以前會喺讀者投稿前面加上自己嘅意見，今次等大家睇完先，後尾我再講。

＝＝＝＝＝

讀者投稿：Martin1981

我自己開舖頭，普通小生意老細，員工都係得幾個，不過平平穩穩總算做咗6年。

未開舖之前我都係打工，當時發覺求職網雖然有好多招聘廣告，但好多工都唔關我事，因為冇大學畢業，有啲工即使再感興趣，亦明知道可以勝任，偏偏就因為學歷而apply唔到。

細個咩唔識死，走咗去買偽造嗰啲畢業證書，唔係淘寶，我係去ebay買，仲畀我搵到一個seller好專業，鬼佬嚟嘅，成套咁賣一set兩份，一份係科目成績表，一份係畢業證書，真係有火漆印嗰種，我仲可以揀讀邊科、幾時畢業、邊間英國大學畢業，咁當然冇揀牛津劍橋啦，唔需要吹到咁大，只係要張入場券搵工啫。

呢套ebay買返嚟嘅假畢業證書點可能呃到人？你諗緊嘅嘢，同我當初嘅顧慮一樣，每當對方問我拎工作同埋學歷證明去影印，我個心都跳得好快，好驚畀人發現。

我用假學歷前後搵到兩份office工，返工之後就更加覺得諷刺，身邊雖然係大學生，不過做嘢唔覺特別叻，甚至英文都唔係特別好，我中五都流利過佢。有啲所謂大學畢業嘅同事連待人接物都好差，咁樣講唔係要貶低讀過大學嘅人，我都見過某啲大學生同事真係好掂，談吐舉止淡定，我只係想表達，一個人做嘢叻唔叻？有冇責任感？有幾多見識？係好人定係人渣？同學歷可以完全無關，起碼喺能力同埋工作表現方面，同我呢個中五畢業嘅人冇明顯差距。

直至我再用假學歷去轉另一份好鍾意嘅工。

之前兩間公司規模唔大，後來我搵到一份環境再好啲，人工再高啲，不過返咗一個星期左右，HR走嚟問我：「唔好意思，因為我哋send咗email去check，你間大學話冇呢個學生，你當時係咪用其他名？同埋成績表個student number都check唔到，或者你有冇當時啲學生證畀一畀我？純粹send返去校方嗰邊確認。」

HR好好人，我感覺到佢唔係從懷疑角度出發，係真心想幫我解決件事，呢啲亦係外國head office定落嘅規矩，不過我真係太驚喇，之前兩份工嘅reference check只係搵舊公司問嘢，從來冇check學歷。

其實我好鍾意呢份工......

隔咗一日，我同HR辭職，作咗個故仔話有更好offer，本身都考慮緊，既然最後要轉工，所以就唔特別再畀咩學生證佢喇，免得佢百忙一場。

我好記得HR、部門經理、自己team同事，仲有隔離team同事都不斷留我，話我做得好地地不如留低。雖然只係返咗幾日，但佢哋個個都好nice，日日同佢哋成班人食lunch，有一日仲撞正某同事生日，大家買埋蛋糕返office慶祝，我好唔捨得呢間公司，不過再留低就要延續check學歷呢件事，偽造虛假文書係犯法，真係唔走唔得。

除咗識於微時嘅朋友之外，工作後認識嘅所有人如果問起，我都會話自己喺英國讀完大學，如果對方唔問就當然唔會特別提，我都分唔清係想呃埋自己，抑或怕走漏風聲，只係撞正有啲都係從英國讀書返嚟嘅人，每當講起當地生活、趣事、宿舍......我都只能夠支吾以對，因為根本就未去過。

雖然check學歷單嘢最後隨住我resign而冇後續，但心理陰影好大，始終係犯法同埋虧心事，驚上得山多終遇虎，結果我用之前做嘢嘅積蓄開咗間舖，勉勉強強做得住，不過呢半年受疫情影響，生意無可避免差咗好多，再係咁落去，舖頭應該撐唔過2020年，我好唔想再出去再搵工，但如果真係要行呢一步，我會用返中五畢業嘅學歷，唔想再提心吊膽。

搵個樹窿呻完，多謝有你呢個地方，因為咁唔光彩嘅秘密，連我老婆都唔知，佢係我以前一份工嘅同事，佢都以為我係大學生，而其實學歷問題係我人生最大嘅遺憾。

＝＝＝＝＝＝

睇完之後，首先我想分享下以前做HR同埋Headhunt嘅經驗。

做HR嘅時候，我嗰間的確唔係咩大公司，大約120人左右，公司冇要求喺學歷方面要check，反而老細較著重candidate舊公司嘅reference check，而我都知道好多規模唔大嘅公司，雖然請人嗰陣都有學歷要求，但education background check嘅情況並唔多，亦相信有人曾經用過投稿讀者嘅方法搵工。

至於Headhunt公司方面，印象中只有做過幾次education background check，因為大公司通常由佢哋HR自己做返，甚至係再外判出去搵其他機構做。

無論你apply嘅公司check定係唔check，又或者用咩方式去check，偽造文書的確係好大件事，唔好以身試法，搵份工啫，得不償失惹埋官非就好唔抵，無謂心驚膽顫。

「Martin1981 」選擇分享呢件事出嚟，表明係自己嘅遺憾，聽得出佢後悔同埋耿耿於懷，但由於有顧忌而冇留低聯絡方法，我唔知道當中更多細節，喺度順便再講多少少。其實我遇過好多candidate，當中一部分都唔係大學畢業，亦有好多係因為唔同嘅原因，令到當時冇直接讀大學，要做咗好耐嘢先再讀返。

我唔否認好多公司嘅職位或者工作內容根本唔需要大學畢業，而學歷同工作能力亦未必成正比，呢樣我完全明白，不過唔止香港，好多地方都係一樣，畢業證書就係一張入場劵，如果「Martin1981 」已經穩定咗落嚟，不妨選擇再進修，去讀返個學位返嚟絕對唔遲，我了解你諗咩，之前已經有自己生意，又咁大個人喇，而家先走嚟讀書似乎太遲。

進修係為自己，永遠唔會遲，繼續諗落去而冇行動先叫做遲。我唔知你幾多歲，其實三十幾四十歲先再進修大有人在，始終嚟緊嘅路冇人知道會點，希望你好好裝備自己，唔好再用假學歷去搵工喇，有人嘅學歷同工作能力不成正比係佢哋嘅事，最重要係自己心安理得，祝一切安好。

網購需求激增 「亞馬遜」再徵千人職缺

💎亞馬遜（Amazon, AMZN）４月底前才補了１０萬個職缺及７.５萬名倉儲送貨員，這個月又在紐約新開設倉庫，再招千名員工。

💎美國在疫情肆虐下，失業人數新增高達３６００百萬人。多數企業採取開減少支出的方式來度過這次危機，例，Alphabet, eBay, Facebook, Netflix和Twitter皆婉拒履歷。
唯獨亞馬遜因網路購物及民生用品需求激增，不但沒裁員，反而大幅招聘新人。

💎紐約新設倉庫，開放千名全職職位。成為亞馬遜在全世界第二大廠，被譽為最先進的倉庫，員工將與機器人一同上工。
(這邊編先不說亞馬遜的血汗背後)

📢這讓小編想到近日台積電將赴美建廠的新聞，台灣的護國神山跑到亞利桑那州還能護國嗎？ 此決策提供美國人的不只是工作機會，台積電希望藉由對美投資，帶動美國對台灣整體科技產業的投資，以及技術交流，進一步協助產業升級。

💸一起為台灣經濟加油！

幾個月前，我跟大家說eBay在上海招聘數據分析師實習生，如今三位台灣粉絲順利在上海工作，恭喜他們，大家也別放棄夢想，繼續努力！（臉書也很有多職缺，有興趣可以爬之前的徵才文喔！）Few months ago when right before I left eBsy, I posted about the hiring of data analyst interns in Shanghai. Today, three of them are working in Shanghai. Keep going with your dream! Don't give up! Congratulations to Wei Tu!

＃夢想 ＃勇敢 #Brave #Dream