了解更多收息工具~

【滙豐ELN】滙豐ELN息率達18厘　投資前要注意什麼風險？
http://bit.ly/3pX3KT5

［零利息供樓，鎖定廿年，冇花冇假］供樓辛苦？不如諗下丹麥。唔使畀利息！唔係一期喎，鎖20年零息喎！不過早買早享受遲買平幾舊，再玩落去可能個個月送兩罐三花午餐肉畀你！

三個問題畀你估：點解會咁？銀行點賺錢？丹麥樓價點？

原文：The land of cheap mortgages just went to zero （https://bityl.co/579v）

告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文，今年頭五日我已出咗十篇。

1. 開頭有啲悶，咁自問程度高嘅，可以跳去睇「三個問題可以跟進」

2. 講過N次，唔係刻意玩嘢或做李天命，但好多時拗一大輪根本大家都唔係講緊同一樣嘢，所以搞清楚咩係「負利率」。講少少悶嘢

3. 負利率有好多種，你計及通脹嘅，就「實質負利率」，反而多人明。咪利息都唔夠冚通脹，成日都見到啦。但如果唔計通脹，只係籮綿奴嘅「名義負利率」呢？咁都有好多種，已經講過利率有好多種，好多人講咩「香港銀行加息」，都唔知講乜息。

4. 最簡單，咪央行利率。你見咩美國聯儲局出嚟講加息減息嗰種。經過舊年3月兩次極速減息，劈咗1厘半，而家聯邦基金利率係0-0.25%。冇負數呀下。咁而銀行之間嘅拆息，自然再會高少少，因為你走數機會高過聯儲局。銀行收你嘅息，又再高少少咁咯，因為你走數機會又高過其他行家。咁同樣係散客，無入息證明（如批）當然高啲，有入息借P Loan就平啲啲，供樓就再平好多—因為你有抵抽嘛，你唔還錢銀行咪收你層樓（＊）。P Loan你唔還錢，點追？有啲人爛命一條破產算嘛。

5. 明啦嘛？咁丹麥，就真係試過負利率供樓！銀行有回贈，冇花冇假！

6. 而居然有人以為係唔使還錢，每個月銀行有錢畀你，會咁以為嘅，明顯係未供過樓。阿叔，你除咗還息，仲要還本。負利率供樓，你唔使還息仲有補貼送幾罐三花午餐肉畀你。但，仲要還本架嘛老細

7. 咁原本呢樣嘢，都冇乜特別。本專頁都好似寫過，人地2015年已經有呢回事！（https://bityl.co/577f）。

8. 咁今次有乜新花臣？因為，供過樓都知，十居其九都係浮息（你下下封頂嘅日子唔計），你今期負數未必下期都係。但而家丹麥供樓，定息按揭都做零息！仲可以鎖20年！

9. 即係，你借100萬買樓，分20年還，每年畀5萬蚊蚊咋。神唔神奇？

10. 咁三個問題可以跟進：第一，點解會咁。第二，銀行點賺錢？開善堂？第三，咁丹麥樓價點？

11. 先答第一個問題，亦因為答呢個問題我要之前打段悶嘅嘢。點解會咁？丹麥央行官方利率，老早已經係負數（BTW，丹麥唔係用歐元的，在歐盟都可以唔用歐元，正如唔在歐盟都可以用歐元！）。點解丹麥克郎央行利率負數？因為同歐元掛勾（聯系匯率呀，但同香港玩法唔同，有機會再講）（＊＊）。但丹麥央行利率負數per se唔會令到供樓負利率。正如聯儲局零息但美國人供樓唔係利息嘛？事實丹麥央行利率2012年己經係負數，但負按揭息呢啲嘢，2014/5先出現—因為央行再減息。負負下就負到銀行按揭息都負埋，而家仲零到可以定息鎖20年

12. 第二個問題就有趣啲。負利率在零售層面都實行到：留意香港早幾年見到銀行話最低結餘收錢，都唔係真係負利率，丹麥就真係存錢扣你錢。而掉轉，你要銀行畀負利率你，仲難。你在銀行嘅立場，傻的嗎？做乜蝕畀你？以前簽落嘅浮息，減減下減到負就冇計，但新做嘅點會仲畀負利率你？大不了唔做你生意之嘛。點會做蝕錢生意？

13. 梗係昆你落搭然後做cross selling，昆你買保險買基金買雷曼債買ELN 買 I kill you later. Good guess，至少你知道銀行梗有方法搵返你錢，不過唔啱。

14. 答案就係：丹麥嘅銀行按揭，根本唔係賺息差。即係點？實務上，佢地係左手交右手，中間舔一浸（拿，做銀行嘅精髓）（＊＊＊）。即係乜？即係，佢發債幾多成本，就用幾多塞返去啲客度。中間再收啲手續費。亦即係，丹麥銀行發嘅債，係零或負利率嘅。好出奇？咪話央行都負利率，咁丹麥銀行固然發債成本高過央行，但央行大負，佢小負咯。早排LV發債買嘢，都係負利率。

15. 第三，丹麥樓價？仲使講？零利息供樓你唔賣樓？丹麥樓價，當然都係勁升。而家供不應求添。當然升勢冇香港咁誇張（點比？），但哥本哈根樓價同好多歐洲城市相比，就升得好多了。

16. 最好屌多一句，啲人講咩「供求」，近乎係廢話。唔係冇用，但好多都係亂鳩咁用。因為啲人連咩叫Ceteris paribus都唔知，亦冇理Demand 同 quantity demand（係喎埃汾冇讀易乾都識，學校夠冇教洞房但我都識啦）。

17. 即係點？哦隻股票做乜升。「因為多人買咯」。戇鳩，單單都係一買一賣架啦。好聽啲，我地叫Buyers more aggrieves than sellers —但走去講乜柒「股票都係講供求」，就係套套邏輯（有本講condom嘅書用呢個名，我好鍾意）。我甚至聽到有人話「股票都係供求，越印得多咪越跌」—屌你啦，Tesla印過N次股票，人地做埋首富啦。或者有人話「越多公司上市供應越多股票咪唔值錢」，又係屌你啦，當年幾十間公司，而家千鳩幾間，恒指跌返去100點未？

18. 你用到樓市，雖然冇咁兒嬉，但差不多。咩「需求」？你10厘息減到零息自然大把需求，你減到負20厘息我買間樓嚟放模型都仲得。正如「剛性需求」一樣，以前結婚要買樓，慢慢地你啲文化因素咪會變。唔係話「供求」冇用，但真係唔係「供應300間 需求100間 所以會跌」咁咯。你睇下丹麥啲需求邊撚度爆出嚟？好多人移民過去？夠平息自然有需求。但而家樓價升咗咪自然壓返低需求。

（文中有啲位將零利率同負數撈埋一齊，但唔改了，反正原理一樣）

（＊）亦都解釋埋，點解你借tax loan，直接幫你交去稅局嘅，就平息啲—因為你唔會拎走舊錢去炒股票，就算會，到你想唔還，稅局自然會玩到你謝。但而家好似唔興呢啲，咁嗰啲交三皮嘢稅借十皮tax loan嘅，就擺明想做股神啦，當然會平啲。除此以外，你見咩公務員醫生教師借錢都平啲—呢啲，就叫專業 人士。我係咁定義啲。啲濕鳩財演CFA KOL Patreon作者當然唔專業，你行入銀行借錢咪知。你睇下你啲才華值幾錢一斤，值唔值錢過一個公務員廢柴文員證。

（＊＊）OK，快講兩句。丹麥唔係緊盯歐元，而係通過ERM 歐洲匯率機制。個名有啲熟？冇錯，英國30年前加入ERM，易腥蘇厘係盯住馬克（90年那來歐元呢老細？），歐洲最大經濟體系。但90年發生咩事？除咗西德捧世界盃（噢耶），就係兩德統一。之後德國通脹勁升，但經濟又熱，大手加息。英國呢？就赤字，想行低息。「炒家」睇準英國冇實力死跟，大手狂沽英鎊，英國加息但無助止住英鎊跌勢，最後英鎊退出ERM，英鎊半年跌咗30%（所以好難唔恥笑嗰啲講港紙由7.75跌到7.85會令經濟崩潰嘅人），輸咗納稅人33億英鎊（90年喎 ）．邊位炒定？正係索羅斯。

此事餘波甚勁，除咗令索羅斯家傳戶曉，成為 the man who broke the Bank of England（一己之力可以單挑大國央行喎），亦都令到執政保守黨馬卓安（讀得書少，冇計）1997年大選慘敗（5年選一次，索羅斯事件時剛好保守黨上台），輸畀工黨嘅貝理雅。然後保守黨一等就13年，2010年先再選到。亦令疑歐變成主流，種下埋脫歐嘅伏線（不過留意返，英國當年冇用歐元，係冇公投的）

寫寫下變咗另一篇文咁滯，簡短嘅睇返medium舊文（https://lkdin.io/3FcZ）。有興趣就嘅訂Patreon，遲下必然再寫呢個故事，太過癮。你話ERM廢？係英國廢啫。唔見丹麥爆煲？

（＊＊＊）應該講過幾廿次，但好多人以為銀行要自己睇好乜乜，睇淡乜乜。根本錯撚晒。我咁大間銀行，犯不著好似你啲網友咁估嚟估去。你要三千萬南非蘭特，我咪同你搵返嚟，然後Mark 高報價畀你，你做埋做唔做咪算。根本唔使任何風險。我要個牌就係做呢啲嘢，唔係同你啲老散一樣個個當自己南非專家。當然銀行亦有坐盤炒外匯，埃汾第一份工就做呢啲，但另一回事，而且監控嚴好多，況且而家越嚟越唔鼓勵—所以先有咁多雷曼債賣。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，4個月已1000人訂！（https://bityl.co/4Y0h）。月頭訂至抵，年費仲有85折，仲係睇13個月添。

其實曾幾何時我也上過電視分享過債券投資🙈

//債券投資 (1)

高門檻投資與散戶風險

從投資角度看, 一個人的收入係應該多元化的, 即除左打工份糧, 一般人黎講不外乎買收租、買股債收息等。打工係付出勞力, 而一個人係一生人裡面可以付勞力的時間是有限的, 所以為了保障自己退休後的生活能夠維持一定的水平, 人應該好好利用自己打工賺回來的資金進行資本運作, 換句話說即係錢搵錢, 從而產生被動收入。資本運作即運用你本身或融資得來的資本進行投資行為, 投資是有門檻的, 不同的投資都有不同的投資要求, 即我所講既門檻。投資理論告訴我們, 回報越高, 風險越高。然而從事實黎睇, 這個理論又唔係一定always apply, 應該咁講, 係相同或近似門檻既投資選擇黎講, 這種比較是正確的。 門檻越高的投資, risk-adjusted return越高既投資選擇亦越多。原因係高門檻的投資需要的除了是資金, 一般還需具備一定的知識, 散戶越少的投資領域, 資產回報越趨理性, 預期得到的回報(expected return)就越準確、越有把握, 因為散戶投資是羊群心理的, 同時亦收好多因素所影響, 所以在散戶多既市場上, 大戶要賺錢就越唔容易, 這種不確定性也就是風險, 除去這一”散戶風險”, risk-adjusted return就變得吸引了, 這解釋了為何高門檻投資在同一風險的情況下有較高的回報。

債券投資 (1)

我一開始都好奇怪, 行入銀行分行有各式各樣的投資產品, 客戶經理一般介紹既ELN、什麼投資相連保險、乜乜基金等等，風險高回報低，但就偏偏很有市場。當你想問有無得買債券時，投資經理就會sell債券基金，講一大倫先知道原來銀行無得買債券。好多人一聽到債券就怕怕, 唔知係咪比雷曼債券嚇親, 所以市面上好少聽到有朋友投資債券, 其實原因好簡單, 債券入場費高, 唔係一般散戶的投資能力範圍內，而且債券唔同一般投資產品，投資者必須要對債券有基本認識才會知道自己的回報同風險。加上賣債券銀行無咩肉食，純粹賺你買賣commission, 買入後持有至到期銀行連賣出commission都賺你唔到，所以銀行一般都會sell你手續費高昂既基金產品，羊毛出自羊身上，一般銀行產品回報低是有原因的。

債券投資是高門檻投資的一種, 入場費一般為10-20萬美元, 其中以20萬美元的選擇為大多數。其實要解釋債券最基本的概念，用借錢的比喻係最容易使人明白。我用最簡單既方法講講，債券發行人即是借款人(Borrower)，債券認購人即是貸款人(Lender)，你作為投資者買左債券發行人出既債券等同你借錢比呢間公司。借錢比人當然係有年期，即係公司借幾耐先還錢，呢個就係債券到期日(Maturity Day), 假設今日發行既係3年債券，債券到期日就係2015年7月27日 , 到期時債券發行人會將”本金”全數償還比你，所以風險就係發行人違約(Default Risk)，即係例如佢執左破左產，還唔到錢比你。一般既債券係每半年派一次息，每一隻債券都有一個票面息率(Coupon Rate), 發行人會按票面息率派發利息比債券持有人。

上述係假設左你係債券首次發行(IPO)時買入債券，你買入的價格就是100 (Par Value)，但債券是有二手市場的，隨著市場變化，如市場利率、公司經營情況等因素，債券價格是可升可跌的。假設你係二手市場買入債券，而你的買入價格是97, 到期時發行人仍然會償還100給你, 中間你每半年仍然會收到發行人按100 (Par Value) 以票面息率(Coupon Rate)計算比你既利息。假設票面息率是6%,買入價格是97, 到期收番100, 即係你到期時多賺了3%, 債券期3年, 平均每年多收1%, 所以你的實際既收益率應該為6%+1% = 7% (實際計算方法會較複雜), 比票面息率(Coupon Rate)的6%高，而這個實際既收益率我們叫做孳息率(Yield-to-maturity / YTM)。所以買債券時我地除左留意票面息率(Coupon Rate)外，更重要的是孳息率(Yield-to-maturity / YTM)。//

http://starnman84.blogspot.com/2015/07/1.html?m=1
#舊文重溫系列 #債券投資 #母語行文版

很多人認為，「投機」就是「賭博」，因此不去作任何的投機。但其實投機和賭博大不同！因為賭博畢竟是「莊家話事」，但投機只要方法正確，選對工具，一樣是能夠成功賺錢的。雖然我們不是鼓勵大家積極投機，但今天我會嘗試介紹我的「投機四步曲」，等大家能夠明白甚麼才是真正的投機。如喜歡今集教學請記得按個Like支持一下，也可以分享給你的朋友～看完影片後，大家可以在下面留comment，和我們交流一下對投機的看法 :)

本片內容：投機四步曲

先至聲明，我是絕不賭博的，但很多朋友會認為投機就等同賭博，今天就跟大家說明一下我的投機哲學吧！投機其實只是一個名稱，根據劍橋字典中的定義，投機就是「在不確定的情況下嘗試猜度結果，最後以賭一把的心態去看結果」，這便是投機。

投機第一步曲「短線投機 」：
在圖表上的止賺位一定要高過止蝕位，所以損益比率 (profit and loss ratio) 須多過2:1，甚至3:1以上，並必須紀律執行！最好在圖表當中記下最高位及最低位，比率一定要夠闊，才可以去做這個交易。在短線方面你要知，短線不能作長線，這是甚麼意思？一般是當你在蝕錢時認為股價或許會反彈而不繼等待時機沽出，這個概念絕對是錯的！短線就是短線，所以對短線的態度大家必須想清楚。

投機第二步曲「圖表分析 」：
此部曲在於策略上的運用，立場要非常明確，亦必須點到即止，嚴守止蝕，做足功課。很多人認為止蝕要轉位，一旦大陰燭跌穿止蝕線，就假設自己已找到一條新支持線，但這樣你就錯了；你在購入時所有線應該已畫好，亦應該知道所有轉勢。但最主要的是，任何圖表分析都是在假設歷史是會重複，而且現有的資料或基本分析是沒有轉變的。當基本分析或經濟數據，跟你買入的時候有轉變，你務必要改變或調整你的策略，甚至要止蝕離場。

投機第三步曲「槓桿理論 」：
槓桿最主要是，所有東西都是以倍數進行。若果選對工具，這個倍數是沒有問題的，但你必須計算你能承受的最大風險，另作出最壞打算。如果你能作出最壞打算及能嚴守止蝕，你便能參與這個遊戲。如果你不能嚴守紀律，那麼這個遊戲就絕不適合你。其次，在槓桿的情況下的短線投機是絕對不可以混貸，不能越跌越混得多貨，而是要狠狠地止蝕。

投機第四步曲「絕對回報 」：
在絕對回報當中，不管市況怎麼變動，政府有什麼政策上的改變，你都能夠在量化分析或基本分析中做一個跟市場相關系數極低的表現，去評估風險。而風險主要分為兩類，一種是系統性風險，而另一種是非系統性風險。無論你如何組合也好，你也不能夠分開政府、政策導致的風險，但在絕對回報的組合當中就有機會做到，今天可以嘗試一下。

但有兩件事情大家必須遵守，第一是在注碼方面要夠細，這樣能夠量度風險，虧損也有預算。第二是「工具」，如果短線投機牽涉到槓桿，你最好選擇期貨或期權也可以。但一些莊家或發行商分完再分的貨幣或資產，例如ELN、牛證、熊證、窩輪、細價股，因為背後受到「人性」操控機會比較大，賺蝕沒有原因，就永遠不能優化自己的組合。如果你不能優化自己的組合，你就不能夠做到絕對回報。如果你做不到絕對回報的組合，你投機的原因就少了很多。所以沒有以上兩項執行，最初才的四部曲也不能進行。

希望今集過後，大家對投機的角度及策略有所啟示 :)

撰文﹕施宏毅

════════════════════

?財務自由不是夢！把握機會免費體驗?

施傅【10年財務自由】1小時簡介+工作坊
立即試看：https://www.gregorysy.com/

════════════════════

❓有效 極速 儲存千萬❓

【零至千萬加速器】1小時簡介+工作坊
免費試看：https://edu.money-tab.com/pages/accelerator

════════════════════

茶敘50 《ALL or NOTHING》
立即購票：https://edu.money-tab.com/pages/teatalk-50-online

所有課程/活動一覽: https://money-tab.info/activity

施傅新書「量化交易」手冊
網上即買： https://www.money-tab.info/2020-book-purchase


✓ APP下載: http://onelink.to/mtapp
✓ 升級版: https://money-tab.com/membership

❖訂閱【富翁電視MTTV】頻道:
https://bit.ly/35dJW4Y
❖訂閱【我要做富翁】頻道:
https://bit.ly/35LOy2J
❖讚好Facebook專頁:
https://facebook.com/203349819681082
❖追蹤Instagram專頁:
https://www.instagram.com/money_tab/