Revlon 眼影/眉筆/睫毛膏 分享💕 . 上個月收到呢幾件Revlon嘅化妝品，算係試得清楚可以分享了。 . • Revlon ColorStay Looks Book Palette 8色迷你眼影盤 - 920 Enigma (華麗魅惑) & 940 Insider (霧色迷惑) 真係好迷你！好喜歡迷你化妝品❤今次呢兩盒眼影粉質唔錯，幾幼細又顯色，用眼影掃輕輕掂一下已經ok。大部分顏色特別係珠光色都好blend, 但920嗰盒嘅紫紅同深紫黑質地比較乾，940全matte就正常🤔無論珠光定啞光都好貼眼皮，但珠光會飛粉！如果唔小心攞太多要記得敲敲眼影掃彈走啲粉。呢兩盒嘅持久度好好，化咗十個鐘顏色都冇撈埋，但有少少積線問題，用eyeshadow primer就解決到。有個小缺點就係佢每一格都比較窄，有時想用大眼影掃做大範圍打底，攞粉嗰陣要攞得精準，如果唔係就會hi到隔離😂. ➤920 Enigma 呢盒係紫紅金色調，呢種配色真係冇得輸🤘🏻呢盒可濃可淡，眼妝嘅組合比較多，不過要注意左二嘅粉紅色有少少顯眼腫，可以疊加左四米啡色中和返。 眼妝步驟： ① 米啡色(2)將成個眼皮打底 ② 珠光淺啡搽喺眼皮前2/3段 ③ 紫紅色(3)+紫啡色(4)搽喺眼皮後1/3段 ④ blend開眼窩嘅米啡色，焦糖金色(5)搽喺下眼尾至中位置，用眼線掃點少少深紫黑色(6)做眼線。搽埋睫毛就好了。 ➤940 Insider 呢盒係全matte大地色系眼影，顏色偏warm tone亞洲膚色色調搽都唔會奇怪。比較特別嘅係有薰衣草紫色，今次嘗試下啦😂 眼妝步驟： ① 米啡色(2)將成個眼皮打底 ② 正啡色(4)搽晒成個雙眼皮再輕輕向上blend ③ 用細扁掃將深啡色(5)搽喺上眼線位中至後段 ④ 榛子啡(3)搽喺下眼尾，再加少少薰衣草紫喺下眼中。搽埋睫毛膏完！ . • Revlon ColorStay Brow Creator 持久三合一造型眉筆 - 605 Soft Brown (奶茶棕) & 640 Grey Brown (銀河灰棕) 有齊眉筆眉粉眉刷夠晒方便，眉筆係極幼頭可以畫到sharp嘅眉尾！無論眉筆定眉粉都好顯色同好持久，特別係眉粉，化足12個鐘有出油都冇甩過！要注意嘅人顯色嘅關係要輕手畫，我會配合埋斜角眉掃畫就會自然啲。我自己鐘意眉粉嗰邊多啲，因為眉筆嘅蠟質比較重，一唔小心大力咗就會有少少一撻撻嘅情況出現。眼妝條眉係用咗grey brown，眉尾用眉筆畫咗個尖尾🤘🏻 . • Revlon Volumazing™ Waterproof Mascara 防水增量濃密睫毛膏 其實眼妝相都係睫毛膏效果圖😂防水是真的，我油眼冇用kate偉哥打底唔覺有溶。掃頭係矽膠密齒頭，好處係可以令睫毛接觸多啲睫毛膏睇落就濃啲粗啲，又可以保持根根分明。至於捲翹度呢😂因為我做咗角蛋白睫毛所以係試唔到嘅唔好意思🙈😂 . 總結：以上幾件化妝品最鐘意就係紫紅tone嘅迷你眼影盤920 Enigma💕有興趣就去sasa摸咗先啦🥰 . 以上產品由 @revlonhk 提供試用 . #RevlonHK #LiveBoldly #ColorStay #BrowCreator #LooksBookPalette #WaterproofMascara . #eyeshadow_herine #brow_herine #mascara_herine #eyemakeup_herine #swatches_herine #popdaily #populzzangmag #presslogicgirls #好物分享 #好物推介 #用後感