#大學唔係呢回事🌋 #HKU #SpeechAndHearing 👶🏻: Speech & Hearing讀啲乜㗎？under Faculty of Education係咪讀完之後淨係serve小朋友？ 👩🏻‍⚕️: S&H係文理科兼備嘅一科嚟，文科方面就係講緊Language Development嗰啲，理科方面就會讀Anatomy, 即係人體結構，例如人嘅發聲系統，呑嚥係由腦部邊條nerve所控制。咁都會見到呢科讀嘅範圍好廣，所以唔係淨係serve小朋友㗎，例如有啲老人家經歷中風、柏金遜或者腦部創傷咁，都要去揾言語冶療師幫手。舉個例，中風嘅病人唔單止講嘢嘅能力受影響，呑嚥能力都會有影響，咁言語治療師就會幫佢哋訓練，同樣地有呑嚥問題嘅小朋友都係我哋服務對象。 (大大補充少少，S&H嘅同學係要讀啲語言學嘅嘢㗎😂詳細嘅curriculum可以睇https://web.edu.hku.hk/programme/bsshs_6157/curriculum) - 👶🏻：好多人話Speech Therapist (ST)係一份荀工，咁實習嘅時候其實做啲乜？又辛唔辛苦？ 👩🏻‍⚕️：我哋實習會派去唔同地方嘅，例如HKU clinic、特殊學校、主流學校、NGO、醫院，主要工作有兩樣：評估同治療，評估就係了解client係邊一部分需要冶療，例如係發音、口肌能力定表達能力問題。到治療嘅部分，小朋友就主要係透過遊戲做治療，我哋會用cueing幫小朋友學句子結構同詞彙。成人同老人家方面就主要係重複性練習，同埋喺傾談入面訓練返口肌能力同表達能力。 至於辛唔辛苦就因人而異啦，我哋會多paper work要做，因為評估完要寫assessment report，每堂治療都要寫treatment plan同treatment report。而最辛苦嘅位置係要prepare materials, 尤其對小朋友的話，治療都係要同佢哋玩住做，咁就要預備好多遊戲同卡，不過只要你見到啲小朋友治療後有進步都會好有滿足感嘅。 - 👶🏻: 我見你地prep啲materials好似老師咁😂你覺得creativity係咪ST好需要嘅quality? 會唔會有其他qualities係ST要有？ 👩🏻‍⚕️: creativity就睇你想做小朋友定大人服務啦，如果做小朋友服務的話就要多啲creativity, 因為要諗點樣同小朋友玩，大人方面就諗少啲嘅。同好多medical field一樣，我地都要好細心，要識得觀察同評估client嘅情況，都要識得體恤client嘅需要。另外都要有耐性，因為有部分client progress未必好大，要有耐性、一步一步咁治療佢哋。 - 👶🏻：ST執業時有啲咩選擇，又有啲咩分別？ 👩🏻‍⚕️：好多人都以為我哋係醫院、政府請，其實我哋大部份graduates都係去NGOs, 例如協康、匡智，因為佢哋都會多preschool centres會需要言語治療師幫助小朋友。咁都有啲同學會去private clinic做，佢哋就會接特殊學校同主流學校嘅case嚟做。不過政府都開始撥多咗款項俾老人院舍同成人智障服務請言語治療師，令老人家同智障嘅成人都可以接受言語治療。 至於有冇人自己開clinic, fresh grad就冇乜啦，不過有啲人可能做咗四五年之後自己開囉。 // Interviewer: 大大👶🏻 Interviewee: Yanchi👩🏻‍⚕️ (HKU Speech & Hearing Year 5) . #Vocabno #English #DSE #18DSE #2018DSE #19DSE #2019DSE #20DSE #2020DSE #Reading #Writing #Speaking #Wordoftheday #Vocabulary #Expression #Phrase #HKDSE #LiberalStudies #通識 #LS #Dsetips #Linguistics #語言學 #Morphology #JUPAS