看過那些類似 007 的特務電影，一部 Aston Martin 內都會有一個 eject seat 的按鈕。

即係一㩒個掣，車頂便會打開，然後座位飛上天，讓主角及時逃離。

雖然我嗰架唔係 Aston Martin，但我今日覺得好需要有呢個 eject seat 嘅功能。

食完晏，問其中一位女士，「不如車埋你？」我們在尖沙咀午飯，而我知道她的公司在港島。

唔好誤會，對佢冇意思，人哋結咗婚，戒指起碼三卡。不過只要係靚女，都會想傾多一陣。

跟她認識了好幾年，唔算熟，見面少過三次。

一起站在酒店門口等泊車哥哥開我的車回來，她看著我說：「你好似黑咗好多喎。」

「呢排跑得多，男人梗係要黑啲先夠 man。」

車來到。

上車。

今次仆街了。

車內播放著的，是 Twins，即是跟我下車前選擇播放的一樣。

潛意識立刻 mute 咗首歌，但車內螢幕仍然看得見是 Twins 的「死性不改」，仲要睇到係揀咗 Twins 嘅 album 重覆播放。

正當我諗緊係咪應該老屈頭先嗰位泊車哥哥喺我架車播 Twins 嗰陣，身邊那位靚太已經忍不住笑。

「聽 Twins 係咪會 man 啲？」

係，eject seat 唔該。

#人天生根本都不可以愛死身邊的一個

望着電腦屏幕右下角的時間，已快到下午五時。

Eric 心裏有點緊張，桃木色的枱面已經收拾得乾乾淨淨。

今天將要跟老闆做年終 appraisal。

他想他在過去一年做得不錯，而且每天也盡心盡力工作，常常留在公司至晚上九點十點多。盤算過後，他認為今年應該是升職的時間。

準時開始，老闆跟他說：「Eric，you had a good year...... 好多 deal 你都有幫手......」

Eric 心想，晚晚做到咁夜，做埋你啲嘢，點止 good 呀，老細。

「我知道你一直想升職......」比想像中更快進入正題，Eric 面帶微笑，但已緊張得握着拳頭。

老闆續說：「今次 promotion committee 傾起你嗰陣，都對你印象唔錯，all saying Eric is a nice guy，不過可惜又講唔出咩大case......」

Eric 聽到心知不妙，並正想解釋他幫忙了那幾單大deal。

老闆並沒有給他這個機會，便繼續說下去：「好似年頭嗰單 block trade 咁，雖然做得好，但主要係 Richard 負責 lead，所以Management覺得你要做多啲呢一類大 deal 先比較容易 make your case。」

WTF？

説的那次是一單五千萬美元的 block trade，他們為一位上市公司主席客戶於場外交易出貨套現。

Eric 和 Richard 屬於同一 team，但由於 Richard 是一名ABC，普通話也不好，所以一見這次客戶是國內高層，自然樂得由 Eric 自己處理。

除了要與買賣雙方方詳細解釋保密協議的內容外，Eric 還要向自己 office 交上無數報告，從而通過風險部及 compliance 的審批，亦要得到 IBD sector coverage 的支持。

他要天天 con call 那位打算出貨的公司主席及其CFO，去分析及預計市場反應，也要預計股票的 discount 要到什麼 level 才吸引。當然還要跟買家(兩家對沖基金)作 selling，期望為客戶爭取一個less steep 的discount，盡量減低對股價的影響。

最後於兩星期內，並在市場氣氛最好的時候，Eric成功完成了這個deal。

大功告成，要慶祝的時候，Richard 竟發了一個電郵 cc 給全個 APAC management team 去報喜，說單單這個 deal 便幫公司賺了差不多七十萬美元的revenue。

Richard 也避重就輕地沒有寫是自己做的，但整段的email看起上來就好像他有份 lead 一樣。係，即係好明顯佢已經係 hijack 咗個 deal。

當天，Eric 有點不高興，但也不以為然，認為老闆都應該知道誰付出得最多。

今天，解釋看來已無用，他說：「可唔可以幫我再 fight 吓？」

講到出面，原來係咁難聽。

老闆似乎已經要 close the case，說道：「Eric，the ship has sailed...... 嚟緊一年我哋會俾多啲機會你做 project，俾管理層留意你多啲......」

老闆的聲音已經變得模糊，而 Eric 感覺到的不知道究竟是怒火還是羞辱。付出了那麼多，換來的最後只是一句 the ship has sailed。

我們都不能避免每天有像 Richard 這樣的人嘗試 hijack 你的功勞，但卻可以努力避免像 Eric 那樣 eject 了自己的付出。

當你有畀人 hijack 你個 deal 嘅經驗，你會明白受害者的感受，無論佢講幾粗嘅粗口，你都會原諒佢。

「仆你個臭街。」嘩，比我想像中斯文好多。

坐在遠離他公司位置的 Lobster Bar，Eric 對我訴苦說：「師兄，係唔係因為我唔識擦鞋？但係我真係好憎人擦鞋吹水。」

佢所謂嘅師兄，我，就係一個最鍾意擦鞋吹水嘅人，而聽 Eric 講完話佢最憎呢種人，我連少少慚愧都冇。擦鞋吹水並不是罪過，而是一種技能。

吹水吹得唔討厭，擦鞋擦得唔出面，邀功邀得唔著跡，你估咁易？係，識人好過識字，但識人唔係淨係講個 quantity，都要講 quality。我意思係，要圖的不只是 the quantity of connections，更是 the quality of connections。

要扶搖直上，it is not just about how many people you know，but it is also about how much people know about you。

表現自己，宣傳自己，包裝自己，都是工作的一部份。著住對八千幾蚊嘅皮鞋絕對是一張花紙而已，但呢張花紙唔係要話畀人聽你好掂，而係要畀人知道 you know exactly what you need to nail it。

【 巴打用電視遙控講解暫緩、擱置、撤回三者分別 】
林鄭不撤，6.16繼續上街反送中：http://bit.ly/2Rnu74U

周三（12/6）金鐘爆發嚴重警民衝突，警方暴力清場，示威者頭破血流，有前綫警員高呼「記你老母」與「自由閪」之後，民怨沸騰至高點，行政長官林鄭月娥龜縮多天，終於在今天（15／6）下午召開記者會，宣布暫緩「《逃犯條例》修訂」，多次迴避記者會否辭職，但贊成警方對6.12警民衝突為「暴亂」的定性，民陣繼續「6.16大遊行」，但不會在周一舉行「三罷」。

嗱嗱嗱，政府高官的「語言偽術」，香港人已經聽得太多，林鄭只說是暫緩，那麼跟擱置和撤回有何分別呢？網上有巴打索性製作圖片，用SONY的PLAYSTATION遙控三個掣去解釋（詳見 Eprice.HK 香港手機評測 格價 資訊站 報道：http://bit.ly/31JHpgS），看過報道後我發現，原來家中也有SONY DVD機的遙控，於是乎再影相然後製圖，向各位解釋三者分別。

撤回 ＝ Eject，即光碟盤彈出來，讓用戶取回光碟，言即完全停止原有播放，想再看？就要重頭將光碟入機，重頭來過。

擱置 ＝ Stop，跟Eject相似，分別只是沒有取出光碟這個動作，用戶想再看？撳一個掣就可以，惟同樣要重頭來過。

暫緩 ＝ Pause，是暫停的意思，這是最常用的按鈕，無需取出光碟，無需重頭來過，期間可以去洗手間，可以去沖個涼，可以落街食飯，可以瞓一陣，再撳掣，可以隨時在同一位置看下去，不用重頭再來。

如果將光碟，變成「《逃犯條例》修訂」，這樣你會明白為何我們高呼不撤不散吧？

【 延伸閱讀 】
（1）提提大家，2003年是「撤回」，而不是「暫緩」……／林兆彬：http://bit.ly/2Xema7o
（2）清拆囍帖街、佔領運動…　香港人見識過林鄭的「暫緩」慣技／陳劍青：http://bit.ly/2XOz1tQ

（15062019）

＃游大東 ＃游大東影視筆記 ＃記你老母 ＃自由閪 ＃林鄭月娥 ＃逃犯條例 ＃反送中 Sony Hong Kong 快樂的 葉一知 做乜膠睇電視 Cap盾 ＃巴打 ＃playstation ＃遙控