#sand_makeuptools ✨Makeup Sponges Review✨ 好耐之前review過韓國嘅Varpsy sponge，之後陸陸續續試左唔同嘅makeup sponges，想寫返篇updated嘅用後感。 · 我自己偏好比較軟熟、可以將粉底上得好貼薄嘅美妝蛋，唔係太介意佢地吸走粉底，以下幾款sponges嘅評價都係以beautyblender嘅使用感受為評分嘅基準，因為我自己始終都係最鍾意bb😝 質感軟得嚟唔會完全冇彈性，最後呈現嘅妝感係比較貼薄、水潤。 · · ✨Varpsys Sponge✨ 之前已經詳細review過，可以去 #sand_makeuptools 睇返嗰個post😉 不過都有少少update返，嗰陣唔係用過好多種sponge，覺得呢粒係bb對落最好用嘅美妝蛋，但宜家佢嘅地位有啲下降lu～ 不過我覺得佢依然係性價比最高嘅一款，單價真心平，而且都係好好用，仲有好多唔同形狀方便唔同人嘅喜好同需要，買開gmarket嘅話可以買嚟試下啊！ · · ✨Sigma 3DHD Blender✨ Sigma呢一款最大嘅賣點係三尖八角，有好多個唔同嘅切面方便喺面部不同部位上妝。佢嘅密度偏高，初初用嘅時候真係覺得好硬，好處係吸粉唔會吸得咁多，所以用佢上妝coverage會相對bb或者其他sponge更高。不過我覺得佢嘅使用感受唔係特別好，要洗返一排先會軟返少少，而且因為佢本身密度高，清洗嘅時候亦都冇咁快洗乾淨，以佢正價過百港幣嘅價錢，我就唔會特別推薦了。 · · ✨Juno Co Fusion Sponge✨ 之前nikkie同kathleen lights推所以燒著左而買嘅絨毛sponge，根據kathleen所講，velvet sponge會比我呢粒fusion sponge軟少少，我呢粒真係好好好硬！就算濕左水都係超級硬，好似打緊自己塊面咁😂😂 佢嘅質感好特別，因為有一層絨毛喺表面，所以佢摸落係好乾爽嘅，只能夠配合cream狀同偏水狀嘅粉底（我friend試過用佢想印開hourglass粉條，結果黐起晒啲粉😂）。佢嘅絨毛表面亦都令裡面嘅海棉冇辦法吸走太多嘅粉底，所以用佢上妝coverage會比用其他sponge高好多，亦都會更慳粉底。 · 如果你追求美妝蛋唔會減弱粉底嘅遮瑕力，呢粒都可以試下嘅，但我個人就麻麻地😕 因為我皮膚偏乾同偏好透薄嘅底妝，呢粒上妝嘅妝感會較厚，所以我應該都唔會買velvet嗰款嚟試喇。 · · ✨Rosy Rosa Jelly Touch Sponge✨ 之前睇過review話呢粒係bb dupe，佢濕水之後會發脹少少，表面嘅質感的確有啲動L咁，但我自己用完之後係完全唔鍾意🤦🏻‍♂️ 俾過好多次機會佢，每次用都用到我忟，淨係將啲粉底喺度推嚟推去、印嚟印去，但印極都係浮粉嘅，冇一次用係貼妝😂 所以都冇乜討論空間，佢同我真係唔夾🤦🏻‍♂️ （不過我都見過好多reviews係強推佢㗎，唔知點解淨係得我用到想死… · · ✨Ecotools Total Perfecting Blender✨ 登登登凳！壓軸出場嘅係ecotools嘅sponge，呢粒就係我宜家除左bb之外嘅最愛喇！佢嘅質感同上妝效果同bb有9成似，比以上所講嘅sponge優秀嘅地方係除左濕用，佢乾用都係好正嘅，乾上粉餅唔會浮粉反而好貼，呢點係我覺得佢真係可以做到bb dupe嘅主因（雖然我知道好少人會乾用美妝蛋😂）之前佢一路都係pack of 2咁賣，一粒大一粒細，我唔想要粒細所以冇買嚟試，但宜家佢有單粒裝賣，只係港幣40蚊，性價比高😉 · 佢都唔係冇缺點嘅，就係佢結構可能比較鬆散，所以會快洗爛啲。bb我可以用到1年先掉，但ecotools呢粒2-3個月就會洗爛要換。不過以佢價錢，都係非常抵玩嘅選擇～ · · Personal Blog: sandsharing.com (或直接按bio的link) · · #hkig #hkbeautysharing #hkbeautyblogger #hkbeauty #hkmakeup #populzzang #colourpopme