件解決方案供應商，市佔率有約2成。係呢個市場裡面，按收入計，亦為ERP解決方案及SaaS產品的最大提供商。

其實，佢的角色可以話中國房地產行業的數字化轉型，為房地產開發商及其他參與者，開發了一套行業垂直的ERP解決方案及SaaS產品，以助其管理廣泛的業務運營。

包括銷售及營銷、採購、成本管理、項目管理、預算以及房地產資產管理，佢的SaaS產品包括雲客、雲鏈、雲採購及雲空間。

業務雖然有增長力，但股價都唔平，如果初步分析，處貴水平，值博率未算強，始終市場現時對這類股有好大期望。

但由於3888和909都係波動性高架股票，暫時不適宜你用來投資，等你置業完成才再考慮。

------------------------------------------------

Q21491：

龔成老師你好，本人36歲，單身，正職加freelance收入大約每月兩萬元。最近一年才認真開始儲錢。

現在儲了10萬元港幣，另有多年前買入的5萬元人民幣。有意分注買入股票作長線投資。很想請教您的意見！

現在我可以keep住每月儲一萬元。我打算平均一個月用大約＄5000 分注買入股票。餘下的$5000儲起，等在大市回落時用來買平貨。

我初步的想法是：

1. 每月買一手安碩恆生科技（03067）
2. 大約每隔兩三個月買一手雅生活（03319）或者中國生物製藥（01177），你建議買哪一隻較佳？

請問我這樣方案可行嗎？定係有其他更加好的組合更適合我？

另外你會否建議初學投資的人先集中只買港股？其實我亦有意投資美股ETF，原因是我見它長缐的回報不錯，有不同成份股亦可分散風險。

只是現在我資金不多所以暫時不打算買。

我有信心半年後我的freelance收入會有所增加，到時可有多些資金投資，打算之後每月keep住用分注買入VOO，長期月供。這樣可以嗎？

感謝龔sir寶貴時間回答。

龔成老師︰

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

你現時36歲，應以增長力為主。現時你先用$5000分注，另外$5000儲起等大跌市機會，這策略係可以。

安碩恆生科技（3067）、雅生活（3319）和中國生物製藥（1177）都係有質素，和較有潛力股票。3319和1177相比，潛力度1177會高少少。

而現有人民幣，如果無特別用途，可以換回港幣，連同10萬元作投資之用。

但我地投資增值，唔係只係講求增長力和優質程度。同時間，我地都要考慮成個資產配置。唔可以太集中係個別資產、行業或者股票。

你所提到的股票，都係潛力股類別。佢雖然有增長潛力，同時風險都較高，不宜持有過多。

你每月分注，暫時集中係潛力股係可以，但現有資金，必需較集中在平穏增長股部份，去平衡個風險。

長線計，你要留意平穏增長股和潛力股比重，以你年紀，最多只可以50:50。而你只係初學者，要再打折扣，大約佔3成好了。

另外，50:50這個比重不是永遠。到你年紀日長，你要慢慢下調潛力股佔比，去平衡個風險。

平穏增長股：金沙（1928）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）、長建(1038)

至於初學者，無話一定要港股先，定美股先。個重點係你較了解邊個市場，和當中股票。

美股都有質素，若你對美股有一定認識，將來都可以將VOO加入月供組合之中。

------------------------------------------------

Q21492：

老師，20歲 Year2，我好希望大學畢業之前儲到半個百萬即係500,000！

龔成老師：

這是一個高目標，不過，不是不可能。

最基本你要你要做好理財，盡力儲蓄，之後就要睇下你點樣滾大財富。

主要方法有兩個，第一，投資，較集中投資增長力較高的股票，當然會有風險，但同時要求你有一定的投資實力，但只要付出，我相信$50萬目標不是不可能的。

第二，做生意，你現時大學生，應該能找到時間做生意，同時可以找一一個年輕人的市場，這是你的優勢，只要做得好，你可以有理想回報。

加油！我等你完成目標的好消息！

------------------------------------------------

Q21493：

似乎Alibaba 近况普通，想把它換了腾訊

1357聽講它買了很多Bitcoin, 我又無膽買Bitcoin, 所以考慮它，你覺得如何？

龔成老師：

我地分析企業時，最重要是睇翻企業的長遠發展，唔好單比這一刻的情況影響，要睇長遠。

阿里（9988）有質素，有增長力，之前貴，現價去翻合理區。其實仍不差的，佢同騰訊（0700）的質素，接近。

阿里係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票，小注分注投資，或月供，是較好的方法，算是平衡了風險與增長的考慮。這股可以長線投資的。預佢現價約合理區中上部。

至於美圖公司（1357），佢的確有投資比特幣，你當間接投資，都可以的，但你預佢上落較大。這股業務都算正面，佢過左最差時期，現時正向好。

佢主要從事提供在線廣告及其他互聯網增值服務；以及開發、製造及銷售智能硬件產品。

見佢財務數據改善，這企業仍有發展力，有長線投資價值。不過業務變化始終大，不建議大注投資。

------------------------------------------------

Q21494：

你好，老師，有些問題想請教你：

本人30歲已婚，家庭月入約18萬，平均儲蓄每月13萬，現持有一幢樓齡約34年的物業，市值800萬，現欠按揭350萬。

目標想購置一個三房港島單位作永久居住使用, 現有物業則用作放租用途。

本人和太太現金約有420萬，由於理想單位大約需要1800-2000萬，首期不足，故此有兩個方案,還望老師指教：

1）儲蓄多3-4年和平穩投資，儲夠首期以買到心儀3房單位

2）投資一個兩房新樓，如康城/啟德/黃竹坑等，待物業升值後再發售並換上心儀單位

請問上述方案更好？定還是有其他可能？
謝謝

龔成老師：

其實兩個方案都可以，但從這刻的投資項目值博率考歲，方案（1）較好。

當我地考慮你長遠的置業計劃時，會考慮怎樣最有效達到，怎樣將現時的財富，最有機會及最快，能完成你的目標。現時股市的平貴度，相比起香港樓市為平，因此在增長力方面會較好。

再加上股票的流動性較強，以及買賣的成本比你物業買賣成本為低，因此，（1）對你來說是較好的。

另外，當你進行（1）的方法，其實不一定硬性規定要3-4年，如果你持有股票升值較快，同時樓市出現下跌，這已經可以買。

相反，如果資金未足，就可以遲少少先買，可彈性處理。

------------------------------------------------

Q21495：

呀Sir~我想加番多d潛力股落個組合到（暫時我只有盈富同六福）

想問問中生製藥1177，是否$8以下都可以入？
另外，福壽園1448係咪around $7.5以下都可以入呢？
我想暫時各入1-2手

另外，小米都想買一手，依家可否都入一手呢？

龔成老師：

這3隻都可以，你可以在適當位置加入。

褔壽園（1448）$7以下合理區頂，如果$7以上你小小注好了。

中生（1177）$8以下合理區頂。

小米（1810）$24以下合理區頂，如果在這價以上，你小小注，或月供好了。你可以買入一手，等跌再加。

另外，你可考慮安碩恒生科技（3067）。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買可次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

------------------------------------------------

Q21496：

阿Sir 之前睇咗你嗰條片關於25歲再讀四年full time course, 好有少少問題想請教你。

我18年大學畢業主修英語研究。 畢咗業兩年半我都係做luxury零售業,因為我知道未來嘅路我唔係想做零售 我三月中辭咗職。

我計劃左打算今年8月考試CFA所以而家嘅時間溫習多。 而家暫時都係冇做嘢，有時會做兼職， 之前儲嘅錢都有做少少投資。

對於呢個轉變呢一刻我有少少迷惘 但係因為我選擇咗咁樣去做，所以都要硬着頭皮繼續去。

所以你對於例如考 CFA 或者FRM認為係點？

我之後都想會喺金融或者銀行個方面發展

我以前中學係讀商科 同埋都有考LCCI。因為而家疫症嘅關係我短期內都應該唔會搵到工 屋企人都為我有啲擔心。

龔成老師︰

我地考慮重點，應集中係你長線發展。

首先，你要了解CFA和FRM對你將來工作，會唔會有實際幫助。

如果有，你就努力去做。心態上，只要唔好為左有張沙紙，人有我有而去做。而係從實際作用出發，去考慮這件事。

另外，現時除左讀書和兼職外。你都可以睇下，有無一些工作，係可以吸收相關經驗。

可以幫助你將來，進入你心儀的工作，都值得去試一試。

短期可能因為讀書、學習，令收入偏少(當然，收入減少不致嚴重影響家人。)。但長遠係有利的話，你就應向這方向進行。

------------------------------------------------

Q21497：

你好龔成先生， 我想請問點樣可以增重增肌，同時又可以兼顧儲錢呢方面。

因為健身需要大量食物補充，是否只能降低少許儲蓄平衡。

龔成老師︰

如果增重增肌是你工作所需，而又對你工作有利。你係可以調整一下儲蓄部份。

但若果係個人興趣，你就要找出儲蓄增值和生活興趣中，取得一個平衡點。

若你放棄今天興趣的消費，去加大儲蓄，自然財富增值會較快。當財富累積較多，將來你就有更多資金實現你夢想和興趣。

當然，這個平衡點無一個絕對答案，你可以自己衡量。

------------------------------------------------

Q21498：

龔sir, 我持有以下股票，有乜評價，應否繼續持有？

3968
2319
3993
2628
5

941
861
1515
338
6869

588
1666
3613
3382
1
1113

龔成老師︰

首先，你持有組合好雜亂，而且太多隻。長線計，你要集中翻係8-10隻左右，會較易管理。

你組合配置上，算係一個偏保守的平穏增長型組合。若你係較中年，這個組合係可以。

整體而言，你持股質素都無大問題，但要留意翻以下幾隻。

洛陽鉬業（3993）、天津港發展(3382)質素上唔算最高，加上波動大，不宜大注。

中國人壽(2628)、質素只係中等，同樣不宜持有過多。

北京北辰實業股份（0588），本質不算差，但賺錢能力又不算好高，同埋企業規模較細，都是較負面的因素。如果你持有的股票不算多，可以繼續持有。

若持有較多，建議沽出部份，平衡個風險。

同仁堂科技（1666）有質素的，不過增長力比過往略減。唔值得投資太大注，小注等佢回勇係可以。

------------------------------------------------

Q21499：

龔sir想請教下你。

本人25歲，每月可儲蓄14000，其中月供股票8000，餘下6000等大跌市先用。

現有7萬現金，40萬股票組合如下︰

0257 光大環境 12.5%
1177 中國生物製藥 12.5%
1833 平安好醫生 5%

2800 盈富基金 20%
3067 安碩恒生科技 25%
3091 A日興電遊 25%

月供股票都係用這比例供，想問5年後累積200萬資產可能性大唔大。

同埋問如果資助配置係，每年做一次rebalancing 好定係用升一倍放一半好d？

謝謝

龔成老師︰

你現時持股都有質素，月供資金分配都可以，都係適合你年紀。

安碩恒生科技（3067）及A日興電遊（3091）有少少都是同類，因為有不少都是科技類別，因此，你持有的比例其實已開始多，你要留意翻（這刻問題未算大，加上你年輕，可承受風險），只是長遠要留意比例不能過多。

但留意光大環境（0257）業務本質不差的，不過負債不斷增加，令風險度提高左。

其實有長期投資價值計，只是太宜大注。現貨可持有，但唔好再加注。

我假設投資回報有10%（連股息再投資），你每月投資$14000 + 47萬(現金和持股)，5年後大約會增值至170萬。

故你要再加大少少投入，每月大約去到月供$16000-17000，才有較大機會達至你的財務目標。

至於幾時重整組合比重，其實你1年左右做一次就可以。當你發現個別行業，或者潛力股比重開始過高，你就要作出調整。

調整唔一定係沽出現有股票，可以透過新資金的配置，去令組合平衡翻。同時睇下有無持股質素轉差，就要沽出部份，甚至全部持貨。

至於"升一倍、沽一半"這策略，但比人些不懂定平貴，或者好保守架投資者。讓他們先收回成本，所以唔係一定要做。

因為只要持股係優質，長線持有永遠都係最好。

------------------------------------------------

Q21500：

龔成老師你好 我想請問係没有會計基礎下 有無書藉可以推薦 讓我可以睇明白年報？ 還是必須要去上會計課程？

我是澳門人 一直沒機會上你的課程 過去一年睇左各種各樣嘅書藉 但一睇公司年報就頭痛 基礎知識太差 希望老師可以指點一下

（其待有日你可以到澳門開班）

龔成老師：

你可以睇《年報勝經》，這是是寫比一些無乜會計知識，而又想學睇年報分析的人，相信是適合你的。

你睇完這書後，再試下睇企業年報，自行分析。

如果日後有需要，就再講會計課程。

另外，如果你想學股票基本知識，可以睇《股票勝經》。

其實我之前都有開過澳門班的，不過現時疫情，所以暫時停左，之後會再開翻的。

你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。

因為現時已有好多澳門人留左位。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

金融講ED: 渾水
奇怪的學科，奇怪的專業

近來新興一個有趣的職業叫「驗樓師」，順應著熾熱樓市而生，常在媒體上檢驗新盤的裝修工程有無甩漏，收視率奇高。我問了好些地產商、研究樓市的朋友，無人可以精準解釋這個驗樓行業的內情，如何興起等。後來網上查探才知，原來職訓局、青協都有驗樓課程，無殼蝸牛的我真是孤陋寡聞了。驗樓有是得讀，更開始走向專業化，說不定未來大學會有一個驗樓的學位資格。

香港的大學最近新辦了不少課程，港大推出了文理學士、文理學士(應用人工智能)、文理學士(設計+)、文理學士(金融科技)、文理學士(環球衛生及發展)，以及一個供副學士申請的高年級學士課程文理學士(社會數據科學)等。中大也推出首個人工智能工程學士學位，以及數據科學與政策研究學士學位。

這些課程一看就知道是職業導向、順應潮流而生，甚麼AI、Fintech、大數據等時下好流行的buzzwords，現在都可以成為學位專業。香港的大學學位結構不難理解，有一些major學分要修讀，然後有一些electives讓你選讀自己喜歡，major以外的學分，然後就是一些通識學分、中英文之類。至於major的學分，有很多是幾個課程都通用的，以商學院為例，不論你是讀工商管理、神科Gbus、神科計量金融還是會計，少不免都是一起讀同一個經濟學101、數學101、會計101的基礎課程，之後部分major或者重疊。

所以，學位就好像一個藥單，把不同要選修的學分湊出來。所以開一些新學士學位未必如想像中複雜，本身可能有四成的學分是faculty已有的課程，只是因應額外需要，多讀幾個course或跨別人的faculty讀別人的學分就可以了。

這類由市場主導，然後院校配合風氣本來已經有，好像我的本科經濟學，無啦啦又另開一個global甚麼鬼東西，修讀的東西大部分相似，只是用了elective的學分配額讀多幾個商科課程，又是另一個學位牌頭了。

我沒有甚麼價值判斷，通常這個時候左翼會跳出來批判「教育商品化」，「破壞博雅教育本質」、「大學淪為職場訓練所」之類。按市場所需的職業學科會面對供求問題，例如傳統神科藥劑2年前傳出畢業生及回流學生過多導致供過於求，藥劑師工會甚至接獲數十宗失業求助個案。這就是市場供求的威力。

現在流行的STEM、AI、Big data等科技元素都不是我專業，我是社會科學人然後誤入歧途從商。這些學位能否配合科技創新，我不知道，但商學院的確有一些怪科是值得研究，例如港大的資產管理和私人銀行課程。盲的都知私人銀行的核心技能係湊客、講關係，這有得讀嗎？

至於資產管理又是另一盲點。商科大部分的知識跟CFA、FRM都專業重疊，甚至很多商科都自言課程編寫跟足CFA，那麼我畢業後讀CFA也行啊，除非你想省時間。

https://www.am730.com.hk/…/%E5%A5%87%E6%80%AA%E7%9A%84%E5%A…

【2018資產管理產業透視：講者介紹part1】

🎊富蘭克林華美投信投研部 邱良弼副總經理🎊

2018全球投資展望暨職涯分享圓桌交流會報名系統，已於昨日正式上線！

在這次圓桌交流會，上半場很榮幸邀請到富蘭克林華美投信投研部-邱良弼副總經理，為我們帶來「2018全球投資展望與共同基金定期定額賺到第一桶金💰」主題演講。

👨‍💼邱良弼副總經理現任美國富蘭克林華美投信投研部副總經理，曾任中央財經金融科技智庫顧問、台灣私立學校教職員退休金及台灣社保基金投資顧問（榮獲2016年Asia Asset Management-The best of best awards）、和通創投投資部經理人、統一證券QFII，香港分公司投資經理人以及禾豐集團投資研究員，並已獲取FRM資格， 相信以其豐富的閱歷，必定能帶給聽眾滿滿收穫！

👉若是想
➤直接獲得資產管理業的第一手資訊
➤深入瞭解各公司文化上的差異
➤與業師建立良好的人脈關係，
歡迎持續關注TMBA的粉絲專頁以獲取相關資訊，宣傳期間將會週週舉辦抽獎活動，同時釋出第一手的報名資訊！

【活動資訊】
🎯日期：2018.05.25（五）13:00-17:00
🎯地點：台大醫院國際會議中心402CD
🎯活動官網：https://goo.gl/vAMDKA
🎯報名資訊：https://goo.gl/rkzncD
🎯報名資格：限大專院校在學學生（以大三、四及碩士班、博士班優先）
（報名資料需填寫100字左右的動機與預期效益）

報名採先到先審，務必把握機會，及早報名喔！
活動名額有限（正取60名、備取20名），5/8將於TMBA粉絲專頁公布第一梯錄取名單！

2級受けてきます
はてさて…どうなるやら

#秘書検定 #資格取得


🌟脚の筋肉ビフォーアフター
https://youtu.be/wV3F3nLDQcg

🌟しまむら購入品動画
https://youtu.be/7EqQ1gVIzzc

🌟骨スト向け購入品紹介動画
https://youtu.be/Sx1EMbkXcII

🌟H&M購入品紹介
https://youtu.be/r_rmGpk2Trg

▷▶︎▷▶︎

GLAPOCHA所属のプラスサイズモデルです。
161cm Lサイズです。
ご依頼はinfo@glapocha.jpまで♡

健康を目指しています。
健康美人になってやる～！

よろしくお願いします🌸

▷▶︎▷▶︎

ーーーー

おすすめ🤍プロテインバー

甘いのが苦手で、ビターよりさっぱりが好きな人向けはこの2つがおすすめ。

▪森永製菓
in BAR PROTEIN
（inバープロテイン）
ベイクドチョコ味

▪Asahi
1本満足バー プロテインヨーグルト
シリアルヨーグルト味

アメブロに詳細書いたはんでよかったら見てね。

⏩https://ameblo.jp/umaitabemonohadoko/entry-12654178441.html


.｡ﾟ+.(･∀･)ﾟ+.ﾟ


■楽天市場購入　ビーラボ低糖質チョコレート　ミルク味
うまい！買ってよかった。800g→1.2kgと増量中
楽天市場では送料無料でここが安い！
送料無料　3500円前後
https://a.r10.to/hVJrJb

■ミネルスダイナーのチョコ
チョコ感が濃くて一口で満足感があります。
こちらは1㎏　4800円
https://milnesdiner.jp/goods/index.html?ggcd=F2019

今回の動画はアメブロでも記事にしました。
https://ameblo.jp/umaitabemonohadoko/entry-12650057717.html

他ダイエットのおすすめ食材たち★

▪こんにゃくパスタ
おすすめすぎます！こんにゃくはこんにゃくだけど、麺としてのクオリティが高すぎます。

タレなし30食
https://a.r10.to/hyqegu

タレ付き30食
https://a.r10.to/hywlQB

私は自分で味を変えたいのでタレなしにしてます。


▪美酢
1本900mlで少し重いので通販が便利だと思います。

楽天市場ではここが1番お得そう
https://a.r10.to/hlM9WJ

ーーーーーーー

皆さんもよかったら私と一緒に健康になりませんか。

今日も見てくださってありがとうございます( *˘ ³˘)♡

太っている人、病気と闘って太る人への偏見がなくなりますように。

◆Instagram
https://www.instagram.com/tomomiyoutuber

◆Twitter
https://twitter.com/tomomiyoutuber

◆blog
https://ameblo.jp/umaitabemonohadoko/

◆闘病系のLINEスタンプを販売中！
http://ur0.link/tNOv

執拗な嫌がらせ、個人情報の書き込み、悪質な行為には法的措置を取っています。
然るべき機関に相談して、相応の対応を取らせていただきます。


➡➡➡➡アメブロ・ヘルスケア記事➡➡➡➡

■【2020年度 スキンケア・ニキビ跡】内側も外側も綺麗に！本当に使っているもの
①https://ameblo.jp/umaitabemonohadoko/entry-12625763370.html?frm=theme
②https://ameblo.jp/umaitabemonohadoko/entry-12625762980.html?frm=theme

■【入院中の知恵】12個の役立った便利グッズ・そうでもなかったものを一挙ご紹介
①https://ameblo.jp/umaitabemonohadoko/entry-12491429970.html?frm=theme
②https://ameblo.jp/umaitabemonohadoko/entry-12497948882.html?frm=theme


#プラスサイズモデル #アラサー #ダイエット #減量中 #ダイエット中 #体重管理 #Vlogs #ダイエット成功 #健康 #ぽっちゃり