COVID-19 籠罩下的2020 ，你嘅生活有咩改變呢？ 我發覺自己改變左超多。 1）生活同工作融合左、界線變得模糊 其實從7月開始小Ya換了一份工作，由於公司不在香港，香港又沒有office，作為外派員工的小Ya每天都是WFH，但不要以為WFH很爽皮，我每日都OT😩因為每天都太多事情要處理，由朝早做到夜晚10點11點幾係好正常。除了要出外工作的日子，我都在家裡、廳果張食飯檯上開壇。對住部電腦💻一開就係一日。訓醒出廳做野、食飯我都係坐喺同一個位、收工我larn返入房😂一日加埋唔知有冇行咗100步。其實唔使出街係舒服嘅，但係生活同工作一撈得太埋又係好麻煩。再加埋我工作性質係無時無刻都會有人msg我，我個人成日唔知幾時應該休息🥺我懷疑因為咁我個腦唔識得停，而家夜晚成日發惡夢👽👽👽仲成日甩頭髮😫 2）生活變得好tech-dependent。 同樣因為工作關係，好多時候要用VooV meeting、Skype、Zoom視像會議。以前唔太識用呢啲軟件，依家變咗家常便飯。同埋因為遙距工作，我成日都要寫report同整powerpoint話俾同事聽「我將會做咩」同埋「我做咗啲咩」🤗我嘅excel同ppt skill簡直係升級咗另一個層次💪🏻💪🏻💪🏻。同埋，我嘅screen time hour係直線上升，每日對住電話電腦10幾個鐘🙈。我依家覺得買部好電話真係好重要（電腦都係），一部好嘅smart phone真係做乜都得——係接影響你生活素質😂仲有，而家連學嘢都係上網學。我逢星期二就係zoom上泰文，weekend skype上Spanish，連我考美睫師都有一部份課堂係網上學習單元，自己睇片學👀以前嘅網上學習，僅限於每日一篇嘅咋嘛，邊有呢支歌仔唱。所以話世界變得好快～可能若干年之後興趣班補習社甚至係實體學校，全部網上搞掂🤣搞活動全都變成online event、livestream、webinar、virtual tour。好期待未來嘅世界，網上睇醫生、網上拜年、網上買餸😂唔知咁係好定唔好呢？ 3）我瘦左、但係都唔健康咗。 我諗我自高中開始體重一直維持喺五十幾kg，依家一下子落到4字頭（都話我做嘢好辛苦，真心捱到瘦）不過其實我係有啲開心嘅，唔使特登節食/做運動減都可以瘦身😂同埋其實係因為成日係屋企食，中午我99%煮麵、夜晚食屋企飯，屋企人食得好清淡，咁就瘦左😀應該係。話時話我已經好耐冇做過運動😔我頂多係屋企跳justdance😫我以前D筋係超鬆，烏低身掂地下我係可以完全摺埋個人而不覺得痛💩一言不合就要做一字馬🤣依家烏低身，隻手先勉強掂到地下！真係好崩潰🤕依D生活習慣真係好鬼唔健康，希望遲D可以慢慢改善，pick up 番啲健康嘅Habit，做番健康Ya 😇 4）覺得自己冇咁鍾意玩、反而注重休息多啲。 小Ya從小都係一個好鍾意試新野嘅人，唔係蒲，而係去新嘅地方、試新嘅餐廳、去旅行、體驗唔同嘅活動。以前嘅我好鍾意每日都要個theme，將自己schedule 塞爆，做林林總總嘅事情，彩虹人生咁我就會覺得好開心😃老實講我而家都仲係好鍾意試新野，有好多地方想去✈️、好多嘢想學，但係會量力而為，安排多啲時間比自己休息。其實未必算係covid 帶嚟嘅影響，純粹係人大左，無青春年少時咁燥動+不安份🌋而且多咗時間係屋企，個人冇咁活躍，但係turn out 又OK喎，喺屋企煮下野食、玩吓電話、睇下片，其實都幾fun~學到好多有趣嘅知識🤪 我記得今年2-3月鬧口罩荒嘅時候，我同大家一樣都好panic，因為病毒無孔不入、冇人控制到，大家都唔知個世界會變成點。不過原來人類嘅適應力真係好強。就算個世界點變，幾個月之後我哋都可以照樣適應得咁好。冇得去旅行，就係香港自製一日遊。街都冇得出，就係switch上面起個島。餐廳冇得開門做生意，外賣工程係以光速發展。長期quarantine，我哋就線上學習。線下市場活動cancel哂，所有商家即刻轉攻線上推廣，學做e-commerce 學做live。特別是係香港人，其實我地嘅生活真係好intense，日日都有新聞，一次爆過一次，我諗我地心態上可以話係千錘百煉，人生觀已經完全進化左🤜🏼呢個世界應該冇乜嘢mentally可以再challenge到香港人🤣👍🏻☺️ 唔知道好多年後我睇返呢一段covid19 內心獨白，會有咩感覺呢。如果你今年過得不太好，我希望幫你打打氣💪🏻可能我地咬緊牙關捱埋過去，希望就係轉角。要相信！！！相信自己的適應力，相信自己、相信人。哪天我們站在未來，睇到自己一直以來嘅蛻變，所有困難都會變得好渺小，留下的都是寶貴的人生經驗😇 最後，希望世界和平，人人健康。🤟🏻🤟🏻🤟🏻🎢 #那些年我們一起走過的2020