雖然這篇fiat貨幣鄉民發文沒有被收入到精華區：在fiat貨幣這個話題中，我們另外找到其它相關的精選爆讚文章
在 fiat貨幣產品中有36篇Facebook貼文，粉絲數超過0的網紅，也在其Facebook貼文中提到， ［阿富汗係冇印鈔機嘅］阿富汗都打完 林作鍾培生都未打呀。 Axios 原文： Afghanistan's cash problem（https://bityl.co/8iMP） 1. TLDR：傳說中政府最大嘅武器係印鈔機。但阿富汗而家係印唔到錢嘅。因為冇印鈔機！最近嗰部在巴基斯坦！ ＝＝＝＝...
同時也有1部Youtube影片，追蹤數超過7萬的網紅Roger Lee，也在其Youtube影片中提到，1971年開始全世界的錢已經變成貨幣Fiat Currency，每30—40年前世界金融體系就會改變，快來臨的危機你準備好了嗎?不要錯過一輩子一次的機會...
fiat貨幣 在 BusinessFocus | 商業、投資、創科平台 Instagram 的最佳解答
2021-01-05 15:37:29
【@businessfocus.io】比特幣屢創新高 馬斯克似有興趣 難道要將Tesla資產換成比特幣？ . 比特幣繼上周突破2萬美元關後，今日（21日）再升穿24,000美元，創歷史新高。在比特幣表現強勢之際，美國電動車公司Tesla（美股代號：TSLA）行政總裁馬斯克（Elon Musk）在Tw...
-
fiat貨幣 在 Roger Lee Youtube 的最佳貼文
2016-04-30 13:32:091971年開始全世界的錢已經變成貨幣Fiat Currency，每30—40年前世界金融體系就會改變，快來臨的危機你準備好了嗎?不要錯過一輩子一次的機會
![post-title]()
fiat貨幣 在 Facebook 的最讚貼文
［阿富汗係冇印鈔機嘅］阿富汗都打完 林作鍾培生都未打呀。
Axios 原文： Afghanistan's cash problem（https://bityl.co/8iMP）
1. TLDR：傳說中政府最大嘅武器係印鈔機。但阿富汗而家係印唔到錢嘅。因為冇印鈔機！最近嗰部在巴基斯坦！
＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
2. 阿富汗用乜貨幣？理論上係AFN，Afghan afghani。實際上就我都唔知，你可以直擊報導下。聽聞用緊巴基斯坦盧比。
3. 咁你大約都估到，咁情況下，啲貨幣當然急速貶值。不過又係咪實情？又好似唔係。根據本人嘅best effort（即係Google Finance），年頭大約係一美金對77 AFN，八月中都大約係一對80，而家一對85。
4. 年初至今貶值10%，好多咩？你真係未見過打仗。
5. 所以應該問嘅問題，唔係點解貶值咁多，而係點解貶值咁少！
6. 本人懷疑，根本隻嘢一路都係冇乜人用嘅，雖然睇其他講法（即係，維基百科）又好似唔係。邊位在阿富汗嘅可以講兩句，stay safe
7. 根據Axios報導（好嘢嚟的，又免費，最重要係又唔會好似我咁長氣），話會人道危機喎（而家先會？），金融崩潰喎（仲未崩潰？）（https://bityl.co/8iMO）
8. 其中一個原因之前都有人聽過，歐美一路制裁塔利班嘛，放在外國啲儲備拎唔到啦，美國運去嘅美金當然亦都停咗。
9. 咁，冇美金，咪自己印錢咯。就係唔得喎！
10. 因為，阿富汗係冇印鈔機的。幾Q咁low tech！原本啲AFN係在歐洲印的！但塔利班畀人制裁咪不能印畀你。當然而家塔利班都想買部，但理論上呢，仲制裁緊嘅，歐洲公司應該唔敢賣畀你。（＊）
11. 點收科？我都唔知。反正都唔見有乜人關心
12. 不過呢，據理解，而家境內都係用巴基斯坦盧比。而事實呢，巴基斯坦就有印鈔機嘅，應該可以借嚟用下。
13. 又，之前Patreon寫金本位50年，都提過下「鑄幣權」「印鈔權」呢樣嘢。
14. 正如舊年疫情爆發，聯儲局嘅應對方法，最後都係出無限QE。一樓都係呢招架啦！難怪有朋友話，聽日火星人侵略地球，人類都係印銀紙的。
15. 記唔記得當其時N咁多網友出嚟講話「印銀紙殺唔到病毒」？然後加多一大堆「仆街死財演你仲叫人買股票冇良心」。而家美股低位至少升咗一個開，好多公司唔止，借問聲殺晒啲病毒未？
16. 講返，即係除咗去到阿富汗咁low tech，印銀機都冇部，好多國家都「理論上」可以銀紙任印，
17. 但正如我在金本位制50年篇文講，呢個係「理論上」啫。個個都可以搞Patreon唔使返工添，總唔見個個得。
18. 理論上，正如我篇文講，全世界嘅政府應該多謝尼克遜嗰個符碌撞棍嘅決定，簡直改寫咗打後50年嘅歷史，令到政府可以不停印錢又唔使畀高息。
19. 但你都聽過有啲會出事啦，唔好講咩 威瑪德國 中華民國 嗰啲 尼克遜前嘅故事。睇返近年都有咩 津巴布韋 南斯拉夫 阿根廷之類。
20. 講到尾，好多人以為有部機就「可以」任印。咁其實都係。即係你有隻手都可以去摸李佳芯，特異功能都可以檔子彈，不過睇下有乜後果啫。
21. 呢個亦係好多人嘅盲點，以為「可以」任印嘅 Fiat Currency，背後「冇嘢支持」。拿，冇黃金或任何實際嘢支持，同冇嘢支持，就真係兩回事。最好笑係同一班友又會恥笑啲銀行保守只係睇磚頭佢老哥啲創意好值錢。
22. 支持嘅係乜？咪背後嘅政權。咁政權係乜？就係monopoly of the legitimate use of physical force。亦好大程度係你enforce 任何嘢背後嘅力量。你收唔到稅，或者冇人肯收你隻貨幣，隻貨幣自然咪會有問題。
23. 所以呢，冇印鈔機真係唔係主要問題，講真有幾high tech？問題係，有部機都唔代表你可以印到錢嘅，否則我一早自己在屋企印勞蘇幣
（＊）不過呢啲，周唔周你，其實十分彈性。去過北韓都知，新加坡早幾年係咁投資起樓，聽聞仲制裁緊北韓架喎。冇人出聲嘅。
＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！
＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。
fiat貨幣 在 Facebook 的精選貼文
［盂蘭節，金本位制五十歲死忌］話咗寫，而家找數。今日寫Patron寫嘅，正係尼克遜50年前做嘅嘢。肯定佢最初都唔知道造成咁大影響，最初佢只係諗住暫時，嚇一嚇你，點知就一發不可收拾。但對美國嚟講，焉知非福。
TLDR：簡單嘅，你睇呢四個圖已經見到幾咁大影響。
第一，美元霸權，高度金融化。1971年前，美國貨幣供應M3，大約同GDP一致。70年代尾開始越拋越遠，後來量化寬鬆QE只係去得更盡。
第二，政府可以不停借錢。1945年至到1971年，美國債務佔GDP，一路跌。亦係70年代尾開始不停升
第三，貧富不均。1970年前，人均GDP同美國男性收入差不多一樣，亦係70年代尾開始越拉越遠。啲錢去咗邊？
第四，不投資往下流。1971年之後嘅美股，回報好過1971年好多。但明明經濟增長仲要慢咗。事實1971年美國佔全球經濟40%，而家係24%。但當時美股佔全球市場60%，而家……都係60%。
======================
呢篇文夠晒長，7000字，你可以分幾日睇，唔急。但我差不多睇咗10萬字先煮埋一碗。亦好奇怪，咁大嘅課題，你見係冇乜人講嘅。你話好難明？我覺得唔係，但就個個都只係想睇完篇文畀冧把你發達。咁就抵你冇發達。
先講歷史，一戰之前行金本位制，冇得任印，一戰開打黃金都買唔到，當然人人貶值，打完又回復咗一排金本位，然後二戰。
二戰後，1944年至1971年，就係江湖新秩序，Bretton Woods System。戰敗國當然只能硬食，同盟國一齊傾，但個個打到稀巴爛，邊個冇比人打？美國。邊個經濟最強？美國。邊個最多黃金？都係美國
Bretton Woods就係人人同美元掛勾，然後美元同黃金掛勾，唔畀貶值，你外國嘅美金就保證可以用35美金一安士換返黃金。變相就返返去全球固定匯率，有金本位。但當然已經有微妙變化。
之後大家知，歐洲經濟好返，美國就越戰。仲要以前歐洲買美國貨（重建），之後就美國買歐洲嘢。歐洲佬覺得被搵笨，係咁拎晒啲美金換返黃金，計計下根本美國唔夠找數，原來搵笨實。同銀行一樣，擠提。咁美國做乜？就係落閘，唔再畀你換返黃金，吹咩。
呢個就係Nixon Shock嘅背照，當然文中有講。
打後最近呢50年，就係法幣fiat currency，你以為背後「冇任何嘢支持」？錯了，冇黃金支持唔等於「冇嘢支持」。你試下唔交稅咪知背後有乜支持。我唔明點解有人覺得法幣係「冇嘢支持」。如果人人可以任印，就唔會有津巴布韋。
金本位收皮嘅最大影響，就係奠定美元50年霸權。聽落奇怪，明明美金變咗任印，反而地位大升？好簡單，因為，其他人都印嘛！以前你就話馬克法郎美金都有黃金，其實差不多。但到大家都冇黃金，咁你話你揀邊樣？因為咁，美金亦因為default嘅貿易同儲備貨幣。當然呢啲唔係最初尼克遜諗到嘅
美元霸權有乜證據？呢度幾個圖咪睇到，再唔夠嘅，文入面仲有大把。
你可以留意，美國信貸評級唔係最高（你以為係？），美國舉債成本亦唔係最低（你以為係？），美國CDS（你當係國家爆煲有得賠嘅保險）保費亦唔係最低，但美債先係唯一嘅終極避風港。
副作用？當然係通脹，貧富不均，但有乜所謂？總有方法撚化你班平民。況且你又唔係餓到冇飯開，有福利，少少嘢吊住你，幾年等你選一次，得咗。
政府，當然發現金本位死亡係個好東西，美國固然係，但其他國家都係。所以你見美金根本唔係不停貶值，因為人人都貶。正係因為咁，政府可以不停咁高負債但又低息咁去借錢。
然後我亦有講，金本位制死亡後，金融先變成顯學。以前固定匯率，根本冇嘢炒，亦都冇咁多國際資本流通，國際貿易係真係買賣實貨。而家就掉轉，金融活動先係「實體經濟」，冇咗固定匯率，亦冇埋外匯管制，一般就係資本不停流動，先有真正嘅「國際金融市場」，先有咁多貿易，先有中國堀起。
仲有，以前做金融係好悶的，投資銀行股市當然一早有，但以前係幫人發下債咋。當時實業家做鋼鐵做鐵路做石油先係王道，而家另一回事。
然後你亦見到，資產價格狂升，絶對唔係QE之後先有嘅嘢。你話當時因為經濟好？咁你可以睇多次第一個圖。
人工冇得加？鬧尼克遜啦。買唔到樓？鬧尼克遜啦。實業唔受重視？鬧尼克遜啦。真的。
然後會點？你話呢？尼克遜只係屎忽撞棍，唔係水鏡八奇，但總之之後美國發現呢套嘢對佢咁著數，套嘢又係佢搞出嚟嘅，你話會唔會改？其他人？邊個迫到佢改？況且，全世界政府都幾歡迎。多咗咁大權力，唔受金本位約束，點會自己放返出嚟畀你？
最後感想？大學教你嗰啲嘢，真係廢的。我都係自學，睇書，睇報紙雜誌，睇勁人寫文，再加上一路工作學返嚟。不過，大學啲教科書都仲有用，只係教嗰個廢。更加廢就係你去睇宋鴻兵《貨幣戰爭》之類嘅垃圾，冇錯寫得幾認真，但都係垃圾，睇得兩睇你就日日羅富齊共濟會蜥蜴人Deep State。
講真的，出面當然有人認識多過我，但未必可以講得清楚過我，你一舊水月費，只係睇呢篇文都抵。
＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
fiat貨幣 在 AllRightsReserved Facebook 的精選貼文
KAWS:HOLIDAY Hot-air Balloon World Tour launches NOW!
.
KAWS in collaboration with AllRightsReserved, presents KAWS:HOLIDAY UK, one of the world’s largest hot-air balloons measuring 42-meter tall.
.
Be the first to join our journey starting from 2021 Q4! COMPANION may take flight in your country! Limited seats available for each stop. The journey package with the free balloon ride accepts both fiat and cryptocurrency payment in partnership with FTX Pay powered by FTX, please visit:
DDTStore.com @DDT STORE
《KAWS:HOLIDAY》熱氣球世界之旅正式展開！
KAWS與AllRightsReserved攜手合作，展開新一趟《KAWS:HOLIDAY》英國站旅程，COMPANION由太空返回地球，化身成熱氣球，於被稱為「熱氣球之都」的英國布里斯托(Bristol)升空。《KAWS:HOLIDAY》熱氣球高42米，是全球最大的熱氣球之一，帶領乘客翱翔天空，欣賞一望無際的攝人風景。
.
COMPANION現邀請乘客一起參與《KAWS:HOLIDAY》熱氣球世界之旅，由@FTX全力支持，將於2021年第四季升空的旅程有機會登陸你的城市，並接受客戶以法定貨幣及加密貨幣付款。詳情請瀏覽官方網站：
DDTStore.com
.
#KAWS #KAWSHOLIDAY
#AllRightsReserved #FTX #FTXPay