https://bit.ly/2Pkyror

康宏AGM大龍鳳：正義超人謝偉俊慘被冼國林師父驅逐離場／著名藍屍KOL竟為台灣幫打擊深圳幫？

你永遠估唔倒康宏風暴有幾Juicy。有關康宏理財股權爭奪戰單嘢，由於我之前已寫過好幾篇分析，所以呢度就唔再覆述。但今次又要再提番單嘢嘅原因，係由於掌控住管理層嘅「台灣幫」一拖再拖後，終於響3月18日舉行股東大會(AGM)。

其實先前EGM已出現過暴力衝突火藥味甚濃；咁今次AGM其中代表小股東嘅正義超人謝偉俊，就打算前往出席交涉。點知一去到會場，就比一堆來意不善嘅「保安」訓斥驅趕落樓，當中包括戴黑色口罩嘅「冼師父」冼國林。即係如果大家有睇新聞直播，就知場面有幾混亂：「台灣幫」一批「保安」唔單止兇神惡煞咁趕走任何響佢地眼中「不受歡迎人士」，而且仲要當差佬表明身份上門執法之時

「我而家警察呀！我而家執法呀！」

「差佬又點樣呀？我普通市民呀！」

果種勇武法，唔係冼師父在場，爭啲令我搞錯以為係前線手足！

冼國林師父本身就係一個傳奇人物。除咗身兼香港詠春同洪拳主席，又曾經係上市公司高層。又先後進修過銀行同律師專業課程，能文能武──不過要講到近年最出名嘅，自然係其中一個最受歡迎嘅撐警藍屍KOL，唔單止持續發表撐警鎮暴言論，甚至以Fake News抹黑香港司法及港台以向國家表忠。今次佢同謝偉俊衝突，可以話係名符其實嘅「愛國陣營內鬨」。

但奇怪嘅地方亦正係響呢度。今次冼師父協助護航嘅「台灣幫」，背後同富邦蔡氏家族有千絲萬縷關係；既然講到自己咁愛國愛港，點解會企響台灣幫果邊倒轉槍頭打番康宏另一重要股東「深圳幫」，咁仲點配稱為「愛國者」？

冼師父自稱並非康宏股東，但在場竟然以惡劣態度驅趕其他股東代表，其實佢憑咩唔比人入去？甚至差佬上黎執法都被你班人兇番轉頭，咁仲點叫「支持警方嚴正執法」？冼師父「見義勇為」協助當日維持失序，又仆心仆命為咗確保股東大會不被異議者干擾，咁我只能夠以「兼職睇場」一職作為解釋。

好笑嘅係，冼師父接受傳姀訪問時又要響批評馬時亨時加多句：「顛倒是非，令人懷疑係咪現時香港可以靠打人去達到目的。」，喂，而家兇人果邊好似係你台灣幫嘅人bor……

我非康宏股東，又非愛國藍屍，對於建制內鬨當然係抱食花生角度欣賞，只係冼師父今次勇猛表現卻令有兩個感想：一係金錢面前，民族大義都要擺兩邊；二係重賞之下，藍屍同樣可出仇警勇夫。

火花不等愛人，除牌會否刀下留人？停牌逾兩年半的康宏（1019），幾個月前已進入除牌程序，眼見死線在即，股東為免投資化為烏有，唯有出招「救殻」，當中佳兆業（1638）太子爺郭曉群為首的一派，就打算委任幾名猛人入董事局，包括港鐵 （066） 前主席兼財庫局前局長馬時亨、立法會議員石禮謙，沽注一擲，進行一項不可能的任務。

籠統地說，康宏爭奪戰分為兩大陣營：佳兆業郭氏、台灣富邦蔡家，後者正控制董事局。不過佳兆業一派，似乎有所動作，據報正尋求召開特別股東會（EGM），擬委任郭曉群、馬時亨、石禮謙、佳兆業前副主席譚禮寧、前首席財務官黃志強、華安資產香港前固定收益基金經理鄭樹源，組成康宏新董事會。

要判斷佳兆業今次會否成功，就要深入了解康宏股權架構。首先是佳兆業的郭曉群持股46.68億股或29.91%權益，另又有佳兆業前員工陳佩雄持股7.26%權益，而富邦一方就持股約29.98%權益，另外有一些與謎網有關係的「小股東」佔約8億股。單計股權，正當大家以為郭曉群派正佔上風，豈料就有一些技術問題，而導引「大股東」郭曉群落於下風。

原來郭曉群的46.68億股當中，有部分股份因被指涉及「非法轉讓股權」而遭剔除，而根據2017年12月29日的公告指出，當中涉及股份29.68億股，換句話說，扣除疑有問題股份後，郭曉群的話語權就不及富邦。心水清的讀者，相信會同意今次找猛人入局的勝算不高。

不過，救殻這回事，除了講求符合上市規則，信心同樣重要，今次郭曉群找到馬時亨和石禮謙兩位在政界有份量的人物幫助，試圖押上名譽撐康宏，動用軟實力說服監管機構，為他們網開一面，且看「上市規則第6.01A」的「可將已連續停牌18個月的證券除牌」能否彈性處理，讓股東們以時間換取空間。

同一時間，相信佳兆業也清楚，礙於部分股份被剔除而在未有第一話語權之下，一下子罷免以富邦為首全數董事，絕對會無功而還，不是上策，故佳兆業要跟富邦談談，今次擬委任董事名單之中，有沒有商榷空間，方可令雙方股東槍口一致，以復牌為首要任務。

馬時亨和石禮謙畢竟是無寶不落的建制人士，相信在答允佳兆業之前大概有收風或摸底，判斷得到康宏是一間值得有實質業務，有條件浴火重生的公司，而市場也樂於見到高質素董事入局，不是隨便找幾個連股票也不曉的政棍做做樣，故今次佳兆業的動作，算是一項同時提振監管機構和股東信心的操作。

石禮謙馬時亨押上名譽撐康宏
https://bit.ly/3jcsQe7

［拜四角股東會］「大會門口設zoom直播供股東觀看，記者所見，會場設4張座椅，散落在會議室各處，人數一直保持在4個之內」

1. 蘋果呢個報導實在太正了。知唔知香港股東會最重要係乜？就係餅卡！記住睇原文（https://bit.ly/2WSj8VR）。佳句甚多，未能全錄，摘要如下：

2. 「開會前10分鐘，已逾5個股東到達。惟辦公室門口張貼告示，指「只可予不多於兩位股東入座」，負責職員表示由於人數已滿，稱「要入面啲人出嚟先入得，想入去要等好耐。」大部份股東接收公司贈送的餅卡便離去，有股東離開前稱欲使用洗手間都被拒絕。」

3. 「之後更有股東報警，4名警員到達現場，有股東稱：「呢度超過4個人，有人非法集結！」不過，在場警員向職員表示：「基本上你地公司開會、私人開會係唔受呢個限制，你哋超過4個人又好，超過5個人又好，我哋係唔會干涉你哋公司開會。」擾攘一輪後，警方停留約20分鐘便離去。」

4. 「部份股東表示不滿，大呼：「噚晚7點幾出通告話照開，嚟到又唔畀入，開埋啲閉門會議！」其中一位女股東更指：「當我哋啲股東係乜！個會應該取消，垃圾公司！」」

5. 真係恃老賣老都要講句，未去過股東會嘅，都唔好話自己出嚟行。係股東會呀下，唔係業績會。（當然未去過天香樓都唔好話自己出嚟行，我就上星期去咗，遲下報告）。

6. 想講嘅係，搶餅卡都已經係比較近年嘅事。早十年呢，係有嘢食嘅。最最最初有啲有自助餐。而甚麼有翠亨邨食嗰啲就好似大家都知，可惜係極個別例子。但的確最初，本人入行年代，股東會點都有啲嘢食，同你去啲業績會差唔多。坐定定食就冇架啦，但整啲點心呀，幾件西餅呀，都總會有嘅。

7. 然後點？就梗係玩到爛啦。呢啲真係香港精神嚟的。由股東會搶嘢食，到台灣投資移民，玩撚到爛最後搞到人地出手人人攬炒，呢啲咪香港精神，咁多年如是，咁多個特首之下都冇變。

8. 唔止係齊齊玩到爛走精面。最仆街係仲要話埋畀朋友知，朋友又叫埋一大堆人嚟，好似傳肺炎咁，個R0極之大，幾何級數咁上。

9. 最仆街都仲唔係一傳十十傳百。而係仲要打卡放上網，方死人唔知咁。台灣移民咁，易都算，仲要唱通街講自己是嘜S，拎到護照嗰一日就同一架的士去摺埋間公司，仲要同司機講，仲要打卡上網講，其實講少陣係咪會死？

10. 粗俗啲嘅比喻，條女人盡可夫任你上，你好爽就算了。第二朝楝起腳了住牙食早餐同啲同事趙完唱都算了。你老味仲要打卡放埋上網上科林寫報告，周圍話人聽條女蘇依時，大家咪走寶。咁你估人地咩感受？

11. 所以台灣落閘，股東會改例，全部係同一回事，有機會再講。就係多得啲碎股黨，好撚心啦，一手股票已經夠平，仲要買一股，走去呃飲呃食。呃完都算，仲要周圍教人，仲要上一仔上蘋果做訪問，咁你咪知有乜後果咯。

12. 不過又話時話，聽聞好多股東個心態呢，就係公司昆九佢錢，買股票輸晒，唯有在呢啲位拎返自己應得嘅，嘻。呢個邏輯有啲似啲員工覺得自己underpaid，就去偷公司文具（https://bit.ly/3dBUZZr），不過去股東會食嘢係合法權利，又唔同。就真係食相唔好咁難睇

13. BTW，點解會有碎股黨呀，一手財險拆做幾百個地址呀，然後食好多次股東會呀之類，全撚部都同香港仲有「一手」有關，啲咩要股本重組斬個share premium 派息之類嘅老味嘢，都係同一源頭。亦因為冇做無紙化。仲有咩T+2等等嘅老味問題，抽新股拎住你舊錢成個星期任佢玩，股票有par value呢啲古老嘢，全部都係呢啲問題。抵畀大陸笑。大陸就係有late mover advantage，根本冇乜人睇過LD

14. 講返，當年啲股東會搶食，真係好睇過戲，可惜當年未有Facebook Live之類。啲友爭先恐後鬆踭就預咗，有老人家畀人推落地你都預咗，但最正係，啲人唔止搶嘢食，仲要係掃啲嘢落喼食！真係以為香港饑荒呀下。而十居其十都係講廣東話嘅。唔止，何止嘢食要掃，我見啲糖呀奶呀茶包呀，都有人掃落喼。甚至刀叉都有人掃！靚嘢喎！但掃刀叉就會畀公關姐姐阻止了。

15. 如此盛況，我當年甚至叫埋鬼仔同事同我去一齊睇，十分專心咁唱衰香港。嘻嘻。當然因為佢係美國人，咁我就變咗係民主教父孖田了。

16. 聽聞呢，日本股東會，係會送實物嘅，大陸有啲都有，甚至玩實物派息，拎兩碌火腿返屋企。即係你買岡本就送個岡本畀你咁（女伴自備），你買Donki就送隻公仔畀你？但好似日本股東會門檻高好多，就唔係阿豬阿狗都有得去了。冇去過日本股東會，但pretty sure唔會有香港咁嘅情況。所以任何人問點解日本乜乜乜點解香港唔得，答案好簡單，咪照下鏡。即係你問點解人識得沖廁隻狒狒唔識咁—可能教下就識呢，等下。

17. 噢，講番今次呢單。證監又係弱撚智（係喎，請埋一大堆律師又點？屁股控制腦袋啦）。我就唔明做乜AGM豁免EGM唔豁。最Q好笑係人地上自己公司開，咁關你撚事？法律我唔敢講啦，但我理解差佬話齋，你公司私人集會，點管？（雖然股東會又好似有少少灰色地帶？）

18. 不過唔緊要，大仲馬話齋，人類嘅一切智慧，就在四個字：等待和希望。而股東會嘅智慧，就梗係「大部份股東接收公司贈送的餅卡便離去」

19. 最最最後講，其實好心就投票都電子化啦。有幾難？外國啲proxy都已經用app搞掂。舊文寫過（你睇我寫過幾多嘢！），同意Elon Musk嘅人工plan，swipe right．反對要搞串party嘅，向左掃（https://bit.ly/2QV3l4M）。

20. 真係整到Tinder咁介面架。到時李國寶　李民X嗰堆，個個任你掃，都咪話唔爽。股票輸咁多錢，梗係要發泄下……wait…….

21. BTW，有股票未去過股東會，又想去感受下氣氛嘅。David Webb有教你點玩（http://bit.ly/2JkeBlp）。其實唔難，只要唔係實物貨，或者唔係放在中央，十居其九你啲股票都係在某券商，可能耀才可能恒生可能高盛，你係有絶對權利叫佢幫你安排的。當然安排嗰個心中會問侯你，但，唔使做咩。佢唔肯嘅，檢舉佢。阿Webb話的。不過等疫情過去先啦。