認識 @factiv.hk 團隊要講到2018年,當時佢哋品牌開咗冇耐唔係好多人識,而我呢個廢噏page都得好少followers。
Factiv 一向都主動就住大家意見自我改進,由主動回收自己品牌容器、改善product design做到全面棄用發泡膠填充物,到而家嘅品牌重塑、產品配方調整⋯⋯ ...
認識 @factiv.hk 團隊要講到2018年,當時佢哋品牌開咗冇耐唔係好多人識,而我呢個廢噏page都得好少followers。
Factiv 一向都主動就住大家意見自我改進,由主動回收自己品牌容器、改善product design做到全面棄用發泡膠填充物,到而家嘅品牌重塑、產品配方調整⋯⋯ 經過咗三年嘅努力,而家上晒軌道真係好厲害!
早前佢哋嘅其中一個皇牌B-COMPLEX雙重修護乳液停產,背後其實默默準備緊推出新嘅PAN1紓敏修護乳液。成分主要係1% Panthenol同Acetyl Tetrapeptide-40,產品以保濕、退紅為主。
講返少少背景資料,我係典型混合性皮膚。不過人開始老喇出少咗好多面油,平時夜晚搽Good Molecules個支$95純素乳霜,朝早起身一啲面油都冇,多數係起咗身十幾個鐘到夜晚就會有少少泛油。
我用咗佢哋俾我試用嘅PAN1四日,早晚都係用佢嚟做最後潤膚步驟,其他自己用開嘅精華用量繼續不變。我冇用過B-COMPLEX比較唔到,但PAN1呢個質地極奇水薄,滴上手就好似滴精華水噉。我一開始唔知係呢個質地,擠出嚟有少少難控制,熟習咗就冇問題。PAN1好易推吸收又好快,係個種平時怕搽cream怕痴立立嘅人都會喜歡嘅質感,保濕感都好明顯。
用咗四日早晚即係八次,退紅方面未敢咁快落評價(面頰位係好咗)。不過有個問題係用咗佢我出油出多咗好多,特別係瞓醒覺額頭多油到反光。起身搽完佢如果唔化妝唔搽防曬唔set碎粉,過咗一兩個鐘就會開始明顯泛油,呢樣嘢已經好耐冇經歷過😭
我對PAN1嘅退紅效果仍然好期待,可惜佢做唔到我嘅面霜。嚟緊我會當佢係精華噉用,搽完佢再用返Good Molecules睇下會唔會好啲。
#香港人 #factiv #savonnez_skincare #改變才是定律