下村陽子-Luna

這首曲子是下村陽子老師為FINAL FANTASY XV裡Luna這一角色所寫的，
Luna也是月亮的意思，
在聆聽時，
彷彿能看到月亮清澈柔美的光芒，
溫柔也帶著悲傷，
完整地展現了FF XV裡的Luna性格與命運。

在你聽到這首曲子時，
你感受到了甚麼呢？

歡迎留言告訴我們～！

#下村陽子
#FFXV
#笑哈哈純享

前晚睇睇下《大叔的愛》，我老公突然問︰

「如果我好似KK咁中途轉基，你會唔會好似Francesca咁支持我？」

「.……吓～～～～？」

我完全反晒白眼，而佢開始執生

「唔使哩，如果之嘛。嗱，咁你成日問我呀嘛，如果有阿牧同KK又點揀？梓芊同阿牧又點揀？咁我咪又問返下你囉，如果之嘛，如果，如果。」

「你意思即係話，我成日問如果如果好無聊啦吓嘛？」

「邊係呢～生活就係無聊，無聊就係要FF。嗱，我就支持你FF田牧架，FF下梗係好啦，有得FF我都想FF多啲。講真，Francesca都幾正架，結婚20年都keep得咁好，唔似得有啲人……」

「你收皮啦！」

如果老公走去問「如果」，個結果就係我一個人霸晒部電視煲劇！

爽～

圖︰viutv

/

/#陪朋友去自修室追女神 結局篇《時光機》書展有售，洄水文化1A-E10
/ 其後提供郵購
/ 書店沒得賣

/ 『記不記得我們說過，要一起看櫻花？』仲爭少少先夠數出下集……🥺

#大叔的愛 #大叔的愛香港版

《一句說話，令這個男人在出軌的懸崖上，煞停了自己》

『總有些人你未必愛，卻想試。』

而想試的愛，多半要做的。

眼前這個男人，正面對「想試」的關口。
他已婚8年，捱過7年之癢，但未必過到今晚。

此時此刻，他身處女同事的家中，二人坐在沙發上，脫去了外套。
胸口的起伏間，呼吸愈變愈重。

為甚麼會變成這樣？

『飲多杯啦！！飲！』
『咪啦！Chloe醉啦！』
『驚咩啫！我送佢返屋企囉！飲啦！難得酒吧開返呀！！唔係又封你㗎啦！』

這個自動請纓的人，就是這個男人。

沙發上的男女，本來已互有好感。
問題是，
她單身，他卻已婚。

但帶有醉意，總是做件錯事的最佳理由。

男人在想…既然對方願意插入這條門匙，讓他進入；
那樣…在另一位置插入、再進入…似乎也是OK的？對吧。

男人飲醉後的聯想力，非常豐富，別睇少。

二人臉漸泛紅，愈坐愈近，
男人想伸出手，卻又不敢…裝作摸摸肚子。
等待下一輪攻勢。

下一輪攻勢是幾時？
就是下一秒…男人的手…又再悄悄移動。

這時，Chloe卻突然說出一句：「我…想做一件事先！」

是洗澡嗎？
也對的…這個時代，乾淨一點好，不然就會變群組。

男人閉上眼，深呼吸，
慶幸自己…銀包有condom，而且有兩個。

幾秒後…他聽到水聲，卻不是來自浴室，而是廚房…

『有點奇怪。』

一分鐘後，她端出了一碗麵。

「食碗麵先啦。」

男人一時之間也猜不透Chloe的用意，但不好拒絕，一口食下…

這碗濃白湯魚麵…感覺…份外熟悉。
細思極恐，這正正是…家中妻子一直煮給他的麵。

他看著Chloe，她沒有說甚麼，只是微微地笑，似在思考，又似是在…等自己問一個問題。

男人心想：「點解…佢會知…老婆係煮呢隻麵畀我嘅？」

腦海霎時閃起，自己無聊時拍下的IG Stories…
對呀！
自己也是個喜歡「晒下命」的可悲男子，
試過幾次影住碗麵，加個「#老婆愛心宵夜」…

對方會知，自然不怪。

但，用意何在？
想說…她可以取代妻子？？

他忍不住問：「你煮呢碗麵係…」

人家說，眼睛不會說謊的。
他不會；她也不懂。

Chloe呼一口氣，保持微笑：「Let’s Go Home。」

這一句，男人…明白了一切。
『Go Home。』
他的Home在那裡？

麵，代表著一種家的感覺。
自己是有家室的人。
面對這份家庭的羈絆，自己是否能跨過去？再誇過Chole的身體？

答案，她必然由自己的眼神中…洞悉了。
男人食著這碗麵時…想起的，是妻子，是自己的家。

突然間…男主角對這個女人的智慧深感佩服，
她以簡單一碗麵，讓彼此冷靜下來。

男人知道，
結束的語句應由男士負責。

他放下筷子，穿回西裝褸，禮貌地說：
「時間都唔早啦，我…都係返去先。」

這一句很果斷，Chole低下頭，再點點頭。
沒有送他到門口，避免不必要的肢體接觸。

回到家時，
男人發現一碗一模一樣的魚麵，已在桌上。

「你返嚟啦，你一定又飲酒但無嘢晾住個胃啦。食啲嘢先啦！」
原來妻子擔心他餓，早就煮了宵夜。

「喂，你記得聽日交管理費呀。」
「同埋你啲稅單搞成點呀。」
「老爺下星期覆診，你去唔去到㗎，你唔得我就攞假啦。」
「仲有，幫你拎咗啲大褸出嚟，聽日得15度咋。」

這個妻子，
一邊對他囉囉嗦嗦、吟吟噚噚、卻噓寒問暖。

他回想近年與妻子即使有小爭執、但這些爭執的源頭，總是為自己著想。

他吃著這碗麵，慶幸自己沒有走錯了這一步，
感情已變平淡，必然敵不過剎那激情，
卻一定比激情長久。

就像這麵條，時濃時淡，卻煮足一生一世。

他有點內疚，唯有開個玩笑說：
「老婆，不如…下次到我煮麵畀你食呀。」

老婆笑說：「吓！我唔想食物中毒喎！哈哈！」

看見她笑，男人也心安了一點。

這一句看似結局，
但往後…卻出現一個驚人的發展。

＝＝＝＝＝＝＝＝＝＝＝＝＝＝＝＝
時隔數月後，
Chole遇上了真命天子，亦即將離職。

男人知道散水餅後，大家就老死不相往來。
想起當晚的事，覺得有愧對方，於是在Tea Time…向她坦誠地道謝。

男人：「多謝你…嗰晚叫我走…等大家都無做錯事。」

成年人的世界，代表「成熟」的其中一件事，就是面對自己最「尷尬」的話題。
Chole看著這個男人…
男人凝望這個女人…

下一秒…她說…

「咩Q嘢呀…嗰晚…係你自己話走之嘛…我仲諗，你應該係冷靜咗，覺得會後悔…唔係咩？」

『?!』

男人不解：
「吓，你叫我Let’s go home㗎喎…」

Chole：「你嗰時問我『你煮呢碗麵係咩』呀嘛…
碗麵咪係......

Let’s go home嘅鱻麵系列囉！
『Let’s go home』係 Brand Name嚟㗎…」

這一句對男人的打擊著實不輕。
他媽的…他就是想不到，世上竟有品牌叫「Let’s go home」如此Sweet！

男人：「Shit…我係想問『你煮呢碗麵係…係咩意思』呀……但係，你無拿拿…做咩煮麵畀我食啫？？」

Chole：「咁…見你用手摸肚呀嘛…驚你餓，又成肚酒…搞搞下嘔點算呀！咪煮碗麵畀你晾住個胃囉！」

剎那間，男人回想自己當晚的瘋狂FF，
甚麼「眼神不會說謊」、甚麼「麵，代表著一個家」、「可以取代妻子」…

他只能回應自己一句…
『男人飲醉後的聯想力，非常豐富，別睇少。』

而突然之間，他靈光一閃。

男人：「…吖…你估…如果將呢個劇情，拎去做呢個Brand嘅廣告，有冇得諗呀啦！
不過…會唔會無Like又無Share㗎。」

Chole：「應該都唔會嘅，成篇文咁長，啲讀者都睇到呢句…見你為咗Sell個Brand，寫到咁曲折離奇，會畀面Like下嘅…Share就難啲啦…」

走筆至此，老婆也突然出現。

男人：「吓，老婆？你突然嚟我公司…想點呀？」

老婆：「無呀！見老公你咁辛苦！想幫你講埋！

Let’s go home嘅鱻麵系列，魚麵由鯛魚製造，
魚湯則由丁魚熬製而成至全奶白色魚湯磚。

突顯魚湯及魚麵完美搭配。煮一分鐘就食得！

HardSell嘅嘢，等老婆幫你分擔！
以下地方有得賣啦！

包括：
百佳超級市場、HKTVMALL、YATA、AEON、UNY& APITA！」

Chole：「你睇下…你老婆對你幾好。珍惜啦。」

男人不住點頭，對看著文章的大家說：
「係呀，啱呀！大家真係要珍惜另一半，喺抵受誘惑時，試下諗住…佢煮畀你嘅呢碗麵…

一段感情最緊要…Let’s go home！」
#今年最後一篇廣告文了
#多謝LetsGoHome完全信任
#沒有Like的文章系列第一次有廣告
#希望佢會係一個有少少Like嘅文章
#寫得好長多謝你哋睇晒

#LGH #LetsGoHome