【家居】雷射照出所有塵埃 Dyson V12 Detect Slim 吸塵機 我細個嘅時候，我阿媽每日都會掃地同拖地，而黎到2021年，相信唔少人屋企都已經用吸塵取代，仲好可能唔係日日吸添。咁你又覺得個地下夠唔夠乾淨？定或係其實好污糟只係你見唔到？Dyson最新推出嘅Dyson V12 Detect Slim吸塵機就係潔癖者嘅福音、懶人嘅噩耗，因為佢可以「照」到你個地有幾多塵呀！ Detect Slim最大賣點，係在於佢有個「智能雷射輕量軟絨毛滾筒吸頭」，其特別之處在於內置一個細小嘅綠色雷射，能照亮吸頭前方大約兩尺左右嘅範圍，而且因為與地面形成1.5度夾角，如果地面有塵 、頭髮之類嘅塵垢，就會令綠光產生折射，變得非常顯眼，咁你可以睇清楚邊到有塵就隊埋去，吸完又可以欣賞一塵不染嘅美好。 喺發佈會之上，Dyson亦有安排實物示範，綠色雷射的確係能夠令塵埃無所遁形，地板深淺色亦唔太影響其功效。不過用於光滑表面 (即係木地板、瓷磚之類)嘅表現就最好，如果係地氈之類本身就已經有凹凸嘅表面就會睇得冇咁清——不過產品專家話呢個吸頭本身都唔預大家用黎吸地氈。 除咗個雷射之外，Detect Slim內部亦有個「壓電式聲學感應器」，實際上係咩原理大家應該唔想知，反正就係部吸塵機知道你吸緊幾多塵、啲塵又有幾大粒，然後自己決定吸力；吸塵機個頂仲有LCD顯示屏，會有個報告話你知吸咗幾多10微米、60微米、180微米或500微米嘅塵——越黎越覺得呢部嘢係為潔癖者而設。 除咗雷射吸頭，Detect Slim仲有個「全新防纏結螺旋吸頭」，簡單黎講就即係吸頭入面個滾筒係呈錐形，然後又有螺旋坑紋，咁當你吸啲又長又幼嘅例如係頭髮、寵物毛呀之類嘅嘢時，佢就會自己順住個滾筒又粗去幼再吸入個集塵筒到。 Detect Slim系列總共有三個組合，最平嘅Fluffy賣HK$5,180，已經有哂上述所有功能同埋低處清潔轉接頭、LED 隙縫吸頭等；加多四舊水去到HK$5,580就可買Total Clean，即係多個頑固污垢塵掃；再加四舊，HK$5,980就係可以換埋電嘅Absolute Extra啦。 資料來源：Dyson #家居 #電器 #吸塵 #Dyson

其實好鍾意做家務。總覺得家裡乾淨，心緒也會安寧 😌 全新Dyson Omni-glide多向吸塵機 360 度靈活轉動多向軟絨毛滾筒吸頭俾我吸塵都吸得特別輕鬆！因為呢個吸頭配置4個可360度水平滾動既滑輪，方便多向轉動，無論係前推、後拉，甚至橫向旋轉都游刃有餘，輕鬆繞過傢俬同障礙物👍🏻 Dyson Omni-glide除左有多向軟絨毛滾筒吸頭專吸硬地板之外，多樣化吸頭配件仲確保我可以照顧到唔同既家居清潔需要，徹底清潔屋企難以觸及既縫隙。微塵，致敏原都俾我一一吸乾淨！ @dyson #DysonHK #DysonOmniglide #HealthyHome #HomeCleaning

【家居】香港蝸居適用 Dyson推新款吸塵機 輕+識轉彎 要數吸塵機，Dyson相信都唔係唔少人嘅首選，而品牌最新就推出兩款新無線吸塵機，分別為採用輕量化設計嘅「Dyson Micro 1.5kg」以及個頭識轉彎嘅Dyson Omni-glide，話好適合香港人嘅蝸居喎。 先講「Dyson Micro 1.5kg」，顧名思義，佢就係一部僅重1.5kg嘅吸塵機，亦係品牌有史以來最輕嘅吸塵機，其輕量化係透過改良核心技術，即係Hyperdymium™摩打、鋰離子電池、渦旋式氣旋組等而成，品牌就話無犧牲到吸力及過濾能力。另外Micro 1.5kg配備新嘅「極輕量軟絨毛滾筒吸頭」，主要分別就係體積細咗好多，更容易隊入哟窿窿罅罅到做清潔。 而講到「窿窿罅罅」，就要提另一新款「Omni-glide」。「Omni-glide」嘅外表與品牌其他型號分別較大，另如個開關就唔再係板機式設計，而係處於手柄之上，令吸塵機整體更接近一碌棍嘅型態。而咁設計嘅原因，就係令Omni-Glide能夠水平貼於地面，更方便清潔梳化底、床下底之類嘅位置。另外個吸頭亦換成全新設計、可以360度轉、又可以360度滑嘅「多向軟絨毛滾筒吸頭」，同樣係迎合香港地啲又細又岩巉嘅單位設計。 Dyson Micro 1.5kg有尺寸為 222 x 207 x 1107mm (闊X深X高)、有銀灰色 (HK$3,380) 及金色 (HK$3,680) 可供選擇；Dyson Omni-glide尺寸則係208 x 92 x 1077mm，有紫色 (J SELECT獨家發售，HK$3,580) 及 金色 (HK$3,780)兩隻色。特別值得一提嘅係，兩個新款續航力都係20分鐘，比起品牌其他吸塵機要短。 資料來源：Dyson #Dyson #吸塵機 #家務 #清潔